ندا لترفع راسها وتصابها الصدمه وتقول:
ايه ده انت ؟؟؟ لا مستحيل انك تكون رجعت بعد الفتره دي كلها لا وكمان جاي تتقدملي لو انطبقت السما عل الارض مش متجوزاك!!!!الشخص بسخريه: ايه وحشتك صح ؟؟؟
ندا: انت مستحيل تكون بني ادم طبيعي انت اكيد مريض!!
الشخص: قلتلك زمان انتي ليا مش لحد غيري
ندا:ما تفهم بقى انا عمري ما حبيتك ولا هحبك وبعدين اعتقد اننا اتكلمنا في الموضوع ده زمان وقلتلك رايي اني عمري ما حبيتك
الشخص: بس انا بحبك ومش هتجوز حد غيرك والله انا اتغيرت بس خلينا نتخطب وانتي هتحبيني وهتعرفي اني اتغيرت
ندا : افهم الحب مش بيجي كده ليه مش عايز تفهم
الشخص: يا ندا الحب ملوش وقت بيجي في اي وقت واي زمان طب جربيني ومش هتندمي انا والله اتغيرت
ندا: انت تتغير عشان نفسك مش عشاني ...بلاش تربط حياتك بحد ويلا نخرج عشان احنا طولنا وبليز قولهم اننا متفهمناش يا جاسر !!!!
*************
في فيلا المنشاوي كان عمر يستعد للخروج من الفيلا والذهاب الى المطار لاستقبال صديقه وعندما راته والدته
كوثر: رايح فين يا عمر انت مش عارف اننا هنتعشى دلوقتي وانا مبحبش حد يتاخر دقيقه عليه ها ؟؟ليه بتحب تعصبني يا عمر!!!
عمر بملل: يا كوكو انا رايح اجيب واحد صاحبي من المطار بقالي زمن مشوفتوش اسمحيلي بقى اخرج دي اول مره اعملها يا كوكو
كوثر: اه كوكو لما تكون عاوز حاجه ماشي يا عمر اخر مره
عمر: اوك يا كوكو باي
وقام بالخروج من الفيلا وقياده سيارته والتوجه ناحيه المطار وعندما وصل وجد صديقه يخرج من المطار فقام بالتوجه ناحيته
عمر: تاكسي يا احمد بيه اوصلك لاي حته!!!
احمد: ههههه وهو سواق التاكسي عرف اسمي منين..... لا مش لايق عليك التمثيل احبيبي يا عمر وحشني هزارك ورخامتك !!!
عمر: طب يلا ياض احمد ربنا اني رضيت اوصلك بس الحمدلله هربت من كوثر هانم بعد طلوع الروح يلا اركب
احمد: طيب اهو ركبت
عمر :اخبارك ايه يا صاحبي ؟؟؟ والله باين عليك الهم والزعل... حرام اللي بتعمله في نفسك ده عشانها خلاص انساها وادعيلها
احمد: عمر مش عاوز اتكلم عن الموضوع ده تاني
عمر: ماشي براحتك يا احمد الا هو انت هترجع تاني ولا هتعقد هنا !!!
احمد: لا انا صفيت اشغالي اللي هناك وهعقد هنا
عمر: اها كويس.. احم انت شوفت اللي ما يتسمى مازن هناك.اصلي سمعت انه سافر لندن عندك بعد اللي حصل يعني ما قابلتوش!!!
أنت تقرأ
ويبقى الامل |
Romanceالامل شئ جميل في حياتنا ومش كل الناس لما تتكسر او تتعرض لمشكله تقدر تتمسك بيه بس احنا لازم منيأسش الحياه اصلا عباره عن اختبارات ، لازم نعديها وننجح فيها ، في قصتنا هنشوف هيحصل ايه لما يجتمع الحظ والقدر مع بعض ، هنشوف الصداقه والحب الحقيقين ،هنشوف...