ماي هارتي (قلبي)

part 7

مرت الاشهر والايام ومازالت علاقة تاله بمصعب رسميه جدآ ولم تتغير .. وبين ماكانت تاله تشاهد التلفاز
مصعب : تاله
تاله : نعم
مصعب: تدرين مابقى شي لرمضان
تاله : اي يمكن بعد يومين
مصعب : اي الخميس ان شاءالله بس البيت محتاج هوايه اشياء شنو رئيج نطلع نسوك
تاله: ميخالف باجر من نطلع من الدوام نروح
مصعب: زين لعد
تاله: شنو راح تروح تنام
مصعب: اي كلش تعبان وباجر عندي شغل
تاله : اوك ...
في العمل
شهد : شخبار امج
تاله : الحمدالله زينه والبارحة جانت يمي
شهد : وابوج شلونه
تاله : الاكبور الي تكرفة شمدريني وينه
شهد: تاله لازم تكرهيني الي مو لابوج لان اني الي سويت بيج هيج وبسببي صار بيج هيج
تاله: يعني راح نرجع لهاي السالفة
شهد: لا
تاله: اوك سدي الموضوع يلا
شهد: طالعة اني
تاله : طلعي
كانت شهد تجلس في الكافتريا وقاكعها عابد وجلس معها
عابد:شبيج
شهد : ضايجة على تاله
عابد : ليش شبيها
شهد: يااخي حياتها مخربطة وماادري شلونها
عابد : خوة تكسر عضامج
شهد : اني وين احجي وانت وين تحجي
عابد : يعني تدرين بيه احبج ليش تكليلي اخي ومثل اخويه
شهد : لساعك تحبني
عابد: اي لساعني احبج
شهد: بس تدري بيه اني جانت عندي علاقة بريان
عابد: اي وادري بيج عفتيه من زمان
شهد : عادي عندك الموضوع
عابد: لا مو عاديه يعني شويه يغثني بس اني لاحظتج من تركتي ريان كلش تغيرتي وتغيرج كان للاحسن ومو مهم نغلط بس الاهم نعرف غلطنه ونصلحة والانسان مامعصوم من الغلط وبعدين كل شخص يستحق فرصة ثانيه
شهد: انت مقتنع بهذا الحجي
عابد: لخاطر حبي الج اقتنعت بيه
شهد: احس مامقتنع بيه
عابد:لو متحسين احسن الج ..عزفي هذا الموضوع وحسي بغير شي
شهد: حاسة بيك بس صدكني تستاهل وحدة احسن مني
عابد:ليش مصغرة روحج يمكن انتي تستاهلين احد احسن مني .. مو يعني اذا اني احبج وعندي مقدار حب كبير الج يعني انتي متستحقيني .. صدكيني اكثر شي يوجعنا هو الي نحبهم يعني يمكن بحبي الج والي يخليني مستعد اسوي اي شي علمود تكونين بجانبي يمكن من نكون مع بعض مااكدر اسعدج .. صح احبج بس يمكن مااكدر اخلي تصرفاتي تعبر عن هذا الحب
شهد : هسة عوف هذا الموضوع وخلينا بموضوع تاله
عابد : والله خلي احل مشكلتي وبعدين احل مشاكل غيري
شهد : يعني ماراح تساعدني
عابد : ساعديني علمود اساعدج
شهد : عابد بصراحة اني علاقة بعد مااسوي وخليت طريق واضح كدامي ومااكدر اتخطاه واسلك غير طريق وانت مامستعد للزواج
عابد : اني اذا سمعت موافقتج راح اتحمس وراح استعد واستعجل هم
شهد : اوك تحمس لعد
عابد : يعني وافقتي
شهد : ماراح الكي شخص احسن منك ومن تفكيرك
عابد : هسة فرحت وارتاحيت
شهد : خلينا بموضوع تاله
عابد : ذكريني شبيها جانت تاله
شهد : ههههههه متحب مصعب
عابد : اي لتحبه قابل غصب 😂
شهد : راجعة للشغل اني فكر بشي وانطبني خبر
عابد : اوك ..

مصعب اخذ تاله وذهبوا الى السوبر ماركت
مصعب: تاله تذكرين شلون التقينا اول مرة
تاله : شلون
مصعب: يعني متذكرين
تاله : لا مااذكر بس يمكن بيوم زواجنا التقينا
مصعب: لا التقينا قبل مرتين .. مرة بسيارة الاجرة ومرة بالجامعة
تالة : مااذكر
مصعب؛ اها .. اي شنو ناخذ او شنو تحبين تاكلين برمضان انتي
تاله : امممم
مصعب: اوك اشتري الي يعجبج
تاله : ماشي
بعد ان انتهت تاله من التسوق عادت الى مصعب ودفعوا ثمن المشتريات وذهبوا لمنزلهم ..
نضر مصعب لتاله وهي تخرج المشتريات من الاكياس وتضعها في الثلاجة
مصعب: ع فكرة كلش احبه هذا الي بيدج
تاله : اي ادري لذالك جبتة الك
مصعب: اها
تاله : اييي وجبتلك هذا وهذا وجبتلك ليمون هم
مصعب: وشمدريج اني احب ذني
تاله : صارلنا اسهر عايشين سوة ترا
مصعب: اي هم صدك .. خرج مصعب من المطبخ وهو يفكر بانها افضل منه .. انها تعرف كل شي عنه واما هو فلا يعرف اي شي عنها .. ولكنها لا تتكلم وكيف سيعرف ماتحب وماتكره ..لكن هو ايضا لا يتكلم كيف عرفت هي بذالك .. كانت الكثير من الافكار تراوده ولم يستطيع ان ينام وعندما استيقظ في الصباح كانت السهر واضح عليه
تاله : شبيك مريض شي
مصعب: لا مابيه شي بس ماكدرت انام البارحة
تاله : لعد ابقى بالبيت واني اخذلك اجازة
مصعب: ياريت والله
تاله ذهبت الى عملها وكان يوم ممل ونفس الروتين وعندما عادت الى المنزل وجدت عابد
تاله : هاي انت هنا
عابد : اي وجنت طالع
تاله : ابقى اتغدة ويانا
عابد : لا عيني مشكورين
تاله : بكيفك
مصعب اوصل عابد عند باب المنزل
عابد : مو تنسى الي اتفقنى عليه
مصعب: لا ماانسى وراح انفذة مثل مااتفقنا
عابد : اوك ..
في منتصف الليل وبين ماكانت تاله نائمة رئت شي ما يتحرك في غرفتها ..اول مرة اعتقدت انها تتخيل ولكن رئته اكثر من مرة وكانت تشعر بالخوف لذالك ذهبت لغرفة مصعب وطرقتها بقوة .. فتح لها مصعب الباب وهو لم يفتح عينه بعد من شدة نعاسه
تاله وهي ترتجف : مصعب ماادري شكو بغرفتي
مصعب: شكو
تاله : ماادري واحد يروح ويرجع
مصعب: اوك هنا هسة اشوف وارجع
تاله تمسكت بنهايه تيشيرت مصعب: اخاف لتعوفني وحدة
مصعب؛ اوك امشي ورايه
تاله : اخاف مااريد اروح لذيج الغرفة
مصعب: اوك دخلي نامي بغرفتي
تاله : مصعب خايفة اني
مصعب : تاله لتخافين ماكو شي
تاله : شفت شي بعيوني شفته والله
مصعب اخذها للفراش وغطاها ونام هو على الارض ولكن في منتصف الليل سمع صوت صراخها ونهض لها ورئاها تتعرق وتصرخ وحاول ان يوقضها واستيقظت اخيرا
مصعب: هدئي مجرد حلم
تاله بدءت تبكي .. افتح الضوة لان الضلمه تخنكني
مصعب فتح الضوج وعادت تاله للنوم ولكنها بدءت تصرخ من جديد ونهض مفزوع لها
تاله : تريد تموتني ..راح تموتني بعد ماانام
مصعب: تاله استغفري الله ترا مجرد حلم
تاله : استغفرالله استغفرالله
مصعب: نامي انتي واني راح اقرا قران على راسج .. استطاعت اخيرا تاله ان تنام ومصعب قرا سورة البقرة كاملة لها و بعدها خلد هو ايضا للنوم .. وفي الصباح عندما استيقظوا كانوا متعبين جدآ ولكن ذهبوا الى العمل .. واخبرت تاله ماحدث لها لشهد
وفي اليوم التالي ايضا رافقت تاله الكوابيس ولم تستطيع ان تنام .. مر اسبوع كامل وتاله على هذه الحالة
شهد : عابد كتلك خوفها بس مو هيج
عابد ؛ شنو
شهد : كتلك خلي تاله تخاف علمود تروح لغرفته بس ماكتلك هيج ارعبها البنيه لحد الان جسمها يرجف
عابد : شهد انتي مخبلة يعني تتوقعين اني اضر تاله هيج وبعدين حتى مصعب مانفذ ولا خطة من الي اتفقنة عليهن بسبب حالة تاله ويكول ديكضي طول الليل بس يقرا عليها سورة البقرة علمود تروح الكوابيس منا
شهد: لعد ليش ديصير هيج بيها
عابد : ماادري سئلي احد من صديقاتج بلكت تعرف
شهد : اي خلي اروح ..