في المنزل
ابو تالة : ها بابا شقررتي
تالة : مااريد اتزوج
ابو تالة : لحد شوكت
تالة : ماادري والله كريم
ابو تالة : شفتي بنتج راح تجلطني
تالة ؛ هو انت اصلا مجلوط
ام تالة : اسم الله عليك
تالة : اكول يابة عندي اقتراح
ابو تالة : اي اتحفينا
تالة : شنو رايك لو اكمل دراسة
ابو تالة : ماكو
تالة : ليش
ابو تالة : لان يرادلج سنتين وبعدها تكوليلي اكمل دكتوراه وهم كم سنة فمن هسة اكلج دراسة مااكو وادري بتفكيرج شنو كل هذا علمود لتتزوجين
رن هاتف تالة اجابت : هلو شهد شنوو وين انتي هسة اوك شنو العنوان ..جايتح
ابو تالة : وين
تالة : صديقتي محتاجتني ولازم اروح
ابو تالة : توج راجعة من الدوام
تالة : شغلة ضرورية
ابو تالة : لطولين نص ساعة ورجعي
ذهبت تالة الى العمارة الذي يسكن بها ريان وعندما كانت تصعد الدرج بسرعة وقعت و ومسك قميصها في محجر الدرج وتمزق من جهة اليد ولكنها ذهبت الى شقة ريان وخلصت شهد من عنده
تالة : شهد انتي بخير سوالج شي
شهد وهي ترتجف وتبكي : لا ماسوالي شي بس كدرت الهي على ماجيتي
تالة : شوفي نهاية غبأئج لوين وصلج
شهد : مو وقتة هذا الكلام والي بيه مكفيني
تالة : اوك خلي اوصلج وارجع للبيت...
عندما عادت الى المنزل
ربى : هاي شبيه قميصج
تالة : وكعت ونشك
ربى : ليش وين جنتي ووين وكعتي وشلون وكعتي
تالة : وانتي شعليج ... تحقيق خومة تحقيق .. اكول خشمج هوايه صاير طويل ديري بالج عليه وبعدها ذهبت لغرفتها ......
في الجامعة
شهد : شكرآ تالة
تالة : العفو
شهد : ليش زعلانة علية
تالة : لان انتي مو ادميه
شهد : شسوي الله باليني بكلب يحبه
تالة : لحد الان تحبيه
شهد : لا اكتشفت اني جنت مخدوعة بيه وحتى ميستاهل حبي الة وراح انساه واتجاوزة وابدي حياة جديدة
تالة : احسن الج بس ياريت يكون كلام وفعل
شهد : ان شاءالله كلام وفعل ...
في المنزل
ميثاق : تالة البارحة وين جنتي
تالة : بالدوام
ميثاق : لا من طلعتي العصر
تالة : ع صديقتي شهد
ميثاق : شهد موووو
تالة : ايييي
ميثاق : وهاي الصور شنو
تالة : مو اني
ربى : لا انتي ومن جيتي جان قميصج مشكوك واحجي منو هذا وشنو صار بينكم وليش انتي جنتي بشقتة
تالة : هاي الصور شجابها عندك
ربى : الله فضحج وطلع سوالفج الوصخة ياوصخة
تالة : احترمي روحج وماكو احد اوصخ منج
ربى : الحمدالله مو مثل غيرنا صورة ملت التلفونات
تالة : لتخليني اطلع سوالفج كلها ترا اعرفها
ربى : شتعرفين بالله والحمدالله بيضة وصافية اني
تالة : ولج علينا نسيتي شهد صديقتي كرايبج ولج مو انتي مفضوحة بالعائلة كلها بس غير هذا الطلي مغشوش بيج
ربى : عندج شي طلعيه
تالة : اي عندي محادثاتج ويا صلوووحة لو نسيتيه
ربى : هااااا
ميثاق : صلووحة منوو
ابو تالة : تالة تعالي للغرفة اريد احجي وياج ...
اخذها والدها وذهب الى غرفتها
ابو تالة : احجيلي بالتفصيل وبدون كذب
تالة اخبرت والدها بما حدث
ابو تالة : مااصدك اكو بنية هيج تسوي لذالك عوفي الافلام ولتورطين بنات الناس بأفعالج الوصخة واحجيلي اذا تحبيه او عندج علاقة وياه اني ماعندي مانع اقبل واوافق على الزواج
تال : والله مااعرفة وبعدين حتى الصور تبين اني داخلة للغرفة وهو جان بعيد علية وتكدر تشوف الصور
ابو تالة : روحي لغرفتج واسبوع ممنوع تطلعين من البيت
تالة: بس ماسويت شي اني
ابو تالة : يلا روحي من خلقتي ...
بعد مرور اسبوع عادت تالة الى الدوام
شهد ؛ وينج مختفية
تالة اخبرتها بما حدث
شهد : لا ياكلب يا ريان هيج مسوي
تالة : اي
شهد : اسفة كلة بسببي عادي اذا تردين احجي ويا ابوج
تالة : ماكو فايدة
شهد : ليش
تالة : ماراح يصدك
شهد : وشنسوين هسة
تالة " خليها على ربج
شهد : كلش فرحت بربى
تالة : هم الخانم زعلت وتنتضر ميثاق يروح يراضيها
شهد : خلي يعوفها بلكت تتيدب
تالة : ميتحمل بدونها تلكيه جايبها هسة
شهد : وينك ربي ويعوفها
تالة : ارجع للبيت اني
شهد : وين بعد وقت
تالة : بلا شي ماطايقيني بالبيت وبس يرزلون بيه
شهد : سودة بوجهي كلة سببي
تالة : لتكولين هيج ..المهم انتي بخير
شهد : الله لا يحرمني منج
تالة : ولا يحرمني منج .....
أنت تقرأ
ماي هارتي (قلبي)
Romanceعندما اغلق عينى اراك انت .. وعندما افتحهما اتمنى رؤيتك.. عندما تكون بعيد أشعر بك فى كل مايحيط بى .. كل لحظة .. كل دقيقة .. كل الوقت فـ عيونى تبحث فقط عنك يمكنك ان تسميه حب.... او جنون..... او مجرد دقات قلب .. جمعيهم نفس الشئ بالنسبة لى ..!!
