Ang Kursong hindi ko Inakala (Bromance/BoyxBoy) Completed

Ang Kursong hindi ko Inakala [14]

"Mahirap umiyak dahil sa sakit na nararamdaman, pero mas mahirap tumawa para lang ipakita na, hindi ka NASASAKTAN." -Jpaper 

Chapter 14 

"Ito ba ang nakalimutan mo? Sabay abot sa akin ng aking bago kong notebook. 

"Salamat! Sige mauna na ako jasper." 

Alam kong masakit na iniiwasan ko na si Jasper pero kailangan kong gawin iyon dahil alam kong wala 

namang parte sa puso niya para sa akin at isa pa ay opisyal na kaming magkarelasyon ni JL, binigyan niya ako ng singsing at sinabing mahal na mahal niya ako. 

"P-paul!" ang pagtawag sa akin ni jasper. 

"Oh bakit? Kung tungol yan sa project natin sige ok lang na pagusapan pero kung tungkol yan sa ibang bagay, siguro sa ibang araw na rin natin pag usapan." 

"E-Ehhh importante lang to, hayaan mo akong makapagpaliwanag! Please kahit ilang minuto lang." 

"O-ok sige bibigyan kita ng isang minuto tapos aalis na ako may importante talaga akong pupuntahan." 

"Ok sige ganito yun alam mo kung bakit ako nagalit noong may nangyari sa atin kasi." hindi natapos ni jasper ang pagsasalita. 

"Eh kasi?" ang mataray kong pagdudugtong sa sinabi ni Jasper. 

"Eh kasi ayokong matulad ako sa aking papa." at biglang tumulo ang luha ni jasper. 

Hindi ko alam ang aking gagawin, parang gusto ko siyang yakapin ngunit may humahadlang na gawin ko iyon. At sa sobrang pagkaawa ko at siguro nadala na din ako sa emosyon ni Jasper ay hindi ko na napigilan ang aking sarili na yakapin si jasper at kausapin ito. 

"J-jas... Bakit ano ba ang nangyari sa papa mo?" 

"B-Bakla... ang papa ko." 

Nagulat ako sa sinabi ni jasper hindi ako makapaniwala na ang papa ni jasper ay isang bakla ngayon naiintindihan ko na siya kung bakit ganoon nalang ang kanyang pagkagalit sa akin noong nagawa ko ang mga ganoong bagay. 

"Pero paul alam mo simula ng nabasa ko ang liham mo..." tuloy tuloy pa din ang kanyang pag iyak. 

"Sige ayos lang yan Jas..."