اميره:باجر يوم جديد وتغيير بحياتج
ملك:اي امممم
اميره:فرحانه
ملك:مااعرف كتلج مابين الخوف والفرح تمنيت هالليوم نتشاركه سوه
اميره:هههههه شلون الا اذا تزوجنه اخوه
ملك:مو شرط!!!اميره ممكن تحبين بعد
اميره:شنو مناسبه هالسؤال
ملك:هيج مجرد سؤال واجه على بالي
اميره:ما اعرف ممكن اي وممكن لا
ملك:زين ماكو احد هسه ابالج
اميره:يعني منو ابالي مثلا هوه منو بحياتي اصلا
ملك:ليش احنه هسه مو نداوم بالشركه يعني هواي اكو موضفين ويانه
اميره:ما اعرف بس محاسه شي تجاه احد ومحد محسسني بشي هم
ملك:اممم طيب (متوقعتج تضمين عليه 😔)
اميره:شبيج ملوكه شو ضايجه
ملك:لا مابيه شي خلي أنام حتى نكعد من وكت
اميره:اوك حبي تصبحين على خير
ملك:وانتي من اهله
الساعه 10 صباحآ
ام نمير:ها حبيباتي رايحات
ملك:اي ماما
ام نمير: البدله تاخذيها وياج علمود المكياج لو تبقيها
ملك:لا مراح احذها
ام نمير:يلا لعد روحو لاتتأخرون
ملك:ماشي ماما بيباي
اميره:الله وياج خاله
ام نمير:الله وياكم حبيباتي
في بيت رامي
ام رامي:رامي تلفونك يدك
رامي:اي امي اجيت
المتصل داليا
رامي:اووووف مراح تعتقني هالبنيه ،،الو
داليا:ليش متجاوب فهمني
رامي:يابنت الحلال كتلج وفهمتج ما النه رجعه كافي تحاولين
داليا:شنو هوه بكيفك شوف اكلك اذا مارجعنه واجيت تقدمتلي ميصير خير واني كتلك ها مخبله وكلشي توقع مني
رامي:شتردين تسوين سوي معايزني غير انتي تهددين والله ياالله
داليا:ماشي يارامي ماشي
رامي(سد التلفون):مخبله مدري شعجبني بيها هاي
في الشركه
نمير(اشتاقيتلها هسه شدتسوي اكيد ويه ملك بالصالون خلي اتصل بملك واشوف)
ملك:هذا نمير اميرتي حبي جاوبي ما اكدر اني
اميره:امم اوك ،،،الو
نمير:اميره 😊
اميره:اي
نمير:شلونج اقصد شلونكم محتاجه شي ملك
اميره:زينين لا ممحتاجه شي
نمير:اسف ع الي صار البارحه
اميره:مصار شي عادي
نمير:طيب من تكملون خلي تدكلي ملك حتى اجي عليكم لان اكيد مراح تكدر تسوق
اميره:ماشي اكللها
نمير:يلا مع السلامه
ثىاميره:الله وياك
نمير(صدقه لهلصوت)
ملك:ها شكال
اميره:منو
ملك:هاي شبيج ولج نمير مو جنتي تحجين وياه
اميره:اي اي كال من تخلصون دكيله حتى يجي علينه وسأل عليج
ملك:حبيبي تسأل عليه العافيه خوش همزين حتى اكله يدز سايق يرجع سيارتي
اميره:امممم
ملك:محتسوين شي انتي مكياج تسريحه
اميره:لا مجاي على بالي
ملك:شنو مجاي على بالج سوي لاتزعليني اريد اليوم اثنينه نطلع فدشي
اميره:اوف منج مينكدرلج هههههه
ملك:اييي يكولون 😁
الساعه ٥ عصرا
ملك:يلا حبي نمير دكلي
اميره:ماشي لملمت كلشي ماعنده بعد شي
ملك:هياته تعالي نصعد،،،هلووو 😊
نمير:هاي شطالعه ولج
ملك:اخبل مو
نمير:طبعا يلا صعدي هاي اميره
ملك:اي
ًنمير نزل من السياره
نمير ضل واكف وصافن على اميره واميره صافنه عليه
نمير:اميره يلا صعدي
اميره:اي بس هذني الغراض افتح الجنطه
نمير:لا هسه اخليهن بسياره ملك يا رياض
رياض :نعم استاذ
نمير:خلي هذني الغراض بالسياره واخذها للبيت،،يلا صعدي
اميره(شو مكلي شي معقوله منتبه )
نمير(غير اتجاه المرايه الاماميه وحطها على اميره وطول الطريق يباوعلها وهيه صافنه على الطريق)
ملك:هاا 😉
نمير:اشش
ملك:😜
وصلو للبيت
ام نمير:صلاوات فدوه لبنيتي شطالعه كبرتي ياملوكه وصرتي عروس
ملك:كل الي وصلتله من نجاح وكلشي بيه اني كله بفضلج احبج يا امي
اميره:😢
نمير:ليش تبجين
اميره:تذكرت امي
نمير:😟،،،يلا كافي حزن اليوم عدنه فرح وبعدين حتضلون بالشارع ملوكه فتحي الباب
ملك:شكو
نمير:ده افتحي
ملك،اميره:😵😵
ملك:هاي شنووو
اميره:وواووو
نمير:الف مبروك اختي حاولت ولو جزء بسيط اقدملج زينت الحديقه كلها وسوينه تغيرات بشغلج 😁 بس ميخالف اهم شي بالنهايه شصار
ملك:عابتلك فرحتني كلش فديتك يا احلى اخ
اميره:😊
نمير:وانتي ليش مبتسمه
اميره😒 عافته وراحت
ملك:👋تالي وياك اتحرك مو تكلبها عليك
نمير:معليج اني دا اسوي الصح 😉
ملك:اممم 😕
بدء الحفل والكل جان سعيد احمد لبس الحلقه لملك وصارت خطيبته رسميا وبدو يرقصون
علي:ممكن نرقص سوه
نمير:👿
اميره:لا اسفه ما اكدر
نمير:ليش مركصتي وياه😏
اميره:شنو ليش مركصت معاجبني اكيد(ياربي شبي اليوم متغيير)
نمير:وين صافنه
اميره:دا اشوف ملك شلون سعيده هيه واحمد حلوين ومناسبين لبعض
نمير:انتي رومانسيه
اميره:شنو هالسؤال
نمير:مدا اسألج دا اكلج انو انتي رومانسيه وتحبين هالاجواء
اميره:كلش وما اتوقع اكو بنيه متحب هيج شي
نمير:احس اكو تغيير اليوم
اميره:اي (واخيرا)
نمير:الجو يخبل
اميره:الجو 😑
نمير:اي لعد شنو هااا اكو شي ثاني 😄
اميره:شنو بله
نمير:مراح اكلج 😌
اميره:(عصبت):لاتكول ما اريد اعرف
نمير:شبيج ضجتي
اميره:لا مضجت وليش دا اضوج اصلا
نمير:ما اعرف كولي لنفسج
اميره:😣
ملك:اميره تعالي ناخذ صوره
اميره:اي همزين اجيتي
ملك:تعال نمير انت هم
اميره:(اهووو)
ملك:شبيج حبي
اميره:لا ماكو شي بس تعبت جسمي كلش نحلان
ملك:روحي كعدي لعد ارتاحي
اميره:ماشي اهم شي انتي سعيده
ملك:كلششش
اميره:حبيبتي 😘
راحت اميره كعدت ع الطاوله
شافت بنيه واكفه يم نمير وتشاوره
اميره:(هاي شبيها شنو هاللواكه هوه واكف بصفها اله تشاوره بنات اخر وكت والله ياالله😒 )
نمير انتبه على اميره ونضرتها ابتسم وراح عليها
نمير:تركصين ويايه
اميره:لا،،اقصد اي
نمير:ها
اميره:مليت من الكعده
نمير:يلا (ومد ايده)
وكفت اميره وشتغلت اغنيه سلو(طبعا نمير وصاهم يشغلوها)
بدو يرقصون والايد بالايد
نمير:(تقرب من اميره وشاورها)علفكره اليوم تخبلين طالعه
اميره:توك انتبهت
نمير:لا بس حبيت اضوجج
اميره:(غمضت عيونها )
نمير:دقات قلبج سريعه
اميره:(باوعت على نمير وبهدوء كلتله)انت شتريد مني ليش هيج تسوي بيه
نمير:تعرفين ليش
اميره:ليش
نمير:باس كصتها لاميره وكللها(لان انتي اميرة قلبي ملكتي من اول ماشافتج عيوني)
اميره:(توقفت عن الرقص وهيه صافنه عليه)
نمير:احبج بجنون
اميره:الحب اذيه
نمير:مو ويايه الاذيه صدكي احبج اميره وحسعدج واني عد كلمتي
اميره:ما اعرف شنو اجاوب
نمير:فكري (وخله ايده على وجهه )
اميره:كافي تباوعلي بعيونك هيج
نمير ابتسم :تضعفين كدامهن اعترفي
اميره:لا موهيج بس
نمير:لا مو بس كافي تنكرين دقات قلبج فضحتج
اميره:اريد اروح
نمير:موافق هالمره تروحين لان واثق حترجعين بين ايديه
اميره:شنو الي يخليك واثق
نمير:سألت قلبج وكلي
اميره وهيه صافنه
ملك:اميره اميره
اميره:هاا
ملك:وين ده تباوعين
اميره:نمير واشرت كدامها
ملك:ماهوه نمير شبيج تعالي
نمير من بعيد مبتسم
انتهت الحفله والكل راح
احمد:يلا حياتي اني اروح
ملك:ده اوكف شويه حباب بعد وكت
احمد:حبيبتي ميصير بعد تأخر الوقت
ملك:اممم زعلت
احمد:هههه يلا لخاطرج نص ساعه بس
ملك:اوك حبيبي ☺️
اميره تلم غراضها حتى ترجع للبيت
دك التلفون اميره داليا شتريد مني هاي
اميره:نعم
داليا:شوفي اكلج اذا رجعتي لرامي متلومين غير نفسج
اميره:داليا فدوه اروحلج امسحي رقمي وبعد لا تتصلين لا انتي ولا رامي وكافي الي سويتو رجاءا ابعدو عني وعن حياتي
داليا:ههههه تقشمريني بهالحجي عبالج اني غشيمه اكيد تتخابرون وتلتقون من يوم الي صار ورامي تغير عليه
اميره:كتلج ما..
نمير اخذت التلفون من اميره
نمير:اتوقع كلتلج عوفوها بحالها ورجاءا لاتتصلون بعد ولاتقربولها اميره خطيبتي واني ما اقبل
اميره:😳
داليا:هاا انت منو
نمير:وانتي شعليج ،،وسد التلفون
اميره:ليش هيج كلت
نمير:ليش عندج مانع لو فرحانه يتصلون بيج هيه وياه
اميره:شتقصد😠
نمير:اقصد الي فهمتي
اميره اخذت غراضها وع السريع طلعت
نمير لزم ايدها واخذ الغراض منها
اميره:عوفني عوفني
نمير:زين ليش تبجين
اميره:ما احب سوء الضن
نمير:يعني تهمج مشاعري اي اني اغار عليج وما اتحمل يفتحون موضوع هالحقير كافي انتي اليه افتهمي
بهالاثناء احمد وملك بالحديقه
احمد:هذاك مو نمير واميره صديقتج شو عبالك ده يتعاركون
ملك:صدك اوكف خلي اشوف
اميره:كافي عوفني اروح
نمير:اني اوصلج متروحين وحدج
ملك:هاي شبيكم اميره ليش تبجين
اميره:مابيه شي اريد اروح
نمير:يلا خليت الغراض امشي
لزمها من ايدها وصعدها بالسياره
ملك:شبيكم نمير بهدوء
احمد:شنو شصاير
ملك:ما ادري 😞
كضو الطريق وهمه ساكتين وصلو للبيت نمير نزل الغراض
ودك الباب وراح اميره سلمت على ابوها وصعدت لغرفتها وضلت تبجي لحد مانامت
اتصلت داليا برامي وكلتله الي صار وهيه شمتانه بيه
كعدت الصبح اميره لكت مكالمات ١٠ من رامي
اميره:ياربي شسوي هسه اوف ده يتصل
رامي:الووو الووو جاوبي
اميره:رامي للمره الاخيره حكول بعد لا تتصل
رامي:يعني صحيح انخطبتي مو
اميره:اي انخطبت وراح ابدي حياة جديده فرجاءا عوفوني بحالي
رامي:ماشي يا اميره انتي الخسرانه
اميره سدت التلفون بسرعه من جهه فرحانه خلصت من اذية رامي وداليا ومن جهه حزينه ع الي صار ويه نمير
ابو اميره:صباح الخير بنتي
اميره:صباح الخير بابا
ابو اميره:عندي موضوع وياج والبارحه ردت اكعدج بس عفتج ترتاحين
اميره:شنو بابا
ابو اميره:نمير اخو ملك صديقتج
اميره:(وقلبها يدك سريع)شبي
ابو اميره:اجه بعد وصلتي وحجه ويايه بموضوعج
اميره:موضوع شنو
ابو اميره:طلب ايدج مني
اميره:😥
ابو اميره:شكلتي بابا مبين عليه خوش ولد وهوه مديرج بالشغل واخو صديقتج اني اريد اطمئن عليج قبل لا اموت
اميره:لا بابا الله يخليك لا تكول هيج من عمري على عمرك
ابو اميره:يا ابويه هيه هاي سنة الحياة شنو كلتي بموضوع الولد اذا تحبين تفكرين فكري هيه هم حياتج واني مراح اجبرج
اميره:اوك بابا افكر واردلك خبر
ابو اميره:ان شاء الله خير يلا اني انزل
اميره:ان شاء الله ماشي بابا بس على كيفك فدوه
اميره(نمير !!شنو حسوي هسه 😔)
في بيت نمير
نمير:ملك ملك
ملك:عوفني هسه حباب نعسانه
نمير:كومي ولج
ملك:حباب شويه
نمير:احمد اجه
ملك:وين صدك وين عزه خلي اكوم امشط انزل يمه شويه يلا علما اجي
نمير :😒
ملك:شبيك صافن ولك!!بسلا ده تجذب عليه 😡
نمير:يعني احجي اصيح متقبلين تكعدين من كتلج احمد اجه طفرتي من الفراش
ملك:غير خطيبي هسه انت مو اميره تركض منا ومنا علمودها 😆
نمير:علساس الج ما اركض عموما يلا خابري اميره
ملك:ها شكلت 😆
نمير:بسرعه ملك
ملك:بالاول كلي شصار البارحه شنو اني مثل الاطرش بالزفه وانتضرتك تجي تأخرت تالي نمت
حجه نمير لملك
ملك:تاريك مو سهل يا نموري
نمير:حتتصلين لو لا 😒
ملك:اي 😁
اميره باوعت ع الموبايل وشافت ملك (اكيد هسه عرفت ملك شحكللها)
ملك :مدتجاوب لاردت
اميره:هلو عروستنه
ملك:هلا حبي
اميره:شلونج
اخذ التلفون نمير
نمير:شلون صرتي
اميره:نمير 😞
نمير:اسف
ملك :☺️😍
اميره:ساكته
نمير:حجه عمو وياج
اميره:اي
نمير:شنو ردج
اميره:افكر
نمير:ما اكدر اصبر
اميره:
نمير:جاوبي اميره
اميره:انتطيني وقت افكر
نمير:ماشي مراح اضغط عليج اكثر
اميره😞
نمير:بيباي اميره
اميره:بيباي
ملك:ها شكالت
نمير:كالت افكر
ملك:زين ليش انت ضايج
نمير:تمنيت ترد بسرعه جنت واثق تحبني بس مدام حتفكر يعني لا
ملك:لا لتضلمها بس هيه خايفه
نمير:اعرف اصبر واشوف
بعد يومين في الشركه
اميره:شو نمير ماكو لا البارحه ولا اليوم
ملك:شبي الحلو يحجي ويه روحه
اميره :ها ملوكه شلونج
ملك:زينه
اميره:احمد
ملك:زين ☺️
اميره:يمه الحب يمه مبين من عيونج
ملك:ههههه اي
اميره:ملك شنو نمير ممداوم
ملك:لا مداوم ليش
اميره:(😞) لادا اسأل عندي ملفات اريده يوقعهن توديهن انتي
ملك:لا ولج عندي شغل ضروري
اميره:روحي زاعلتج
ملك:احبج عوبه
اميره(شحيوديني هسه)
السكرتير:اتفضلي انسه
اميره:استاذ نمير موجود
السكرتير:عنده اتصال مهم
اميره:ماشي اجي غير وقت
نمير فتح الباب
نمير:ماعندي شي انسه تفضلي
اميره:😣،،تفضل هاي الملفات مال اجهزه الجديده توقيعك عليهن حتى يجهزوهن للشركه
نمير:بس احنه مو بحاجه لاجهزه الي عدنه كفايه
اميره:لا طلعت وشفتهن اني وكادر الصيانه اكو بيهن مستهلكات واكو بيهن عطل
نمير:ماشي وهاي توقيع محتاجه شي ثاني
اميره(ليش هيج يحاجيني):لا شكرا استاذ
نمير:لحضه
اميره:نعم استاذ
نمير:لاماكو شي تكدرين تتفضلين
ارجعت اميره لمكتبها وتبجي
اميره (وينج يا امي محتاجتج )
نمير فتح الباب واتقرب من مكتب اميره ورفع راسها وشاف الدموع بعيونها
نمير:ليش تبجين
اميره:(مسحت دموعها ع السريع)لا ماكو شي
نمير حضن اميره:ما عاش الي يبجيج
اميره خلت ايدها ع حلكه:لاااا اسم الله
نمير:تحبي
اميره دنكت
نمير:هههه احبج ورفع راسها بأيده
اميره:اني هم ☺️
نمير:يمه فدوه
اميره:ههه كافي
نمير:فديت الخجول احبببببج شال اميره وضل يفتر بيها
اميره:نمير لحد يجي
نمير:خلي يجون خلي الدنيا كلها تعرف
اميره:☺️
بعد مرور شهر
ملك:شطالعه اليوم الجميله
اميره:هههه كافي خجلتيني
ملك:بله صايره انخطب قبلج وتتزوجين قبلي
اميره:شسوي لاخوج ميقبل يأجل
ملك:حقه يخاف لا تطيرين من ايده
اميره:هههههههه وين اروح قابل
ابو اميره:اميره بنتي
اميره:بابا حبيبي (وحضنته)
ابو اميره:تمنيت لو امج عايشه وتشوفج بفستان العرس
اميره:الله يرحمها بابا ويخليك اليه
ابو اميره:الله يسعدج بنتي
ملك:شوفي منو وراج
نمير:(صافن ومبتسم):لو اكول اني اسعد انسان هم قليله
اميره:😊
نمير:الفستان الابيض كلش حلو لايكلج
اميره:مو مهم الفستان المهم المن لبسته
نمير:كافي تره راح اخطفج واهرب
اميره:هههههههه
نمير:تعالي
توجهو نمير واميره بالقاعه امام المعازيم والموسيقى واغنية ع بالي حبيبي
نمير:احبج يا اميرة قلبي
اميره:واني هم حبيبي
تزوجو نمير واميره وقضو شهر العسل ب باريس وانتقل ابو اميره وعاش وياهم بالبيت بعد ما اميره ترجته يعيش وياها وحتى تبقى تهتم بيه وافق ضلو سنه ماصار عدهم اطفال راجعو هوايه الا ان صار حمل وبعد تسعة اشهر صار عدهم وليد 👪عاشو بسعاده والاهم بقى حب نمير لاميره يزداد يوم بعد يوم صحيح تصير مشاكل بسيطه بينهم بس يتجاوزوها بحبهم لبعض 💑 ❤️
ملك واحمد تزوجو بعد شهرين وجابت ملك تؤام بنات ريمه وديمه👭 وعاشو بسعاده وحب
اما داليا تزوجت رجل اعمال غني كبير بالعمر علمود فلوسه 💴وبعد سنه توفى واولاده اخذو الورث كله وطردوها
رامي بقى مثل ماهوه من علاقه لعلاقه ومتغير ابد
النهاية 🌹 #رواية_اميرة_قلبي
الكاتبه Amoosha92
