كان بيدخل بس صرخت بشرى وسمعوها سلامه وحمد وصنمو مكانهم.
بشرى: للاا لاتدخل ربيعتي تتلبس هني يالماصخ.
سيف فز من صرختها: خيبه بلاج نزين بالهداوه ارمسي مب جي وعيتي الفريج.
بشرى: هه شسمه هيه ويلا روح ترا ربيعتي تستحي.
سيف: مابتعطيني رقمها.
بشرى فصخت كعبها: اذا مااصطلبت بالكعب ع عينك.
سيف نقع ضحك ع طولها بدون الكعب: انتي شوفي طولج اول عقب فكري تهددين يالقويه.
بشرى: لا تخلاني اخليك تندم عاللي قلته ترا بعدك ماشفت شي من قوتي.
سيف: صح صح اصلن اشوف عضلاتج بارزه وجي عليج هيبة رياييل.
بشرى طالعته بصدمه وهمست: نسيتهم وبصوت مسموع، سيفوه يلا ربيعتي بتطلع.
سيف: نزين ابا رقمها.
بشرى رفعت نعالها بتهديد: تأدب ولا مابنحس الا بهالنعال تدخل فعيونك ها.
سيف: الله واكبر مب بشرى هاي.
بشرى بفخر: عسب تعرف بشرى اذا عصبت الكل يخاف منها، دزته بقوه، سيفوه يلا.
راح سيف وهو ميت ضحك عليها.
بشرى دقت الباب وهي معصبه: ايي حوو بسكم يالماصخين عيب عليكم يلاا.
طلعت سلامه: اوهو عاد ريم ماختارت غيرج.
بشرى: سلامي ثمني رمستج تراني حشمتج انتي والتيس مالج ها.
حمد: نعم اختي منو التيس.
بشرى: في حد غيرك؟.
حمد: اذا ماسكتي بتشوفي شي اييب لج جفاف بيخليج تندمين انج رمستي.
سلامه وييها قلب احمر: ب بشرى امشي تاخرنا ع البنات.
بشرى: بدري عليج توج تنتبهين، وانت بخلي ربك تأدبك.
ومسكتها من ايدها.
بشرى: امشي قبل مايدورونا.
حمد باس سلامه بالهوا، سلامه ضحكت وسوت نفسه.
بشرى وقفت وتطالعهم بصدمه: استغفرالله ماكفاكم الوقت قبل شوي.
حمد: بشرى لما بتحبين بتعرفين الشعور.
بشرى: الله لاقال بعدني صغيره ع عوار الراس.
---
عند الرياييل.
علي واقف عند احمد والكل يطالع ويهه الي فيه كدمات.
احمد بهمس: بعدني مابردت حرتي.
علي: ولا انا، هذيك المره سكت عشان ريم.
احمد: حرمتي مايخصك فيها ولاتقرب صوبها لااموتك احين.
أنت تقرأ
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
