ﺧﻴﺎنة ﺍﻟﺼﺤﺒﺎﺕ

الجزء 18

  امجد محتار يتصرف كيف مع امه واعمامه الواقفين ضده ... سوزان حاسه انه امجد عايز يخليها ومفكره تنزل البيبي ... ريم عرسها باقي ليهو 3 ايام بس وهي اخر بسطه وابوها ما مصدق يتفك منها ومن مصايبها


سوزان : امجد انا خلاص قررت انزل البيبي مدام انت ماعندك شجاعه تقيف ضد اهلك وتتزوجني
امجد : لا ماتستعجلي ماتنزلي انا اسي قاعد احاول مع اهلي بس المشكله هم متخيلين انه البيبي ولد مهند
سوزان : طيب كلمهم بالحقيقه
امجد : انتي مجنونه ؟عشان امي تروح فيها ؟
سوزان : طيب اتصرف ياخ
امجد : كويس بس اديني فرصه
ام امجد : بتتكلم مع منو يا امجد
امجد : في حاجه يا امي ؟
ام امجد : دي سوزان ؟
امجد : اي يا امي
ام امجد : اديني اسلم عليها
امجد : امي
تقاطعه امه عايزه اسلم عليها وتاخد التلفون
ام امجد : السلام عليكم
سوزان : وعليكم السلام كيفك ياخالتو
ام امجد : كويسين كيف انتي وكيف مع الحمل
سوزان (بغيظ) : تمام الحمد لله
ام امجد : كلمتي ابوهو عشان يرجعك
سوزان : لا
ام امجد : كده حرام الطلاق في الحمل ماصح كلمي عشان يرجعك بالمره ترجعي لبيتك وراجلك وينعدل حالك
سوزان : طيب لو البيبي دا ابوهوا ما مهند
ام امجد : وب علي سجمي ابوهو ما مهند كيف يعني
امجد : اديني التلفون يا امي
ام امجد : كدي دقيقه ياولد
سوزان : ابوهو امجد
ام امجد ضغتها ارتفع ودخلت في حاله اغماء طوالي


.....في المستشفي .......

الدكتور : شكلها المريضه زعلت او اتفاجئت بحاجه عشان كدا دخلت في حاله اغماء لكن هي اسي كويسه الحمد لله بس تعمل حسابها وتواصل في الحبوب شكلها ما منظماها امجد : ايوا مرات مابتاخد الحبوب
الدكتور : كدا ما صح لازم تواصل في الحبوب
امجد : خير ان شاء الله


امجد : الحمد لله على السلامه
ام امجد : الكلام السمعته دا صح
امجد : لا طبعا يا امي
ام امجد : ما تكذب علي انت غلطتا مع البنت دي ؟
امجد : لا يا امي انا ولدك معقوله اعمل كدا بس هي قالت ليك الكلام دا عشان انتي توافقي بزواجي منها اكيد الولد ولد مهند اصلا هي العده ماكملتها
ام امجد : انا كلمتك لو اتزوجتها انا ماعافيه ليك وكمان لو اتكلمت معاها تاني ماعافيه ليك
امجد : كويس يا امي

طبعا سوزان بتضرب لامجد وامجد مابرد ... امجد بعد حركه سوزان ووقفه اهله ضده قرر يخلي سوزان ويقطع علاقتو معاها حتى انه ما فكر يرسل ليها مسج يوريها موقفه شنو (زيه وزي باقي الرجال ياخد العايزه ويخلي البنت في الاخر )...
سوزان داخله في حيره يومين وامجد مابرد عليها شكلوا زعلان من حركتي او انه اقتنع خلاص بكلام امه وبدات تفكر تتصرف كيف ؟

☆☆☆☆☆☆☆☆☆☆☆☆☆☆☆☆☆☆☆

...... يوم زواج ريم ........

كان الزواج بسيط زي ما طلب ابو ريم عملوا عقد وقعده صغيره لريم بالعصر وعزمو الاهل القريبين بس وريم واقفه براها مامعاها اي واحده من صحباتها انتهي العرس وكانت ريم وراجلها مسافرين دبي في نفس اليوم بالمساء قعدت ريم مع اهلها لحدي المساء وكانت مبسوطه لانها حتسافر وترتاح من نظره ابوها لها


............ في بيت ابو رامي .............

ندى : رامي وجرت علي اخوها
رامي حضن اخته البتبكي : خلاص حبيبتي ماتبكي
ام رامي ورهام جوا جارين يبكوا
رامي : يا جماعه انتو بتبكوا ليه انا قدامكم وكويس ماتبكوا عليكم الله
ام رامي : مشتاقين ليك
رامي : و انا كمان
ام رامي : كيفك ياولد ومالك ضعفت كدا
رامي : عشان مالاقي اكلك الحلو في ماليزيا
يلتفت رامي علي رهام : العروس اخبارها شنو
يدخل عليهم رماح : انا متين حابقى عريس
تضربه ندى في راسه : لمن تكبر يلا سلم علي اخوك
رامي : هههههههههه عيال اخر زمن
اجتمع شمل الاسره وقضوا الليله كلها ونسه وضحك وحركات وفي اللحظات دي كانت في اسره تاني مبسوطه برجعت ولدها


......اسره ابو محمد .......
ام محمد : ما كانت مصدقه انه ولدها رجع بعد السنين دي كلها وكمان اخواته

يتبع...