ويبقى الامل |

البارت الثالث

(ندا ويوسف وصلوا النادي ومستنين اميره لغايه ما موبايل ندا رن )
ندا: الو ايوا يا مرمر احنا وصلنا تعالي
اميره: اوك انا شوفتكوا اهو انا جايه سلام
(اميره راحتلهم وقعدوا )
اميره: ازيك يا نودي ازيك يا يوسف
ندا: تمام الحمدلله
يوسف: احنا تمام انتي اخبارك ايه
اميره: انا كويسه شوفتي يا نودي مش شادي رجع من السفر وبقى ايه
ندا: بتهزري صح شادي اللي هوا شادي
اميره:اه والله رجع واول ما جه راح كلمني وقعد يسالني انا عامله ايه واخباري وكده
ندا: شكله مدلوق يا جميلتي
يوسف: مين شادي ده بقى ان،شاء الله اللي معجبين بيه انتي والست اميره
ندا: ده كان دكتور عندنا في الجامعه بالرغم من انه سنه صغير بس ايه كان شرحه ممتع وتحفه وهوا كان صاحب ادهم اخو اميره.. لغايه اما جاتله فرصه انه يسافر بره وسافر عشان يعمل الدكتوراه والماجستير واهو رجع
اميره: اه يا ريت يرجع الجامعه تاني
يوسف: وانت مالك بتتكلمي عنه بهيام كده!
اميره: لا هيام ولا ابتسام ده زي اخويا على فكره وبعدين انت مالك هيا حاجه تخصك
يوسف: اه تخصني عشان انتي زي انتي ندا ومن حقي اخاف عليكي
ندا: خلاص يا جماعه ايه هتتخانقوا اودامي اهدي يا اميره يوسف بيخاف عليكي زيي بالضبط وانت يا يوسف اميره هيا عارفاه بتعمل ايه.. هيا مش صغيره انا هقوم اجيب جاجه نشربها
(وبعد ما ندا قامت )
يوسف: انا اسف يا اميره مكنش قصدي لكن انتي زي ندا
اميره: خلاص محصلش حاجه
يوسف: طب ممكن اسالك سؤال
اميره: اتفضل اسال
يوسف: انتي عمرك حبيتي قبل كده ؟!
(اميره لسه هترد بس فجااه حصل حاجه مكنتش على البال ولا على الخاطر )
***************
(ادهم راح الشركه بتاعته وقعد يفكر لغايه اما طلب المحامي بتاعه )
ادهم: اتفضل يا كريم كنت عاوزك
كريم :اتفضل يا ادهم
ادهم: انت طبعا عارف اللي حصل زمان وعارف كمان ممكن نتايجه تعمل مشاكل اد ايه
كريم: عارف يا ادهم عارف
ادهم: عشان كده انا كنت عاوزك تشوفلي وترصدلي حق اميره اختي،في الشركات وتحطهملها في البنك هيا خلاص هتكمل 21 سنه،قريب واناوعاوز اديها حقها وكمان كنت عاوز افتحلها عياده كده عشان اول ما تتخرج تلاقي،شغل ومتقعدش تدور بس العياده دي من فلوسي،هديه مني ليها واختار موقعها حلو كده وقريب من الفيلا وكما مش عايزها تعرف هيا ولا سلمى ماشي يا كريم
كريم،:طبعا يا ادهم انت تؤمر وانا انفذ،بس ممكن اسالك سؤال ؟
ادهم: اتفضل
كريم: انت ليه مش عايز تقول لاميره على اللي حصل
ادهم: انت عارف اميره لو عرفت هتعمل ايه انا خايف عليها لحسن تنهار
كريم: بس لو عرفت ده ممكن يأثر عليكم بعدين وكمان متنساش سلمى هيا عارفاه وممكن تروح تقلها ومحدش عارف هيحصل ايه
ادهم: مهو ده اللي خايف منه ان سلمى تروح تقلها عشان تطفشها... بس،يلا ربنا يستر يلا روح على شغلك
كريم: طيب يا ادهم بس خلي بالك
*******************
(ندا راحت تشتري من الكافيه وهيا ماشيه راحت خبطت في واحد )
ندا: مش تحاسب يا بني ادم امت اعمى
الشخص: لا مش،اعمى واحترمي نفسك واوعي كده لحسن مش فاضيلك
ندا :ايه البلاوي دي يا رب
(وراحت مشيت وسابته وراحت لاميره ويوسف بعد ما اشترت ولقيت نفس الشخص اللي خبطت فيه واقف معاهم )
ندا: في ايه يا بني ادم انت.. مش.كفايه خبطت فيا ومعتذرتش عاوز ايه تاني
الشخص: كنت عاوز اتكلم مع انسه اميره كلمتين على انفراد
يوسف: ايه انفراد دي شايفتي ايه اودامك كيس جوافه عايز منها ايه
اميره: خلاص يا يوسف...... معلش مبتكلمش مع،ناس اغراب ولو هتقول حاجه قولها وانت هنا قدام يوسف وندا
الشخص: انا اسمي اولا عاصم والكلام اللي هقوله مينفعش يتقال كده على الواقف لانه حياه او موت
اميره: طيب اتفضل يا استاذ عاصم احكي
يوسف: يتفضل فين انتي كمان
ندا: استنى اما نشوفه عاوز ايه ده كمان
(وبعد ما قعدوا وحكالهم عاصم على كل اللي عنده اميره وقفت مره واحده والدموع على وشها وندا مصدومه وخايفه على صاحبتها وعماله تعيط هيا التانيه )
عاصم،:انا كده خلصت اللي عندي سلام يا انسه اميره
يوسف: غور من وشي دلوقتي لحسن ارتكب جنايه
ندا: اهدي يا اميره اكيد في حاجه غلط مستحيل ادهم ميكونش......(ومرضيتش تكمل )
اميره: اوعي كده سيبيني انا هروح لادهم ويفهمني ابعدوا عني
ندا: لا مش هسيبك وانتي بالحاله دي يلا يا يوسف نروح
يوسف: اه يلا
*************
سلمى: الو ها نفذت اللي،قولتلك عليه؟؟
الشخص: طبعا مشوفتيش،شكلها اول ما قلتلها على كل حاجه بس طلعوا عيني لغايه اما حكيت
سلمى: اهو كله بتمنه يا عاصم
عاصم: طبعا يلا سلام
سلمي: سلام
(ويعد ما،قفل )
سلمي: مش انا يا اميره اللي يتعمل فيه كده قلتلك اني هخليكي تطفشي برضاكي او غصبن عنك بس صحبتك هيا اللي مقوياكي بس برضه ليها صرفه....... هاا لقيتها.. ان ما وريتكم
**************
(وجه الليل واميره راحت الفيلا وندا مرضيتش تسيبها وراحت معاها وادهم كان جه )
ادهم: كنتي،فين يا اميره قلقتيني عليكي
ندا: كانت معايا في النادي يا استاذ ادهم
ادهم: ايه الطريقه دي،في. ايه ومالها اميره متبهدله كده ليه ؟؟!
اميره بعياط: انا اقلك ليه يا ادهم. انا عرفت كل حااجه كل حاجه عرفت انك كداب عرفت ان امي وابويا عايشين وانت مش راضي تقولي.. عرفت انهم مش عايزيني معاهم عشان كده سابوني معاك حرااام عليكم انا عملتلكم ايه عشان تعملوا فيا كده انا عملتلهم ايه عشان ميكونوش عاوزني.. انا عمري ما عشت طفولتي فتحت عينيا على الدنيا ملقتش غيرك ولما كنت اسالك كنت تقولي انهم ماتوا راحوا عند ربنا.... طب لما هما عايشين ليه مش عايزيني ليه سابوني معاك ليه رد عليا يا ادهم لييييه مخافوش اني لما اعرف ممكن اسيبك واروحلهم اصلا حراام علييكم عملتلكم ايه!! اخدت كام عشان تعمل كده وانت اصلا ازاي تقبل بكده هااا وهما ازاي يامنوا لواحد زيك على بنتهم (وراحت قعدت على الارض وندا عماله تهدي فيها لغايه اما جات قعدت معاها عشان تهدي فيها )
ادهم: انتي مين قالك كده ؟وعرفتي منين الكلام ده يا اميره احلفلك بإيه اني بحبك جداا وعملت كده عشان خوفت عليكي لو مرضيتش محدش عارف كانوا هيعملوا فيكي ايه ؟؟!
اميره: اوحش من كده معتقدش ...واصلا ليه يأذوني انا مش بنتهم ؟مش لحمهم ودمهم!! انا مش قاعده معااك تاني وبالنسبه للفلوس اللي هما ادوهالك وانت كبرتها ده حقك على تربيتك ليا وتعبك معايا والمدارس... اقلكم حاجه احسن اعتبروني اني مت اقلهم.بنتكم ماااتت فاهمين يعني ايه مااااااتت
سلمى بنبره انتصار: يا عيني عليكي يا اميره معلش يا حبيبتي انت هتفضلي قاعده هنا ولا ايه!!
ندا: شوف احنا في ايه وانتي في ايه.. اميره هتيجي تقعد معايا مينفعش تقعد هنا
يوسف: حسبي الله ونعم الوكيل... مش ده اصلا اللي كنتي عوزاه اهي مشيت
ادهم: لا يا اميره عشان خاطري متمشيش لو لسه ليا خاطر عندك
اميره: يلا يا ندا انا هاجي معاكي وتنساش تبلغهم باللي قولتوهولك
(وراحت اميره جريت بره الفيلا ووراها ندا ويوسف وسلمى راحت عند ادهم اللي كان منهاار فهوا كان بيعتبرها كل حياته.. ازاي تمشي وتسيبه )
سلمى: خلاص يا حبيبي متزعلش.. وبعدين مش دي الحقيقه انت زعلان عليها ليه
ادهم: مش ده اللي كنتي عوزاه.... استريحتي اهي مشيت
سلمى: ههههههه لا يا حبيبي لا انت تعرف عني كده
ادهم باستغراب: سلمى عليا الطلاق بالتلاته لو عرفت ان انتي ورا الموضوع ده مش هيحصل كويس فاهمه (وراح مشي وسابها )
سلمى: في نفسها هتعمل ايه يعني ؟؟
***************
تاني يوم الصبح راحت لمار عشان تسال بباها او بمعنى اصح مصطفى
لمار: صباح الخير يا بابا
مصطفى: صباح النور يا حبيبتي تعالي افطري
لمار: اوك..... بابا عملت ايه في الموضوع بتاع السفر
مصطفى: خلاص
لمار بخوف: خلاص ايه مش هنسافر... اوف
مصطفى: سيبيني اكمل كلامي طيب.
لمار: ماهو حضرتك قلت خلاص يبقى ايه ؟؟
مصطفى: خلاص روحي جهزي شنطتك لغايه انا اروح اقدم اجازه في المستشفى
لمار: يا حبيبي يا بابا انا بحبك اووي
مصطفئ: وانا يا روح قلب بابا
************
(خالد راح الشركه اللي شغال فيها واول ما دخل لقي... )
خالد: ايه ده استاذ محمد اهلا يا بني عاش من شافك فينك
محمد: ازيك يا استاذ خالد عامل ايه
خالد: الحمدلله كويس هاا هترجع الشغل ولا هتمدد الاجازه تااني ؟!
محمد: لا جاي استلم شغلي خلاص مينفعش اخسر كل حاجه
خالد: ايوا كده فوق لنفسك انت عارفني بعتبرك زي ابني يوسف بالضبط
محمد: ربنا يخليك ... طب عن اذنك عشان اشوف الشغل اللي متاخر
خالد: اتفضل يا بني
(راح محمد لمكتبه بعد ما دخل للمدير وفهمه عل الحاله اللي كان فيها وانه خلاص فاق وهينتبه لنفسه وعشان محمد كان من اشطر الشغالين في الشركه فالمدير قبل اعتذاره... راح لمكتبه وهوا خايف يقابلها او يشوفها تاني لكن مع الاسف ظنه كان في محله اول ما دخل لقاها قاعده منهمكه في الشغل مش منتبها حتئ للي دخل )
محمد: احم ازيك يا ريناد اخبارك ايه
ريناد بتفاجئ:استاذ محمد ازيك اخبارك ايه
(عرف انها عايزاه تتعامل معاه رسمي )
محمد: انا تمام ....عن اذنك عندي شغل
ريناد: اتفضل
(فضل كل واحد،في مكتبه وهوا قاعد،بيفكر ازاي وصلت بيهم الدرجه انهم هيتعاملوا بالبرود ده او بالجفاء. ده،)
**************
(اميره صحيت من االنوم وكانت عماله تعيط ومش،مصدقه انه في يوم ممكن يحصلها كده )
اميره: مش مصدقه يا ندا والله مش مصدقه
ندا: معلش يا حبيبتي ده قدر ربنا امني بيه وخلي عندك امل بان كل حاجه هتبقى احسن عشان خاطري بلاش اليأس ده وانا واثقه ان ادهم عمل كده عشان خايف عليكي ويحميكي منهم هوا لو مكنش عارف انهم وحشين كان سابك تروحيلهم لكن هوا عارف انهم وحشين وهيأذوكي.
اميره: مش مصدقه ان ادهم... ...... (وقبل ما تكمل جملتها راح الموبايل رن فراحت ندا ردت عشان خافت ليكون حد،يزعلها )
ندا: الو.. لا انا مش اميره انا ندا... انت مين
الشخص: اديني اميره وبلاش كلام كتير
ندا: ما تحترم نفسك يا بني ادم انت قول انت مين ؟؟
الشخص :ادي الموبايل لاميره. وهيا هتعرف
ندا: اميره خدي الموبايل في واحد رخم عاوزك
اميره: هاتيه........ الو مين...... هاااااااا قلت ميييين ؟؟؟؟
*************
(لمار ومصطفى راحوا القاهره وسافروا مصطفى قالها انه هيروح لواحد صاحبه يسلم عليه عشان هما مع بعض ومن هما صغيرين فهيسلم عليه ويروحوا فندق وفعلا راحوا الشركه )
مصطفى: خليكي انتي هنا يا لمار هروح اسلم عليه واجي
لمار: حاضر... بس يلا بسرعه عشان تعبانه اوي
مصطفى: حاضر
(مصطفى وهوا ماشي راح خبط في واحد واعتذرله وبعد كده الشخص ده راح شاف واحده واقفه بعيد فقال يروح يشوفها يمكن يساعدها )
لمار في نفسها: هاااااااا يا ربييي عل الحظ ده اووف يااااا رب استر انا خاايفه اووي يا رب ميشوفنيش يا رب ....يا نهاااار اسود يعني هيا حبكت ان انت تكون شغال هنا يا رب انقذني وابعده عني انا هخرج بره عشان ميشوفنيش .....لا لا ده جاي عليا
(وفعلا خرجت )
محمد: مالها دي انا كنت جاي اساعدها بس ملامحها ووقفتها مش غريبه عليا حاسس اني اعرفها خلاص هيا مشيت انا مالي!! ؟؟)
**************
يا ترى محمد شاف مين ؟؟...ولمار كانت خايفه ليه اووي كده اما شافته.. والاهم اميره كانت بتكلم مين ؟؟
مستنيه ارئكم وتعليقاتكم في الحلقه