الساعه 8 مساءآ 🎆
احمد:مساء الخير
نمير:مساء النور تفضل احمد
احمد:اخاف ازعجكم
نمير:لا يمعود تشرف اهلا بيك تفضل
احمد:يزيد فضلك اشكرك
ام نمير:السلام عليكم
احمد:عليكم السلام
ام نمير:اني ام نمير
احمد:اهلا خاله اتشرفت بمعرفتج
ام نمير:اليه الشرف ابني تفضل
نمير:عن اذنكم دقايق
ملك:👀
نمير:👋شدتسوين
ملك:اوي عابتلك خرعتني ههههههه
نمير:ههههه كومي يله شوفي احمد
ملك:شلون طالعه اني مرتبه مو
نمير:ولج انتي شو متستحين ولج اني اخوج ع الاقل خجلي من عندي بالجذب سوي نفسج مستحيه
ملك:ها لا لا مستحيه والله 😔
نمير:هههههه اتشاقه وياج امشي ولج
ملك:☺️
دخلت ملك للصاله
ملك:مساء الخير
احمد :مساء النور
ملك(حلو ☺️)
احمد:نمير اخويه اني جاي اطلب ايد اختك
الكل :ههههههه
احمد:شنو شبيكم
نمير:مشفت روحك شلون مستعجل من تحجي
احمد:ها مو ارتبكت 😅
ملك:😇
نمير:اني الجواب مو يمي يم ملك هاي حياتها وهيه تختار ويامن تكملها
احمد:وشنو رأيج ملك
ملك:ما اعرف بس انطيني فرصه افكر وبنفس الوقت اريد اعرفك زين يعني اذا وافقت لازم خطوبه قبل ما نعقد
احمد:حقج كلشي تأمرين بي اني حاضر
ملك:👼
نمير:زين حابه هسه تسألي شي
ملك(شاورته)انت اسأل
نمير:شنو
ملك(عابت اي والله اطرش 😠):نمير انت اسأل
نمير:شنو اني حتزوح
احمد&ام نمير:هههههههه
ملك:😥
نمير:احمد احجيلنه عن نفسك
احمد:اني مهندس معماري عمري 25 سنه عايش ويه امي وابويه وعندي٣ خوات واخ واحد وان شاء الله بس نتزوج نسكن ابيت اشتريته قبل فتره هنا بالمنطقه يعني اذا صار نصيب ملك تكون قريبه عليكم
نمير:طيب ان شاء الله بأقرب وقت نردلك خبر
احمد:ان شاء الله يله اني اترخص
نمير:وين ده اكعد بعد وكت اشرب العصير ع الاقل
احمد:الله يسلمك بس والله عندي شغله ضروريه متتأجل
نمير:على راحتك حبيبي
احمد:مع السلامه خاله مع السلامه ملك
ام نمير&ملك:الله وياك
نمير:امممم هاا شتكول اختي الحلوه
ملك:ما اعرف افكر وانت هم اسأل
نمير:امممم يعني نكول مبروك 😜
ملك:امشي عابتلك
نمير:هههههه
ام نمير:الله يسعدج بنيتي نمير اسأل ع الولد زين اخاف جاي على طمع شي ويستغل بنتي
نمير:لا توصين حريص امي
ام نمير:ادري بيك كدها ابني فدوه لطولك ان شاء الله يوم الي افرح بيك
ملك:الوووو لج اجه اجه
اميره:ايييي سولفي احجي شصار اوكفي اوكفي اول شي شلون شكله اكيد حلو
ملك:شبيج اكلتيني وشربتيني هههههه اي حلو ☺️
اميره:لك هلا هلا مبينه الاجابه 😉
ملك:ولج انجبي جنج اخويه هم مكابلني 😒
اميره:من محبته غير احجي يلا فضيني
ملك:اممم هوه حلو ومهندي مثلنه اكبر مني بسنتين ومبين اخلاق وخوش ولد
اميره:ايووووا شددد يما يما 💃💃
ملك:هههههههههه خبله
اميره:لج فرحانتلج شكد متصورين
ملك:فديتج حياتي يوم الي افرح بيج انتي هم 😘
اميره:ههههه اني وين ياحسره متشوفين احوالي ويه رامي مو هلكد
ملك:ومنو جاب سيرة هالزفت
اميره:لعد المن اتزوج
ملك:اكيد غير واحد هذا شنو
اميره:😔
ملك:لا تصيرين طيبه زياده عن اللزوم ميستاهلج والله
اميره:هذا بعد بختي وحضي اندعيله بلكي ينعدل ويصير زين
ملك:اوووف متصيرله جاره وداعتج
اميره:اوي عوفي موضوعه ما اريد اخرب فرحتج
ملك:ولج شنو هالحجي احنه خوات لانب عندي غيرج ولا انتي
اميره:فديتج يا احلى اخت بالدنيا
ملك:انتي احلى اخت والله فديتج اميرتي يلا اروح انزل اشوف الاوضاع جوه
اميره:ههههه ماشي وبشريني عود
ملك:اكيد 😚
مرت الايام ورامي ماكو خبر منه لا يتصل على اميره ولا يسأل عنها
رامي:الو
اميره:هاي وينك عاش من سمع صوتك
رامي:ملتهي بالمحل ويه ابويه
اميره:هاا اممم المهم شلونك اخبارك
رامي:زين وانتي
اميره:زينه شبيك شو صوتك متبدل اكو احد يمك
رامي:لا ماكو احد كاعد وحدي
اميره:لعد شبيك
رامي:اميره ماكو شي كافي تلحين اكلج اريد اروح عندي شغل بيباي
اميره:😢
ابو اميره:شبيج حبيبتي ليش تبجين
اميره:لا مدا ابجي بابا
ابو اميره:على ابوج ولج احجي شبيج
اميره(حضنت ابوها وتبجي ):اشتاقيت لماما
ابو اميره:اني هم اشتاقيتلها باجر نروح نزورها
اميره:اي اي كلش محتاجه ازورها
ابو اميره:ميخالف بس امسحي دموعج فهميني ليش تبجين
اميره:ماكو شي بس قلقه علمود النتائج هالايام
ابو اميره:لا تخافين حبيبتي الله ميضيعلج تعب ان شاء الله
اميره:ان شاء الله اندعيلي
ابو اميره:اكيد شعندي غيرج
بعد مرور ٥ ايام
اميره:ملوكه شوفي نتيجتي وياج خايفه رجلي مدتشيلني
ملك:ماشي هسه اجي
داليا:هلاو اميره
اميره:هلو حبي
داليا:بشري شطلعتي
اميره:بعد ملك راحت تشوف نتيجتي ونتيجتها انتي بشريني
داليا:مكمله بدرسين
اميره:اوف 😔
داليا:لا عادي شسوي اوي
رامي:صباح الخير
داليا&اميره :صباح النور
رامي:شلونج اميره
اميره:زينه
رامي:دومج اي داليا شلونج اخبارج
داليا:تمام وانت
رامي:والله على الله مشتاقلكم كلش
داليا:اي والله اني هم كلش مشتاقه للدوام والكم ☺️
ملك:اميرررره لج ناجحين ناجحين ممصدكه
اميره:عليج الله صدك واووو كلش فرحانه
رامي:مبروك
اميره:الله يبارك بيك 😄
رامي:يلا اني رايح محتاجين شي
داليا:سلامتك ☺️
اميره:😞
ملك(شاورت اميره):خلي يولي اوي شتسويله لاتضيعين فرحتج
اميره:ماشي يلا امشي نحتفل نروح للمطعم
ملك:اييي يلا
اميره:دلو تجين ويانه
داليا:لا روحو انتو اني حبقى اودع البنات والشباب
اميره:براحتج حبي
ملك(بصوت ناصي):بعد احسن هههه
اميره:هههه وج اش اسكتي فضحتينه
رامي:وين رحو
داليا:للمطعم
رامي:همزين 😏
داليا:شنوو
رامي:شلونج اشتاقيتلج
داليا:هاا اممم اني هم
رامي:داليا اريد اكلج شغله اني معجب بيج وبعد ما اكدر اضم عليج
داليا(واخيرا حجه 😍):لعد واميره
رامي:شسويلها اني من تقربت منج بعد ماعندي اي مشاعر تجاها
داليا:بس اميره صديقتي
رامي:يعني واذا صديقتج اني اهم لو هيه
داليا:مو اخاف متتقبل الموضوع
رامي:يعني انتي قابله مو 😉
داليا:ما اعرف خليني افكر
رامي:منتضرج 💑
في المطعم
اميره:هذا بابا ده يدك الووو باباتي نجحت حبيبي اي اي الحمدلله هسه اني ويه ملك بالمطعم شويه وارجع اوك بيباي 😘
ملك:فرح
اميره:ايييي طار من الفرح حبيبي بابا شكد تمنه هاليوم
ملك:الله يخلي الج
ملك:وييي هذا اخويه الو هلو نموري
نمير:بشري شطلعتي
ملك:شتتوقع من اختك اكيييد ناجحه 💪
نمير:عفيه بالسباعيه يلا حتى تجين تشتغلين ويايه وتساعديني
ملك:اكيد ان شاء الله ☺️
نمير:ملوكه ما اوصيج شوفي موضوع المهندسين الي كتلج عليه حتى باجر اسويلهم المقابله واشوفهم
ملك:ماشي
نمير:يلا حياتي محتاجه شي
ملك:سلامتك قلبي
اميره:اممم شكد حلو من عندج اخ تحسي سندج بالحياه وحمايتج
ملك:شي حلو اكثر مما تتصورين وخصوصا اذا جان الاخ انسان متفهم وهادئ مثل اخويه
اميره:الله يخلي الج
ملك:واحساس الاخت هم حلو تشاركج بحزنج وبفرحج وتوكف بجانبج بكل الاوقات
اميره:اي 😔
ملك:شبيج ولج لعد اني مو اختج 😒
اميره:طبعا اختي حبيبتي 😄
ملك:باجر المقابله بشركة اخويه علمود الشغل مو تنسين
اميره:عاااا غير تكليلي قبل بوكت
ملك:ولج هوه اني نسيت هسه ذكرني وكلت لساره وهبه
اميره:زين راح اكلج شغله ولو ادري بيج حتضوجين
ملك:كولي 😒
اميره:ليش منكول لرامي هم
ملك:خرب ببليسج هففف يعني هناك هم مراح اخلص منه
اميره:شسوي حتى بلكي رامي يكدر يكون نفسه ونتزوج
ملك:ماشي ميخالف ولو اني ممقتنعه بس لخاطرج
اميره:ييييي فديتج ياعمري
ملك:فداج الكون يلا اسكتي خل ناكل 😒
اميره:هههههه ماشي 😗
في بيت اميره
اميره:هلو رامي
رامي:هلو اميره
اميره:دكيت عليك هوايه مرديت
رامي:جنت مشغول
اميره:اممم باجر نروح نسوي مقابله لشغل
رامي:صدك وين
اميره:بشركة اخو ملك شركة مال اتصالات نلتقي باجر بالكافتريا القريبه على بيتنه ع ال ١٠
رامي:ماشي
الساعه10 صباحآ
السكرتير:استاذ الهندسين بالصاله منتضرين حضرتك
نمير:اوك دخلهم بس واحد واحد
اميره:صباح الخير استاذ
نمير:صباح النور!
