The Forgotten ( A Justin Bieber Love Story بالعربي )

(٢)

من جديد ..

مرايه الحمام المزعجة

حاولت صوفيا انها تزحزحها من مكانها , عشان ماتديش انعكاس علي وشها , لكن صوفيا ضعيفه جدا ... لو إديتها كتاب 500 ورقه مش هاتقدر تشيله .. ف مابالك ب مرايه كبيره ؟؟..
ظلت تحاول .. و تحاول و المرايه لم تتحرك

ايديها وجعتها من سن المرايه ف أحتضنت يديها و لمست صباعها المزينه ب خاتم .. خلعته و ظلت تنظر إليه... أبتسمت

افتكرت أمها اللي ماتت من حوالي 5 سنين ... كانت صوفيا صغيره ... لكنها فاكرة كويس أوي اليوم ده ..

كانت طفله قوامها مليان و شعرها أسود ناعم يصل لخصرها تقريبا , بتبص ل أوضه أمها و في ستات كتير أوي منعوها من الدخول ...

و كلام .. كلام عن رحيل أمها ..

صوت عياط ... و إنهيارات ...

بين أرجل الناس اللي زاحمة البيت دخلت صوفيا أوضه أمها و كلها فضول .. عايزه تعرف في إيه و ايه كل الستات دي

علي السرير أمها كانت موجوده ... كانت نايمه ... و جميله ... ساترين جسمها المتوفي ب شال أبيض و غطا ... و شعر أمها مبلول ... و كل اللي حواليها بيبكو و بيغسلو وشها و شعرها ...

إيه .. في إيه ..

و علي الترابيزه اللي جنب السرير سلسله و خاتم و أسورتين رفيعين ..

ماتت الأم... لكن صوفيا كانت صغيره ... ماتعرفش يعني إيه موت ...

يعني إيه موت ....

بعد أيام أكتشفت و فهمت ... أن بعد كده مش هايبقي فيه ماما

أخد أبوها حاجاتها و خباها في الدولاب ولما طلبت صوفيا منه أنها تلبس سلسله أمها رفض و قالها تتخطفي بيها .. و أداها الخاتم

كان و مازال كبير عليها ف دايما بتحط ورقه صغيره عشان يجي علي قدها

عدي كتير علي الخاتم ده ولكنها عمرها ما قلعته .. ولا عمرها ..

- صوفيا عايز حاجه دافيه أشربها

اتنفضت صوفيا و سابت مرايه الحمام و راحت جري للمطبخ ... ماكانتش قادره انها ترفع الغلايه و هي فاضيه .. فما بالك و هي مليانه

مسكت الغلايه ب ايديها الاتنين و وقفت تستني يغلي

المطبخ المظلم .. نازل منه خيوط عنكبوت ... ماتنضفش من سنين ... عدي بين رجليها الفار اللي بتربيه ... صديقها الوحيد اللذي يدعي "بوو" لو أبوها عرف بأنه بيبقي موجود في المطبخ ممكن يضربها لحد الموت

فضلت تبص للمطبخ في كل ناحيه و تفتكر ..

افتكرت أيام ما كانت زوجه أبوها بتجري وراها عشان تأكلها و هي بستخبي منها ... و كان الحل دايما أنها تشدها من شعرها و تزنقها و تأكلها غصب عنها ... كرهت الأكل ... كانت دايما تعملها نوع الأكل اللي مش بتحبه أو بتكرهه او تديها الأكل ساقع ... او حامض ... مش فارقه و كانت تأكلها ...