حمدا تتثاوب: أنا بسير انام لين مانروح امس مارقدت زين.
البنات: عوافي.
حمدا: يعافيكم وسارت اتنام.
عند الشباب كانو يلعبون فيفا.
سيف يباري خليفه: الي يخسر يدفع 5000 درهم ها.
خليفه: بابا جوف انا 7 وانت 4.
سيف: انزين بنشوف.
خليفه والشباب: ققفووووللللللل.
سيف: اونك يعني لعيب.
جاسم: سيفو انا من احين ظامن انك بطلع بيزات.
سيف: روح زين، خلوف الحقير باقيلك قول وتفوز.
خليفه: قصدك عمك وتاج راسك.
علي: اسميك بتدفع اليوم.
حمد وهو يضحك: سيفو والله انك مصخره.
سيف: اسكتو صدعتو راسي.
شوي وياب خليفه قول.
الشباب بصوت عالي والبنات سمعوهم لنهم قاعدين فالحوي والميلس برع فخيمه جي(أظن عرفتوها): ققققووووووووولللللللل.
ماريا تخرعت: بسم الله بلاهم يزاعقون.
ريم: ماعليج اتشوفينهم الحين يلعبون فالبليستيشن والي يخسر يسوون له عقاب.
سلامه: الله احس حماس خاطري أصير ولد لو يوم.
بشرى ضربتها عالخفيف فجتفها: أحمدي ربج انج بنيه لو ولد جان بتسيرين الدوام وتصيرين سواق العايله بعد.
سلامه: لا بس جد حياتنا ممله ماغير نيلس ونحش فالناس او بالزور يطلعونا الشباب.
ريم: الحمدلله ع كل حال.
{عند الشباب}.
خليفه ماد ايده: يلا يلا طلع.
سيف طلع البيزات من مخباته وعطاه وهو زعلان لانه خسر.
حمد بضحكه: مصخروك سيفو.
سيف: خيرها فغيرها.
خليفه بصوت عالي: شباب اليوم العشا علي.
جاسم: من احين اقولك مابيتم شي من هال5000.
خليفه: لا افا عليك بضبط كلشي ، ربيعي عنده مطعم اكله طرر يخليك تاكل اصابعك بعد.
علي: خلاص عيل بالليل الساعه 8.
حمد: أقولكم شباب شرايكم نلعب تحدي مع البنات.
خاسم: قدام.
طلعو من الميلس وجافو البنات يالسين فاليلسه الي برع فالحوي وسارو عنهم.
سيف: شبابات تلعبون تحدي؟.
بشرى: الله يابكم كنا نبا حد يونسنا شوي.
أنت تقرأ
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
