ويبقى الامل |

البارت 40

ذهبت سالي للبحث عن اللاب الخاص بها ولكن بعد بحث مطول لم تجد شيئاً فقررت البحث فوق الدولاب.. فأتت باحد الكراسي واخذت تبحث.. فوجدت حقيبه بها العديد من الاوراق فاخذتها وجلست على السرير واخذت تتصفحها بفضول شديد ومع كل ورقه تقرأها تزداد دهشتها و صدمتها...

سالي بصدمه : ماما مستحيل تخلف طول عمرها.. اوراق تبني طفل.. يانهااار اسووود..انا مش فاهمه حااجه..!!!!

فاسرعت بتخبأه الاوراق في ملابسها وفتحت باب الغرفه لترى والدتها تقف امام الغرفه ...

هدي :ايه يا سالي كنتي بتعملي ايه هنا..؟؟؟

سالي بارتباك:انا كن..ت بدور على اللاب بتاعي.. يا ماما بطلي عادتك دي انا في اجاازه والله في اجااازه...

هدى:مانتي بتعقدي عليه بالاربعه وعشرين ساعه بقيتي مدمنه نت..

سالي:لو عندك حاجه تانيه اعملها قوليلي وانا هعملها..

هدى:ده انا وانا في سنك كنت...

سالي:ماما صباحك فل.. انا هدخل اوضتي..

وتركتها ودلفت غرفتها واغلقتها بالمفتاح وجلست على سريرها وبدأت تتفحص الاوراق بتركيز شديد..بعد ان تنتهي من قراءه كل ورقه كانت تشعر بضيق شديد في تنفسها.. حاولت التاكد مما تحتويه هذه الاوراق من معرفه الاسم التابع له تلك الاوراق.. اعادت قراءه الاوراق مره اخرى لتصتدم باسم "هدى انور الحلواني "....

*********

في فيلا المنشاوي / غرفه سيف ومايا...

سيف:انا اسف يا مايا ..اعذريني انا لما شفت الادويه دي حسيت اني بتخدع وفي مين فيكي انتي..انا اسف على الكلام اللي قولتهولك.. بس سامحيني يا مايا انا والله ما فارق معايا موضوع الخلفه ده..

مايا :وليه مش ممكن اكون فعلا خدعتك وباخد الحبوب دي لانو انا مش عاوزه اخلف منك وانا عملت هيك عشان تطلقني واتجوز الزلمه اللي بحبه...

سيف:مايا متقوليش كده....عشان خاطري سامحيني يارب كانت لساني تتقطع قبل ما اقول الكلام ده...

مايا بلهفه:بعد الشر..متقولش هيك تاني...

سيف بابتسامه خبيثه : بتخافي عليا يا بطه.. افهم من كده صافي يا لبن..

مايا :انا بحبك اوي يا سيف وعمري ما ازعل منك بس اوعدني انك متعملش كده تاني..

سيف:ابقي اعملي فيا اللي عيزاه لو عملت كده تاني وبعدين انا لو ربنا رايدلي انه يكون ليا ابن يبقى مستحيل يكون من حد غيرك.. لو ربنا ماردش مش هعترض على حكمته وهحمد ربنا وابوس ايدي وش وضهر..

مايا :وانت شو ذنبك تضل هيك من غير طفل.. شو ذنبك انه ولا مره في عمرك يتقالك كلمه بابا...