ابو تالة :اكلج بنتج جاييها خطابة
ام تالة : منو
ابو تالة : اخوى ربى
ام تالة : ماعدها واحد اعزب وكلهم متزوجين
ابو تالة : اخوها الصغير
ام تالة :اصلا متزوج هو
ابو تالة: اي يتزوج مرة ثانية والشرع حلل اربعة
ام تالة : والله يا ابو تالة يعني مو خوش ناس وكافي علينا تورطنا ببنتهم يعني اتمنى تالة تتزوج بس مو لهذا الشخص
ابو تالة : بس ابنهم خوش ولد ميثاق يكول
ام تالة : وتدري هم عائلة ماعدهم اطفال وكلهم ميخلفون فخلي الموضوع ع صفحة لان تالة جتها قسمة احسن واكيد تجيها بعد احسن
ابو تالة: خاف بعد محد يتقدملها
ام تالة : بيد ربك وكل وحدة وقسمتها
ابو تالة : انتي هيج تشوفين
ام تالة : اي
ابو تالة: زين لعد راح ارفضة ..
ربى : هى هى
ميثاق :شبيج
ربى: تدري امك تحجي على عائلتنا وتكول ميخلفون ومنقبل انزوج بنتنا
لابنهم وهم اصلا مو خوش ناس وكافي علينا بنتهم
ميثاق: امي هيج كالت
ربى: اي وسمعتها بأذني
ميثاق: لتبجين هسة انزل اخذلج بحقج مسحي دموعج كلشي ولا احد يغثج..
كانت تالة وامها وابيها جالسون في الصالة يشاهدون التلفاز ..نزل ميثاق وبدا يصارخ على امه
ابو تالة :انت مو عيب تصيح واني كاعد
ميثاق:وهي مو عيب تحجي هيج
ابو تالة: صوتك اذا سمعتة عالي على امك مرة ثانية اكوم اكسر راسك
ميثاق: ادافعلها هسة وبعد الي حاجيتا
ابو تالة: اني وامك جننا نحجي بيناتنا مرتك مو عيب عليها تسنط علينا وين الترباه وين الاصول
ميثاق: مو مهم شلون سمعتكم بس المهم ليش تحجي عليها وطبعا تالة غصب عنها تزوج
تالة: المن اتزوج
ميثاق:اخو ربى
تالة:هااا 😩
ابو تالة: ماكو شي اسمة غصب ويلا روح لغرفتك وضب مرتك وبلا سوالف تعبانة خلينا كاعدين ومرتاحين
ميثاق: يعني ماراح تسوي شي
ابو تالة: مااسوي شي لان امك ماغلطانة واختك مامجبورة تتزوج اذا ماعاجبها
ميثاق اخذ سيارته وخرج ....
تالة: شعجب فزعلج ابويه
ام تالة: لان كدامة الحجي صار
تالة: واخير عرف جنتة حية
ام تالة : لتكولين هيج
ابو تالة:لا ليش اسكتيها من صدك حية وخلي تسمع وتروح تفتن
ام تالة:عيب عوفها
ابو تالة: قسم بالله لو سوت مرة ثانية سالفة او حجت شي مابيقيها بالبيت ودسمعين موووو
ام تالة: عوفها ...
عندما عاد ميثاق ..ربى اخبرته بما حدث لذالك حدثت مشكلة بين ميثاق ووالده وميثاق اخذ ربى عند اهلها لانها كانت منزعجة من كلام والده وبعدها ذهب الى منزل صديقه ....
عندما كانت تالة تريد الخروج اوقفتها والدتها
ام تالة : حبيبتي وين رايحة
تالة : للمكتبة لان قبل فترة استعاريت كتاب ودارجعة
ابو تالة : لتتأخرين
تالة : ماشي ...
عندما خرجت تاله صادفت شهد وذهبوا معآ
شهد : شنو هذا الكتاب الي بيدج
تالة : رواية
شهد : من شوكت الحلو بدا يقرا روايات
تالة : رحت للمكتبة وشفتها وعجبني اسمها واخذتها
شهد : اها
تالة : اييي... اي شخبار ريان وياج
شهد : الحمدالله زين
تالة : صارلة فترة جار عدل وياج ليش !!
شهد : لان يحبني
تالة : شهووووود مامرتاحتلج
شهد : عادي بس الاشياء الي تضوجة مااسويهن واسمع كلامة
تالة : بشنو تسمعين كلامة بالضبط!
شهد : يعني
تالة : وجع احجي
شهد : الاشياء الي يطلبها مني اسويها وماارفض
تالة : مثل شنو ولج
شهد : الي بالي بالج
تالة : عزة بعينج ولج حرام وبعدين انتو حتى مامخطوبين
شهد : عادي هو يحبني واني احبه
تالة : وتسوهن بس بالتلفون لو من اطلعون هم
شهد : ووجع لهاي الدرجة مستهترة اني
تالة :يعني بس بالتلفون ..ولج حرام وبعدين مامجبورة تسوين هيج شي
شهد : شسوي مااريد اخسرة
تالة : شوية شوية يسحبج هسة
شهد : لا مستحيل
تالة : انتضري وشوفي اذا ماكالج تعالي لبيتي اني مو اسمي تاله لان اعرفة لريان واحد ساقط وماطول مااخذ منج الي يريدة فأكيد راح يبقى وياج
شهد : طبعا دائما اتضلميه
تالة : اضلمه !!
شهد : عادي مااخذ بكلامج لان انتي حاقدة ع كل الرياجيل
تالة : كيفج
شهد : شوكت محاضرتج
تالة : ماعندي بعد وراح اطلع
شهد : ميثاق يجي يأخذج
تالة : لا ماموجود بالبيت اصلا فأخذ تكسي وارجع
وانتي !!
شهد : ريان كال يجي ياخذني
تالة : لعد اروح قبل مااشوف خلقتة للغثيث
شهد : سبحان الله واحد ميحب الثاني
تالة : باي
شهد : الله وياج ......
أنت تقرأ
ماي هارتي (قلبي)
Romantikعندما اغلق عينى اراك انت .. وعندما افتحهما اتمنى رؤيتك.. عندما تكون بعيد أشعر بك فى كل مايحيط بى .. كل لحظة .. كل دقيقة .. كل الوقت فـ عيونى تبحث فقط عنك يمكنك ان تسميه حب.... او جنون..... او مجرد دقات قلب .. جمعيهم نفس الشئ بالنسبة لى ..!!
