لم استيقظ هذه المرة على صوت المنبه كعادتي بل استيقظت على صوت انين صادر من غرفة آمي ..
هممت لارى ما بها كانت حرارتها مرتفعة للغاية
الساعة ال3 منتصف ليل ولا يوجد دواء هنا ..
قمت بوضع كمادات باردة على جبهتها
"شسوي هسه اني سيارتي عطلانة "
"اتصل عليه .. ﻻﻻ عيب .."
نظرت لها واتصلت على عمر لا استطيع تركها هكذا للصباح ..
-هلو
قال بصوت هادئ يبدو انني ايقظته من نومه
-هلا
-ااسفة كعدتك من النوم بس امي كلش تعبانه وتعرف سيارتي عطلانة تكدر تجي
-اوك يله مسافة طريق واكون يمكم
-تمام شكرا
اغلق هاتفه وفعلا لم تمر سوة ربع ساعة وقد وصل عمر
مسكت يد امي وركبنا السيارة معا
وصلنا الى المستشفى و جلسنا انا وعمر خارجا ليقوم الطبيب بفحص والدتي
-آسفة كلش تعبتك وياية
-ﻻ تعبج راحة
-اكيد كعدتك من لنوم
-ههه اي
-داحس بذنب
مسك وجنتاي وقرصهما بخفة
-قزومة كل ما تحتاجين شي تلكيني يمج
اكتفيت بالابتسامة وعدم الرد .. لما يفعل هذا معي لما انت جيد في كل شي اشعر بالاطمئنان وانا بجانبك
بعد اكمال الطبيب من فحص والدتي تحدث معنا بالانكليزية .
*انها مصابة بالحمى ربما تعرضت للبرد
*وكيف هي الان؟
*آنها بخير .. ولكن يوجد شيء يجب ان تعلموه هل انتي ابنتها ؟
*آجل وهذا صديقي تستطيع اخبارنا
*تفضلا معي لغرفتي
بعد دخولنا غرفه الطبيب جلسنا وكان يتحدث عن الفحوصات التي اجراها لامي وانه اكتشف شيء ..
*بعد الفحوصات التي اجريناها لها اتضح آن والدتك لديها ورم في الدماغ
توقف العالم قليلا عن الدوران في تلك اللحظة حسننا انا اكرهها اليس كذلك ؟ ولكن لما انا اشعر بحزن وضيق شديد !!
آكتفيت بالصدمة بينما اكمل عمر حديثه مع الطبيب
*هل يمكننا فعل شيء من اجلها؟
*مع الاسف لا نستطيع ان الورم في مرحلة متطورة سنكتفي في علاجها بالادوية الكيمياوية.. وغير ذلك قياسا بعمرها نسبة نجاح العملية ضئيل جداا
*شكرا لك
خرجنا من غرفة الطبيب بهدوء حتى عمر لم يستطيع قول شيء لي
-لزعلين ماكو شي مستحيل كلشي بيد رب العالمين
نظرت له وعيني غارقة بالدموع
-الله اخذ حق ابوية منها بس ماريدها تموت .. !
-ليش شصار احجيلي
اخذت نفسا عميقا وتكلمت عن ماذا حدث
-آبوية من ذو الاحتياجات الخاصة طبعا فقد رجليه بسبب حرب شارك بيها جان شخص محب للحياة يسمع موسيقى ويحب العزف ودائما اغني وياه جنت طفلة بعدني وهو جان كلشي يسويلي هو اللي يدرسني يلبسني وحتى يطلعني امي مجان الها دور بحياتي دورها الوحيد الفلوس امي ورثت من ابوها شركة ادوية بالعراق يعني حالتنا المادية جانت كلش زينة ..
آمي بعد حادثة ابوية صارت دائما توبخه برجله وتحسسه شكد هو انسان عاجز ودائما تكوله اني اللي اصرف وانت بدوني ولا شي قهرته وتعبته .. اصلا جانت متعتبره زوجها تنام بغرفة وهو تشمرة بغرفة لبحده ومتهتم لامره حتى سلام متسلم عليه يوم من الايام اني رجعت من لمدرسة سمعت صوت عياط وعركة كلش جبيرة ..اتضحلي انو امي وابوية يتعاركون ابوية متحمل اكثر واجته نوبة قلبيه ركضت عليه وضليت اصيح بابا بابا بس ميسمعني اكتشفت انو ماات ..
ومن ذاك الوكت واني حاسه بنقص نقص كلش جبير وهي بدال ما تعتني بيه وتملي هذا النقص شسوت جابتلي خدامة تعتني بيه ..
مسح عمر دموعي بيده وقام بمعانقتي
-لتبجين كافي
-عمر طلعني من هنا اريد اشم هوا
-اوك
تمشينا قليلا ثم شعرت ببرد ..
-بردانة؟
-اي
قام بوضع سترته على كتفي
-وهسة؟
وقفت عن اامشي ونظرت لعينه
-ليش دسوي هيج ؟
قال مازحا
-لان بردانة
-ليش تهتملي لهاي درجه
سكت لعده ثواني وقال :-
-آحنا اصدقاء بالنهايه مو ؟
-مم .. اي
-عبالك معجبج الجواب
-ﻻ عجبني
-مم .. اي
-تكدر تروح اني آنام بالمستشفى ليوم يم امي وباجر نرجع للبيت
-ﻻ اضل وياج
-ماكو داعي روح
-آوك بس باجر اني اجي ارجعكم للبيت
-آوك
اوصلني للمستشفى
-يلة روح
-ايلين
-ها
-سامحيها شوفي كلنا بشر واكيد كلنا نخطئ ! بس هي تبقى امج وهي بحاجتج هسه اكثر من اي وقت ثاني
-بس ان هم جنت بحاجتها بحاجه لحنانها
-اعرف وحقج تشيلين هلكد بكلبج عليها .. بس فكري شوية وتعرفين شنو صح وشنو لغلط وبعدين المفروض تصيرين احسن منها مو مثلها
ابتسمت له
-آن شاء الله
قام بقرص خدي وقال :-
-فدوة قزومة تسمع لكلام
-مو قزمة
-اي صح اسف اسف
-اي عفية يلة روح دوختك
نظر لعيني وابتسم
-ياريت لو دائما دوخيني
قال تلك الجملة وذهب ..
"لتخاف الايام جاية وادوخك اكثر "
ابتسمت مع نفسي كالبلهاء ودخلت غرفة امي كانت نائمة
تذكرت ما قاله عمر اقتربت منها تحسست ملامحها تنفسها ..
"ليش هيج سويتي ليش حرمتيني منج كل هاي سنين "
جلست بالقرب منها ووضعت رأسي على سريرها ولم اشعر بشيء فقط غرقت بالنوم
#يتبع
