في اليوم الثاني الساعة ٧:٣٠ ص
كانت تتمشى لمى حتة توصل للمدرسة مرّت من يمهة سيارة
صاحب السيارة : ياحلوة
لمى خافت ومن انتبهت ع السيارة شافت حسام
لمى : يااااااا هذا انت گبر والله خوفتني
حسام : هههههه الناس تگول صباح الخير ..... اصعدي حتة نروح ع زينب ونرجع للمدرسة
لمى وهي تصعد : ع الخير السيارة ان شاء الله تكون خير عليك ومتشوف منهة غير كل الزين
حسام : تسلمين خيتي
بعد صمت طويل
حسام : حجة وياج علي ؟ ........ حجيتي وي امج ؟
لمى : هففف لا
حسام : سألتج مرتين جاوبتيني مرة وحدة
لمى : هههههه اي الجواب ع السؤالين
حسام : اتتوا بيكم دودة مال حجي شعجب محجيتوا
لمى : گالي كل نهاية اسبوع نحجي ع مود اقرة زين
حسام : ديلا انزلي صيحي حبي
لمى : اوك
عند علي
جان : علييي .... علييي كوم عاد
علي : شبيك بابة الساعة ٧:٤٠ خليني انام شعندك من الصبح
جان : گوووووم دنحظر روحنة اليوم اروح اطلب ايدهة
علي : اوك انام ساعة ومن اگعد نتحظر
جان : اهوووووو واني اموت جوع لان حظرتك دتنام ( علي هو الي يحظر الاكل وجان ينظف )
علي : روح جيب ريوگ وتعال حتة نوم مبقة بعيني كله ع مود ست نور
جان : فدوة الطولهة
علي : خررررب گوم منا
جان راح يجيب ريوگ وعلي اخذ شور
عند زينب
لمى : ولج بابة خلصي اخرتينة حيل
زينب : مبقة بس عطر
لمى : زينب
زينب : عيونهة .... شبيج تغير صوتج
لمى : زينب حسام من گالي يحلوة ذكرني بأول مرة شفت علي
زينب : لتضوجين عمري ماكو ايام وترجعون سوة گلبي هيج يكول
لمى : اوووف الله يسمع منج ..... يلا لني نازلة
زينب : اوگفي اجيت
نزلوا البنات ع حسام
في الطريق
حسام : لولة عندي خبر حلو
لمى : لتگولهة 😃
حسام : لامو الي ببالج ....... لولة علاوي خابرني من جنتي عند زينب
زينب : اي وشگال .... شلونة
لمى : هاااااا زنوبة ترة اضوج
حسام : تغار عليه واغار منه ترة 😡
زينب : هاي شبيكم بس سألت ترة هو هم البيست فريند مالتي 😢
حسام : بيست فريند بعينج ..... هو زين وگال صديقة حيتزوج ع العطلة وگالي اخذكم واخذ اهلة
لمى : يييييس حشوفة 💃💃💃💃
زينب : مبقة شي للعطلة هاي وحدة اثنين حتشوفينة ترة عاديي اهلة ويانة
لمى وحسام : اهووووووو
لمى : حسام انت وين ماخذنة ليش طولنة
حسام : فريتكم شوي يعني ميصير
زينب : ديلا هياتهة المدرسة
لمى : هفففففف
حسام : مااكدر ارجعكم محاضرات عندي هواي
لمى وزينب : اوك
زينب : حبيبي دير بالك ع نفسك
لمى : ديلا مو وكتهة
عند علي
علي : جان شوف هذا حلو
جان : بربك تريدني اروح بالبدي حتة من الباب يطردوني
علي : لا ولك البسة والبس ويا سترة وجينز
جان : اوك يلا امشي
اخذوا ملابسهم ولما طلعوا
علي: لك نسينة الاحذية
جان : خرررررررب
علي : نرجع
جان : لا تعال نشوف غير مول
علي : تموت ع الدياحة (الطلعة )
جان : هههههه ...... علي شوف كدامك
علي : العندي تسواهة
جان : اي اي مو مثل نور
علي : هه
4:30 PM
عند لمى
لمى گاعدة وي امهة يحجون فجأة رن جهاز الام
#المكالمة
الام : الووو
المتصل : هلا يمة شلونج
الام : عموري هذا انت حبيبي شلونك گلبي ميت عليك شخبارك گلبي
(عمر اخو لمى عمره ٢٥ سنة عايش بالخارج ع مود الجامعة وبعد تخرج صار عنده شغل بشركة )
عمر : شخبارج يمة شخبار لولة وبابة شلونة مشتاقلكم كومة
الام : احنة بخير انت شلونك
عمر : اني بخير وعندي خبر يفرحج
لمى : مامة كوليلة يرجع
الام : اوگفي ولج ..... اي ابني گول .... عموري لولة تگول شوكت ترجع
عمر : هههههه جنهة بگلبي يمة باجر اني يمكم
الام : يييي ياالله تنور بيتك يگلبي تعال وكلشي تريدة جاهز يروح امك
عمر : فدوة الگلبج يمة سلميلي ع الكل اني هسة اريد اروح احضر روحي والجنطة ع مود اروح للمطار
انغلق الخط وراح عمر يحضر ملابسة والام ولمى گعدوا يحجون بعمر واتفقوا ميگولون الابو لمى حتة تصير الة مفاجأة الة
