مرو اليومين واليوم ملجة خليفه وماريا.
احمد: يلا ريم ساعه تلبسين العباه.
ريم وهي تنزل من الدري: افف الواحد مايتعدل براحته.
احمد ابتسم ويلس يطالعها.
ريم: نعم؟ مضيع شي بويهي؟.
احمد حضنها: متزوج ملاك مب آدميه.
ريم ابتسمت: تعرف تجامل.
احمد: وربي مااجامل تخطيتي حدود والجمال.
ريم: اوكي شكرا لاتحاول ماعرف اعبر اذا تستحين.
احمد غمز لها: شرايج نيلس فالبيت اليوم.
ريم احمرت: لا ويلا انا ركبت السياره.
---
عند خليفه.
دشت امه حجرته شافته يعدل الغتره.
امه وهي تبخره: الله يفرحك كثر مافرحتني وعقبال مااشوفك فالعرس مب بس فالملجه.
خليفه باس راسها: الله يخليج ويطول بعمرج يارب، تدرين اميه انه هالبنت كان خاطري فيها.
امه وهي تضحك: قلتها خمس مرات المره اليايه قولها لها مب لي الله يهديك.
خليفه: امايه احبها.
امه: الله يخليكم لبعض ويرزقكم الذريه الصالحه.
ابو خليفه دخل: بلاك صرت حرمه ساعه لين ما تتجهز.
ام خليفه ضربته بجتفه: ولدي عن عشر رياييل لاتقوله جي.
ابو خليفه: افا يالغاليه يهون عليج تضربيني.
ام خليفه: بس يلا عن المكر الزايد اخرتوني ع الحريم.
خليفه بضحكه: يلا مشينا.
---
بالملجه.
ريم بضحكه: تستهبل انت بعد.
حمد: ريموه ضبطيلي الوضع يرحم امج ياخي.
ريم: الله يرحمها بس انا شيخصني وبعدين عيب بعدك ماملجت.
حمد: اوهو عاد يعني بتذليني.
ريم: حاول اكثر يمكن اوافق.
حمد: طع ويه النكد تتشرط بعد يلا فكينا.
ريم: اغبى منك ماشفت يعني عندك رقمها وترمسها قول لها تعالي المكان الفلاني بشوفج.
حمد: انتي الغبيه مب انا منو بيضبط الوضع وبيحرس عن يدوه ولا ايحد.
ريم: خلاص خلاص انت قولي ويت بتكونو ونا بطرش بشرى لاني بكون ويا ماريا.
حمد حضنها وبحماس: احبج ي الاخت النكد.
ريم ضربته بظهره: حمار ماويه حد يساعدك وقوم تراك خنقتني.
مشت عنه رايحه عند ماريا واتصلت بطريقها ل احمد بس طلع فويهها علي نزلت الفون عن اذنها كنها سكرت.
أنت تقرأ
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
