ﺧﻴﺎنة ﺍﻟﺼﺤﺒﺎﺕ

الجزء 19

  ﺍﻻﻫﻞ ﻛﻠﻬﻢ ﻣﺠﺘﻤﻌﻴﻦ ﻓﻲ ﺑﻴﺖ ﺍﺑﻮ ﺭﺍﻣﻲ ﺑﻤﻨﺎﺳﺒﻪ ﺭﺟﻌﺖ ﺭﺍﻣﻲ
ﺍﻡ ﻣﻬﻨﺪ : ﻛﻴﻔﻚ ﻳﺎﻧﺪى
ﻧﺪى : ﺑﺨﻴﺮ ﺍﻟﺤﻤﺪ ﻟﻠﻪ ﻛﻴﻒ ﺍنتو
ﺍﻡ ﻣﻬﻨﺪ : ﺑﺨﻴﺮ ﺍﻟﺤﻤﺪ ﻟﻠﻪ ﻣﺎﺷﺎﺀ ﺍﻟﻠﻪ ﻳﺎﻧﺪى ﻛﻞ ﻳﻮﻡ ﺯﺍﻳﺪﻩ ﺟﻤﺎﻝ
ﻧﺪى : ﺗﺴﻠﻤﻲ ﻳﺎ ﺧﺎﻟﺘﻮ
ﺍﻡ ﻣﻬﻨﺪ : ﻭﺍﻟﻠﻪ ﻛﻨﺎ ﻋﺎﻳﺰﻧﻚ ﻟﻤﻬﻨﺪ ﻟﻜﻦ ﺍﻟﻘﺴﻤﻪ
ﻧﺪى : ﻣﻬﻨﺪ ﺑﻠﻘﻲ ﺍﻻﺣﺴﻦ ﻣﻨﻲ ﺍﻥ ﺷﺎﺀ ﺍﻟﻠﻪ
ﺍﻡ ﻣﻬﻨﺪ : ﺍﻟﻠﻪ ﻛﺮﻳﻢ
ﺍﻡ ﺭﺍﻣﻲ : ﻳﺎ ﻧﺪى ﻗﻮﻟﻲ ﻟﻠﺒﻨﺖ ﺗﻄﻠﻊ ﺗﺠﻴﺐ ﺍﻟﺤﺎﺟﺎﺕ ﻣﻦ ﺍﻟﺴﻮﺍﻕ ﻭﺍﻗﻒ ﺑﺮﻩ ﻣﻦ ﻗﺒﻴﻞ
ﻧﺪى : ﺍﻧﺎ ﺑﺠﻴﺒﻬﺎ ﻣﺎ ﻣﺸﻜﻠﻪ
ﻭﻃﻠﻌﺖ ﻧﺪى ﻟﻠﺴﻮﺍﻕ ﻭ ﺭﻫﺎﻡ ﺑﻮﺭﺍﻫﺎ
ﺭﻫﺎﻡ : ﻏﺎﻳﺘﻮ ﺧﺎﻟﺘﻲ ﺩﻱ ﻋﻴﻨﻬﺎ ﻗﻮﻳﻪ ﺑﺸﻜﻞ ﺍﺻﻠﻬﺎ ﻣﺎ ﺑﺘﺨﺠﻞ
ﻧﺪى : ﻫﻬﻬﻬﻬﻬﻬﻪ ﻭﻟﺪﻫﺎ ﻧﻔﺲ ﺍﻟﻔﻜﺮﻩ
ﺭﻫﺎﻡ : ﺑﻌﺪ ﺍﻟﻌﻤﻠﻮﺍ ﺩﺍ ﻣﻔﺮﻭﺽ ﻳﺨﺠﻠﻮﺍ ﻭﻣﺎ ﻳﺠﻴﺒﻮﺍ ﺳﻴﺮﻩ ﻏﻴﺎﻇﻴﻦ ﻳﺎﺥ
ﻧﺪى : ﻣﺎﺗﺰﻋﻠﻲ ﺭﻭﺣﻚ ﺍﺻﻠﻬﻢ ﺍﻟﻨﺎﺱ ﺩﻳﻞ ﻛﺪﺍ
ﻧﺪى ﻭ ﺭﻫﺎﻡ ﺍﺳﺘﻠﻤﻮﺍ ﺍﻟﺤﺎﺟﺎﺕ ﻣﻦ ﺍﻟﺴﻮﺍﻕ ﻭﺩﺧﻠﻴﻦ ﻭﻓﺠﺎﻩ ﻳﺸﻮﻓﻮﺍ ﻣﻬﻨﺪ
ﻣﻬﻨﺪ : ﺍﻟﺴﻼﻡ ﻋﻠﻴﻜﻢ
ﺭﻫﺎﻡ ﻭ ﻧﺪى : ﻭﻋﻠﻴﻜﻢ ﺍﻟﺴﻼﻡ
ﻣﻬﻨﺪ : ﻛﻴﻔﻜﻢ
ﺭﻫﺎﻡ : ﺑﺨﻴﺮ ﺍﻟﺤﻤﺪ ﻟﻠﻪ
ﻣﻬﻨﺪ : ﻛﻴﻔﻚ ﻳﺎ ﻧﺪى
ﻧﺪى : ﺗﻤﺎﻡ ﺍﻟﺤﻤﺪ ﻟﻠﻪ
ﻣﻬﻨﺪ : ﻣﻤﻜﻦ ﺍﺗﻜﻠﻢ ﻣﻌﺎﻙ ﻛﻠﻤﺘﻴﻦ ﻋﻠﻲ ﺟﻨﺐ
ﺭﻫﺎﻡ : ﻻ ﻣﺎ ﻣﻤﻜﻦ
ﻣﻬﻨﺪ : ﻫﻬﻬﻬﻪ ﺍﻧﺎ ﻗﻠﺖ ﻧﺪى
ﺭﻫﺎﻡ : ﺍﻧﺎ ﺣﺮﺱ ﻧﺪى ﺍﻟﺸﺨﺼﻲ اﻣﺎ ﺗﺘﻜﻠﻢ ﻗﺪﺍﻣﻲ ﺍﻭ ﺍﻧﺴﻲ
ﻣﻬﻨﺪ : ﻫﻬﻬﻬﻬﻬﻪ ﺍﻧﺘﻲ ﻟﺴﻪ ﻓﻲ ﺣﺮﻛﺎﺗﻚ ﺩﻱ ... ﻭﺍﺗﺬﻛﺮ ﺍﻳﺎﻡ ﻛﺎﻥ ﺧﺎﻃﺐ ﻧﺪى ﻭ ﺭﻫﺎﻡ ﻣﺎ ﺗﺪﻳﻬﻢ ﻓﺮﺻﻪ ﻳﺘﻮﻧﺴﻮﺍ ﺑﺮﺍﻫﻢ
ﺍﺗﻨﻬﺪ ﻣﻬﻨﺪ ﻭﻗﺎﻝ ﻳﺎﺳﻼﻡ
ﻧﺪى : ﻋﺎﻳﻨﺖ ﻟﻤﻬﻨﺪ ﻭﻛﺎﻧﻬﺎ ﻓﻬﻤﺖ تنهيدتو ﻭﺧﺎﻓﺖ ﺩﻣﻮﻋﻮﺍ ﺗﺨﺬﻟﻬﺎ ﻗﺪﺍﻡ ﻣﻬﻨﺪ
ﺭﻫﺎﻡ : ﺣﺴﺖ ﺑﺎﺧﺘﻬﺎ ... ﻳﻼ ﻳﺎﻧﺪى ﺍﻣﻲ ﻣﻨﺘﻈﺮﺍﻧﺎ ﻧﺪﺧﻞ ﺍﻟﺤﺎﺟﺎﺕ
ﻣﻬﻨﺪ : ﻋﺎﻳﺰ ﻳﺴﺘﻐﻞ ﺍﻟﻔﺮﺻﻪ ﻧﺪى ﻟﻮ ﺳﻤﺤﺘﻲ ﺍﺩﻳﻨﻲ ﻓﺮﺻﻪ ﺗﺎﻧﻲ ﻭﺍﻟﻠﻪ ﺍﻧﺎ ﻣﺎﺑﻘﺪﺭ ﺍﻋﻴﺶ ﻣﻦ ﻏﻴﺮﻙ
ﻧﺪى : ﻣﻬﻨﺪ ﺍﻟﻜﻼﻡ ﺩﺍ ﺍﻧﺘﻬﻲ ﺯﻣﺎﻥ
ﻣﻬﻨﺪ : ﻭﺍﻟﻠﻪ ﻳﺎ ﻧﺪى ﻣﺎﺑﻘﺪﺭ ﺍﻋﻴﺶ ﻣﻦ ﺩﻭﻧﻚ ﺍﻧﺎ ﻏﻠﻄﺖ ﻓﻲ ﺣﻘﻚ ﻟﻜﻦ ﺑﺘﺎﺳﻒ ﻭﻣﺴﺘﻌﺪ ﺍﻋﻤﻞ ﺍﻱ ﺣﺎﺟﻪ ﻋﺸﺎﻥ ﺗﺴﺎﻣﺤﻴﻨﻲ
ﻧﺪى : ﺧﻠﻴﻨﻲ ﻓﻲ ﺣﺎﻟﻲ ﺩﻱ ﺍﺣﺴﻦ ﺣﺎﺟﻪ ﻣﻤﻜﻦ ﺗﻌﻤﻠﻬﺎ ﻋﺸﺎﻧﻲ
ﻣﻬﻨﺪ : ﻣﺎﺑﻘﺪﺭ ﻳﺎ ﻧﺪى
ﺭﺍﻣﻲ : ﺧﻴﺮ ﻣﺎﻟﻜﻢ ﻣﺠﺘﻤﻌﻴﻦ
ﻣﻬﻨﺪ : ﺍﻟﺰﻭﻝ ﻣﺎﻳﻘﻴﻒ ﻣﻊ ﺑﻨﺎﺕ ﺧﺎﻟﺘﻮ
ﺭﺍﻣﻲ (ﻳﻌﺎﻳﻦ ﻟﻨﺪى ﻭﻳﻔﻬﻢ ﺍﻧﻪ ﻓﻲ ﺣﺎﺟﻪ ﻣﺎ ﻃﺒﻴﻌﻴﻪ) :
ﻻ ﺍﻗﻴﻒ ﻋﺎﺩﻱ ﻣﺎﻣﺸﻜﻠﻪ ﺑﺲ ﺷﻔﺖ ﻭﻗﻔﺘﻜﻢ ﻃﻮﻟﺖ ﻗﻠﺖ ﺍﻋﺮﻑ ﺍﻟﺤﺎﺻﻞ
ﻣﻬﻨﺪ : ﻣﺎﻓﻲ ﺣﺎﺟﻪ ﺣﺎﺻﻠﻪ
ﺭﺍﻣﻲ : كنتو ﺑﺘﻘﻮﻟﻮ ﻓﻲ ﺷﻨﻮ
ﻣﻬﻨﺪ : ﺍﻧﺖ ﺑﺘﺤﻘﻖ ﻣﻌﺎﻧﺎ ﻟﻴﻪ ﻳﺎ ﺭﺍﻣﻲ
ﺭﻫﺎﻡ : ﻛﺎﻥ ﺑﺤﺎﻭﻝ ﻓﻲ ﻧﺪى ﻋﺸﺎﻥ ﺗﺮﺟﻊ ليهو
ﻣﻬﻨﺪ ﺍﺭﺗﺒﻚ ﻭﺧﺎﻑ ﻣﻦ ﺭﺩﻩ ﻓﻌﻞ ﺭﺍﻣﻲ
ﺭﺍﻣﻲ : ﻣﻤﺘﺎﺯ ﻳﻼ ﻳﺎ ﺑﻨﺎﺕ ﺍﺩﺧﻠﻮﺍ ﺑﻜﻮﻧﻮﺍ ﻣﻨﺘﻈﺮﻛﻢ ﺗﺪﺧﻠﻮﺍ ﺍﻟﺤﺎﺟﺎﺕ ﺩﻱ
ﺭﻫﺎﻡ : ﻛﻮﻳﺲ ﻭﺩخلو ﺭﻫﺎﻡ ﻭ ﻧﺪى
ﺭﺍﻣﻲ : ﻣﻬﻨﺪ ﺍﻧﺖ ﻭﻟﺪ ﺧﺎﻟﺘﻲ ﻭﺍﻧﺎ ﻣﺎﻋﺎﻳﺰ ﺍﺧﺴﺮﻙ ﻟﻜﻦ ﻣﺎ ﻋﺎﻳﺰ ﺍﺷﻮﻓﻚ ﻭﺍﻗﻒ ﻣﻊ ﻧﺪى ﻣﺮﻩ ﺗﺎﻧﻴﻪ ﺍﻧﺖ ﺧﻄﺒﺖ ﻧﺪى ﻭﺧﻠﻴﺘﻬﺎ ﻭﺍﺗﺰﻭﺟﺖ ﻗﻠﻨﺎ ﻣﻌﻠﻴﺶ ﻗﺴﻤﻪ ﻭﻧﺼﻴﺐ ﻟﻜﻦ ﺗﺮﺟﻊ ليها ﺗﺎﻧﻲ ﺩﺍ ﻳﺒﻘﻲ ﺍﺳﻤﻪ ﺍﺳﺘﻬﺘﺎﺭ .. ﻧﺪى ﺑﻨﺖ ﻣﺎﻫﻴﻨﻪ ﻭﺍﻱ ﺷﺎﺏ ﺑﺘﻤﻨﻲ ﻳﺮﺗﺒﻂ بيها ﻭﺍﻧﺖ ﻛﺎﻥ ﻣﻤﻜﻦ ﺗﻜﻮﻥ ﺍﻟﺸﺎﺏ ﺩﺍ ﻟﻜﻦ ﻣﺎﺣﺴﺒﺘﻬﺎ ﺻﺢ
ﻣﻬﻨﺪ ﻳﻘﺎﻃﻊ ﺭﺍﻣﻲ : ﻋﺸﺎﻥ ﻣﺎﺣﺴﺒﺘﻬﺎ ﺻﺢ ﺍﻧﺎ ﻧﺪﻣﺎﻥ ﻭﻋﺎﻳﺰﻫﺎ ﺗﺮﺟﻊ ﻟﻲ
ﺭﺍﻣﻲ : ﺍﻟﻨﺪﻡ ﻣﺎﺑﻔﻴﺪ ﺑﺤﺎﺟﻪ ﻭﻣﺴﺘﺤﻴﻞ ﻧﺪى ﺗﺮﺟﻊ ليك ﺣﺘﻲ ﻟﻮ ﻫﻲ ﻭﺍﻓﻘﺖ ﺗﺮﺟﻊ ليك ﺍﻧﺎ ﻣﺎﺑﺨﻠﻴﻬﺎ ﻭﺑﻘﻴﻒ ﺿﺪ ﺍﻟﻤﻮﺿﻮﻉ ﺩﺍ ﻋﺸﺎﻥ ﻛﺪﺍ ﻳﺎﺭﻳﺖ ﺗﻨﺴﻲ ﺍﻟﻜﻼﻡ ﺩﺍ ﻭﺗﺮﺟﻊ ﻣﺮﺗﻚ ﺍﻭ ﺗﺸﻮﻑ ليك ﺍﻱ ﺑﻨﺖ تانيه ﻟﻜﻦ ﻧﺪى ﻣﺴﺘﺤﻴﻞ ﺗﺮﺟﻊ ليك

☆☆☆☆☆☆☆☆☆☆☆☆☆☆☆☆☆☆☆


........ﻓﻲ ﺩﺑﻲ ...........

ﺭﻳﻢ (ﺑﺘﺒﻜﻲ) : ﺣﺮﺍﻡ ﻋﻠﻴﻚ ﺍﻧﺖ ﻟﻴﻪ ﺑﺘﻌﻤﻞ ﻓﻴﻨﻲ ﻛﺪﺍ
ﻣﺪﺣﺖ : ﻫﻬﻬﻬﻬﻬﻪ ﺍﻧﺘﻲ ﻣﺮﺗﻲ ﻭﺑﻌﻤﻞ ﻓﻴﻚ ﺍﻟﺒﻌﺠﺒﻨﻲ
ﺭﻳﻢ : ﺍﻧﺖ ﻭﺣﺶ ﻣﺎ ﺍﻧﺴﺎﻥ
ﻣﺪﺣﺖ : ﻫﻬﻬﻬﻬﻬﻬﻬﻬﻬﻬﻬﻬﻪ ﺳﻤﻌﺖ ﺍﻟﺠﻤﻠﻪ ﺩﻱ ﻛﺘﻴﺮ ﻣﻦ ﺍﻟﺒﻨﺎﺕ ﺍﻟﻘﺒﻠﻴﻚ
ﺭﻳﻢ (ﺑﺨﻠﻌﻪ) : ﺑﻨﺎﺕ ﺷﻨﻮ ﺍﻟﻘﺒﻠﻴﻨﻲ
ﻣﺪﺣﺖ : ﻫﻬﻬﻬﻬﻬﻬﻬﻪ ﺍﻧﺘﻲ ﻓﺎﻛﺮﻩ ﺍﻧﻚ ﺍﻭﻝ ﻭﺍﺣﺪﻩ ﺍﺗﺰﻭﺟﻬﺎ ﺍﻧﺎ ﺗﺰﻭﺟﺖ ﻗﺒﻠﻴﻚ 4 ﻭﺑﻘﻮﻟﻮﺍ ﻟﻲ ﻧﻔﺲ ﻛﻼﻣﻚ ﺩﺍ وفي ﺍﻻﺧﺮ ﺑﻄﻠﻘﻮﺍ
ﺭﻳﻢ : ﻃﻴﺐ ﻃﻠﻘﻨﻲ
ﻣﺪﺣﺖ : ﻫﻬﻬﻬﻬﻬﻪ ﺍﻧﺘﻲ ﻣﺘﺨﻴﻠﻪ ﺍﻟﻤﻮﺿﻮﻉ ﺑﺴﻴﻂ ﻛﺪﺍ ﺍﻧﺎ ﻣﺎ ﺑﻄﻠﻖ ﺑﺎﻟﺴﺎﻫﻞ
ﺭﻳﻢ : ﺍﻟﻘﺒﻠﻴﻨﻲ ﻃﻠﻘﺘﻬﻢ ﻛﻴﻒ
ﻣﺪﺣﺖ : ﻭﺍﺣﺪﻩ ﺟﺎﺗﻬﺎ ﺣﺎﻟﻪ ﻧﻔﺴﻴﻪ ﻭﺑﻘﺖ ﻣﺎﻧﺎﻓﻌﻪ ﻣﻌﻲ ﻭﻣﻨﻬﻢ ﺍﻻﺗﻄﻠﻘﻮﺍ ﺑﺎﻟﻤﺤﻜﻤﻪ
ﺭﻳﻢ : ﻭﺍﻟﻠﻪ ﺣﺮﺍﻡ ﻋﻠﻴﻚ




.......ﻓﻲ ﺑﻴﺖ ﺍﺑﻮ ﻣﻬﻨﺪ ......

ﺍﻻﺳﺮﻩ ﻣﺠﺘﻤﻌﻪ ﻓﻲ ﺍﻟﻐﺪﺍﺀ
ﺍﻟﺸﻐﺎﻟﻪ : ﻣﺎﻣﺎ ﻣﺪﺍﻡ ﺳﻮﺯﺍﻥ ﻓﻲ ﺍﻟﺒﺎﺏ
ﺍﻡ ﻣﻬﻨﺪ (ﺑﺨﻠﻌﻪ) : ﺳﻮﺯﺍﻥ ؟
ﺍﻟﺸﻐﺎﻟﻪ : ﺍﻳﻮﺍ ﻣﺎﻣﺎ
ﺍﺑﻮ ﻣﻬﻨﺪ : ﻗﻮﻟﻲ ليها ﺗﺘﻔﻀﻞ
ﺩﺧﻠﺖ ﺳﻮﺯﺍﻥ : ﺑﺜﻘﻪ ﻭﻋﺎﻳﻨﺖ ﻟﻤﻬﻨﺪ ﺍﻟﻜﺎﻥ ﺍﻟﻤﻨﺪﻣﺞ ﻣﻊ ﺍﻻﻛﻞ ﻭﻣﺎ ﺍﺩﺍﻫﺎ ﺍﻱ ﺍﻫﺘﻤﺎﻡ
ﺳﻮﺯﺍﻥ : ﺍﻟﺴﻼﻡ ﻋﻠﻴﻜﻢ
ﺍﺑﻮ ﻣﻬﻨﺪ : ﻭﻋﻠﻴﻜﻢ ﺍﻟﺴﻼﻡ
ﺳﻮﺯﺍﻥ : ﻛﻴﻔﻚ ﻳﺎ ﻋﻤﻮ
ﻣﻬﻨﺪ : ﺍﻟﺤﻤﺪ ﻟﻠﻪ ﻭﻗﺎﻡ ﻋﺸﺎﻥ ﻳﻄﻠﻊ
ﺳﻮﺯﺍﻥ : ﻣﻬﻨﺪ
ﻣﻬﻨﺪ ﻣﺎﺭﺩ ﻋﻠﻴﻬﺎ ﻭﻣﺎﺷﻲ
ﺳﻮﺯﺍﻥ : ﻣﻬﻨﺪ ﻋﺎﻳﺰﻩ ﺍﺗﻜﻠﻢ ﻣﻌﺎﻙ ﻓﻲ ﻣﻮﺿﻮﻉ
ﻣﻬﻨﺪ ﻣﺎﺭﺩﻩ ﻋﻠﻴﻬﺎ
ﺳﻮﺯﺍﻥ : ﻣﻬﻨﺪ ﺍﻧﺎ ﺣﺎﻣﻞ
ﻣﻬﻨﺪ ﻭﻗﻒ ﻣﺨﻠﻮﻉ : ﻛﻴﻒ ؟
ﺳﻮﺯﺍﻥ : ﺣﻠﻠﺖ ﻭﻃﻠﻌﺖ ﺣﺎﻣﻞ ﻭﺍﻇﻦ ﺍﻧﺖ ﺍﻭﻝ ﺯﻭﻝ ﻣﻔﺮﻭﺽ ﻳﻌﺮﻑ
ﻣﻬﻨﺪ : ﻣﺴﺘﺤﻴﻞ ﻳﻜﻮﻥ ﺩﺍ ﻭﻟﺪﻱ
ﺍﺑﻮ ﻣﻬﻨﺪ : ﻳﺎﻭﻟﺪ ﻟﻮ ﺑﺎﻟﺠﺪ ﻃﻠﻌﺖ ﺣﺎﻣﻞ ﻃﻮﺍﻟﻲ ﺗﺮﺟﻊ ليك ﻭﺗﻬﺘﻢ بيها ﻟﺤﺪﻱ ﻭﻗﺖ ﺍﻟﻮﻻﺩﻩ ﻭﺑﻌﺪﻳﻦ ﺍﻋﻤﻠﻮﺍ ﺍﻟﺒﺮﻳﺤﻜﻢ
ﺍﻡ ﻣﻬﻨﺪ : ﻻﺣﻮﻝ ﻭﻻﻗﻮﻩ ﺍﻻ ﺑﺎﻟﻠﻪ
ﻣﻬﻨﺪ : ﻳﺎ ﺍﺑﻮﻱ ﻫﻲ ﺑﺘﻜﺬﺏ ﻣﺴﺘﺤﻴﻞ ﺗﻜﻮﻥ ﺣﺎﻣﻞ
ﺍﺑﻮ ﺭﺍﻣﻲ : ﻣﻬﻨﺪ ﺳﻮﻕ ﺍﻟﺒﻨﺖ ﻭﺍﻣﺸﻮﺍ ﺍﻟﺪﻛﺘﻮﺭ ﻭﺧﻠﻲ ﺍﻣﻚ ﺗﻤﺸﻲ ﻣﻌﺎﻛﻢ
ﺳﻮﺯﺍﻥ (ﺧﺎﻳﻔﻪ ﻣﻦ ﻣﻬﻨﺪ) : ﻣﻤﻜﻦ ﻳﺎﻋﻤﻲ ﺗﻤﺸﻲ ﻣﻌﺎﻧﺎ
ﻣﻬﻨﺪ : ﺍﺑﻮﻱ ﻣﺎﻓﺎﺿﻲ ﻳﻤﺸﻲ ﻣﻊ ﻭﺍﺣﺪﻩ زﻳﻚ
ﺍﺑﻮ ﻣﻬﻨﺪ : ﺧﻴﺮ ﻳﺎﺑﻨﺘﻲ ﺑﻤﺸﻲ ﻣﻌﺎﻛﻢ


.......ﻓﻲ ﺍلمستشفى.........

ﻭﺑﻌﺪ ﺧﻠﺼﻮﺍ ﺍﻟﺘﺤﺎﻟﻴﻞ ﺍﻟﻼﺯﻣﻪ ... ﻣﺒﺮﻭﻙ ﺍﻟﻤﺪﺍﻡ ﺣﺎﻣﻞ
ﻣﻬﻨﺪ (ﻣﺨﻠﻮﻉ) : ﻣﺴﺘﺤﻴﻞ ﺣﺎﻣﻞ ﻛﻴﻒ ﻳﻌﻨﻲ
ﺍﺑﻮ ﻣﻬﻨﺪ : ﺍﻟﻠﻪ ﻳﺒﺎﺭﻙ ﻳﺎ ﻭﻟﺪي ﻗﻮﻝ ﺍﻟﺤﻤﺪ ﻟﻠﻪ ﻭﻳﻼ ﻧﺮﺟﻊ ﻟﻠﺪﻛﺘﻮﺭ
ﻣﻬﻨﺪ ﻭﺍﻡ مهند ﻣﺎﻣﺼﺪﻗﻴﻦ ﺍﻟﺤﺎﺻﻞ
ﺍﻟﺪﻛﺘﻮﺭ : ﻣﺒﺮﻭﻙ .. ﻭﻃﻤﻨﻬﻢ على ﺻﺤﻪ ﺳﻮﺯﺍﻥ ﻭﺍﻟﺒﻴﺒﻲ
ﻣﻬﻨﺪ : ﻳﺎ ﺩﻛﺘﻮﺭ ﺍﻟﺒﻴﺒﻲ ﻋﻤﺮﻩ ﻛﻢ
ﺍﻟﺪﻛﺘﻮﺭ : ﺷﻬﺮﻳﻦ
ﻣﻬﻨﺪ ﺑﻘﻲ ﺑﻀﺤﻚ زﻱ ﺍﻟﻤﺠﻨﻮﻥ ﻣﺶ ﻗﻠﺖ ليكم
ﺍﻟﺪﻛﺘﻮﺭ : ﻓﻲ ﺣﺎﺟﻪ
ﻣﻬﻨﺪ : ﻻ ﺍﺑﺪﺍ

يتبع...