خلصت الامتحانات وقربت النتائج وطول فترة الامتحانات علي معاف لمى ووياهة دائما وجانت اذا اكو شي مفاهمتة هو يدرسهة
في يوم جانت لمى دتسمع اغنية وتبقى لي حسين الجسمي جانت دائما تسمعهة وتتذكر علي ( علي جان يحب هاي الاغنية ) جانت دتحجي وي زينب وتسمعهة وگفت الاغنية استغربت لمى اتصل عليهة علي ( سبب توقف الاغنية جان اتصال علي )
#المكالمة
لمى : الوو هلاو علي شلونك ( هلا يروحي مشتاقة الشوفتك )
علي : لج لمى حبيبي طلعت النتائج ع النت
لمى : عاااا علاوي شدتكول شوكت ووين وع يا موقع ليش مگلتلي
علي : هاي شبيج ع كيفج احجي كلمة كلمة ووطي صوتج هسة دريت وحطلعهن هم ومن عرفت گلتلج
لمى : اوك بس تطلعهن كولي واذا ناجحين عندي شغلة تفرحك بس بسرعة وحكول الزنوبة وانت هم كول الحسام
علي : اوك يلا دقايق واتصل عليج انتظريني احبج باي
لمى : اوك باي ( اعشقك يگلبي )
علي استغرب من لمى لان مرزلتة لان كال الهة احبج
عند علي
علي اتصل ع حسام وگالة ع النتائج علي ديشوف النتائج
علي : لمى لمى لمى اي هاي .......... هاي شنو لا ي الله ممعقولة ميصير ترسب لمى
علي ضاج ومتصل ع لمى عافهة لان ميريدهة تضوج طبعا علي وزينب وحسام ناجحين ولمى الوحيدة الي جانت بدرسين
عند لمى
لمى دتحجي وي زينب ع الفيس
لمى : اكولج زنوبة هذا اتأخر شبي لحد الان ممتصل هو گالي دقايق واتصل
زينب : حبي لتخافين انتي احسن وحدة بالامتحانات واني هسة حتصل ع اللوڤ (حسام) واشوف اخر الاخبار
لمى : اوك منتظرتج
عند زينب
#المكالمة
زينب : الوووو ها حبيبي شصار
حسام : قبل شوي اتصل علية علي وگال .......
قاطعتة زينب : دقيقة ديندگ الباب
زينب : فوتي مامة
الام : وي منو دتحجين
زينب : مامة هذا حسام الي ويانة يگول طلعت النتائج وهسة دااشوف شطالعين
الام : اوك يلا هسة سألي
زينب : اي حسام احجي علي شگال
حسام : اني وعلي ناجحين
زينب : يااااااا الف مبروك ان شاء الله تتخرج من الكلية مامة حسام ناجح
الام : اي بيهة الخير وانتي ولمى شطلعتوا
زينب : اي هسة اسألة 😒
زينب : حسام اني ولولو شطالعين احجي
حسام : حبي انتي ناجحة بس ........
قاطعتة زينب : عاااا ناجحة ناجحة مامة ناجحة 💃💃💃💃
الام : اي حبيبتي الف مبروك ان شاء الله اشوفج دكتورة
زينب بضحكة : هههه اي ان شاء الله دكتورة ( شلون نكتة بايخة 😒)
زينب : حسام ولمى
حسام : ماادري ميقبل يكول گالي هو يكول الهة
زينب :هاااا هو منو الي هيج كال
حسام : شبيج انثولتي علي ما غيرة وثاني شي اليوم اريد اطلع وياج نحتفل بنجاحنة
زينب : اوك اشوف مامة اول وهسة حروح احجي وي لمى خطية ضل بالهة
حسام : اوك احبج
عند لمى : اف بعد مااتحمل حتصل ع علي
#المكالمة
لمى : علي شصار وياك احجي ترة ضل بالي
علي بضوجة يحجي : لمى انتي شسمج الكامل
لمى : علي دتخوفني اسمي لمى *********
علي : اها اوك هسة حشوفة مرة ثانية
لمى : ليش شطلع وياك بالبداية
علي : راسبة بأثنين بس انتظري ادقق مرة ثانية
لمى بخنگة : علي شدتكول
علي : حبي ناجحة واني وحسام وزينب هم
لمى : ياااااااااا ولك علي احبك احبك احبك ولك الله لا يحرمني منك يااااا 💃💃💃
علي : اوگفي اوگفي شنو گلتي
لمى بخجل : 😳 مكلت شي يلا حروح باي
لمى عافت الفون بس ممنتبهة هو مفتوح
لمى : صخااااااام صخمني اني شگلت هاي كل عقلي يبوووو شگد عيب هسة شيگول علية شنو يگول حبيبتي خفيفة بس يلا هو هم يحبني عادي و......
دخلت امهة عليهة
الام : حبيبتي لولة الف مبروك علاوي گال انتي ناجحة حبيبت امج اريدج دوم هيج رافعة راسي وراس ابوج
لمى : الله يبارك بيج مامة ان شاء الله ابقة هيج وهذا كلة بفضل علي هو الي درسني
الام : يلا كافي بدون حجي علي يريدج يكول خلي تغير ملابسهة وتطلع لان منتظرحتة يحتفلون انتي والشلة
لمى : اوك مامة البس واطلع گوليلة ينتظر
الام : اوك بس بسرعة
لمى لبست بسرعة وطلعت بس من شافت علي خجلت لان تذكرت كلامهة بالمكالمة طلعوا وراحوا للزوراء فرحانين صعدوا بأكثر من لعبة واكلوا وبقوا ديتمشون
حسام اخذ زينب وحد بحجة يريدهة بشغلة ( جذب جان طلب من علي )
علي : لولو گلتيلي اذا ناجحين اگولك شغلة تفرحك
لمى : اي والمطلوب
علي ولج بابة شبيج احجيلي شنو الي يفرحني
لمى : شحجي ؟
علي بعصبية : احجيلي عاد ولتكفريني
لمى : ولك احجي عدل
علي : حياتي انتي بس احجيلي والله صار عندي فضول
لمى : اوك رح احجي
علي : اي يلا
لمى : ............
ع البارت السادس اكتب شنو كالت لمى واسفة طولت بهذا البارت
