رامي:الووو حبيبتي
اميره:هلو رامي شلونك
رامي:زين من سمعت صوتج
اميره:شكرآ ع الهديه كلش عجبتني
رامي:تدلل يا حلو باجر اخر يوم امتحان
اميره:اييي ضايجه حيل باجر اودع صديقاتي راح افتقدهم
رامي:بس صديقاتج لعد واني
اميره:اكيد افتقدك
رامي:باجر نطلع ورى الامتحان ماشي
اميره:وين
رامي:ما اعرف اي مكان وياج حلو يصير اكيد
اميره:ماشي بس يجون ملك وداليا ويايه
رامي:اهووو 😒
اميره:الله يخليك
رامي:زين خلي تجي بس داليا ملك ما اريد لا هيه تطيقني ولا اني اطيقها
اميره:لاتحجي عليها ملوكه ورده والله ماشي راح اكول لداليا لان اصلا ملك اول وتالي متجي حتلو كلتلها
رامي:شفتي مو كتلج 😒
ابو اميره:بنتي محتاجه شي راح انام
اميره:لا بابا تصبح على خير
رامي:هذا الحجي
اميره:ييي باباتي يلا لازم اروح نتشاوف باجر اوك
رامي:اوك ياحلوه
الساعه8:30 في الجامعه 🏪
اميره:ويييي ممصدكه اخر امتحان النه
ملك:هههه شبيج فرحانه لان حتعوفيني
اميره:لا ولج بس راح ابقى يم بابا هم اعتني بيه وهم اوفر فلوس الخط والملازم
ملك:حبيبتي اي شي تحتاجين اني موجوده لاتترددين تكليلي
اميره:حياتي ملوك الف الحمدلله مكفينه راتب بابا وعمي هم يدزلنه كل فتره
ملك:الله يجعلكم حياتي
داليا:هلاو اميره
اميره:هلو دلو اليوم راح نطلع اني ورامي ورى الامتحان تجين ويانه
ملك:شنو 😠
داليا:اي ليش لا
اميره:يسلمو عمري بعد الامتحان نلتقي ونطلع
داليا:ماشي سي يو ده يصيحلي اكرم
ملك:سي يو ده يصيحلي اكرم هئ هئ والله يا الله
اميره:ههههههههههههه خرب ببليسج ع هالتقليد جبتيها ميه بالميه
ملك:لعد شعبالح اعجبج 😉 المهم لاتغيرين الموضوع وين موليه اليوم
اميره:حطلع ويه رامي
ملك:وين موليه ويه زفت
اميره:لا تكولين عليه زفت 😕
ملك:احجي وين حتروحين
اميره:ما ادري هوه يقرر المكان وبعدين لاتخافين عليه اختج سباعيه شوفيني حاخذ ويايه داليا
ملك:هوه كل الخوف من داليا ام المصايب
اميره:هههه حرام عليج ضالمتها
ملك:دمشي امشي نطب للقاعه لا ابتلي بيج وبداليا
اميره:يا يمه شنو هالاسئله 😳
ملك(بصوت ناصي):لج شنو هذا سؤال الثاني شو بعمري مسامعه بهيج شي
اميره:ولج شمدريني عوفيني بضيمي 😩
ملك:امداج 👐
داليا:سؤال الرابع حباب
رامي:هوه اني شأعرف يمعوده
الاستاذه:شنو هالصوت كل واحد عينه على ورقته 😤
داليا:بومه
بعد الامتحان🍃🍃
ملك:لج هاااي شنو خرب اكو هيج اسئله بس لا نطلع كمال والله معليه ما اقره بعد طكت روحي اريد اعطل
اميره:ده اسكتي فال الله ولا فالج هسه يساعدونه اكيد كلنه مو زينين اليوم ده شوفيها كلها تتباجه
ملك:ان شاء الله 😔
رامي:حياتي يلا نطلع
اميره:اوك هسه بس اصيح لداليا
رامي:لا اني صحتلها هسه جايه
اميره:يلا هسه بس اذب الملازم واجي
ملك:عابتلج حتعوفيني 😖
اميره:انجبي نبقى على تواصل واجيج لو تجيني بس رامي شلون اشوفه بعد 😭
ملك:امشي ولي ما احبج تبيعيني علمود هذا
رامي(من بعيد):هاي شبيها تأشر عليه وعاقجه وجهه 😒
اميره:احبج والله احبج
ملك:امشي جذابه
اميره:هههههه يمه فديتها التغار عليه من حبيبي
ملك:شلون حبيب هوه
اميره:ولج كافي لا تحجين عليه 😒
ملك:يلا روحي اجتي داليا ما اطيقهم 😖
اميره:هههههه امشي عابتلج بيباي حبي عود نتخابر من ارجع
ملك:ماشي وديري بالج على نفسج
اميره:اكيد😘
داليا:وين حنروح
اميره:اممم لمطعم
رامي:شنو مطعم نروح ناكل ونطلع
داليا:خلي نروح للكورنيش
رامي:اي عفيه بداليا خوش فكره
اميره:بس اني ما اكدر ماكلت لبابا عبالي مكان قريب
رامي:لا تصيرين نحسه منطول
اميره:😟
داليا:يلا يا اميره خلي نفرفش شويه
اميره:ماشي يلا
الكورنيش 🍀🍃🌴
رامي:شوفي الكعده هنا شلون حلوه
اميره:اممم
رامي:شكلها معاجبتج
اميره:لا بالعكس بس لان بابا مكلتله
داليا؛:اوي بابا بابا شنو صغيرونه
رامي:شفتي هاي تفكر صح مو كلشي تكولين لابوج هم اكو الج خصوصيه
اميره:خصوصية شنو هذا ابويه شبيكم ماعندي غيره الدنيا
داليا:اميره لاتكلبيها نكد جايين نتونس
رامي:اي والله
اميره:هاا اسفه عموما بس اني راجعه
داليا:ليييش
اميره:تعبانه شويه اروح ارتاح يله بيباي
داليا:ده تعالي خلي اودعج
اميره:بيباي حبي عود نلتقي
داليا:اييي حياتي
رامي:واني محتودعيني
اميره:اكيد بيباي ان شاء الله نتشاوف عود
رامي:بيباي
داليا:مبينه ضاجت
رامي:اهووو هيه من يوم يومها هيج نكديه
داليا:مو قبل يومين جبتلها هديه وجانت حبيبة القلب شو هسه صارت نكديه
رامي:هههه شسوي غير طبعها ادري متصير مثلج يحضي
داليا:اني ماكو مثلي اثنين 😏
رامي:هههه فدوه
داليا:وهسه شنو نزجع لو شنسوي
رامي:ما ادري خلينه كاعدين نتونس شعدنه راجعين
داليا:اوك بكيفك
في بيت نمير🏤
ملك:مساء الخير
نمير &ام نمير:مساء النور
ملك:شعجب اليوم مو بالشركه
نمير:كلت ابقى يم امي واختي حبيباتي ميصير
ملك:لااا طبعا يصير واخيرا فرغتلنه نفسك شويه
نمير:ليش اني شعدي غيركم
ام نمير:شلونج بالامتحان اليوم حبيبتي
ملك:اجتي الاسئله صعبه وكلنه تقريبا ممجاوبين بلكي يساعدونه
ام نمير:ان شاء الله الله يوفقج يابنتي واشوفج احسن مهندسه
ملك:امييين ماماتي زين انتي شلونج خوما بعدج ضايجه على هذا الموضوع
ام نمير:اني اضوج وعندي انتو محلين حياتي وايامي
نمير:الله يخليج النه ويطول بعمرج
ملك:امين
نمير:ملوكه رايدج بموضوع
ملك:هسه ابدل وانزل
نمير:ماشي لعد نحجي ورى الغده
على الغداء في بيت اميره 🏡
اميره:بابا خلصت امتحانات واخيييرا
ابو اميره:اي بابا ان شاء الله يوم النتيجه واحسن تقدير
اميره:ان شاء الله ياربي واتعين هم واساعدك بالمصاريف
ابو اميره:لا بابا لاتكولين هيج خير من الله واني هم اريدج مرتاحه ويمي
اميره:فديتك حبيبي بابا
ابو اميره:منو ده يدك عليج
اميره:صديقتي
ابو اميره:اي جاوبيها خطيه
اميره:نكمل اكل واخابرها بابا
داليا:اوووف هاي وين صارت
ام داليا:اجيتي
داليا:اي شكو
ام داليا:من احجي وياج جاوبي عدل واحترمي اني امج
داليا :يعني شسوي اطكلج تحيه
ام داليا:مراح تتغيرين عينآ ابوج نفس الخلقه والاخلاق سبحان الله
داليا:😏
ابو داليا:شبيكم
ام داليا:تعال عيني شوف بنتك
ابو داليا:شبيج بس تردين تتعاركين
ام داليا:يعني شبيه بنتك جايه العصر متسألها وين جنتي شسويتي
ابو داليا:يعني اكيد ويه صديقاتها
ام داليا:محد طلع عينها غيرك بهذا دلالك العامي الها
ابو داليا:راح تضلين تنكين براسي تره روحي طالعه
داليا:خلصتو تعاركتو كملتو يلا اروح انام
ام داليا:اوووف ماراح تنعدلين بعمرج
في بيت نمير
ملك:ها حبيبي كول شنو شردت مني
نمير:تعالي ملوكه رايدج بموضوع
ملك:شنو خير احجي
نمير:ملك احنه بحاجه لمهندسين ويانه بالشركه وانتي تخصصج هندسه اتصلات واكيد عندج صديقات او زملاء زينين ويكدرون يشتغلون ويانه
ملك:واااو اييي اكيد بس احنه اليوم اخر يوم امتحان وبعدنه مستلمنه نتيجتنه اصلا
نمير:بعدلكم شكد
ملك:يعني فد اسبوعين
نمير:خوش ماكو مشكله زين هسه راديج بموضوع ثاني
ملك:شنو كول
نمير:احمد مهندس ويانه بالشركه البارحه اجه وحجه بموضوعج يريد يتقدملج
ملك:ومنين يعرفني
نمير:ما ادري والله ماحجينه هوايه اليوم يجي ونعرف من عنده كل التفاصيل
ملك:بس اني ما اريد اتزوج
نمير:وليش متتزوجين شناقصج قابل
ملك:هوه لان اني مناقصني شي ما اريد اتزوج
نمير:عموما هالشي يرجعلج اكيد واني ما اغصبج على شي بس ع الاقل انطي فرصه شوفي الولد واسمعي منه اني اشوفها خوش قسمه
ملك:ما ادري بكيفك 😣
نمير:هوه اليوم راح يجي ع ٨
ملك:ماشي الله كريم😥
اميره:اممم خل ادك على داليا هاي ملوكه دتدك
ملك:هلو اميرتي
اميره:هلو حبي شلونج
ملك:انتي شلونج ضل بالي يمج شسويتي بالطلعه
حجت اميره لملك كلشي
ملك:لج هذوله شنو مو اكلج مابيهم خير وميستحون يردون يخربون علاقتج بأبوج انوب
اميره:😔
ملك:اسمعي كلامي وابتعدي عنهم ميجيبولج بس المشاكل
اميره:ضجت منهم حيل عوفيهم غيري الموضوع
ملك:ماشي 😪 اكلج صدك اجوني خطابه
اميره:شددد منوو 😻
ملك:ما اعرفه شخصيا بس مهندس يشتغل بشركة اخويه
اميره:ييييي يا الله واخيرا حنخلص منج شد شد للكاع 💃
ملك:انجبي مراح اوفق
اميره:ليش ولج
ملك:ما اعرف خليني يم اهلي مرتاحه شعندي اتزوج لو يطلع خوش ادمي لو يطلع لا ويعذبني كافي امي الي شافته
اميره:انتي صدك تحجين بربج لو ع الحجي محد يتزوج شوفي الاول وبعدين اخوج يسأل عنه زين يله توافقين قابل هيه هيته
ملك:مو شرط رجل امي جان هم الكل تمدح بي تالي طلع مو خوش انسان وسكير
اميره:كولي يا الله مو كل اصابعج سوه
ملك:اليوم راح يجي اشوفه والله كريم
اميره:يييي لج كشخي ودزيلي صوره اشوفج ووافيني بالاخبار اول بأول 😉
ملك:ماشي عوبه صدك قبل لا انسى اخويه محتاج مهندسين بالشركه اذا وافقتي حتى اكله عليج
اميره:عاااا صدك عليج الله اي اي بس بعدنه ممتخرجين شلون
ملك:مو كلتله علما تطلع النتيجه نسحب وثيقة تخرجنه
اميره:خوش ☺️
ملك:يله بيباي عود اراسلج بالليل
اميره:ماشي حب حب 😘
سدت التلفون اميره جان تتصل داليا
اميره:الو
داليا:هلو حبي اليوم ليش رحتي متكليلي
اميره:ماكو شي كتلج تعبانه
داليا:اممم خوما زعلتي من عدنه تره مو قصدي اني
اميره:لا مزعلت بس ضجت لان متفهمتوني وتفهمتو موقفي
داليا:سوري حبي مو بقصد
اميره:ماصار شي واني الي اسفه خربت الطلعه تالي رجعتو وراها
داليا:هااا اي اي رجعنه
اميره:خوما ضاج رامي
داليا:لا عادي مدار بال 😏
اميره:زين يلا حبي اروح اسوي عشه بعدين نتخابر
داليا:اوك باي حياتي
اميره:بيباي عمري
