خلال فترة الامتحانات رحيم خطب سمر وسافروا قرروا يتزوجون بالخارج مثل ما كانت تحلم سمر (نياااااالج يالعوبة ع هالحظ ) وحلا وعمر حظروا الزواجهم الي حيصير بالعطلة اما علي فترك الكلية وتعين بشركة بقسم الحاسبات حسام وزينب ولمى بالامتحانات
خلصت الامتحانات (نصف السنة )
#بيت_علي
علي : يمةةةةة
يمةةةة
ام علي : وغمة شتريد
علي: اريد اتزوج
ام علي : ويا ثولة تقبل بيك
علي : اكو غير لمى
ام علي : باجر ادورلك غيرهة
علي : يمة شبيج دااگولج اريد لمى انتي سألتي منو تقبل گلت لمى بابة اريدهة اريد لمى شتدورين بعد
ام علي : شبيك اكلتني بگشوري باجر اخابر امهة ونروح الهم بالليل نطلب ايدهة
علي : فدوة رحت الطولج الحلو ربي ميحرمني منج
ام علي : لك لتتلوگ يلا وروح منا
علي : بس يصير العرس الة اجيبلج شي يااحلى ام
ام علي وهي تضحك : وليي منااااا
علي وهو ع الدرج سمع صوت جهازة صعد شاف حسام يتصل
#المكالمة
علي : ها
حسام : وجعا....... شلونك
علي : ماعندي فلوس ومحاجي وي لمى بعدني ماادري زينب وين
حسام : ياثول مو هذا قصدي
علي: لعد
حسام : تعال وياي دنحظر للعرس
علي : ابوك حيتزوج
حسام : لتكفرني ....... اني
علي : ليش بعدك ممخلص صار اسبوع دنحظرلك
حسام : حبيبتي خلصت واني بقة بس اجيب الملابس وازين علي : حسام طلب واتمنى متردني
حسام : لا گلبي انت صديقي الصدوق مااردك شتريد اني حاظر
علي : اريد تغير موعد العرس
حسام : ليش شكو صاير شي
علي : لا دااطلب ايد لمى من اهلهة باجر
حسام : تعال للبيت وخلي الموضوع علية
علي : ربع ساعة يمك اني
حسام : لتگول اللمى ع شي
علي وهو ينزل : يمةةةة لتحجين شي الام لمى بطلت مااتزوج
الام : اي مو احنة نلعب
علي : احبج حياتي
في بيت لمى
ام لمى : لولة ..... يمة وينج
لمى : والله ع البحر واگفة .... يعني وين اكو غير زينب
ام لمى : متشبعين من زينب
لمى : لا اكيد ..... شرايدة
ام لمى : تروحين وياي
لمى : وين
ام لمى : البيت خالج نروح ونرجع دااشوف خالج مريض
لمى وهي تاكل : بس منتأخر لان دااروح يم زينب ابات اذا ماعندج مانع لان اخر يوم الهة ببيت ابوهة
ام لمى : ديلا امشي بدلي
انتهى اليوم علي وحسام اتفقوا ع مود الخطوبة ولمى عند زينب
6:30 Am
زينب : لمى ..... لمى ....لولوووو گومي عادي
لمى : شبييييج نامي بعد وكت
زينب : حياتي انتي گوووومي عاد عندي شي اريد اگولة الج
لمى متفاجئة : هاااا عزةةة شكو حسام مات
زينب : اسم الله انجبي لا مو هيج
لمى : لعد شكو متحجين
زينب : خايفة
لمى : گبر اي والله عبالي اكو شي حرجع انام
زينب : دگومي خلنحجي
لمى : شبيج بابة حسام مياكلج واهلج ميطيرون واني يومية تلگيني يمج ومماخذينج للسجن حتروحين البيت حسام وحتطلعين اكثر من هنا ببيت اهلج بعد شكو
زينب : ولج بابة خايفة خااااايفة افتهمي
لمى : هههههههههه عليج الله موگلتلج مياكلج الولد
زينب : والله انتي مامنج فايدة حروح ع مامة
لمى : زينب
زينب : هااااا
لمى : دراما العروس بطليهة انتي وعوفي امج نايمة لتخوفينهة
زينب : اوك حرجع انام انتي هم نامي
