خلصوا حسام وزينب الدراسة وراحوا ع لمى
في بيت لمى
ام لمى : لج لمى انزلي عاد زنوبة وحسام هنا
زينب : خالة عوفيهة دتقرة بس تخلص هي تنزلة احنة منتظرينهة هنا
ام لمى : براحتكم ........ لج لولة وينج
لمى : اصعدوا مابية انزل
حسام : صار ساعة ننتظر اخر شي تريدين نصعد
زينب بنفس الوقت الي حجة بي حسام : يلا اجينة
حسام : شتگولج تكولين اي
وهم صاعدين زينب : فدوة هاي رويحتي
حسام : انجبي 😡 لعد اني شنو
لمى : تغااااار .........هلاو شلونكم
بعد ما سلمت عليهم لمى
حسام :اي اكيد اغار هاي انفاسي
زينب : فدوة الكلبك حبيـ.....
قاطعتهم لمى : احم اني هنا ارحموني
زينب : اي بشنو رايدتني ست لمى
حسام بصوت ناصي : الله يستر
لمى : اگولكم علي قبل لا يسافر گالي شي واليوم من اتصل هم گالي شي وانشغل بالي
حسام : احلفي 😒
لمى : انجب انت اكيد تعروف السالفة شنو
زينب گالت بنفس الوقت : وشنو الشي الي گالج عليه
لمى : باوعوا علي قبل لا يسافر خابرني ومن گلتلة ليش تسافر گالي امج السبب واليوم گالي وافقتي شلونة الولد ومن سألته شتقصد يا ولد گالي الي سافرت بسببه اريد افتهم شيقصد وحجيت وياكم لان حسامو اكيد يعروف السالفة وانتي الروح لازم اگولج
زينب : و الله شغلة تحير 😥 حسام شتگول
حسام : لمى اني اعروف شصاير علي كالي كل شي بس وعدني مااحجي الاحد لمى اذا تريدين اسألي امج شنو سبب سفر علي او اسألي ام علي هي هم تدري احنة منكدر نحجي شي واني اسف لان ضميت عليج وع زينب
لمى: يعني الكل يعرفون بس اني لا والسالفة تتعلق بية
زينب : حبي لتضوجين يجوز يگولون الج بالوقت المناسب انتي لتستعجلين (لاتسبقين الاحداث )
لمى : لج شلوووون المفروض من البداية يحجون شكرا تعبتكم وياي ...... اليوم احجي وي مامة واشوف شصاير
حسام : لمى علي يبقة الج صدگيني هو يموت ولا ......
قاطعتة لمى : اسم الله عليه لتكول هيج
زينب وحسام : يمة الحب يمة هههههه
حسام : يلا حبيبي امشي اتأخرنة واريد اخذ امي للدكتور
لمى : ابقي زنوبة ابقي
زينب : ااااااا
قاطعهة حسام : لا محد يبقة امشي
لمى :😞
زينب وحسام : يلا باي
لمى : باي
عند علي
جان صديق علي عراقي عايش يروت ومولود هناك اهله متوفين اثر حادث وماعنده اخوان يحب وحدة لبنانية اسمهة نور
علي كاعد ع النت وبباله يحجي وي لمى بس ماردظ لانه وعدهة بس بنهاية الاسبوع يتواصلون
جان : علي اريد احجي وياك ع شي
علي : اي احجي كلي اذان صاغية
جان : ناوي اتزوج
علي : شلوووووووون صدوك والله فرحت من كل گلبي اكيد نور
جان : اي نور بس خايف من عائلتهة اخاف يرفضون
علي : جان سؤال
جان : اي
علي : انت تشتغل وشركتك معروفة وتكدر تشتري بيت والبنت شاريهة وتحبك واكيد حتوفر الهة السعادة ع شنو يرفضون بعد
جان: علي شلون اشتري بيت واعوفك وحدك هنا
علي : اذا هاي مشكلتك حلهة عندي
جان : اي خير ان شاء الله كول
علي : اني اشتري الشقة حتة اكول الامي والابوي واحجي وي لولتي اخليهة تجي ع العرس ويكعدون يمي بس بشرط
جان : اي عفية حتة اگولهم من طرفي وشرطك حكول تم
علي : اوك تخطب والعرس ع العطلة الصيفية
جان : حياتي انت شرطك من البداية گلت تم
علي : بعد گلبي ومن هسة اگولك الف مبروك 😘
بعدهة علي رجع ع النت وجان نام
اما لمى جانت تفكر بعلي وبالصار وياهة وراهة نامت بدون شعور وزينب خابرت حسام وضلوا يحجون (كبلات الله ياخذهم 😩)
