ماي هارتي (قلبي)

part 5

استيقظ مصعب على صوت هاتفه
مصعب: هلا 😩.. هلا يمه شلونج .😩. بالبيت يعني وين اني 😩.. شنوووو😲 اي اي ثواني وافتح الباب ... بعد ان انهى المكالمة ذهب مسرعآ الى غرفة تاله وطرق الباب كثيرآ ولكنها لا تجيب لذالك فتح الباب وناداها .. ولكنها ليست موجودة لذالك ذهب الى الحمام وطرق الباب
تاله : نعم
مصعب: تاله ممكن تطلعين
تاله : دسبح ترا
مصعب: ميخالف اطلعي بسرعة
تاله : مصعب شبيك
مصعب: اطلعي علمود احجيلج
تاله ارتدت ملابسها وخرجت من الحمام
مصعب: تاله اريدج تكعدين بالغرفة ومطلعين منها الا اني اكلج فاهمة
تاله: ليش
مصعب: ماكو وقت هسة وبعدين افهمج
تاله: مصعب شبيك
مصعب دفع تاله للغرفة وسحب القفل واقفل الباب وقال لها: ديري بالج اطلعين صوت فاهمة
تاله: هو غير لو يفهمني
مصعب: بعدين افهمج
تاله التزمت الصمت وجلست في غرفتها لكن مصعب لم يعود لها ولم يفتح الباب لها ..كانت تفكر ان تناديه ولكنها تذكرت تحذيراته .. مرت 4 ساعات ولم يأتي عليها لذالك اخذت هاتفها واتصلت عليه وبعد ثواني ذهب لغرفتها
تاله : مصعب شكو
مصعب: نصي صوتج
تاله: ليش شكو
مصعب: لان امي هنا ومااريدها تعرف بيج موجودة بالبيت وياريت لو تخليها متشوفج هم
تاله : ليش متدري بيك متزوجني
مصعب : لا ماريدها تدري اني متزوج بهاي الطريقة
تاله : عادي اروح لبيتنا واخذ راحتكم هن
مصعب: لا ابقى
تاله : ماريد اسببلك احراج
مصعب: ماكو احراج ولا شي بس لتخليها تشوفج وابقى بالغرفة
تاله : لا اروح لبيتنا احسن
مصعب: اذا طلعتي من البيت راح اخاف عليج وماراح اكدر انام
تاله : وليش دتخاف عليه ورايحة عند اهلي اني
مصعب: لا ابقي هنا وامي باجر الصبح ترجع
تاله : انت ليش مصر ابقى هنا
مصعب: اخاف اذا رحتي بعد مترجعين
تاله : ههههه لتخاف من سوء حظي انت الوحيد المضطر تتحملني وعلى الرغم من كل شي زين سويته الي بس اني داثكل عليك
مصعب: بعدين نحجي لازم اروح يمها
تاله : اوك ..

كان الجميع يجلس معآ ويشربون الشاي .. تكلم ابو تاله وملامح القهر واضحة على وجهه
ابو تاله : كلش مشتاقة لتاله واريد اشوفها
ميثاق : ليش يابابا اني مو بعينك
ابو تاله : كل الي صار من وراك يلا كوم روح على غرفتك ولتشوفني وجهك
ام تاله : على كيفك
ابو تاله : هذا ابنج الله ماراح يرضى عليه لان اني ماراضي عليه
ام تاله : ميخالف يبقى ابنا
ابو تاله : هسة تشوفيه بعد ربع ساعة نازل هو ومرته وطالعين ورة 3 ايام يلا يرجعون ويعني عساس زعلانين ومن نلبسهم يرجعون لوحدهم
ام تاله : تعرف طبيعته انت
ابو تاله : ابنج تصرفاته مو طبيعيه وماعاجبتني
ام تاله : يعني متعرف ليش تصرفاته مو طبيعيه
ابو تاله : رايح انام وانتي كومي اكويلي الدشداشه لان عندي طلعة
ام تاله : على وين رايح
ابو تاله : ادور صرفة لابنج لان ماعاجبني حالة
ام تاله : يعني شتسوي مثلا
ابو تاله : باجر عود تعرفين
ام تاله : الله يستر ..

في الصباح استيقظت تاله ونزلت الى المطبخ لتعد لها الطعام وتفطر لانها كانت تشعر بالجوع ولكنها نسيت وجود والدة ام مصعب .. بين ماكانت تخرج الحليب من الثلاجة سمعت صوتهم قريبين لها فنزلت الى الارض واختبئت تحت الطاولة
ام مصعب: شتسوي بالمي الفاير
مصعب: ها يا مي
ام مصعب: المي الي ديفور على الطباخ شسوي بيه
مصعب وهو ينضر للمكان ويبحث عن تاله
ام مصعب: ويايه انت
مصعب: اي وياج ..ويلا كعدي وهسة احضرلج احسن فطور بالدنيا كلها لاحسن ام
ام مصعب : حبيبي لتعب نفسك ماجوعانه
مصعب: بس اني جوعان واريدج على الزاهس ويايه
ام مصعب: يلا لعد
كان مصعب يعد الفطور وهو يتسأل اين اختفت .. وضع الاطباق على الطاولة وبدا يتناول فطوره مع والدته
ام مصعب : عاشت ايدك
مصعب: بالعافيه
ام مصعب: شوكت تزوج
مصعب: اندعيلي والله كريم
ام مصعب: لساعك تحبها
مصعب: مني !
ام مصعب: هاي الي جنا نريد نروح نخطبها بس طلعت مخطوبه
مصعب: لا اصلا نسيتها
ام مصعب: اي يمه شوفلك بنيه غيرها
مصعب: ان شاءالله يمه .. شعر مصعب بيد تقرصه وعندما انحنى رئسه
ام مصعب: يمه شبيك ..شكو
مصعب: لا ماكو شي
اشارت تاله له جوعانه
مصعب حمل قطعة من الكيك ومدها لها
ام مصعب: مصعب شبيك تباوع جو ..شكو ..وعندما حاولت ان تحني رئسها
مصعب: لا يمه ماكو شي واذا خلصتي خلي نطلع من المطبخ لان ضجت هنا
ام مصعب: اي الحمدالله
خرج مصعب ووالدته الى الغرفة الاخرى اما تاله فعدت كأس من الحليب وبدءت تفطر وبعد ربع ساعة دخل مصعب المطبخ واخبر تاله انه سيخرج مع والدته .. اما تاله فغيرت ملابسها وذهبت الى العمل
شهد : ها ماصار شي جديد وياج
تاله : لا لساعنة اخوان .. انتي شبيج خبلة لو خبلة ولج سلمي بالاول وبعدين اكعدة وسئلي مثل الاوادم
شهد : اهوووو شكد عارة انتي ومابيج فايدة
تاله : اشتغلي وانجبي
شهد : يعني معقولة ماعجبح
تاله : اني على ريحتهم اختنك انوب يعجبني
شهد : زين ماصر وياج شي يجذبج الة
تاله : مثل شنو مثلا
شهد : مثلا شفتيه صفة وهو طالع من الحمام ولاف المنشفة على خصرة وعضلات جسمه البازة وشعرة ينكط مي وانتي من شفتيه ضليتي صافنه عليه ووكعتي بحبه وهيج شي
تاله : حبيبتي احنا بالعراق ب 2016 عايشين بالواقع مو بمسلسل تركي ..بعدين خليج واقعية شويه وانسى هاي السوالف التعبانه واشتغلي
شهد : مالت عليج وعلى واقعيتج ..طايحة حظ ..