نمير:بشرو شوكت نفرح بيكم
احمد:والله يا نمير همزين اجيت ملك تعبتي تريد بعد شهر يلا نسوي الخطوبه
نمير:ليش شعدج هلكد
ملك:شنو شعدي غير تحضيرات
نمير:كلشي تردي يجيج من باجر الصبح
ملك:بسس
احمد:ماكو بس شنو عذرج هسه
ملك:هففف محد يكدرلكم
نمير&احمد:ههههههه
احمد:خلص يعني الخميس ان شاء الله الخطوبه شنو رأيك نمير
نمير:الرأي رأيك عريسنه
ملك:لا بله صدك تحجون
احمد:وشعدنه منتظرين اكثر خير البر عاجله
نمير:انسان يفتهم
احمد:اشكرك حبيبي
ملك:اممم ضلو مدحو واحد بالثاني واني ضايعه بينكم
احمد:كولي اي بداعتي
ملك:خلص اي محد يكدرلك 👀
احمد:هههههه
نمير:يادوب نبدي تحضيرات وملوكه هالايومين لاتجين للشركه وكلشي تردي يصيرلج
ملك:لا شلون ما اجي لعد والشغل
نمير:كلشي يدبر معليج
احمد:ها بعد اكو حجه
ملك:هههه خلصن لالا بعد اكو واميره
نمير:قلبه كام يدك من سمع اسمها:شبيها!!!
ملك:اممم من احتاجها اثناء الدوام تجيني يعني متمانعلها
نمير:اي بس هذا تعب عليها
ملك:قابل تخاف ع صديقتي اكثر مني وبعدين احنه متفقين
نمير(اخاف عليها اكثر متصورين ياملك)ماشي كلشي تردي يصيرلج اني وعدتج وعند كلمتي
ملك:شكرآ نموري ☺️
احمد:الحمدلله
نمير:هههههه خلصتي قلبه للولد من هسه
احمد:اي والله تعبتني
ملك:اممم متفقين عليه عابتلكم شمسويه اني والله فقيره اهئ
احمد:اكيد 😉
نمير:هههههه يلا اعوفكم اني هسه كملو اتفاقاتكم
اميره وهيه شايله ملفات طلعت من مكتبها
نمير شافها وراح يمها
نمير:خطوبة ملك الخميس الجاي
اميره:صدك عابتلج ملك شو مكلتلي
نمير:هسه اتفقو هيه واحمد
اميره:حبيبتي اروح اباركلها
نمير:يوم الالج 😊
اميره:شكرا والك
اميره راحت لمكتب ملك
اميره:لج ليش مكلتيلي!!!يوو 🙊 اسفه مساء الخير 😊
احمد:ههههه مساء النور يلا اني اروح نتخابر بالليل ونكمل اتفاقنه ماشي 😉
ملك:ماشي ☺️
اميره:عوبه مزاعلتج متكليلي موعد خطوبتج شوكت مو
ملك:هوه منو كلج تونه اتفقنه
اميره:اخوج
ملك:هااا 😌
اميره:وجعا شكو 😒
ملك:هيج 😁 اي الخميس وويايه انتي بكلشي حتساعديني مو تفلتين
اميره:ميخالف تدلل ملوكتي
ملك:فديتج 😘
بعد يومين
ملك:حقيره اليوم تباتين يمي
اميره:شكو قابل باجر عرسج هيه خطوبه
ملك:بداعتي تعالي حتى تساعديني اكمل شغلاتي ومتوتره كلش
اميره:ولج مو كملنه كل التحضيرات وبعدين ما اكدر اعوف ابويه وحده
ملك:اني احجي وياه والله
اميره:ولج مو ع الاستأذان بس اني ما اكدر اعوفه
ملك:زعلت روحي ولي 😓
اميره:😑
على الغداء
ابو اميره:كولي بابا شتردين
اميره:هههههه مبين عليه
ابو اميره:اي احجي بابا محتاجه شي
اميره:لا بابا بس مثل متدري باجر خطوبة ملك ومحتاجتني وياها كلتلي تعالي باتي بس اني موافقت لان ما اكدر اعوفك وحدك
ابو اميره:لا بابا روحي ساعديها اخاف تحتاج شي واني شكو عليه هيه ليله
اميره:صدك😣 مو اخاف عليك
ابو اميره:لا بابا لاتخافين خطيه صديقتج ومحتاجتج
اميره:بس دير بالك على نفسك وتاخذ الدوه بوكته مو تنساه
ابو اميره:لا تخافين ما انساه
اميره:😊
ابو اميره:اميره تلفونج ده يدك
اميره:هسه اغسل المواعين وفد مره اصعد
ابو اميره:ده روحي شوفي هوايه ده يدك
اميره:ماشي
صعدت اميره
اميره:رامي اوووف شتريد مني ما راح ارد
وصلت رساله
رامي:ليش متردين عليه ليش جاوبي اميره بداعة كل لحضه حلوه بيناتنه
اميره:هسه يله تذكرت اللحضات الحلوه 😔
خلته صامت ونزلت
ملك:هاي وين راحت 😤
نمير:شبيج تحجين ويه روحج
ملك:اميره ماكو ادك عليها متجاوب
نمير:اخاف بيها شي
ملك:لا قبل ساعه جنت احجي وياها
نمير:اممم ملوكه اريد منج طلب
ملك:كول حبيبي
نمير:اريد تحجيلي عن اميره
ملك:ارجع واكول ليش 😌
نمير:الي ابالج بس احجي 😤
ملك:ايووووا هلا هلا 💃💃
نمير:هههههههه باجر خطوبتج يعني حتزوجين عقلي شويه
ملك:لك شأعقل مدا اصدك 😍😍
نمير:لهلدرجه تحبيها
ملك:كلش اميره ورده وانسانه طيبه وحنونه
نمير:اي اي احجيلي عنها 😊
ملك:ماشي ☺️ اميره صديقتي تعرفت عليها بالكليه اربع سنوات مطلعت منها غلطه ويايه انسانه مسالمه لابعد الحدود وقلبها طيب ونيتها صافيه ويه الكل وحيده ابوها امها توفت قبل كم سنه وهيه عايشه ويه ابوها وحدهم
نمير:ملك
ملك:عيوني
نمير:اريدج تساعديني اوصل لقلبها
ملك:نمير صدك تحجي 😲
نمير:اي ليش 😑
ملك:مو ممصدكه انت تحب الي اعرفه كل البنات يحبوك بس انت تحب والمن اميره صديقتي ياربي ممصدكه
نمير:صديقتج ملكت قلبي من اول ماشفتها
ملك:فدوه تستاهل اميره هالحب كله 😍
نمير:يعني حتساعديني
ملك:اوكف هاي اميره ده تتصل
نمير:افتحي السبيكر اسمع صوتها
ملك:لا
نمير:ليش
ملك:مرات وحده تغلط ع اللخ ما اريد تسمعنه 😒
نمير:ههههه ميخالف لعد كليلي شحتكول
ملك:اوك 😁،،،الوو
اميره:ما ادري داكه عليه عوبه ابشرج راح اجي اليوم ابات يمج
ملك:عااااا ياسلام صدك 😉
نمير:شنو
ملك:خلت ايدها ع السماعه وبصوت ناصي :حتبات اليوم يمي
نمير:صدك اوكفي اسمع صوتها
اميره:وكلت لبابا ووافق الحمدلله الو الو هبله شبيج انجلطتي من الفرحه
نمير:يسمع صوتها ومبتسم
ملك:جيب جيب ههههه:الو اميره مدا اسمعج عيدي شكلتي
اميره:لا ياخبله جنت احجي وحدي عابتلج المهم هسه حبدل واجي
ملك:يلا منتضرتج😍
بعد مرور ساعه
ملك:ياهلا بالحب
اميره:هلا بيج عروستنه يمه صديقتي كيكه
ملك:انتي الكيك اميرتي شكرآ لان اجيتي
اميره:لج شنو هالحجي اذا الج ما اوكف لعد المن امممم بيتكم حلو
ملك:انتي احلى
ام نمير:هلو اميره مو
اميره:اهلا خاله اي اميره
ام نمير:ضلمتيها بالوصف ملك صديقتج تخبل
اميره:شكرا خالتي عيونج الي تخبل
ام نمير:تفضلي حبيبتي شتشربين
اميره:لا خاله تسلمين
ام نمير:شنو هالحجي يلا حجيبلج شي ع ذوقي
اميره😊
ملك:شنو رأيج بماما
اميره:عبالك اختج بصراحه صغيره وحتى احلى منج 😁
ملك:هههههه عابت بس تردين تحجين عليه
اميره:نمير يشبهها
ملك:اي 😊
اميره:حلو هذا البيانو
ملك:تحبين تعزفين عليه
اميره:ياريت بس ما اعرف
ملك:احنه بس نمير يعرف وهوه دائما يعزف عليه
اميره:راح اجرب
ملك:يلا اطربينه ههههه تلفوني ده يدك ولج هسه اجي
اميره:ماشي بس لا تتأخرين ولج
ملك:لا جايتج دكي خلي اسمع
اميره:هههه ماشي
حاولت اميره تدك ع البيانو
نمير:اممم تحبين تتعلمين
اميره:حطت ايدها ع كلبها:خوفتني
نمير:اسف
اميره:لا عادي
نمير:شلونج
اميره:زينه وانت
نمير:زين تحبين اعلمج
كعد نمير بصف اميره ولزم ايدها
نمير:شوفي هيج وبده يعزف
اميره:(كلش خجلانه)
نمير لازم ايد اميره وكل شويه تتلاقى عيونهم سوه واميره تنزل عيونها
نمير(اثناء العزف ع البيانو):حلوه اليوم طالعه
اميره:ها !
نمير:كتلج حلوه اليوم طالعه
اميره:شكرآ
نمير:(ابتسم):علفكره خدودج صارن حمر
اميره:(كامت اميره وهيه مرتبكه) ملك وين كالت حصعد وهسه انزل وتأخرت
نمير:هسه تجي اذا تحبين صعديلها
اميره:لا حنتضرها
ام نمير:نمير انت هنا
نمير:اي امي هاي شنو العصير اليه
ام نمير:لا لاميره
نمير:لا اميره متريد موصحيح 😉
اميره:(نضرتله بخجل) اي ما اريد
ام نمير:😊 هذا ابني يحب يتشاقه هوايه بس ويه الي يعزهم ويحبهم لا تضوجين
اميره:هاا !!لا مضايجه عادي مثل اخويه
نمير:اخوج 😠 لانفس الاب ولا نفس الام منين صرت اخوج
اميره:لعد شأكول
نمير:نمشيها ابن خالي ابن عمي اي شي بس مو اخوج
اميره:ميخالف
ام نمير:شنو قصتك اليوم نمير
نمير:احب اشاقيها
اميره:خاله شو ملك تأخرت
ام نمير:صعديلها غرفتها فوك ع اليمنه
اميره:اوك من رخصتكم
امً نمير:وين وين
نمير:اوصلها
ام نمير:ههههه اكعد مبين هاي البنيه جننت ابني
نمير:مو شلون مجان
اميره:عوووبه وين عفتيني
ملك:لحضه احمد ها ولج تعالي
اميره:اممم كملي مكالمه هسه
ملك:اوك حبيبي بعدين نتحاجه بيباي ☺️
اميره:حبيبي 😯
ملك:اي ليش هوه مو حبيبي 😍
اميره:لا مابيها شي فدوه 😁
ملك:نمير جان يمج
اميره:اي شمدريج
ملك:عرفته من العزف مالته
اميره:يلا كليلي هسه شمحتاجه شنسوي
ملك:كلشي مكمله بس اريدج معنويآ تسانديني
اميره:امداج مجان ساندتج بالتلفون 😒
ملك:لا يمي احسن 😁
نمير:ملك امي تريدج بالمطبخ
ملك:اي 😄
اميره:اوكفي ملك اجي وياج
نمير:(لزم ايد اميره):لا ميحتاج هيه راح تساعدها
اميره(جرت ايدها):مو خطيه عروسه
نمير:لا عادي متعوده ملك تساعد امي بالمطبخ
اميره:زين انزل يمهم
نمير:براحتج بس حبيت اسألج شلونج خوما بعدج ضايجه علمود هذاك الحقير
اميره:لا ميستاهل واصلا ما اريد اتذكره
نمير:تحبي
اميره(باوعت بعيون نمير)
نمير:جاوبي تحبي
اميره:لا وكامت ع السريع
نمير:سد الباب ووكف:متنزلين قبل متجاوبيني
اميره:خلي انزل شبيك
نمير:جاوبي
اميره:وانت شعليك احبه او لا
نمير:لا عليه جاوبي
اميره:لا ما احبه
نمير:زين و...
ملك:اميره
نمير:مو وكتج ملك
اميره:اي اجيت شويه
نمير(ترك الباب وطلعت اميره)
اميره(ياربي قلبي عبالك طبل )
ملك:شبيج حبي شو مو على بعضج
اميره:لا مابيه شي خلصتو محتاجين شي
ملك:لا بس شيلي ويه ماما
اميره:اوك
ملك(فتحت الباب مال غرفتها)شنو سويت نمير
نمير:شنو مفهمت
ملك:اميره مو على بعضها خوما ضوجتها او تجاوزت
نمير:من كل عقلج اني اخاف عليها من الهوى الطاير اكوم اني أأذيها
ملك:لعد شبيها
نمير حجه لملك كلشي
ملك:لا تضغط عليها نمير الي صارلها مو شويه
نمير:ملك مدا اتحمل احبها
ملك:حبيبي ولا يهمك بس اصبر عليها شويه
نمير:اصبر والله كريم
ملك:يلا تعال صبينه الاكل
نمير:روحي انت اني حروح للغرفه ارتاح تعبان اليوم اجتماع سويت للموضفين وتعرفين بعد الدوخه مال كل مره ومن وراج كلشي براسي صار تعودت شايله عني هوايه من يوم الي داومتي
ملك:احد كللكم زوجوني
نمير:علساس مو برضاتج 👋
ملك:ههههه 😁
على العشاء
ام نمير:لعد نمير وين
اميره:👀
ملك:كال تعبان وراح نام
ام نمير:شبي اروح اشوفه
ملك:لا ماما مابي شي بس تعب شغل
ام نمير:الله يساعده
اميره:😔
ملك:شبيج اميرتي شو ضايجه
اميره:لا حبي مابيه شي اتصلتي بالصالون اكدتي الحجز
ملك:اييي وباجر نروح ع10
اميره:ماشي
