ميثه اتصلت ل سارة وعليا وقررو يسجلون بمدرسة حمدا وبيتجمعو بالشالي الي فيه اهل ريم واهل بشرى.
ريم راحت ركض للصاله: ابويه.
ابو حمد: بسم الله شفيج خرعتينا.
ريم: اليوم ربعي بيوون.
ابو حمد: حياهم.
ريم: وابي اطلع اشتري اكل وها.
خلي حمد يوديج.
حمد: ابوي والله مب فايق لها.
ابو حمد: سيف.
سيف: بطلع ويا ربعي.
علي: انا بوديها.
ابو حمد: هاذا الريال مب انتو كل واحد قاعد عالفون اربعه وعشرين ساعه.
سيف راح غرفته وحمد بعد.
ابو حمد: الله يهديهم.
ريم: حمدا وبشرى بعد بيوون وياي.
علي: اوكي لاتتأخرون.
بعد مالبسو ريم وحمدا وبشرى عياباتهم وشيلهم وتعدلو ركبو سيارت علي حمدا وبشرى ركبو ورا.
ريم: لا والله انتو خواته و ولا وحده قعدت جدام؟.
بشرى: مب فايقه ابدل مكاني.
حمدا: انا بعد ، اقول ركبي ولا بنخليج.
ريم انقهرت منهم وركبت وعلي كاتم ضحكته.
المهم وصلوو المول ودخلو.
حمدا وبشرى قاصدين يدخلون المحل الي ماتحبه ريم.
حمدا تمثل انه المحل حلو: واو بشرى جوفي هالمحل.
بشرى بنفس تمثيل حمدا: تعالي ندخله شكله طر.
ريم: اخييي شهالذوق وع وع.
حمدا: ترا حلو شفيج.
حمدا وبشرى دخلو المحل الي ماتحبه ريم و قالو ل ريم وعلي يروحون مكان ثاني لانهم بيتأخرون.
ريم: ياخي ليش جي كله يخلوني معاك.
علي: احمدي ربج لو ما انا جان محد وداج.
ريم طالعته وابتسمت عقب صدت.
ريم بنفس الابتسامه: عصبت؟.
علي: هيه.
ريم: يا الله شيراضيك عاد.
عقب طالعت الجهه الثانيه.
علي طالعها وابتسم عقب صد.
حمدا وبشرى يو ركض وبصراخ خلاهم يفزو.
حمدا+بشرى: ببووو.
ريم شهقت وحطت ايدها على قلبها.
ريم: الله ياخظ بليسج انتي وياها خرعتونا.
حمدا بستهبال: اوه اوه شقلتي للحب.
أنت تقرأ
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
