جلست بجانب عمر وآنا افكر ان اقول له بان نور تحبه ..
قطع سلسلة افكاري صوته ..
-وين صافنة
-مصافنة
-ممم واضح
-عمر
-نعم
-ﻵ هيج ماكو شي
-آكيد؟
-بصراحة اكو شي
-ههه ها شبيج
-مابيه
(مسك وجهي بيده )
-شكو ليش ضايجة
-ماعرف
-آيلين ترا يبين عليج الكذب
-آممم
-براحتج .. لتحجين ..
آستجمعت قواي وقلت من غير تردد :-
-آني شنو بالنسبة الك ؟
نظر اللي بتمعن
-شنو مناسبة السؤال
-جاوب
-ماعرف
رفعت حاجبي :-
-متعرف لو متريد تعرف؟
-ممتأكد من مشاعري
-آها .. اريد ارجع للبيت
تحركت من مكاني وذهبت للسيارة
طوال الطريق لم نتكلم مع بعضنا اكتفينا فقط بالهدوء
بعد ان وصلت للمنزل ذهبت لارى والدتي كانت مستلقية بغرفتها :-
-هلو
-هلا حبيبتي
-شلون صرتي
-احسن
-ﻻزم احجي وياج بموضوع
-آذا عن مرضي ف اعرف
-تعرفين؟
-آي من زمان اعرف
-وليش ساكتة ؟؟ ليش مكلتي جان على القليل اكو نسبه شفاء
-ميفيد حبيبتي ميفيد آني باقيلي ايام كل اللي يهمني تسامحيني بنتي اني ندمانة
لم اتمالك نفسي سقطت دموعي بشدة لم استجمع قواي هذه المرة لم ابكي لسبب معين وانما لعده اسباب
تقربت منها وقلت بصوت مبحوح :-
-آنتي ليش بعدتيني عنج هاا .. ليش محاولتي تقربيني منج ولو لمرة ليش
اكتفت بالصمت والبكاء
-تبجين!! ليشش تبجين هذا كله بسببج استكثرتي عليه تعيشين حياتج ومتموتين ليش معالجتي نفسج كل هل اشهر .!! تريديني اعيش يتيمة الاب والام !!
صرخت وهي تغلق اذنيها
-كاافي كاففيي كتلج ندمانه ندماااانه ليش متفهميين
-بعديشش بعديشش بعد ما صرت جسد بلا روح ! بعد ما كرهت حياتي كلها ..انت تدرين طول هاي السنين اني ميمر يوم اذا مو دمعتي على خدي قبل ما انام .. طبعا متدرين لانج حايرة بنفسج حايرة بحياتج
قالت بصراخ وبكاء ..:-
-اطلعي برررررة تريدين تموتيني اطلعييي
خرجت من المنزل ولم استطيع ايقاف دموعي لم اكمل طريقي جلست على الرصيف وآنا منهارة
هل ابكي على والدتي التي ستموت او تصرفاتي التي لا معنى لها !
ام على حظي ام على صديقتي التي اخدعها او مشاعري اتجاه عمر او او او . .. -
اعيش بمتاهةة ﻻ منفذ منها ..
اوقفني رنين هاتفي ( عمر ) لما يتصل ﻻن
حاولت تخفيف دموعي وقمت بالاجابة على الهاتف
-ايلين اتصلت حتى اكلج انو نسيتي جنطتج بسيارتي
اكتفيت بالاستماع بصوته ولم ارد
-الوو ايلين تسمعيني
لم استطيع احبباس دموعي اكثر ..
-ايلين تبجين!! انتي بيتكم ؟؟ وين انتي جايج هسه
اغلقت الهاتف وبعد مرور دقائق وصل عمر وامسكني من يدي ليجعلني اقف
-آيلين شبيج شكو كاعده هنا !!
-عووفني ( ابعدت يده بقوة ومسحت دموعي ومشيت بعيد عنه)
-اييليننن
-شترييد
-تعالي وياية وين رايحه
-وانت شعليك ها ؟ ليش تمثل دور المهتم
-امثل؟؟؟!!
اقترب مني ومسك يدي بدفئ نظر الى عيني المليئة بالدموع التي احبسها كي لا ابدو ضعيفه ..
-تذكرين من سالتيني صبح انتي شنو بالنسبة اللي
لم ارد واكتفيت بالصمت رغم ان قلبي ينبض بسرعة يكاد ان يخرج من مكانه
-ايلين اني احبج اي احبج .. اني ما امثل الاهتمام اني حبيتج كلشي بيج جذبني سحرني ماكدر انكر اترددت حتى اكلج هذا لكلام بس ماكدر بعد اسكت
فتحت عيني على وسعيهما لاترجم حجم الصدمة التي شعرت بها في تلك اللحظة آريد اخباره بانني احبه.. اريد ان احضنه بقوة ولكن صديقتي !! ماذا سيحصل بها ان علمت آنه يحبني
-اسمعي ماريد هسه تحجين ولا كملة اني كلت اللي بكلبي وما اجبرج تبادليني شعور
في هذه الاثناء اتصلت والدتي ولكنها كانت متعبه وتطلب ان اعود لها
هرعت عند سماعي صوتها واسرعت للمنزل رايتها على الارض تذكرت والدي وكيف كان يحتضر
امسكت راسها وصرخت
-ماااااامااااا ماااااا مااااا كعديييي
كان مغمى عليها ركضت لعمر
-عمررر اميي اميي عمر
-شبيهااا
اسرع عمر وحملها وادخلها سيارته وذهبنا بها للمستشفى
بعد وصولنا للمستشفى ادخلوها غرفة العناية المشددة
نظرت لها من الزجاج .. "آسفة لتموتين امي ماريدج تموتين لتعوفيني وحدي بهاي دنيا "
لم تجف دموعي الى الان اشعر بارهاق شديد جسدي يؤلمني راسي سينفجر من التفكير .. لما احمل كل هذه الهموم
جلست على احد الكراسي رايت عمر ياتي من بعيد ويحمل بيده ماء
-شربي
-ماريد
-لتخافين مابيها شي
اخذت هاتفي واتصلت على نور لاخبرها ان تاتي انا بحاجتها الان -هلو
-هلو
-نور اني بالمستشفى امي بالعناية المشددة تعاليلي
-.. مم يمن تحتاجيني بس تذكريني
-شتقصدين؟
-ايلين انتي غدرتي بيه .. !!
-شدتخربطين انتي
-مم اخربط اي .. ليش وين عمر ليش هو مو وياج
اقفلت الهاتف لا اريد سماع المزيد نظرت لعمر
-عمر
-نعم
-روح عوفني
-شون اعوفج لبحدج
-مثل مسمعت اني مو بحاجتك اني كل هاي سنين لبحدي
-بس
-لا بس ولا شي عوفني كافي اطلع من حياتي
نظر اللي بصدمة شديدة
-آوك
ذهب .. نعم ذهب بعيدا عني
هذا افضل لا اريده لا اريد ان احبه اكثر .. تعلقي به سياذيني وياذيه
#يتبع
