في اليوم التالي غيرت تاله ملابسها وفطرت وذهبت الى الجامعة
شهد : ليش متاخرة
تاله : معليج بيه ولا تحجين ويايه
شهد : ليش ولج
تاله :لان بسببج صرت بموقف زباله
شهد : لحد الان اني ماعرفت شصار بينكم
تاله : انجبي ولتحجين ولا حرف لان ماناقصتج فاهمة
شهد : شكو معصبه شبيج
تاله : تنجبين لو شلون
شهد : اوك راح انجب بس اعصابج
تاله : لتحجين
شهد وضعت يدها على فمها
تاله : اي هيجي اريدج
دخل عابد للغرفة : صباااحو
تاله : صباحوو 😞
عابد : انتي شبيج متجاوبين
تاله : لا تحجي ولا راح تحجي بعد
عابد : ليش فجاءة صارت خرسة
تاله : اي صارت خرسة
عابد : تاله شبيج متعصبه
تاله : لان ام البلاوي والمصايب متكعد راحة
عابد : على شغلة البارحة
تاله : اييي
عابد : يلا تاله ماصار شي صديقتج وحبت تخفف دم وياج
تاله : اني اذا ماطلعت من هاي السالفة احلم ارجع احجي وياها
عابد : لا تاله مو لهاي الدرجة
تاله : لا والله لهاي الدرجة وابعد هم وعن اذنك عندي محاضرة ..خرجت تاله
شهد : هع شراح اسوي 😨
عابد : ام المصايب فكر لوحدج مثل ماقبل فكرتي لوحدج
شهد : اي افكر ليش لا .. شو وخر من يمي ..اني شهودة وماكو شي ماالكي حل اله
عابد : يلا بالله شوفيني شتسوين
شهد : راح اشوفك ..
خرجت شهد وهي تبحث عن مصعب وعندما وجدته ذهبت له
شهد : اسفة اسفة على الي صار بسببي بس والله ردت علاقتكم شويه تتطور بس ماادري راح تزعل وماادري تاله راح تنحرج ادك عليك .. عفيه مصعب ارجع للبيت ولخاطري لان تاله متحجي وياية وزعلانه عليه
ريان : اشوف الحلوة واكفة هنا
مصعب : خير اخويه
ريان : خير بوجهك بس فضالتي وجيت اشوفها يمن صارت
مصعب: احترم روحك واحجي عدل
شهد : ماعليك منه عوفه خلي يولي وخلينا بموضوعنا
ريان : اني اولي .. هذا الحجي الي .. دمرت حياة صديقتج وحياتج وراها بس دافكرلج بشي مميز الج
شهد ؛ امشي مصعب نروح نحجي بغرفتنا احسن
ريان : ويه ماعرفتج يا شهد القويه
شهد : فاشل
ريان : نسيتي ايام قبل من تتوسلين علمود بس اعبرج واحجي وياج يا لزكة
مصعب لم يحتمل كلام ريان وهجم عليه وضربه وعندما رئاهم عابد ذهب لهم وفازع بينهم
عابد : مصعب انت عاقل شعليك من هذا الزعطوك
ريان : ماكو احد زعطوط غيرك
عابد : ريان روح منا احسن الك
ريان: ماروح وشوفني شتسوي
عابد اتصل على امن الجامعة واخذوه معهم
ريان : انت لو سبع واجهني
عابد : مااخلي عقلي ويا للجهال
شهد : تعال مصعب خلي نداوي وجهك
عابد اخذه الى الغرفة وعندما عادت تاله وجدت عابد ينضف له الجرح الذي في وجهه
تاله : هاي شصاير
عابد : ماكو شي
تاله : لعد ليش هيج صاير بوجها
عابد : عركة بسيطة مال شباب
تاله : على شنو متعاركين وليش تتعارك اصلا
عابد : مو مهم والمهم هو بخير
تاله : الحمدالله على سلامتك
مصعب: الله يسلمج
عابد : تاله روحي للحمامات لان شهد كاعد تبجي وتعرفين مااكدر ادخل
تاله : وشهد ليش تبجي .. عابد شصار
عابد : ماكو شي بس روحي اطمني عليها
تاله : ماشي ..
تالة دخلت الى الحمامات وهي تبحث عن شهد
تاله : شهد شهد
شهد : هياتني
تاله : شهد شكو ليش تبجين
شهد : هى 😢 بس المصايب تجي من ورايه .. اني صرت اكره روحي
تاله : لا حبيبتي لتكولين هيج
شهد : تاله اسفة والله وادري حياتج بسببي تخربطت .. والله موقصدي هيج يصير
تاله : حبيبتي كلنا نغلط ولتهتمين وبعدين اذا ماغلطنا ماراح نتعلم
شهد : بس اني مو خوش بنيه انتي مالازم تمشين ويايه ولازم تكطعين علاقتج بيه
تاله : مال كفخ على هذا الحجي شبيج انتي
شهد : بسببي تعارك مصعب ويا ريان وبسببي تزوجتي طيف وتخرلطت حياتج
تاله : ليش انتي رب العالمين وتتحكمين بحياتنا لو شنو مثلا واصلة يم اخوانا الجن والي ترديه يصير
شهد : تاله بعد مااتحمل اني .. كرهت روحي ..داحس بالذنب فاهمتني وانتي كاعدة تتقشمرين
تاله : شسويلج انتي غبيه وتريدين كل شي ينذب براسج .. مو مشكلة اذا حبيتي وكان كلبج طيب ووثقتي بيه .. الي يحب يقدم لحبيبة كل شي .. انتي جنت تحبيه بالفعل بس هو جان يريد يستغلج وحمدي ربج لان خلصتي منه وعرفتي حقيقتة والله لان يريدلج الخير بعده عنج
شهد : انت تحجين هيج علمود تقنعيني بس اصلا انتي زعلانه عليه واليوم لاول مرة زعلتي عليه وماقبلتي تحجين ويايه واني كلش انقهرت
تاله : لا انتي مافهمتي السالفة .. العالم كلها لكفة وانتي بكفة لوحدج .. ولج شعندي غيرج .. انتي النعال ابو الاصبع
شهد : هههههه .. ياسالفة الي مافهمته
تاله : هو اني سويت الفلم مالت الصبح علمود لتسأليني
شهد مسحت دموعها : اسئلج على شنو ..ليش شصار
تاله : سبحان الله هسة فتحت عقلها وركز
شهد : يعني صار شي ودضميه عليه
تاله : اي ويلا كومي دسولفلج
شهد وهي تبتسم بفرح😊: يلا وين نروح
تاله : نتغدة برا وباي مطعم وعليج الاحساب
شهد : ليش يمه اشو عليه .. البارحة زاد راتبج 200 الف وجايه على المسكينه اني الي يادوم مكفيني راتبي
تاله : ابجي ابجي بعد
شهد : اني ماعندي .. اني من العشرة الاولى مال الشهر انتضر نهايه الشهر لان راتبي خلص ..اني الي الله
تاله : اويلي منج والذهب الي مالي ايدج
شهد : كلة برازيلي
تاله : عود صدكت
شهد : لا جذب اشتري بالاقساط ومن الراتب ادفع
تاله : دمشي ياله
شهد : انتي ادفعين لو لا
تاله : يالجلدة اني ادفع بس طلعي يلا
شهد : اي هسة تمام ويلاا😊 ..
في المطعم
كانت شهد تبتسم بمبالغة وتضهر اسنانها لتاله 😆 .. اما تاله فضربتها بقدمها من تحت الطاولة
شهد 😆 احبج
تاله : 😐 اني اعلمج
شهد : اسفة مصعب لان بسببي صار بيك هيج
مصعب : مصار شي انتي اختي
شهد ؛ صار عندي اخ واخيرآ
تاله : ليش عابد اخونا الجبير لو نسيتي
شهد : اي صح يلا مصعب انت اخونا الثاني
عابد : نعم يمة نعم عيني .. اخوج على اي اساس اخوج .. اشو اسم ابوج جاسم واسم ابويه سعد .. اني اخو بس لتاله .. مو اخوج فاهمة
تاله : هدي عابد شبيك
عابد : لج راح تخبلني ولج تكول اخويه
تاله : عابد على كيفك
عابد : طلعت روحي ترا ولكل شي الة قابليه مو هيج فد مرة ماكو احساس
مصعب اخذ عابد وجلسوا في طاولة ثانيه
شهد: هذا شبيه
تاله : حمارة كلة من وراج .. ليش عزمتيهم .. اني كتلج روحي جيبي الجنطة لان مستحيه اشوف مصعب وانتي حضرجت جبتيهم وجيتي ولا تجوزين من سوالف .. تستاهلين وحيل بيج وهاج احنا جينا نتونس وانوب ضجنا بالزايد
شهد : مستحيه من ال 💏 صارت بينكم موو
تاله : خررب ولج انتي شنو
شهد : اوكفي خلي اروح اشوف عابد شبيه هيج يحجي وارجعلج
تاله : رحمة للمسلمين اكعدي
شهد تجاهلتها وذهبت لهابد ومصعب تركهم بعد ان طلبت شهد منه ذالك
مصعب: تاله بصراحة اني فهمت الامور غلط
تاله : خلي ننسا الموضوع احسن
مصعب: اوك
عادت شهد مع عابد
شهد : يلا ترا جعت
تاله : تكلين سم
شهد : سمعتج
تاله : هو اريدج تسمعين
شهد : وهم راح اكل وهم راح ادفعين هاهاهلهاهلهاهاهاها 😈 ..
أنت تقرأ
ماي هارتي (قلبي)
Romanceعندما اغلق عينى اراك انت .. وعندما افتحهما اتمنى رؤيتك.. عندما تكون بعيد أشعر بك فى كل مايحيط بى .. كل لحظة .. كل دقيقة .. كل الوقت فـ عيونى تبحث فقط عنك يمكنك ان تسميه حب.... او جنون..... او مجرد دقات قلب .. جمعيهم نفس الشئ بالنسبة لى ..!!
