آهات الحب

بارت 3

♡احلامي كتبت بين سطور فارغة ☆
♡تناترت حروفها على هامش الامنيات ☆
♡ووجدت عالما لامتناهيا لتعلوا في السماء☆
♡رأيتها تذبل واوراقها تحلق شظايا ☆
♡تم اختفت في الافق وصارت ضلاما☆
...........................
ناعسة على كرشي كيف كل نهار خاشية راسي تحت المخدة ودموعي نازلين كيف الجمرة على خدودي تايهة فعالمي الخاص عالم الحزن والبؤس والانطواء بالنفس
مرت 60 يوم على طلاقي وانا
حالتي تقطع فالقلب
وليت كيف الجتة وانا على قيد الحياة كلامي قلال الى ماقلت مشا ..
ماما:هناء ابنتي انوضي راه الشمس خرجات وقربات تغرب وانتي كيف ديما غير البكا الله يهديك ابنتي الدنيا راه تستمر نوضي وبداي من جديد
..خرجات من البيت وخلاتني كنفكر فكلامها لي بمكن أتر فيا .....او بالاحرى عطاني الشجاعة باش نعاود نعيش شهرين مرات وانا عيني منشوف من دموع وتصويرت سمير مافرقاتش ايديا .....
نعلت الشيطان وخرجت راسي من تحت المخدة نضت من على سرير تمشيت بخطوات بطيئة فاتجاه المرآت بعد ماجمعت كل شجاعة باش نشوف راسي بعد كل هاد المدة ...
يااااه كيف وليتي اهناء تبدلتي بزاف وليتي كيف الوردة الذابلة عيوني لي كانو كيبريو من الفرحة ولاو داخلين ودموع أترت عليعم الكحولية دايرة عليهم من كترة السهير والبكا اما وجهي لي كان ديما ضاحك والابتسامة لي كتزيدوا نور على نور الصفورية والهم غيروه وحطموه و حوايجي لي ولاو كبار عليا من قلة الماكلة ... تعجبت من تغيير لي وقع ليا كيف كنت وكيف وليت لا مجال للمقارنة
كتافيت من الملاحظات لي مازادوني الى عذاب فوق عذابي مشيت دوشت لعلى وعسا نبرد على راسي واخا النار لي شاعلة فقلبي لو يتجمعوا الجن والانس مايطفيوهاش نار قوية كتحرقني وكتدرني غير بالمهل لبست حوايجي وقررت نهرج من البؤس نزلت لتحت لقيتهم مجموعين على لكوتي شافوا فيا بنظارات تعجب جلست كليت معهم فصمت جمعت معهم المواعن وطلعت نعست ولكن بلى دموع
وليت هاد الايام كنخرج من بيتي كنجلس معهم كنعاونهوم فشغل
وواخا هضرتي قليلة وغير على قد سؤال ولكن كاين تطور بالنسبة ليا وبالنسبة لي دايرين بيا
اليوم جالسة فبيتي وهزا قصة كنقراه ..دخلات كوعر وقفات عليا
انا:ذخلي احبيبة جلسي معايا
كوتر:(قربات ليا هزات القصة من ايدي بجهد ولاحتها فالارض)ايوا الالة ماعندم لا خدمة لا ردمة تقابلي غير القصص
انا:راك عارفة احبيبة المشاكل فاش مريت ونفسيتي عيانة انتي لي خاصك تفهميني
كوتر:انتي منحوسة مصيبة على وجه الارض مطلقة ليا بعد 5 ايام من زواج وراجعة بلى حشمت بلى حيا بعدما خرجتي على سمير مسكين وشتتي ليهم الشمل وجاية دابا بغا تروينا حنا وتخرجي علينا .... ماخليتيني نعيش فداري بحريتي وبخاطري كتاكلي وكتشربي فابور وزايدها بنفخة
انا:لا ماشي هكاك انا باقي اختي عيانة ومريضة
كوتر:انتي ديما مريضة وعيانة وانا كيف الخدامة عندك وماماك غير كدور وتقولي ....سيري طلي على هناء سيري دي ليها ما تاكل هادشي بزاف عيقتي انا عيييت منك ومن شوفتك خليني نعيش فخاطري
انا:اهئ اهئ اهئ سمحوليا
.....خرجات وخلاتني غارقة فدموعي .....ياااااه الدنيا الغدارة كيف كتبدلي بنادم كوتر لي كنعتبرها كتر من اختي كنعتبرها صديقتي وحبيبتي وقفت معها فكل ضروفها مشكلتها وهمها عتابرتوا همي منين حتاجيتها توقف بجنبي تخلات عليا وزادت حطمتني وجرحتني اه جرحتني جرح كبير سمير وكوتر جرحتوني عذبتوني
......متسوقتش لكلامها غير على قبل لي فكرشها وعلى العشرة لي دوزنا ....نزلت لكوزينة كنطيب لغدا وكنغني ذخلات وقفات عليا ومربعة يدها
كوتر:متغني مع راسك جات معك
انا:الصمت
كوتر:منين نكون نهضر جاوبي...المهم صاوبيلي عصير وطلعيه لبيتي ....سكتت وما جوبتهاش وصاوبت ليها عصير وطلعتولها حطيتولها فوق الطبلة وهي كتغوط وكتخنزر
نزلت ودموعي فعيني بلى مندير ردة فعل كملت الغدا وحطيتوا كلينا وجمعت المواعن غسلتهم وطرفت الكوزينة وقاديت الدار حتى كنسمع
دقان فالباب والغواط ......مشاو كيجريو وانا واقفة بعيد حلوا الباب والمفاجئة كانت ......
.كانت حماتي زعما حماتي السابقة وقفات وهي كتصوت و عاقدة حجبانها
فاطمة: ادويو ا عائلة النصابة الشفارة هذا المضمون منكم خرجتوا ليا على ولدي وخديتوا رزقوا
مانا:الله يهديك اختي فاطمة ذخلي لداخل ونهضروا لاش شوهة
فاطمة:هاهاهايو ولاهيلا خايفين من الشوهة تقتلوا الميت وتمشيو جنازتوا ايوا الالة انا بغين كل الناس يعرفوكم اش كتسواو واش معدنكم واصلكم الشفارة وخصوصا ديك قليلة الحيا ديال بنتك دعيتها الله هرجات علينا الغدارة لاخرى
جا خويا شدني من ايدي ومزير عليا
خويا:هضري اش من مصيبة عاوتاني طيحتينا فيها
ماما:واش مغاديش تهناي حتى تسكتي ليا القلب اهاد البنت ولش باغا تقتلني بالفقايس كل نهار شوهة
انا:اهئ اهئ اهئ انا ماعرفاش علاش كتدوي خالتي
فاطمة:الله ينجيني منك نكون خالتك الشفارة صافي داكشي لي كنتي بغاه درتيه ياك الطماعة الكلبة ديال زناقي ولا يمكن عائلتك كلها نصابين ....كتزوجوا بناتكم وتنصبوا على رجالة
خويا مشا بغا يضارب معاها وحبساتوا ماما
خويا: شوفي الالة غادي تعطينا بتساع ولا والله حتى ندمك
ماما:عفاك الالة ذخلي نتفاهموا ....اش واقع علاش جاية وكتغوطي وتخاصمي
فاطمة:هاهاها زعما راكم مافعمين والو ...ايوا الالة راه ولدي الصكع الهبيل تبعاتوا ابنتك حتى كتب داروا ليها بسميتها
انا:كيفااااش
فاطمة:راك خطيرة مع راسك اقليلة ترابي داكشي لي بغيتي خديتيه فرقتيني على ولدي ومن الفوق واخدة ليه رزقوا دعيتك الله ياااربي تاخد فيها الحق كيفما هرجات على ولدي وفرقات لينا الشمل
انا:اهئ اهئ اهئ
دارت مانا كتشوف فيا بحزن وخويا ومراتوا كيخنزروا فيا
مشيت كنجري لبيتي كنبكي ...اهئ اهئ علاش كتب ليا دارو بسميتي ياك هو ما كيبغينيش وعذبني وحرق بيا قلبي لاش يجي زعما ويكتبها ليه يصحابلوا انا طناعة ولكن لا والله لا كانت ليه انا غادي نرجع ليه داروا مابغيت منو والو كنت محتاجة حبو ليا وحنانوا ماشي داروا اهئ اهئ انا مانقسنيش صداع راس ديال مو لي هانتني قدام جيران وقالت عليا لي يسوى ولي مايسواش اهئ اهئ اه صافي غادي نرجعلوا الخربة ديالوا ...نعست النهار كامل وانا كنتنخسس
...اليوم كيف فقت بدلت حوايجي ونزلت وجدت الفطور ولنا مقررة بلي غادي نرجع ليه داروا بلى اي تفكير مابغيت حتى حاجة تفكرني فيه جلسنا كنفطروا جميع وكولشي كيشوف فيا بطريقة كتخليني نكره راسي بحال الى كيأكدوا الهضرة لي قالت حماتي السابقة استنشقت الصعداء وهضرت
انا:بابا بغيت نقوليك شي حاجة كنتمنى تفهمني
بابا:(بعصبية )الله يسمعنا خبار الخير
انا:بغيت نرجع لسمير دارو انا مابغيا حتى حاجة منو ابابا ومو غادي تبقى ديما مصدعانا اللهم نرجعهالوا عفاك ابابا بغيت نرتاح مابقيتش بغا المشاكل والصداع اهئ اهئ اهئ بابا:اها اش مطلوب مني
انل:بغيتك تخليني نهرج مع اهتي سناء نمشي نؤجع ليه داروا عفاك ابابا
بابا:بغا تخرجي ديعي ياك ما كفاكش ابشوهة لي درتي لينا لا ما عندكش فين تخرجي
انا:عفاك ابابا انا مابغيش داروا ولا حتى حاجة تفكرني فيه اهئ اهئ اهئ
بابا:ولكن بشرط خلي خوك يتكلف بالاوراق وانتي ممنوع تخرجي
انا:واخا ابابا لي عجبك
خويا:بكل سرور ابابا انا من غدا نتكلف بداكشي
طلعت عيني كنلقى خويا وكوتر كيتغامزوا بينتهم وكيضحكوا مافهمتش علاش ومتسوقتش ليهم حيت اصلا لي فيا يكفيني....فطرنا وجمعت المواعن بغيت ندير الغدا ولكن كوتر ماخلاتنيش قالتلي سيري رتاحي شوية مافهمتش تصروفاتها ؟؟؟ولات مزيانة دغيا علاش ؟؟؟ الله اعلم ...طلعت لبيتي وانا فرحانة حيت على الاقل قدرت ندير شي حاحة بغيتها مرتاحة حيت غادي نرجع ليه داروا ونرتاح من العبئ ديالها .... بقيت فبيتي كنقرا قصة حتى الليل جا وقف عليا خويا وهاز فإيديه وراق 📋 حطهم فوق طبلة
خويا:وقعي فهاد الاوراق
هزيتهم نقراهم وحيدهم من إيدي
خويا:(بعصبي)هاي هاي على لالة هناء وعاريتي وليتي بغا تقراي الاوراق ولكن والله ماوقعتي دغيا حتى نوريك شغلك يلاه وقعي وبلى دوك تحريميات
حدرت راسي ووقعتهم واخا قلبي تقبض عليا ولكن اللهم ندير لي بغا ولا ناكل العصا
مديتهمليه ورسمت ابتسامة غريبة شاف فوجهي وضحك وخرج من البيت وهو كيدير شي شوفات ماقدرتش نفسرهم ......
فقت اليوم وانا فرحانة شوية حيت واخيرا رجعت ليه داروا وتهنيت اوووووف الحمد الله على كولشي ......بعد مادرت شغال الدار بمساعدة كوتر لي ولات كتشوفني وتضحك جلست فصالون شعلت تلفازة وكنتفرج خيت توحشتها شحال هادي متفرجت .....
ولا حاديتها وانا كنتفرج كتسمع دقان بغيت نحل وشفت كوتر جات تجري وتقول ماجريت مافكرتش فلي كرشها الله يستر حلات لخويا وعنقاتوا وهو بدورا عنقها وباسها فحنكها
كوتر:حبيبي فرحني عفاك
خويا:صبرك قليل ولكن فرحي كولشي كيف بغينا
...كيفاش كولشي كيف بغينا مافهمتش علاش كيهضروا ولكن انا اش بغيتهم
جبد ليها كادوا طارت عليه حلاتوا وهي كتنقز وفرحانة جايب ليها كولي تقيل ديال الذهب خلخال+حلقات+سلسلة + خاتم+وبراسلي
شافتهم وتلاحيت عليه كتبوس فيه نساوني انا مشيت لعندهم وانا كنضحك كيف الحمقى
انا:خويا خبار الخير
كوتر:صافي انتي لي بقيتي لينا دخلي سوق راسك وعطينا بتساع
خويا:حبيبتي طلعي وماتعصبيش راسك معها ...وانتي دخلي سوق راسك فهمتي
انا:(حذرت راسي)سمحليا
ورجعت كنتفرج ودموعي شلال حيت انا غير كنهضر معهم وهما كيغوطوا عليا وكيجرحوني بلى سبة طنشت الوضع حيت هكا حال المطلقة منين ترجع لدارهم ولابد تسمع كلام يجرحها نصيبي ومكتابي كيتصرف وانا ما عليا الا بصبر ...
اليوم فقت بكري وجدت الفطور وجمعت حوايجي حيت غادي نمشب لحمام انا وكوتر زعما غادا على اساس كسالة حيت ممنوع عليا نخرج وحتى من لحوايج مانا لي كتشري ليا براسها ولحمام خاصني ضروري نمشي مع شي واحد ....وجدت صطولا ونزلت لحوايج لبست حوايجي ومشيت عند كوتر لبيتها لقيتها جلسة وكتاكل
انا:كوتر يلاه نمشيو الحمام طعتلنا وغاظي نلقاوه عامر
كوتر:اووو ف صبحت عليك ايوا هزي حوايجي ونولي هاني تابعاك ....داكشي لي درت هزيت حوايجها فصمت ونزلتهم مشيت خرحت ليمون من تلاجة حيت كوتر عزيز عليها اليمون تاكلوا الى خرجات من الحمام يمكن مع اللوحم .....نزلات وهي كتنفخ وتعوج
كوتر:ناري نسيت لاتروس ديال الحمام ديالي فالبيت طلعي جيبيها ليا من بيتي يلاه
انا:واخا دغيا نجيبوا مانتعطلش
طلعت لبيتي وياريت مطلعت وصلت بانتلي لاتروس هزيتها وبانو ليا شي وراق اه نفس الاوراق لي وقعت عليهم ماهتميتش فالاول ولكن شي حاجة قالتلي شوفيهم هزيتهم وقلبتهم ......وللاسف تفاجئت مفاجئة خايبة متوقعتش خويا من دمي ولحمي يعمل فيا هكا ويغدرني اهئ اهئ علاش ياربي كنتصدم فاقرب الناس ليا .....لقيت خويا كاتب دار لي عطاني سمير بسميتوا وبسميت كوتر الله فهمت تصرفاتهم وهضرتهم طريقة ضحكتهم فهمت كولشي انا نية حمقى كنصدق كل ناس فالاخير كنتصدم منهم طحت فالارض كنبكي متوقعتش يوقعلي هادشي حيت كنت بغا نرتاح ونرجع ليه داروا اهئ اهئ غدروني وجرحوني ......نضت وانا معصبة وكنبكي نزلت مع دروج و كنسمع ضحك ديال خويا مشيت ليه نيشان هزيت ايديا لفوق وصرفقتوا وانا كنبكي
انا:اهئ اهئ ياك خويا خادشي لي نستاهل غدرتيني
ماحسيت بيه حتى تلاح عليا كيصرفقني جرني من شعري ومطلعني مع دروج وانا كنطلب من ماما وبابا يفكوني منو وكوتر كاضحك دخلني لبيتي سد الباب وهز رجليه كيعطيهالي لكرشي وكيضربني بلى عقل لاحني للارض وكيشتف عليا برجليه وانا كنطلبوا يطلقني وكنبكي وباش كملها هزني من راسي وكيخبطوا مع الماريوا حتى فقدت الوعي
...حليت عيني فغرفة دورت عينيا وعرفت راسي فمستشفى ذخلات ماما وبابا شفتهم ونزلوا دموع لا اراديا ودورت وجهي
ماما:على سلامتك ابنتي
بابا:الحمد الله كنا مخلوعين عليك
انا:مدورة وجهي ومهضرتش معهم حيت انا كنت كنترجاهم يفكوني من خويا وهما بقاو غير كيشوفوا بلى مايديروا ردة فعل
حل خويا الباب عرفتوا من ريحتوا لي وبات كتخنقني تلفت فيه شافيا وخرج ...جا مسكين يشوف واش مت ولا لا ولكن للاسف لقاني باقي عايشة ...جلست فالمستشفى يومين وداوني لدار طلعوني لبيتي وحتى حد ماكيوصلنيش قليل غير فاش كيبغيو يعطيوني الماكلة والى جاو كيديروا فيا شوفات ناقصة شافقين عليا انا تقهرت وعييت من هاد الوضع مابغيتش الشفقة ديالهم ....نضت من بلاستي واخا باقي عيانة ولكن كتافيت من نفسي ومن حالتي من فشلي وعدم قدرتي على اي حاجة بغيت نرجع كيف كنت نرجع هناء القديمة الطموحة البشوشة لي ديما ضاربة الدنيا بركلة .....نزلت لعندهم لقيتهم كاملين مجموعين لقيت السلام وجلست
انا:بابا عندي واحد الطلب كنتمنى تستوعبني انا عييت ابابا وبغيت نرجع هناء القديمة مابقيتش بغا نبقى اسيرة دموعي والبكا
بابا:جيني من الاخر
انا:بغيت نرجع لخدمتي ابابا
هويا:قولي بغا ترجعي لقلة الحيا ياك بغا ديري سبة بالخدمة و تشوهينا وتلعبي بديل ديالك ولكن والله لا كانت ليك دار وصافي
انا:بابا عفاك والله ماندير شي حاجة لي تلطخ شرفكم انا بغيت غير نرجع تقتي براسي
بابا:سمعي كلام خوك الخدمة ممنوع
انا:باباا عفاك اهئ اهئ
مامل:طلعي لبيتك والخدمة غير نسايها كلمة خوك هي لي غادي تطبق قاليك لا هي لا
طلعت لبيتي وانا منهارة اش ذنبي انا واش بغيت نطلق ونرجع اكبد لا ولكن علاش يعقبوني هكا انا عييت من دار ومن كلام كوتر لي كيجرح فالقلب من شوفاتهم من كولشي اووووف انا عييت ياااااربي تلقالي لحل عيييت بزاف بزاف .....مسحت دموعي دخلت دوشت وتوضيت صليت صلاتي وهزيت القرءان رتلت بضع اجزاء حتى حسيت براحة وطمأنينة * أﻵبذكر الله تطمئن القلوب* اقامت بضع ركعات فنصف الليل شكيت لربي وطلبتوا يلقى ليا حل ويبعتلي نور يضويلي حياتي صليت صلاة الاسخارة ونعست ضرباتني الفيقة مع الفجر توضيت صليت حسيت بقوة كبيرة وشجاعة وليت كنتصرف بغير وعي وكأن شي واحد ماسك ايدي وكيوجهني جنعت حوايجي وانا ماعرفاش علاش واش سبب كل لي عرفت انني كنجمعهم لبست حوايجي وهزيت كل ذهبي وفلوسي لي جمعت طول هاد السنوات لي خدمت فحياتي ... و بست اختي لي كانت ناعسة ....ونزلت مع دروج وانا ماعرفاش لفين نمشي ......مشيت لبيت ماما حطيت ليها ورقة فوق الطبلة فبيتها لي كانت مضمونها
ماما بابا سمحوليا انا عارفة هادشي لي درت ماخاصوش يدار ولكن صدقوني انا عييت بزاف انا تعذبت وتقهرت.... ماما بابا انا كنبغيكم بزاف ولكن انتما تخليتوا عليا فاكتر وقت حتاجيتكم فيه ولكن المسامح كريم سمحتليكم انتما وه
خويا وكوتر واخا كل ماعملوا فيا انا مسامحة ليهم فدار وفكولشي ......كنتمتى تسامحوني ومتحقدوش عليا متحاولوش تقلبوا عليا حيت مغاديش تلقاوني
بنتكم هناء
حطيتها وانا دموعي سايلين على خدودي وخرجت من دار وقفت حدت الباب وانا ماعرفة فين نمشي اش ندير جلست فبلاستي كنفكر فالمستقبل ديالي كنفكر فالوجهة لي غادي نتجه ليها طاحت فبالي حورية صاحبتي ولكن تراجعت ....تشجعت وتاصلت بيها واخا الوقت ماشي هو هذاك ولكن هي لي بقيت كنتيق فيها
بقا تيليفون كيصوني مدة وفالاخير هزاتوا
حورية:سلام عليكم
انا:وعليكم السلام
حورية:هناء اش واقع حتى كتضلي فهاد الوقت
انا:اهئ اهي اهئ ختي حورية انا خرجت من دارنا وماعرفتش فين نمشي
حورسة:علالالاش ياك لاباس
انا:عاودت ليها كولشي من طاق طاق لسلام عليكم
حورية:هشي كولشي وقع ليك وانا مافخباري والو
انا:اهئ اهئ تعذبت اختي مابقيتش قادرة نصبر وخرجت من دار مابقيتش بغيت نرجع ليها
خورية:حبيبتي اجي لعندي غير انا وماما لي عايشين بوحدنا
....بعدما قنعاتني حورية شديت طاكسي صغير ومشيت لعندها رحبوا بيا مساكن وفرحوا بيا استقبلوني احسن استقبال و حاولوا يخففوا عليا على قدر الإمكان
...جلست معهم يومين على واليوم خرجت نقلب على خدمة والحمد الله فاول شركة دفعت فيها سيفي ديالي خدموني .....تشاركت فمصروف دار وخدمت حسيت براحة كبيرة معهم خالتي بديعة (ام حورية) عتابراتني فمكانة بنتها وحورية عتابرتني اختها ونعم ناس عمرهم نقصوا مني ولا حسسوني انني غريبة عليهم لقيت فيهم الخير لي مالقيت فعائلتي ...
......مرت 20 وانا عايشة معهم دارنا عمرني سولت عليهم ولا تواصلت معهم ولكن حورية على ماسمعات كيقولوا لناس راه انا مشيت عند خالتي لمراكش نعيش معها باش يسكتوا الناس وهضرتهم ........جلسنا كنتعشاو وحنا كنضحكوا وكنهضروا ......
انا:ختي خورية خالتي بديعة انا كنشكركم بزاف على كولشي درتوه على قبلي على وقفتكم معايا وعلل مساعدتكم ليا على كلامكم لي كان كيف البلسم داوا جروحي
حورية:الله ياودي راك اختي لي ماولداتش لي ماما
بديعة:ماتقوليش هكا ابنتي راك فمعزة حورية وانتي تعذبتي بزاف وماعندك حتى ذنب فلي وقع ليك وانا فرحانة حيت عندي جوج بنات
انا:ربي يخليكم ولكن سمحوليا بغيت نستقر بوحدي ونكمل حياتي
حورية:لا حنا عائلة ماعندك فين تمشي
انا:حورية محتاجة نوقف على رجلي ونرجع تقة فراسي انا عارفة كتحسبوني وحدة منكم وانا ممتنة ليكم ومهما درت مغاديش نجازيكم على وقفتكم معايا كنتمنى تفهموني
بديعة:اش غادي نقوليك ابنتي لي تعرفي ولكن ماكرهتش تبقاي معانا
حورية:غادي نوافق ولكن بشرط تخليني انا نتكلف ليك بكولشي ونصيحة من عندي تمشي تستقري فأكادير وحتى من الخدمة ودار كولشي غادي نتكلف بيهم
انا:أكادير احسن حاجة محتاجة نبعد على هاد المدينة لي ماشفت فيها الا العذاب والقهرة ...ولكن كيفاش الخدمة والدار
حورية:الشركة لي ديجا دوزت فيها الستاج فأكادير طالبين متخصصات ومايلقاو ماحسن منك اختي ... انا عندي معارف بزاف ودار غادي نلقاها ليك فاحسن حي و احسن بناية غير عطيني اسبوع نقاد ليك امورك واخا
انا:(نضت عنقتها)ماعرفت اش نقوليك اختي اهئ اهئ اهئ لقيت فيك الخير لي مالقيتوش فعائلتي مشيت عند خالتي بديعة بست على راسها وشكرتها
........انا قدمت استقالتي فشركة وحورية تكلفات بدار والشركة تواصلت معهم فسكايب ووافقوا عليا الحمد الله ....
.....اليوم غادي نودع مدينتي ونمشي لأكادير فرحانة وخايفة من المستقبل المجهول .......جمعت حوايجي وحورية قطعات لي فالكار حتى من العشا طيباتوا ليا خالتي بديعة ....سبحان الله عوضولي حنان العائلة كنتمنى يجي نهار ونرد كل هاد الخير واخا لي ندير مغادي نجازيهم ......وصلات 20:30 🕣 توادعت معهم وشكرتهم ومشيت لمحطة تسنيت 10 دقايق وركبت وديمارا الكار وديمارات حياتي جديدة هههه دازت ساعات وانا راكبة فاتجاه أكادير المدينة جديدة لي ربي وحدوا لي عارف اش كيتسناني فيها وانا كنبعد والماضي حتى هو كيبعد والمستقبل كيقرب كلما كنزيد نقرب قلبي كيزيدو دقاتوا حاطة راسي على الشرجم وكنشوف مراة ورجلها من شوفة باينة فيهم عرسان جداد كيضحكوا وكيهضر ا كيتغزل بمراتوا وكيبوسها نزلوا دموعي بلى سابق انذار تفكرت سمير لي واخا كنحاول ننساه ولكن ديما قدام عيني ريحتوا بقا فنيفي ضحكتوا وابتسامتوا عصبيتوا وعنفوا باقي كيدوزوا قدام عينيا كنحس بلي انا عايشة ولكن بلى روح اوووووووف اصعب حاجة يتخلى عليك الانسان لي كتبغيه كتولي شبه مومياء اسيرة لدموع والكأبة ........
...بعد ساعات طوال وضلت لاكادير مدينتي جديدة حطيت رجلي فالارض وتنهدت شكرت ربي وطلبت منو نشوف ايام زوينة وكلها فرح وسرور
كانت ساعة 3:20 ديال الصباح الطاكسيات غابرين بقيت نتسنى فيهم حتى ل 4:40 والوا حسهم غابر تلفت وماعرفت كيف نتصرف اصلا ماعرفة حتى بلاسة فهاد المدينة .....تاصلت بالمنقدة ديالي حورية
انا:سلام حبيبة
حورية:وعليكم السلام امنضرا وصلتي
انا:اه وصلت اختي مع 3:20 ولدابا مالقيت حتى طاكسي ماعرفتش كيف نتصرف قلت نتاصل بيك انتي
حورية:اواااه راه طاكسيات ماكيكونوش فهاد الوقت للاسف وتماك خطير مفكرناش فهادشي ولكن غادي نتاصل ليك بواحد الصديق ديالي يجي يديك
انا:اويلي لا منقدرش صافي غادي نبقى هنا حتى يطلع صباح
حورية:واقيلة حماقيتي تماك خطر وعطا الله شمكارا وسكايريا والشفارة اختي كوني تسمعي هاد الشاب راه بحال خويا كان ديما كيوصلني وكيقدي ليا لغرض
انا:ماعندي حتى حل اخر غير تاصلي بيه واخا اجي ولكن ماحشوماش نتاصلوا بيه فهاد الوقت
حورية:هههه لا عادي ديما مسكين انا مسخسخاه واصلا هو داروا قريبة للمحطة اختي غير كوني هانية
انا:ربي يخليك احورية بلى بيك ماعرفتش اش كنت غادي ندير
حورية:هذا واجب راه حنا خوت ولا لا
انا:لهلا يخطيك اختي
..........جلست حدا واحد المراة حتى صونات عليا حورية
حورية:اخاي راه قلتها ليه وهو من دابا نصف ساعة يجي ياخدك من محطة صافي
انا:صافي شكرا اختي الزوينة
حورية:هههههه تلاحي دابا
انا:الله يعاونك
خورية:امين
........شوية وصلاتني رسالة من حورية
(سلام حبيبة هانتي هاهي نمرة ديال الشاب ********** وعلى فكرة راه سميتوا عزيز اوكي تلاحي باش ترتاحي )
قريتها وكنضحك هزيت الحلوى وجلست ناكل فيها حتى صونات نمرة ديال الشاب زعما عزيز ...جاوبتوا
عزيز:السلام عليكم ختي صباح الخير (وكيتفوه مسكين بقا فيا معذبينوا على صباح)
انا:وعليكم السلام سمحليا عفاك عذبتك معايا ولكن غير طاكسيات غبروا
عزيز:لا عادي راه حورية عزيزة عليا وانتي ختها كيفاش نخليك فهاد المحطة بوحدك
انا:شكرا بزاف .......
..عزيز:فينك دابا هاني حدا الباب الخارجي ديال المحطة
انا:هاني غادي نجي لعندك دابا مسافة طريق... وباش غادي نعرفك
عزيز:انا شاب زوين وبوgوس ههههههه ...انا لابس سروال فالماروا وتريكوا فالبيض وكويرة فالماروا وطموبيلتي بيضاء ...وانتي
انا:لابسة سروال فالكحل ومونطو فالباج وفولار كحل
عزيز:واخا راني كنتسناك
.......مشيت خرجت حدا الباب كنقلب بعويناتي حتى وقف عليا شاب فتلاتينات من عمروا شعروا ذهبي ولحيتوا ذهبية ومتراصية وعينيه ذهبيين بيض طويل وقلدة عرفتوا هو من الحوايج لي لابس ومن وقفتوا باينة فيه راجل معقول ....قرب ليا
عزيز:هناء ياك
انا:اه هناء انت عزيز
عزيز:وي عزيز تاصلات بيا حورية على قبلك
انا:شكرا ليك بزاف بزاف
عزيز:ماشي مشكل يلاه نمشيو دابا
ركبت فاللور حيت الصراحة ماجاتش نركب القدام حشومة بزاف
راكبين والصمت كيعم المكان وصلني قدام بناية كبيرة فحي جميل
نزلنا بجوج
انا:شكرا اخويا بزاف
عزيز:الله اودي هانية....نمرتي راه عندك فأي وقت حتاجيتيني انا موجود عتابريني بحال خوك
انا:واخا ان شاء الله وحتى انت
عزيز:قالتلي حورية غادي تخدمي فنفس الشركة فاش كانت كتدير ستاج
انا:اه بصاح تماك فين غادي نخدم ان شاء الله
عزيز:عارفة فين كاينة الشركة بعد و لا لا
انا:لا ولكن قالتلي حورية مابعيداش بزاف من هنا
عزيز:كوني هانية انا بعد غدا غادي نجي نوصلك ليها
انا:لا ما كاين لاش انا غادي نلقاها لراسي بلى مانعذبك شكرا جزيلا
عزيز:ماكاين لاش ترفضي راه الدنيا هانية مافيها والو
انا:لا منقدرش سمحلي وماديرهاش مني قلة الصواب
عزيز:صافي مغاديش نجبرك من دابا لداك الوقت يكون خير
.....اسالمنا ومشا وانا طلعت لداري طابق 2 رقم دار 4 حليت الباب سميت الله وقريت المعوذتين آية الكرسي وشعلت الضوء...تفاجئت دار زوينة بزاف وغير من صالون باينة دايزها لكلام مسكينة حورية هتمت بكولشي واخا بعيدة ولكن كلفات الناس لي يقادوا ليا اموري .......ذخلت وانا كنقرا القراءن ونشكر الله سبحانه وتعالى ....الصالون كان بفراش بلدي ماعندي ما نقول كولشي معتبر وكيحمق واخا ماكبيراش بزاف ¤صالون+بيت نعاس بحمام+بيت الجلوس+حمام كبير +طواليت+كوزينة ببالكو ¤
ولكن مريحة وانيقة وعصرية اصلا غير انا بوحدي كافياني شكرا ياربي بفضلك وبمساعدتك ومساعدة حورية احلامي كتحقق شوية بشوية
...... ذخلت لبيت نعاس وحطيت فاليزتي وطحت فوق نموسيتي ...وااااو واخيرا عندي داري بوحدي كيف ماتمنيتها كولشي فيها عجبني وخصوصا بيت نعاس مجهزة بأحسن مايكون ..........انا يمكن تكتاب لي فهاد المدينة الجميلة الرائعة ايام جميلة وسعيدة ومستقبل زوين بعد كل العذاب لي شفتوا وصبر لي صبرت ......نزلوا جوج دمعات من عيني منين تفكرت عائلتي واخا كل لي عملوه فيا مسامحاهم ومن قلبي ...وسمير واش باقي غادي نشوفوا ولا صافي مشا وعمروا باقي يرجع الله وحدوا لي عالم بهادشي ....
....احلامي اليوم اول خطوة باش نعمل كل ماتمنيت وترجيت نبدا من صفر 0 ونوصل لي تمنيت ان شاء الله في ظل طاعة الرحمن والعبادة بعيد على كل طريق غادي تبعدني على طريق المستقيم .....
دربتها بنعسة بلا ماندوش بلا والو حتى ل 13:00 ديال النهار ....... اول مرة بعد لي وقع ليا كنعس وانا مخيفاش وحاسة بطمانينة والراحة ............ فقت على صوت تيليفون هزيتوا كنلقى حورية
حورية:السلام عليكم
انا:وعليكم السلام
حورية:كيف عاملة اختي امورك مزيانة جا عزيز وصلك لدار ودار عجباتك زوينة ياك كيجاك الصالون وبيتك عجباتك مريحة واش كاين الهدوء واش...
انا:بسم الله عليك اختي و بشوية عليك اه راه جا عزيز و صلني و دار عجباتني كتحمق غزالة بزاف رائعة ...لهلا يخطيك اختي ربي يجازيك
ويحقق ليك ماتمنيتي فرحتيني