ملك:الوووو
اميره:هلو ملوكه 😴
ملك:ولج شو نايمه واني اكول ليش متأخره مو من عوايدج متجين من وكت عدنه امتحان نسيتي
اميره:يااااا صدك تحجين روحي باي باي
نزلت اميره ع الدرج
اميره:بابا ليش مكعدتني 😫
ابو اميره:حبيبتي اميره كعدتج كلتيلي ماعندي شي مهم
اميره:عااا اني هيج كلت هاي من التعب مال قرايه مال بارحه
ابو اميره:بدلي ع السريع علما اسويلج الريوك
اميره:لا ياريوك خلي الحك ابدل
اميره👸
اميره بنوته حلوه ومرحه وطيبه عمرها23 سنه وحيده ماعدها اخوه انولدت بعد ١٥ سنه زواج امها وابوها مجان يصير عدهم اطفال ولما فقدو الامل اجتهم اميره اجتي وملت البيت فرح وسعاده وكبرت اميره صارت اسم على مسمى 💖 لكن السعاده ماطولت توفت والدتها بمرض السرطان بعد معاناه لمده سنه 💔لكن اصدقاء اميره همه الي ساعدها وطلعوها من حزنها ومحنتها
بدلت اميره ع السريع وسلمت على ابوها وطلعت
اميره:وكف وكف تكسي
نزل من السياره شاب حلو
نمير:شنو شايفتني راكب سايبه
اميره:ليش هوه التكسي بس سايبه عموما اسفين عيني
نمير:اعتذارج مقبول
اميره:ياا هذا شبي هوه اليوم باين من اولو 😪
ملك:وييي هاي وينج يلا امشي ندخل للمحاضره
اميره:اووف اوكفي خلي اخذ نفس
ملك:هههه شنو اجيتي ركض
اميره:لا ياهبله اخذت تكسي بس شنو سريع سريع متت
ملك:يلا امشي هسه نطب نكعد وترتاحين وخصوصا من تشوفين الاسئله
اميره:لج اسكتي اتدمرت اقره بالماده ولا عبالك ماخذيها شنو احنه وين جنه اشو كلشي ما اعرف ولا طكه
ملك:ههههههه نسيتي اغلب المحاضرات ملتهين بالسوالف
اميره:ع كولتج اسكتي اسكتي اجتي الاستاذه
بعد الامتحان🍃🍃
داليا:ها اميره شلونج بالامتحان
اميره:يعني وانتي
داليا:زفتت
اميره:ليش
داليا:البارحه ملحكت اقره من ورى امي وابويه ومشاكلهم الي متخلص
اميره:اوف حياتي الله يساعدج
داليا:عادي تعودت
ملك:اميره تجين
داليا:شنو حايط واكف بصفها متشوفيني
ملك:اسفه حبي بس رايده اميره بشغله
داليا:اهاا اوك عيني اخذو راحتكم
اميره:ليش هيج سويتي
ملك:ما ارتاحلها ما ادري شلون تحجين وياها
اميره:لا حرام عليج لا تضلميها كافي حياتها الي عايشتها
ملك:ههه حياتها والله انتي ع نياتج ده شوفيها ويامن واكفه شكو شله تعبانه اسكتي وغيري موضوعها
اميره:هسه مكلتيلي شنو الشغله الي ردتيني بيها
ملك:ها لا هاي حجه حتى تروح 😜
اميره:هههههه متوبين من سالفج عوبه
خلصت اميره محاضرات ورجعت للبيت اتغدت ويه ابوها الي دائما ينتضرها ع الغده
اميره:امممم عاشت ايدي
ابو اميره:هههه اي والله كلش طيب وزين مسويته الاكل خصوصا بعد ركع الجدوره البارحه بالليل اني كلت ده تسوين باجه
اميره:ههههه سمعتني 😆 موجنت مستعجله لان عندي امتحان فخلصت الاكل وحطيته بالثلاجه وركض ع الغرفه
ابو اميره:بنتي مو بس اني سمعت المنطقه كلها سمعت
اميره:يوو 🙊
ابو اميره:شلونج بالامتحان اليوم
اميره:يعني 👀
ابو اميره:اريدج ترفعين راسي
اميره:دومه راسك مرفوع يابه وان شاء الله ما اخيب املك
ابو اميره:هذا املي بيج بنيتي هاج 💴 اكيد محتاجه ملابس
اميره:استلمت الراتب مال تقاعد
ابو اميره:لا والله بس عمج دزلي فلوس واليوم رحت استلمتهن
اميره:حبيبي عمو بس بابا اني ممحتاجه حاليا عندي
ابو اميره:ميخالف خليهن يمج يجوز تعوزيهن
اميره:الله يخليك اليه
في بيت نمير 🏤
ام نمير:شلونه الشغل اليوم
نمير(وهو يقرأ الملفات):اممم يعني تمام
ام نمير:خوما تعبان
نمير:اكو لوود علينه هالايام هواي شغل وخصوصا هالايام ضهرت هوايه شركات منافسه النه
ام نمير:الله يساعدك وليدي ويقويك يله صبيت الاكل كوم اكل شويه
نمير:اوك امي هسه جاي بس اكمل الشغل الي بيدي
ام نمير:ماشي حبيبي براحتك خلي اروح اصيح اختك علما تكمل
نمير 👱
مدير بشركة اتصالات عمره 26 شكله حلو وانسان خلوق ومعاملته طيبه ويه الموضفين والكل يحبه عايش ويه امه واخته وزوج امه
ملك:هااا بشر انحلت الازمه الاقتصاديه مال بلد
نمير:😒
ملك:ده كووم كوووم موتتني بس لازم هالاوراق وتقرا بيهن كافي عيش شبابك
نمير:شسوي مسؤليه وتركها عليه الوالد الله يرحمه
ملك:يعني اله تجهد نفسك ومكابل هاي الاوراق كلهن
نمير:تعرفين اي خطأ كومه تكلفنه خسائر
ملك:امممم طيب بلا فلسفه كوم اريد اكل ويه اخويه حبيبي
نمير:هههه يلا امشي
دك تلفون اميره
رامي:اميره
اميره:شترريد
رامي:شنو شريد احبج
اميره:عوفني بحالي رامي انت واحد ابو بنات وخاين وميفيد بيك الحجي
رامي:لج هيه لازكتلي شسويلها
اميره:رامي كتلك عوفني كافي تلح
رامي:والله احبج صدكيني
اميره:😔
رامي:انتضرج باجر اريد اكعد وياج هاي اخر ايام النه بالكليه
اميره:ماشي 😣
رامي:فديتج احبج
اميره:☺️
في الجامعه 🏨
رامي:داليا
داليا:نعم
رامي:اريد اشتري هديه لاميره وما اعرف شنو اخذلها وبما انو انتي مقربه منها اكيد تعرفين بذوقها
داليا:ههههه تريد تشتريلها هديه اوي سو كيوت
رامي:هاي شبيج
داليا:ههههه لا مابيه شي يلا امشي
وصلت اميره للكليه 👸
اميره:هلوو ملوكتي
ملك:هلو حياتي يلا نفوت للمحاضره
اميره:اييي بس قبل كل شي اريد اكلج شغله
ملك:شنو احجي
اميره:رامي خابرني
ملك:اييي 😳
اميره:وتصالحنه 😔
ملك:امددداج راح تضلين ثوله وع نياتج
اميره:لعد شسوي هوه كلي هيه لازكه بيه
ملك:وانتي صدكي بيه مثل كل مره لج ذيل الجلب عمره مينعدل
اميره:😔
ملك:هاج شوفي جبنه سيرة القط اجه ينط
رامي:هلوو صبايا
ملك:اني سابقتج للقاعه عود لاتتأخرين
رامي:هاي شبيها من يوم يومها كالبه وجهه عليه
اميره:لا مبيها شي بس تريد تراجع
رامي:مو مهم المهم انتي شطالعه اليوم تخبلين
اميره:شكرا
رامي:شنو هالرد امممم عموما عفتلج شغله باللوكر مالتج عود شوفيها 😉
اميره:ها شنو هالشغله
رامي:شوفيها انتي 😜 يلا سي يو بيبي. لوف يو
اميره:باي 😊
بعد انتهاء الامتحان راحت اميره وشافت اللوكر لكت باقة ورد احمر ووياها كارت اعتذار
اميره:وييي يجنن 🙊
رامي:عجبج 😉
اميره:هاي انت ههههه منين عرفت اني احب هالنوع من الورد
رامي:العصفوره كلتلي
اميره:ههههه لا صدك
رامي:داليا
اميره:يي حبيبتي دلو فديتها
رامي:واني شنو طرطور
اميره:شنو شكو
رامي:ماكو كلمه حلوه شي منا منا
اميره:ييي شكرررآ ☺️
رامي:بس يلا مقبوله منج 😏
اميره:لعد شتريد
رامي:لا حبيبتي سلامتج 😒
في الشركه 🏬
الموضف:استاذ محتاجين مهندسين لصيانه الاجهزه
نمير:ليش والمهندسين الي عدنه
الموضف:استاذ اكو مجازين واحمد وسمير استقالو تدري بيهم واحنه عدنه نقص اصلا
نمير:ماشي راح اشوف اني ادبر الموضوع
الموضف:اوك استاذ عن اذنك
في بيت نمير🏡
ام نمير:كافي شرب كافي
ارشد:شتردين مني عوفيني
ام نمير:يعني شلون حتكضيها تشرب محاس بالدنيا شكو لا تكول حرام لا تكول عيب من اولادي وشكلهم كدام الناس وابوهم سكير
ارشد:انتي بس همج ابنج وبنتج واني شنو وبعدين اني مو ابوهم رجل امهم يردون عود من يسألوهم الناس لايعترفون بيه
ام نمير:راح تموتني من قهري ليش هيج تسوي ليش
ملك:شبيج ماما ليش تبجين
ام نمير:لا ماما ماكو شي امشي نطلع ع البالوكونه
ملك:الله يجازي الي يقهرج
ارشد:شنو ولج شكلتي 👋
ام نمير:ليش هيج هيه شسوتلك قابل
ارشد:هالبنيه ممتربايه ولازم تتربى من جديد
ام نمير:ملك ملك بنتي تعالي
نمير(دخل للبيت):ملك مساء الخ!
ملك:😢(صعدت الدرج ع السريع)
نمير:امي شبيها ملك
ام نمير:اصعد احجي وياها شويه
نمير:شنو شصاير
ام نمير:😔
نمير:ملوكه حبيبتي افتحي الباب
ملك:بحالة بكاء شديده
نمير:ملوك افتحي الباب احجي وياج اني اخوج
ملك:نمير اريد اعوف البيت الله يخليك اشتريلنه بيت اني وياك نعيش بي
نمير:شنو الي صار
ملك:ارشد ضربني
نمير:شنوووو
ملك:تعال وين رايح الله يخليك تعال
نمير:ليش تمد ايدك ع اختي عبالك ماكو احد يوكفك عد حدك كافي استحملناك بما فيه الكفايه اطلع من حياتنه
ارشد:لك انت شنو تعلي صوتك عليه لكك
ام نمير:كااافي لهنا وكافي طلكني واطلع ما اريدك
ارشد:ههه تريد اطلكها بابا بسهوله الطلاك ادفعي تتطلكين
نمير:حقير شتريد انطيك وطلك امي
ارشد:السياره مالتها تتسجل بأسمي
نمير:من باجر تتحول بأسمك وتطلك امي واطلع هسه من بيتنه يله
ارشد:ههه عايفه الك بالعافيه عيوني
نمير:لاتضوجين امي الله خلصج منه ومن باجر احلى سياره تجيج يم الباب
ام نمير:لا يمه ممقهوره الحمدلله الله يجازي عليي سواه روح راضي اختك
نمير:وانتي !
ام نمير: حابه اكعد وحدي
نمير:وحدج
ام نمير:لاتخاف عليه امك صبوره ويامه تحملت اشياء
نمير(باسها من راسها)الله يخليج النه
صعد نمير لغرفة ملك
نمير.ملوك افتحي الباب
ملك:شصار شسويت
نمير:امسحي دموعج خلص ارتاحينه من عنده طلع من حياتنه نهائي
ملك:معقوله يعني طلك امي بهالسهوله
نمير:اكيد لا راد السياره مال امي
ملك:ونطيتهيا
نمير:فدوه الها مية سياره
ملك:اكيد بس هالانسان حقير فوك ميدفعلها المؤخر اخذ سيارتها الله يساعدج ماما اكيد مقهوره 😔
نمير:بالعكس خليها ترتاح من عنده ومن شره واستغلاله
ملك:خلي ننزل يمها
نمير:لا خليها ترتاح شويه وباجر نكعد وياها واني اصلا رايدج بموضوع
ملك:شنو الموضوع
نمير:باجر فضوليه
ملك:هههه اوك تصبح على خير
نمير:وانت من اهله
