غيرة رجل شرقي (مكتمله)

١

فاطمه
ام فاطمه(صاحت بصوت عالي): فاطمه وينج تعالي للمطبخ
فاطمه(عافت البيدها ونزلت بسرعه للمطبخ): ها يوم
ام فاطمه : بسرعه حضري ويايه راح يجون بيت صديق ابوج يمنه اليوم
فاطمه : ليش شيسوون
ام فاطمه : راح يجون يمنه حتى نسافر شنو نسيتي المن جنه نحضر بالجنط روحي عدلي واني راح ابده احضر الغده كملي وتعالي ويايه
فاطمه : اوك (راحت تعدل كم شغله)

~,~,~,~,~,~,~,~,~
فاطمه
فاطمه : هلو اني اسمي فاطمه وعمري ١٨ اسكن ببغداد ويه اهلي وعندي اخو اسمه يزن اصغر مني عمره ١٥ واختي ندى عمرها ٥سنوات ومثل مسمعتوا راح يجونه بيت صديق بابا اليوم وطبعاً هو قبل فتره جان يحجيلنه عليهم عرفت عدهم ولد بكد اخويه اسمه مجد وبتهم بكدي اسمها هدى واكو بعد ولد اتوقع صغيرون بكد اختي اسمه محمد المهم يله خل اروح اساعد ماما بالمطبخ (راحت للمطبخ)@rewayat_z_h
فاطمه : ها ماما اجيت كملت تعديل
ام فاطمه : اي عفيه يله تعالي ساعديني خل نكمل قبل لا يوصلون@rewayat_z_h
فاطمه : ماشي (كامت تساعد امها)
يزن(وره شويه دخل للمطبخ): الله شنو هاي الريحه (راد يفتح الجدر)
فاطمه (ظربت ايده بالخاشوكه): لاولك لاتفتحه يطلع البخار
يزن : اخخخ ولج ايدي @rewayat_z_h
فاطمه : هجم بيتك من هاي الضربه تأذيت ولي من كدامي لك لاموتك صار ساعه اطبخ وانته تجي على الحاضر تاكل
يزن : اي هذا شغلج
فاطمه : لك اطلع لا اظربك بالجدر
يزن : لالا يله طالع (راح)
(وره نص ساعه كملوا شغل)@rewayat_z_h
ام فاطمه : يله روحي بدلي وتعدلي علمود نكون حاضرين من يوصلون
فاطمه : ماشي (راحت بدلت ورجعت عدلت كم شغله)
ابو فاطمه : ام يزن يله وصلوا عائلة ابو محمد قريبين تعالوا علمود نستقبلهم
ام فاطمه : يا هله بيهم جايين
(راحوا للاستقبال وره شويه دخل ابو محمد وورا مجد وهدى ونوب ام محمد)@rewayat_z_h
فاطمه (سلمت عليهم كلهم لحد ما وصلت لام محمد): هلو خاله شلونج اخبارج
ام محمد : الحمد لله حبيبتي انتي شلونج
فاطمه : بخير الحمد لله@rewayat_z_h
ام فاطمه : فطومه اخذي هدى لغرفتج حتى ترتاح
فاطمه : ماشي يله هدى
هدى : يله
(راحوا لغرفة فاطمه)@rewayat_z_h
فاطمه : ولج هدى حمودي وين خاف نسيتوا بالسياره
هدى (حبست الضحكه): شنو يا حمودي
فاطمه : لج حمودي اخوج غير عندج اخو اسمه محمد
هدى : زين يعني تعرفين اسمه محمد هههه زين شتردين منه
فاطمه : اريد اشوفه حياتي احب الجهال
هدى (خربت ضحك): هههههههههه
فاطمه : هاي على شنو تضحكين
هدى(لزمت ايد فاطمه وجرتها للاستقبال): الله عليج يا فاطمه انتي فد شي@rewayat_z_h
فاطمه (رادت تحجي بَس شافت شاب دخل للاستقبال مالتهم استحت وصارت صنم)
محمد : ألسَلامُ عَلَيِكمُ
الكل (الا فاطمه): وعليكم السلام
ابو فاطمه : ها محمد وين جنت @rewayat_z_h
محمد : طبكت السياره ونزلت الجنط بس بعدهن بالحديقه
ابو محمد : لا ليش رجعهن
ابو فاطمه : لا ابو محمد باجر نطلع حتى اذا تحتاجون شي
فاطمه (بنفسها): اني شكد غبيه شلون مسمعت ابويه من كال ابو محمد هفففف شلون فشله هسه هاي راح تفشلني كدامهم.... لحظه لحظه سمعت جنط @rewayat_z_h
فاطمه (حاجت هدى): جنط لشنو
هدى : راح نسافر سوه
فاطمه : اها
ام فاطمه : يله اكيد جوعانين وتعبانين من الطريق تردون ترتاحون لو تاكلون هسه
ام محمد : لا بعد وقت على الاكل @rewayat_z_h
ام فاطمه : ماشي
(محمد ومجد راحوا ويه يزن بغرفته وهدى ويه فاطمه بغرفتها وام وابو محمد بغرفة الضيوف كعدوا ارتاحوا وسولفوا شويه بعدين اكلوا)@rewayat_z_h
هدى (بيدها ماعون تغسل بي): هم ياكلون نوب احنه نبتلي بالمواعين
فاطمه (تنشف المواعين وتحطهن بمكانهن): اي والله مو حاله هاي نوب حتى ميقدمون مساعده
محمد (دخل للمطبخ): محتاجين شي
هدى : اي فاطمه تريد مساعده هههههه
فاطمه : هااا لالا ممحتاجين شي@rewayat_z_h
هدى : انتي ستوج تكولين محد يقدم مساعده ليش هيج تره دتظلمين حمودي@rewayat_z_h
محمد : هسه تردون شي لو اروح
هدى (سدت المي ووكفت يم فاطمه وباوعت لمحمد): محمد انته متدري شنو صار اول مادخلنه للبيت
فاطمه : هدى لا والله اموتج اششش (تحاول تسكت هدى)
هدى (تضحك وهي تحجي): لك محمد احنه دخلنه للبيت وفاطمه اخذتني لغرفتها وخبصتني وين حمودي وين حمودي شنو هاي عمي امورك عدله من البدايه يدلعوك@rewayat_z_h
محمد (ابتسم): هههه هدى كافي خجلتي البنيه هي وين شايفتنه حتى تعرف منو حمودي اا قصدي اني
فاطمه (بصوت ناصي وهي خجلانه): اي شمدريني سمعت من اهلي حمودي عبالي حمودي بكد ندى@rewayat_z_h
هدى (غمزت): يي عادي عادي بس ديري بالج محمد ميحب احد يدلعه
محمد (باوع لهدى وطلع)
ام فاطمه (من طلع محمد دخلت كبل): ها بنات شنو بقه
فاطمه : ثواني ونكمل@rewayat_z_h
ام فاطمه : خوش حتى من تكملون فطومه اتاكدي من الغراض خاف ناسين شي حتى نقفل الجنط
فاطمه : اوك