خلصت العطلة
وبدة الدوام علي وحسام جامعة والبنات صف رابع اثنينهم علي صار قليل يشوف لمى بسبب تأخير طلعتهم من الجامعة بس حسام جان يشوف زينب بس بـ week end يطمن عليهة ويفهمهة كم شغلة مرّت ايام عادية وبيوم من الايام جان يوم عطلة
في بيت علي
الام : علاوي ..... علي وينك
علي : ها يمة شرايدة
الام : تعال انزل عندي شغلة وياك
علي : عندي بحث بعدين عود
الام : تعال عاد
علي وهو ع الدرج ( السلم) : ها يمة خير
الام : رح اگولك ع سالفة بس متضوج وتسوي الي اريدة منك بالحرف
علي : يمة بربج صايحتني ع مود تنكدين علية وخليتيني اعوف البحث ع سالفة تضوجني
الام : كافي وخليني احجي
علي : ديلا احجي
الام : ام لمى حجتلي سالفة ولازم اكولك شي ع مود مصلحتك
علي : يمة شبيهة لمى شكو شصاير احجيلي
الام : محجوزة الواحد گرايبهم ومستحيل تصير الك و..... قاطعهة علي : يمة وبعد شنو انتي شدتحجين راضية ع كلامج هذا
الام : مراضية والله وادري حتنقهر عمري انت والله ماعندي غيرك ومااريد يصيرلك شي ابني اريدك تسافر عوف الجامعة ع الاقل بس هاي السنة وع الجاية روح ع جامعة بالخارج احسن من گعدتك هنا و بس تحرگ بگلبك
علي بخنگة : يمة ماادري شگول .. شسوي
الام : يمة لتسوي شي غير الي گلتة الك
علي : ان شاء الله يمة هسة حروح انام
الام : والبحث
علي : انتي گلتي اعوف الدوام هالسنة حروح احجي وي لمى شوي
الام : ابني اني شگلتلك مو.........
علي : اسكتي كافي شبعت حجي
الام تحجي وي روحهة : الله يعنيك ويرزقك بنت الحلال
في بيت لمى
لمى جانت تقرة (للعلم لمى و زينب ادبي )
اتصلت عليهة زينب وبقوا يحجون بالدراسة وبعلي وحسام فجأة اتصل علي ع لمى
لمى : زوبة حبيبي حروح علاوي ديتصل بعدين احجيلج
زينب : لج شعندة صار كومة محاجين انتوا
لمى : ولي عاد خلي اشوفة شيريد باي
ردت لمى ع علي
#المكالمة
علي : هلاو لمى شلونج
لمى : هلا حياتي قبل كل شي شبيك مبين ضايج واول مرة تگولي لمى من يوم العرفتك
علي : لمى عندي طلب
لمى : احجيلي شبيك بعدين اطلب مني ترة خوفتني عليك علاوي شبيك
علي : حبيبي اتصلت دااگول انتبهي ع نفسج
لمى بخنگة : ليش شصاير ترة دتتأذيني حيل
علي : عندي سفر باجر وما اضن ارجع
لمى : واني 😣
علي : انتي ........ انتي ما عليج شي هواي اكو يمج لمى لتنسين ترة اموت بيج
لمى : وانت عندك عادي تعوفني وتروح هيج عندك سهلة
علي : والله مجبور وامج السبب يلا باي
لمى : اوگف امي ليش شدخلهة وين شايفهة انت
علي : ماكو شي مشايفهة صارلي كومة يلا باي اتأخرت
لمى : باي
جانت هاي اخر مكالمة العلي ولمى
بعد الي صار لمى حالتهة صارت سيئة و علي سافر وحالتة مثلهة ويمكن اكثر لمى محجت وي احد ومحد يعروف شبيهة بس زينب وحسام يعروف كل الي صار بس ميحجي الاحد و لمى مداومت من يومهة مضى شهر ولمى ع نفس حالتهة وراهة داومت بس متحجي وي احد بس زينب وزينب وحسام ميحجون قليل ع مودهة
اما علي
علي سافر لـ لبنان ميحجي وي احد اتعرف ع شاب عراقي گعدوا سوة بنفس الشقة ( اثنينهم نفس السكن ) حجة الة الي صار ( لان يدري رح يبقة يسأل )
البارت الجاي اكتب الباقي واسفة لان دااتأخر بالنشر عندي شوي ظروف 😘
