آستمعنا للاغنية بهدوء تام حتى قاطع ذلك الهدوء صوته
-ليش تحبيها
ابتسمت ونظرت الى النافذة
-آبوية جان يسمعها دائما واني اتذكرة بيها
-مممم ليش ابوج وين ؟
اغلقت عييني كي لا تسقط الدموع وقلت بصوت حزين
-ميت
-آوه اني اسف مجنت اعرف بهل شي الله يرحمه
-مصار شي
(وصلنا الى منزل نور )
-شكرا على التوصيله
-ولو تدللين اصلا بيتي بصف بيت نور ف عاادي
-مم هذا بيتك
-اي
-حلو
نظر الى عيني وقال:-
-عيونج لحلوات
ابتسمت ابتسامة خفيفه
-يله باي
-باي
دخلت منزل نور رحبت بي امها انا احبها حقا احبها حتى اكثر من والدتي ..
-هلو خالة
-هلاا وين هل غيبه عيني شلونج
-تمام وين نور
-بغرفتها
*دخلت غرفه نور كانت تقف عند النافذة ..
-هلو
-هلو
-شوفي شجبتلج دونات اللي تحبيه
-ههه شكرا حبي شكو متعبه نفسج
-من شوكت هاي الرسميات بعدين شعجب تمرضتي لبارحه جنتي مثل لقردة
-هاي بس انتي هيج تزورين المرضى
-ههههههه
اخذت قطعة دونات لاكلها .. حتى قالت نور بصوت متلعثم
-آيلين ..
هززت براسي بمعنى ماذا
-اجيتي ويا عمر
-آي
-ممم شنو تحسنت علاقتكم
-مفهمت
-يعني جنتي تكرهيه
-لا مجنت اكرهه عادي سوء تفاهم
-آها ..
نظرت الى وجه نور كانت تعابيرها منزعجة
-شبيج
-مابيه شي ليش
-مادري احس ضجتي لان اجيت ويا عمر
-ﻻ عادي
تقربت من نور ورفعت حاجبي
-تحبيه؟
-ش ش شنو .. ﻻ شدتحجين
-وجهج اللي ديحجي عيني غيرانة مني لان صعدت بسيارتة مو
-ماعرف
-مممممم يمه الحب يمه وليش مكلتيلي
-ماعرف لان بالجديد شعرت بهل شي
-نوور يعني صدك تحبي (قلتها بجدية )
-آي
لا اعلم ماذا حصل لي في تلك لحضه لكني حتما لم اكن اشعر بالسعادة تلك اللحظة
-ايلين شبيج شو شردتي
-ممم لا مشردت حبي بي لازم آروح تأخرت
-آوك حبي
خرجت من منزل نور وانا اشعر بفراغ داخلي لا اعلم لماذا انزعجت عندما علمت ان نور تحبه اعني انا لا احبه الليس كذلك ؟
اصبحت امشي ببطء لاوقف سيارة اجرة الى ان وقفت بجانبي سيارة سوداء تبدو مؤلوفة .. اه انه احمد
-تعاالي اوصلج
لم افعل اي ردة فعل فقط مشيت بهدوء وهو يلاحقني بسيارته
-كتلج تعاي اوصلج
وقفت وتقربت من سيارته
-هاي سيارتك
-اي جديده عجبتج(قالهاا بتفاخر)
ابتسمت وتقربت من النافذة ..
-كلش حلوة
ضربت النافذة بكل قوة حتى كسرت لم اكن اشعر حتى بيدي كيف ضربتهاا بتلك النافذة
خرج احمد من سيارته وحرارة الغضب تنبعث من عينه
-هاي شسويتييي يا مخبلة
-صارت احلى هسه
امسكني من يدي بقوة
-وخر اييدك ترا هسه اعيط بصوت واتهمك باغتصابي وتعرف شيصير بيك بعد
ابعد يديه عني وقال بنبرة غضب
-رح تشووفين شرح اسويلج
ركب سيارته وانطلق باقصى سرعة
ابتعدت عنه واكملت المشي .. نظرت ليدي كانت مليئة بالدماء بحثت في عيني عن صيدلية .. لم اجد شيء
لا اريد العودة لمنزل نور لا رغبة لي برؤيتها الان
جلست على الرصيف لافكر بحل ما
"ماكو غير عمر "
وصلت لمنزل عمر اخذت نفسا عميقا وقمت بطرق الباب ..
-ايلين ! ( بتعجب)
-آسفة يمكن ازعجبتك بس
-لا ولو عادي
-امم وكعت عللى زجاج وانجرحت ايدي
-آوووه ايدج كلش متأذية لازم نروح مستشفى تعالي دخلي حتى اعقمها
-اوك
دخلت منزله كان مرتب ونظيف غسلت يدي وهو احضر المعقم والقطن جلست على احدى الكراسي في المطبخ وهو جلس على الارض اخذ يدي وبدأ يعقمها
-ممم شون وكعتي
-ممم ماعرف جنت ممنتبهة ... آه دتاذيني
-طبعا لان داعقمها
-انت لبحدك عايش
-اي
-اهلك وين
-بالعراق
-ممم
-خلصت لحضه الفها بالشاش .. تمام وخلصنا يا ست ايلين
-شكرا تعبتك
تقرب مني ..
-انتبهي ثاني مرة .. يلة نروح للمستشفى حتى يخيطوها
-ﻻ ماكو داعي هيج تمام
-بس الجرح
-مابيه شي اذا نزف اني اروح للمستشفى
-اوك شنو حابه تشربين
-قهوة
-اوك
بدأ بتحضير القهوة وانا انظر االيه ادقق بجميع تفاصيله هل وقعت بحبه يا ترى ؟
آبتسمت كالحمقاء دون ان اشعر
-شكو تبتسمين
-ﻻا ماكو شي ^-^
-ممم ابتسامتج حلوة
احمرت وجنتاي لاول مرة رغم انني لاطالما استمع لهذا لكلام ولا اخجل لا اعلم سبب خجلي منه تحديدا ..
شربت الماء عسى ولعل تبرد وجنتاي التي اشعر انها ستحترق من الاحمرار
-الماي ميخفف الاحمرار ماال خجل عوفيها للوكت
فتحت عيني على وسعيهما ..ولم استطيع ان اتكلم بشيء ..اكمل تحضير القهوة وجلس امامي ..
-تفضلي ست ايلين
-شكرا
-ممم عادي أسالج
-اسال
-هذاك الولد اللي حاول ..
-احمد
-اسمه احمد ؟ يعني تعرفيه
-آي
-آسف على التدخل بس شيصير منج
-وﻻ شي
-لعد ؟
-لاحظت انو تسأل هواية
-ﻻ بس فضول
-حبيبي
-وحبيبج يحاول يستغلج
-كل البشر استغلاليين
-؟؟ ( رفع حاجبه )
-ليش تباوع بهاي نظرة
-لان كل مرة اكتشف انو آنتي اغرب من المرة اللي قبلها
-هههههههه .. صدك؟
-آيي ..
نظر الى عيني مباشرة .. يا اللهي كم كانت نظرة دافئة ..
-آيلين اني صديقج مو ؟
-يمكن
-لو ما صديقج جان موثقتي بيه واجيتيلي حتى اسويلج ايدج
-ممم صح
-تكدرين تحجيلي آي شي يصير وياج عادي اني احب اسمع
في تلك الاثناء .. لم استطيع ان ابعد نظري عنه حتى هو لم تبتعد عيناه عن عيني ..
ابتسم واصبح يدندن .. :-
● عليها عيون●
فداها الكون
● شفتها وكلبي بالحب حس ●
نظرت له باستغراب !
-هاه ؟
-شبيج هههههه دا ااشاقه ماحبج بس هيج خطرت الاغنيه بالي
-آحم .. آي .. على العموم شكرا تعتبك ويايه لازم اروح
-آني اوصلج
-ﻻ ماكو داعي حابه امشي شوية وراها اخذ سيارة اجرة
-تمام
-باي
-باي
كل منا يحبث عن شيء ما في هذه الحياة .. عن وظيفة عن امل عن هدف عن عائله او حتى حب ..~
آنا ما الذي ابحث عنه يا ترى !
سالت نفسي مرارا وتكرارا لكن الجواب مظلل ليس واضحا الى الان ..
هل سيأتي يوم ويتغير حالي هذا ؟
#يتبع
