- ما بين الكبرياء والتمرد -.

10

بينما كان هو يحاول التقاط انفاسه وقال وهو يلهث وقد تجاهل ما قالته .. فكرتى

نظرت له بغيظ سرعان ما تحول الى تحدى ثم قالت .. موافقه

حازم بظفر وانتصار .. تمام انتِ دلوقتى هتروحى تكملى رحلتك وتقوليلهم انك كنتِ عند صاحبتك وقعدتى معاها لانها كانت تعبانه , وهتكملى حياتك عادى وانا هكمل الباقى , يلا تعالى اوصلك

..............................................................................................................................................................

فتحت تليفونها وجدت العديد من الاتصالات ذهبت الى صديقاتها وما ان رأتها اميره حتى ذهبت اليها واحتضنتها قائله

بلهفه .. ليلى , انتِ كنتى فين كل ده احنا قلبنا الدنيا عليكى

ليلى .. انا كنت عند واحده صاحبتى كانت تعبانه وفضلت معاها لحد الصبح علشان جوزها كان مسافر وجيتلكم

اميره بارتياح وعتاب .. الحمدلله , طب مش كنتى تقوليلنا علشان منقلقش عليكى ده دكتور سيف قالب الدنيا عليكى

ليلى .. معلش بقى تليفونى كان فاصل شحن ومعرفتش اكلمكم

اميره .. طب يلا نروح نطمن دكتور سيف علشان كان قلقان

ذهبتا اليه وما ان رآها حتى قال .. ليلى .. كنتى فين ده كله

قصت له ليلى عن الظروف الكاذبه التى اضطرتها للغياب كل هذا الوقت نظر لها ثم قال

- طب خلاص حصل خير بس بعد كده متتحركيش من غير ما نكون عارفين , روحى دلوقتى ارتاحى

اومأت ليلى برأسها موافقه ثم ذهبت الى غرفتها حتى ترتاح قليلا ً

............................................................................................................................

فى صباح اليوم التالى

كانت ليلى تقف على البحر تنتظر اصدقائها و فجأه وجدت امامها سيف القت السلام عليه

ونظر لها قائلا ً .. شكلك بتحبى البحر

ليلى بابتسامه وعفويه .. اه جدا ً ثم اكملت .. مفيش حد مبيحبش البحر ولا بيشكيله همومه

كاد ان يتكلم الا انه وجد ريهام واميره قادمين عليهم .. القى السلام عليهم ثم قال لريهام التى كانت تأكلها الغيره بسبب وقوفه مع ليلى وقلقه الشديد عليها .. انا اسف يا انسه ريهام انى اتعصبت عليكى امبارح بس كنت قلقان على ليلى

ريهام بغضب مكبوت .. ولا يهمك يا دكتور , ثم اكملت وهى تقاوم دموعها التى تهدد بالنزول ..

- انا همشى بقى يا بنات علشان انا تعبانه شويه

ليلى .. يا بنتى احنا لسه قعدنا علشان تمشى

ريهام باعتذار ... معلش يا ليلى انا بجد مش قادره وهطلع انام