حمدان: تتفق أن الحب قبل الزواج مايدوم؟.
مايد بتفكير: هيه شوي.
_ _ _ _ _ _ _ _ _ _ _ _ _ _ _
نقدم الاحداث.
بعد ثلاث شهور.
كان الكل كل يوم يزور ريم ويتطمنون عليها.
وعليا خطبها راكان ووافقت بس قالت الخطبه بعد ماريم تقوم بسلامه.
وعلي كل يوم يلوم نفسه وماياكل شي إلا بالغصب وطول الوقت مضايج.
أبو ريم كم مره ارتفع عنده الضغط ويرقدونه فالمستشفى لاكن طلعوه.
بالليل الساعه 10:30 سار علي المستشفى يجوف ريم.
دخل الغرفه وياب كرسي وقعد عدال السرير ومسك ايد ريم البارده.
علي: ريم يلا قومي ماقدر اتحمل اكثر من جي، انا اعرف غلطتي واعتذر حقج ندمت قد شعر راسي، ماقدر الحياه بدونج ماتنطاق تخيلي 3 شهور(سكت شوي)ريم اذا تسمعيني اظغطي على ايدي.
تم دقيقتين يترياها.
كان بيشيل ايده لاكن مسكتها ريم.
علي والفرحه ماسايعته ركض ونادا الممرضين يفحصون على ريم.
دخلو عند ريم وبعد دقايق طلعو.
علي راح للدكتوره وببتسامه: بشري.
الدكتور: الحمدلله قامت بالسلامه لاكن فقدت جزء من الذاكره.
علي تلاشت ابتسامته: انزين في امل أنه ترجع ذاكرتها؟.
الدكتور: احتمال 60% أنه ترجع ذاكرتها.
علي تنهد: انزين متا تقدر تترخص.
الدكتور: باجر إذا هي تبا ،والحين بننقلها لغرفه خاصه.
نقلو ريم للغرفه.
علي يرمس الدكتور: اقدر ادخل؟.
الدكتور: طبعا لاكن بدون ازعاجها.
دخل علي وشافها تطالع الصقف وساكته.
علي ببتسامه: شحالج احين؟.
ريم بستغراب: ب بخير انت منو؟.
علي بلع ريقه: اا انا ولد عمج.
ريم: منو عمي.
علي: تذكرين شسمج.
ريم تحاول تتذكر لاكن راسها عورها: لا.
علي: ماتذكرين شي.
ريم: لا.
سكوت.
ريم: بسألك.
علي رفع رأسه لها: اسئلي.
ريم: بما انك تقول أنه انت ولد عمي وتعرف عني كلشي.
علي: هيه؟.
ريم: انا عندي أهل واخوان؟.
علي: هيه عندج اخوين واحد اسمه سيف والثاني حمد.
أنت تقرأ
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
