لحظة حزن حقيقة سطرت لنا وصفا دقيقا لمشاعر صادقة وأحاسيس مرهفة أبكت بصمت كل من مر عليها وقرأها بعمق واستشعر معانيها وأدركها في لحظات الحزن
(والإنكسار ) 💔
ننأى بأنفسنا ونفضل الإبتعداد خوفا من أعين تسترق النظر لنا لترى دمع العيون وتقر الشفاء المرتجفة دون كلام نحاول المكابرة على الألم وكتم آهات تحرق الفؤاد كمدا وبعثرتها زفرات على رصيف الوحدة للحزن لغة خاصة يكاد يجمع الجميع على فهم معانيها وممارسة طقوسها المختلفة باختلاف طبائع البشر تمر بنا الايام ويدور بنا الزمان ننسى اشخاصاً وقلوباً أحبتنا يوماً تأخذنا الحياة بدوامتها فلا نشعر بدوران عجلاتها لكننا نقف يوماً ما لنجد انفسنا نبحث عنهم في الذاكرة في الاماكن التي جمعتنا بهم في الصور التي مازالت تحمل 🌴 خيالهم في الشوارع التي تحتفظ بآثارهم
نبحث عنهم في لحظات انكسارنا 💔
لاننا نعرف ان ليس من احد سواهم يحتضن ضعفنايشاركنا ألمنا وحزننا لا يوجد من يرمم مرايانا المحطمة سواهم انهم من عاشوا في القلب وتربعوا عليه دون ان نشعر بهم كلنا مر بتلك اللحظة التي فقد فيها صديق أو حبيب لكنه عاد ليبحث عنه في لحظة انكسارنا 💔
سارة 🔴
اصبحت الساعة الثامنة صباحاً مازلت نائمة نهضت مسرعة ودخلت إلى الحمام استحممت وخرجت لبست ملابسي ارتديت فستان كابوي ازرق مع حزام جوزي حذاء اسود وجنطة نزلت إلى الاسفل صنعت لي قهوه وتناولت سندويش جنن وخرجت من البيت انا اعيش لوحدي امي توفت في حادث سير منذ 3 سنوات وابي لا اعلم عنه اي شيء لم اراء منذو ولادتي كنت كل ما اسئل امي عنه تقولي لي انه مسافر ومتى يعود لا اعلم ليس لدي احد اعيش بمفردي
من حوالي شهر وانا ابحث عن عمل واخيرا لقد وجدت عمل يناسبني في اكبر شركة اعلانات في تركيا ها انا ذاهبة الان الى المقابلة واتمنى ان تنجح المقابلة لانني احتاج الى عمل لكي اعيش كنت امشي في الطريق وفجأة مرت من جابني سيارة فخمة جدا كنت تسير بسرعة وبسبب سرعتها اتسخت ملابسي صرخت بأعلى صوتي على السائق
سارة:ايها الاحمق لا تره امامك
وفجأة توقفت السيارة وانفتح الباب الامام ونزلت السائق
السائق:متأسف انستي لم اكن اقصد
سارة:لقد اتسخت ملابسي بسببك ايها الغبي
السائق:انا اعتذر لكي انستي
سارة:وبماذا سوف يفيدني اعتذارك كيف سأذهب الى العمل الان
ماذا يحدث هنا
ألتفت الى الخلف ورأيت شاب نزل من السيارة من المقعد الخلفي
علي:ماذا يحدث
السائق:لا تقلق سيدي انها مشكلة بسيطة سوف احلها حالا
ألتفت الى السائق
سارة:مشكلة بسيطة إليس كذالك ؟هل هذة مشكلة بسيطة بالنسبة لك
تقدم الشاب نحونا
علي:لقد اعتذر لكي ماذا تريدين الان
سارة:لقد اتسخت ملابسي بسببه
علي:وها قد اعتذر لكي ماذا تريدين الان
قبل أن اتحدث قاطعني
علي:هل تحبين اثارة المشاكل لكي تحصلي على نقود
سارة:ماذا ؟
علي:اجل انني اعرف الناس امثالكم جيدا تخلقون المشاكل لكي تحصلوا على النقود
سارة:انت كيف تجرؤ ان تتحدث معي بهذه الطريقة من انت لكي تتكلم معي هكذا
سارة:شكله واحد تافه ومغرور كبر لفك
علي:شنو شكلتي
انصدمت عندما تحدث معي باللغه العراقية
سارة:،انت عراقي
علي:اي اني عراقي
سارة:مع الاسف انت عراقي
علي:نعم
سارة:اي مع الاسف العراق عدها ناس من امثالك
علي:احترامي نفسج احسلج
سارة:اني محترمة نفسي زين انت الي بديت
علي:اي وهسة شتردين تردين فلوس
هاج اخذي هاي فلوس اشتري فستان جديد بدل هذا ولا توجعين راسي
وضع النقود في يدي وركب بالسيارة و ذهب وانا بقيت مصدومة في مكان
علي 🔵
لا احد يجرئ على اتحدث معي بتلك الطريقة وان حدث اخرسه بنفسي
وصلت الى الشركة ونزل السائق فتح إلي الباب لكي اخرج عندما دخلت من الباب وقف الجميع الجميع:صباح الخير سيدي
علي:صباح النور
اشارت الى مدير الاستقبال وجاء الي
احسان:نعم سيدي
علي:هل ابي في مكتبة
احسان:اجل سيدي
علي:هل بدأ الاجتماع
احسان:كلا سيدي انهم ينتظرون قدومك
علي:حسنا ابلغهم ان يجهزوا الى الاجتماع سوف اذهب الى القاعة بعد ربع ساعه
احسان:حسنا سيدي
ذهبت الى المكتب
احسان:مروان
السائق مروان:اجل سيدي احسان
احسان:ماذا به المدير لماذا هو منزعج هكذا مريم:هو دائما هكذا
مروان:كلا اليوم حدث معه شيء جعله يزداد في انزعاجه
احسان:ماذا حدث
مروان:لقد تشاجر
احسان:لقد تشاجر مع من ؟
مروان:مع فتاة
مريم:انه دائما يتشاجر مع الفتيات لان يكرهن وما الجديد في ذلك
مروان:ولكن تلك الفتاة كانت تستحق لانها وقحة جداً
احمد:سيدي
احسان:نعم
احمد:سيد علي يريدك الان في مكتبة
احسان:حسنا انا قادم
سارة 🔴
وصلت الى الشركة وكانت شركة ضخمة جداً دخلت وكانت ملابس متسخة بالوحل وكان الجميع ينظرون لملابسي وذهبت الى موظفة الاستقبال
سارة :مرحبا
مريم :مرحبا
سارة :لوسمحتي اين مكان الحمام
مرين:هنا
اشارت الى اليمين
سارة :شكرا لكي
ذهبت بسرعة الحمام رتبت ملابسي وشعري ووضعت قليل من مستحضرات التجميل وخرجت عدت إلى موظفة الاستقبال
سارة:لو سمحتي اين غرفة شؤن العاملين
مريم:هل انت هنا من اجل الوظيفة
سارة:اجل
مريم:اذهبي الى مكتب السيد علي
سارة:اين مكتبة
مريم:في الطابق الخامس
سارة :شكرا لكي
ذهبت الى غرفة المدير وكانت هناك كثير من الفتيات والشباب ينتظرون الدخول وجلست بجانب فتاة
الفتاة:هل انتي هنا من اجل الوظيفة
سارة:اجل
الفتاة :وانا ايضا ولكن لا اعتقد انه سوف يختارنا نحن الفتيات
سارة :لماذا
الفتاة :لانني سمعت بانه المدير لا يحب الفتيات
سارة باستغراب :ماذا ؟
الفتاة:اجل ولذالك لا تضعي امل على هذه الوظيفة
شعرت بالإحباط واليأس من كلام تلك الفتاة لانني احتاج إلى العمل لكي اعيش منذ حوالي 6اشهر وانا ابحث عن عمل عندما وجدت الوظيفة التي تناسبني ظهرت إلي عواقب جديدة
سارة:ان تعلمي ذالك اذن لماذا انتي هنا
الفتاة:انا هنا ليس من اجل الوظيفة فقط
سارة:اذن من اجل من
قبل ان تقول كلمة قاطعتها فتاة
نور:يافتيات لقد وصل الاستاذ اكرم
نظرت الى الفتيات اللاتي يجلسون امامي بدوا بترتيب انفسهم واحده ترتب ملابسها والاخرى تضع المستحضرات التجميل والاخرى ترتب شعرها نظرت لهم وابتسمت بسخرية
نور:كيف ابدوا
سارة:جميلة
ابتسمت لي
نور:شكرا لكي
وثم نظرت لي وقالت
نور: وانتي لماذا لم ترتبي نفسك جيداً سوف يأتي الان
سارة:من
نور:الاستاذ اكرم
سارة:من يكون
نور:بحقك لا تعرفين من يكون اكرم
سارة:لا
قلتها وانا حقا لا اعلم من يكون ذلك الشخص
نور:انه يكون اخ السيد علي شخص وسيم جداً وجميع الفتيات يحبونه بعكس اخيه علي المغرور الذي لا يطيق اي فتاة تمر من جانبه
سارة :ولماذا يكره الفتيات
نور :او هذه قصة طويلة لا استطيع اخبارك بها الان ولكن... واو
فجأة فتحت عينيها وابتسمت ابتسامة عريضة وهي تنظر إلى الامام نظرت الى حيث كانت تنظر ورأيت شاب وسيم يدخل من الباب ومعه وفتاة جميلة كانوا جميع الفتيات ينظرون له وكأنهم هذه اول مرة يرون شاب وسيم هكذا ًنظر الى الفتيات وغمز لهن بعينه ودخل مع الفتاة التي كانت معه إلى غرفة المدير
علي 🔵
كنت اجري الاختبار الفحص للشاب وفجأة رأيت اخي اكرم واختي سمر يدخلوا الى مكتبي
كرم :صباح الخير
علي:صباح النور
جاءت اختي سمر وقبلتني من وجنتي
سمر:صباح الخير اخي الحبيب
علي:صباح الخير يااحله بنت بالعالم
ثم جلست سمر بجانبي وانا تأففت
سمر:شبيك تأفف لان كعدت يمك
نظرت لها وابتسمت
علي:لا حبيبتي مو عليج اصلا تعالي اكعدي يمي بلكت يجي الحظ الحلو بوجود وحدة حلوة مثلج ويطلع شخص مناسب للشغل من هذول الفاشلين
كرم:شبيك شكلك ضايج لان ماكو لحد هسة سكرتير او سكرتيرة مناسب
نظرت الى الشاب وقلت
علي:نتصل بك لاحقا
ابتسم ابتسامة عادية وذهب
تأفف لهم
سمر:اكيد اكو احد مناسب
علي:يعني فوك ما اني متعقد من الصبح تجي هاي الشغلة
كرم :وشبيك متعقد من الصبح
علي:اسكت اليوم واني بالطريق صادفت وحدة اوف ...يالله من وين هذول الناس الاغبياء يطلعون بطريقي
ضحكت سمر
سمر:وحده ؟الله يعينها اكيد كرهتها بهذا اليوم
علي:جانت تستاهل لان وحدة غبية
سمر:اي صح انت كل البنات عندك غبيات
علي:اي لان صحيح
كرم:ولك هذول الجنس الناعم اكو واحد يكول عليهم غبيات
علي:اني هذه رأي بيهن
وناديت على وليد لكي يدخل الشخص الاخر
ومرت نصف ساعة ولم اجد الشخص المناسب للوظيفة
علي:مليت بعد ماكو شخص ينتظر بره
وليد:بقت بس فتاة واحدة
علي:اكيد غبية مثل البقية و مو مناسبة هم اوف اني مليت وبعد ما اكدر
اكرم:شوفها يجوز تطلع مناسبة
علي:لا ما اريد اني رايح للبيت
نهضت من مكاني وخرجت من المكتب بدون ان انظر الى الفتاة التي كانت تجلس خرجت من الشركة وذهبت لرؤية صديقي وسام
سارة 🔴
كنت ارتب نفسي لانني بقيت اخر فتاة للفحص الاختبار وفجأه سمعت احدى الفتيات تقول لقد خرج المدير رفعت راسي وقلت لها
سارة :ماذا تقولين
الفتاة:اجل لقد خرج
سارة :والفحص
الفتاة:اعتقد بانه غير رأيه
سارة :ولكن هو لم يقابلني حتى
الفتاة :حتى لو قابلك اكيد سوف يرفض توظيفك لان لايريد اي فتاة تشتغل معه وخصوصا سكرتيرة
سارة:تبا لهذا المتعجرف عندما وصل الدور لي خرج ياله من تافه
نهضت من مكاني لكي اذهب وقبل ان اخرج سمعت صوت شخص
وليد:انتظري انسه
ألتفت له
سارة :نعم
وليد :المدير يريد مقابلتك
استغربت وكيف يريد مقابلتي وهو ذهب من هنا
سارة :المدير؟
وليد:اجل السيد اكرم يريد مقابلتك من اجل الوظيفة
دخلت إلى المكتب ورأيت يجلس على المكتب
سارة :مرحبا
اكرم:مرحبا تفضلي بالجلوس
جلست في المقعد امامه
اكرم:اعطيني ملفك الشخصي لو سمحتي
وضعت الملف امامه اخذه واصبح يقرأ الملف نظر إلي باستغراب
اكرم :انتي عراقية
رفعت راسي متفاجئة لانه تحدث معي باللغة العراقية
سارة :حضرتك عراقي
اكرم:لحسن الحظ
ابتسمت له
سارة :شكرا
اكرم:ولو اكيد يشرفنا نشتغل مع بنت بلدي
سارة :شنو يعني
اكرم:يعني تكدرين تبدين الشغل من اليوم اذا وافقتي
ابتسمت
سارة :صدك
اكرم:اي طبعا الف مبروك
سارة :شكرا لك استاذ اكرم
اكرم:العفو ولو
سارة :ان شاء الله باجر ابدي بالشغل
اكرم:مثل ما تردين
سارة :شكرا لك مرة ثانيه
اكرم :العفو
نهضت من كاني وخرجت كنت سعيدة جداً اخيرا وجدت عمل يناسبني ذهبت الى البيت كدت اطير من الفرحة
اكرم 🔷
اكرم خرجت الفتاة ودخلت سمر وهي عصبية
سمر:انت شنو سويت
اكرم : شبيج شكو
سمر :شكو سمعت من احد الموظفين يكولون انت خليت سكرتيرة لعلي
اكرم:اي
سمر:يالله وتعترف بكل بساطة
اكرم:وليش شبيها
سمر:انت شلون تصرف بكيفك غير تحجي وياه علي بالاول وانت تدري بي مراح يقبل
اكرم :وشنو بيها هو جان محتار يريد سكريتر او سكرتيرة واني ساعدته
سمر:اي بس مو تختار بنية وانت تدري بي هو ما يحب بنات هسة راح شيسوي من يعرف
اكرم :ولج البنت صاروخ ما كدرت اخليها تروح من يدي
سمر :هااا اي دكول هيج انت وافقت عليها على مودك مو على مود علي
اكرم:اي وشكو بيها اذا ساعدة اخوية ونفس الوقت استفيد اني هم
سمر :لا والله
اكرم:اي
سمر:لا تتأمل هواي لان باجر اول ما يشوفها علي راح يطردها من الشركة اني متأكدة من هذا الشي
اكرم:ليش تفترضين الاشياء من عندج يجوز يقبل من يشوف ماكو احد مناسب
سمر:لا بله وانت شمدريك هاي مناسبه للشغل اكرم:لان شفت الملف مالتها عدها مهلات كولش زينة وفوك هذا هي عراقية يعني راح نفهم عليها وتفهم علينا
سمر:حتى لو ما اتوقع يقبل وراح يكسر الشركة على راسك و راسها باجر
اكرم:الله كريم يلا امشي خل نرحع للبيت
علي 🔵
اتصلت بوسام واتفقنا أن نلتقي في مطعم على البحر وذهبت الى هناك كان وسام يجلس ينتظرني
علي:مساء الخير
وسام:مساء النور شريك شلونك اشو ماكو
علي:والله جنت مشغول هاي الايام
وسام :مشغول حتى ماتكدر تتصل بيه
علي:وهاي اني اتصلت بيك بس خلص شغلي
وسام:اي احجيلي شنو اخبارك شلون جاي تمشي امورك
علي:والله ماكو شي جديد
وسام:يعني ماكو بنت حلو دخلت كلبك المتحجر هذا
ابتسمت بسخرية
علي:بلا حب بلا كلام فاضي
وسام:يالله الحب صار كلام فاضي
علي:اي فاضي
وسام:لعد اذا هيج الناس كلها فاضيه ماعدهم سالفه واني اول واحد
علي:ليش انت تحب ؟
ارتبك من سؤالي
وسام:اي احب امي
علي:شنو هاي
وسام:اي شبيك قابل انت ما تحب امك
علي:طبعا احبها الله يرحمها
وسام:شفت يعني انت هم تحب
علي:اي بس اني مو هذا الي جنت اقصده يعني انت صدك عندك حبيبة
ضحك وكأنه ارتبك
وسام:لا يمعود من وين شكلي راح ابقه مثلك
علي:اي احسلك
سارة 🔴 الساعة 5:00مساء
كنت افتح خزانتي ابحث عن شيء ارتديه غدا يجب أن اكو انيقة في اول يوم الي في العمل
ولكن لا يوجد لدي ملابس مناسبة اخذت نقود من الخزانه وذهبت الى السوق لكي اشتري ملابس كنت ابحث عن شيء يناسبني دخلت الى المحل الملابس وصرت ابحث عن فستان اشتريت فستان اسود قصير مع جاكيت ابيض واشتريت حذاء اسود مع حقيبه سوداء وذهبت لكي ادفع النقود فتحت حقيبتي و وجدت نقود كثيرا وتذكرت بانها نقود ذلك المغرور الذي تشاجرت معه اليوم صباحاً
سارة :هاي فلوس هذا التافه
دفعت النقود واخذت الفستان وخرجت اتجول في المكان وانا اسير في الطريق وفجأه اصطدمت بشخص وسقطت جميع اغراضي على الارض انحنيت لكي اجمع اغراضي التي سقطت على الارض وكنت اشعر بالغضب وصرخت بالشخص من دون ان انظر له
سارة:ايها الاحمق لا تره امامك
سمعت صوته
علي:اخرسي
سارة :ماذا ؟
رفعت راسي وفجأة رأيت نفس الشخص المتعجرف الذي تشاجرت معه اليوم
سارة :انت
علي:انتي
سارة:وين ما اروح تطلع بوجهي شنو انت جاي تراقبني
علي:لا والله وعلى شنو اراقبج
سارة:صبحت بوجهك اليوم خرب كل يومي
علي:هاي ثاني مره اكلج احترامي نفسج وبعدين بس باعي على شكلج بالمرايه راح يخرب يومج
سارة:احترم نفسك
علي:انت احترمي نفسج واحجي عدل
سارة:شنو احجي عدل شايفني اعوج بحلكي
علي:استغفر الله
سارة:لا تكعد تستغفر بوجهي شنو شايفني شيطان
علي:لا حتى الشيطان وجهه احسن منج
رفعت اصبعي عليه
سارة:هي انت 👈
علي:نزلي ايدج احسلج
سارة:انت شنو شايف نفسك بله لان غني وعندك فلوس عبالك الناس كلهم عبيد عندك
علي:بس وياه الناس المو محترمين امثالج هيج راح يكون تصرفي
سارة:اني محترمة غصبا عنك
ابتسم بسخرية وذهب
سارة:هذا على شنو شايف نفسه
تأففت وقلت:هتلر
علي 🔵
تعكر مزاجي عندما رأيت تلك الغبية وذهبت لكي ابحث عن وسام لكي اخرج من هذا المكان وفجأة سمعت صوت وسام ينادي علي
وسام:علي... علي
ألتفت له وذهبت إليه
وسام:وين رحت صارلي نص ساعة ادور عليك اشتريت ملابس لا
علي:لا ما اشتريت تعكر مزاجي
وسام:ليش
علي:وبعدين احجيلك امشي خل نطلع منا قبل ما تجي هاي الببغاء واذا اجتي بعد ما تسكت
وسام:منو هاي
علي:امشي وبالطريق احجيلك
ونحن في الطريق سرت له قصة تلك الببغاء واصبح يضحك بهستريا
علي:شنو الشي الي ضحك بالموضوع
وسام:خرب عرضها هاي البنية كارثة الوحيدة الكدرت عليك
وعاد يضحك من جديد
علي:وعلى شنو كدرت عليه اساسا هاي وحدة تافهه وغبية وتحجي هواي مثل الببغاء
وسام:بس الوحيدة الي كدرت عليك
علي:وعلى شنو بله
وسام:محد يكدر يحجي وياك بهاي الطريقة بس هاي البنت كدرت لدرجة اتمنى اشوفها
علي:لا يمعود ان شاءالله ما تشوفها لان اذا شفتها راح توجع راسك من الحجي لحد ما تنطيها فلوس يلا تعوفك
وسام:لك بابا الناس كلها عندك بلفلوس
علي:لان اني اعرف هاي النوعية من البنات تسوي نفسها بريئة وعدها كرامة وكرامتها فوك كولشي بس هي بالاساس اكثر شي يهمها الفلوس ومستعدة تسوي اي شي حتى تحصل عليها
وسام :لا والله
علي:اي شبيك
وسام:على العموم الحجي وياك مضيعه للوقت امشي اخذني للبيت احسن
علي:اي طبعا الحجي الي ما يعجبك تكول عليه هيج
وصلت وسام الى منزله وذهبت الى منزلي طرقت الباب وفتحت لي الخادمة اريج
علي:مساء الخير
اريج:مساء النور استاذ علي احضر لك الاكل
علي:لا ما اريد هسة لعد وين الكل
اريج:المدام صوفيا طلعت قبل ساعتين والسيد كنان بالمكتب
علي :واكرم وسمر رجعوا
اريج:اي استاذ اكرم بالغرفة مالته والانسة سمر بغرفتها
ذهبت الى ابي دخلت الى المكتب
علي:مساء الخير بابا
كنان:هلا بيك ابني مساء النور
جلست امامه على الكرسي
كنان:شنو الاخبار شلون الشغل
علي:الحمدالله كلشي تمام بس سمعت اليوم من وليد غيرت موعد الاجتماع وياه شركة السيد فرات ليش
كنان:غيرت المولد لان اريد اتأكد
علي:من شنو تتأكد
كنان:والله يا ابني اني مجاي اطمئن لهاي الشركة
علي :ليش شنو السبب
كنان:ما ادري بس احس هاي الشركة مو قانونية واخاف يصير شي مو زين لا سامح الله واحنه شركة اعلانات معروفة بالبلاد وما اريد اي شي يخرب سمعتنا مهما كان
علي:ولا يهمك بابا اني باجر راح ادز واحد يحاول يعرف اخبارهم وشنو نوع شغلهم بالضبط
كنان:اي ابني اعتمد عليك
علي:انت لا تلغي العرض خل نتأكد بالبداية مريد نخسر عميل
كنان:ماشي
وفجأة انطرق الباب ودخلت زوجة ابي صوفيا
صوفيا:مساء الخير
علي:مساء النور امي
صوفيا:هلا بيك حبيبي شلونك
علي:الحمدلله
ذهبت و وقفت بجانب ابي واحتضتنه من الخلف
صوفيا:شلونك حياتي
كنان:الحمدلله حبيبتي
علي :احم احم نحن هنا
ضحكو مع بعض
علي:اني طالع اخذو راحتكم
تركتهم وخرجت
كنان:ولك تعال وين رايح
ذهبت الى غرفتي فتحت الخزانة اخذت ملابسي ودخلت إلى الحمام
سمر 🔶
سمعت صوت علي وخرجت من الغرفة نزلت إلى الاسفل وجدت الخادمة اريج تحضر العشاء سمر:اريج
اريج:نعم انسة سمر
سمر:اكلج اجة علي
اريج :اي ودخل للغرفة مالته
سمر:هاا وماما وبابا وين
اريج:بالمكتب
سمر:اوكي كملي شغلج
ذهبت الى غرفة اخي اكرم طرق الباب وسمعت صوته ودخلت كان يلعب في جهاز الكمبيوتر دخلت وجلست بجانبه على السرير
سمر:ولك كوم
اكرم:شكو
قالها وهو ينظر الى جهاز الكمبيوتر
سمر:عوف هذا وباوع عليه
تركه ونظر لي بجدية
اكرم:خير شكو
سمر:ولك اجة علي للبيت
اكرم:اي طبعا يجي للبيت لعد يبقه بره
سمر:ولك اني جاي احجي صدك اجة علي للبيت روح واحجي وياه على موضوع هذيج البنت
اكرم:اي بنت ؟
سمر:البنية الي شغلتها سكرتيرة لعلي
اكرم:هاا اي خليها على باجر احجي وياه بالشركة
سمر:لا احجي وياه هسة حتى باجر ما يشوفها ويكسر الشركة على راسي وراسك
اكرم:ليش وانتي شعليج
سمر:مو اني جنت ادري وما كلتله
اكرم:لا تخافين مراح يحجي
سمر:شنو مراح يحجي انت ما تعرف علي هسة راح تصير مُشكلة بسبب غرمياتك
اصبح يضحك
سمر:وفوكاهه يضحك
اكرم:ولج شبيج خايفة اني احلها
سمر:شلون تحلها انت ماتعرف علي شكد يكره البنات انت اكثر واحد تدري ليش
نظر إلي بغضب
اكرم:شنو رجعتو على هذا الموضوع
سمر برتباك:اكرم اني
اكرم:كافي مليت من هاي القصة انتو على طول تذكروني بهذا الموضوع ادري اني جنت غلطان واعترف بس اني مجان قصدي يصير هيج ليش على طول اذكروني بهذيج القصة
سمر:اسفة
اكرم:اريد ابقى الوحدي رجاء
سمر:اوكي
تركته وخرجت من الغرفة
سارة 🔴
بعد ان انتهيت من تناول طعامي ذهبت الى غرفتي اجرب الفستان الذي اشتريته اليوم ارتديت الفستان وكان شكله حلو نظرت الى المراة وتذكرت كلام ذالك المتعجرف وشعرت بالغضب
سارة:يتفيك على الناس بفلوس عباله الناس كلهم عبيد عنده همه هيج هذول الناس الاغنياء دائما يشوفون الناس الفقرة مثل العبيد عدهم بس اني لازم انجح و واصل لشي الي اريده واصير احسن وحدة حتى مايجي واحد مغرور مثل هذا ويتفيك براسي هتلر
صوفيا 💮
اصبحت الساعة التاسعة ليلا وجلس الجميع على مائدة الطعام ما عدا اكرم لم يأتي وكانت اريج واقفة على المائدة لكي تسكب لنا الطعام
صوفيا:اريج اكرم وين ليش ما اجة ياكل ويانه
اريج:مدام يكول مو جوعان وما يشتهي ياكل
صوفيا:ليش ما يشتهي صاير شي
نظرت الى سمر وعلي
علي:بالنسبة لي اني ما ادري بيه
نظرت الى سمر
صوفيا:وانتي
نزلت راسها الى الاسفل وعلمت بأنها من فعلت له شيء
صوفيا:اسويتي يا وجه المصايب
سمر:ما حجيت وياه شي وابنج بسرعة يزعل
كنان:انتي واخوج على طول هيج مثل البزونة والفارة هاي المرة شنو مسويه لاخوج
سمر:جنت اشاقة ما حجيت شي يزعل
صوفيا:وشنو حجيتي وياه
نظرت الى علي وثم إلتفتت لي
سمر:حجي عادي ماما
علي:حجي عادي يخليه ما ينزل ياكل
صمتت لم تقول شي
صوفيا:الي هو شنو
قلت بتردد :ماكو شي ماما كلام عادي
صوفيا بغضب:احجي اريد اعرف شنو
سمر:ما اكدر احجي
صوفيا:ليش ما تكدرين تحجين
سمر:ياماما لا تضغطين عليه الله يخليج ما اكدر اكول
صوفيا:اي لعد شكلها الشغله مو زينة مدام ما تقبلين تحجين احجي شنو
نظرت سمر الى علي
صوفيا:الموضوع يخص علي ؟
علي باستغراب:يخصني؟
صمتت سمر
علي:شكو شنو صاير
صوفيا:لعد عرفت شنو هو الموضوع
علي:شنو؟
قبل أن اتحدث اوقفتني سمر
سمر:ماما رجاء
صوفيا بغضب :زعلت اخوج على مود شغلة تافهه مثل هاي موكافي من سنتين وانتو كل ما صار شي ورجعتو فتحتوا هذا الموضوع كافي
كنان:شكو
علي:شنو اي موضوع قصدج ؟
نظرت الى علي وقلت بغضب
صوفيا:اي موضوع ؟موضوعك انت واكرم القديم اذكرته
نظر إلي بصدمة
سمر:ماما رجاء
كنان بصراخ:صوفيااااا
صوفيا:شنو انزعجتوا من كلامي طبعا الحجي
الي ما يعجبكم تنزعجوا منه بس سهله عليكم تزعجون ابني كل شوية
نهض علي من المائدة
علي :اني شبعت عن اذنكم
سمر:علي انتظر علي
لم يرد ترك المنزل وخرج
كنان:ليش رجعتو وفتحتوا هذاك الموضوع احنه مو سدينه هذاك الموضوع
صوفيا:شغلة راحت وانتهت ليش على طول ترجعوا تفتحوا الموضوع وتجرحوا ابني
نهض كنان وضرب على المائدة بقوة وضرخ بوجهي
كنان:بسس مو كل ما صار شي ترجعين تكولين ابني وابني شنو هاي انتي جاي تفرقين بينهم
صوفيا:لا اني ما افرق بين علي واكرم دائما اعتبر علي مثل ابني بس انت الي دائما توكف وياه على اكرم وطبعا راح توكف وياه لان هو ابنك واكرم ابني
كنان:شنو هذا الحجي اني بحياتي ما فكرت بهاي الطريقة ودائما اعتبر اكرم ابني مثل علي وسمر وبحياتي ما فرقت بينهم ابدا
صوفيا:لا دائما تفرق بين علي واكرم وبكل مشكلة توكف وياه علي حتى لو جان غلطان هم توكف وياه
فجأة سمعت صوت اكرم
اكرم:شكو شبيكم ليش اصواتكم عاليه
صوفيا:ماكو شي بس نقاش بسيط
اكرم:نقاش بسيط هيج اصواتكم
نظر إلى الطاولة وثم قال
اكرم:لعد علي وين
مؤلم جدا ان ينجرح قلبك ولكن ما يؤلمك كثيرا هو انكسار القلب وان انكسر قلبك يصعب عليك مداواته لم أقف مطولًا أمام كل كسر..كلما أطلت الوقوف كلما زاد تورطك بوجعٍ أنت في غنى عنه احيانا يصعب علينا الوقوف امام وجع ولكن مهما كان صعب استجمع كل قواك وقف من جديد لكي تبدا من جديد فألحياة لا تقف عند احد بل هي مستمرة ويجب عليك ان تستمر مها لكي تعيش ونداوي انكساراتنا مها كانت.....💔
.
.
.
.
.
.
هاي بداية القصة وان شاءالله تعجبكم تفاعلكم وتصويتكم راح يشجعني اكمل
شنو تتوقعون راح شيصير باجر
-راح يسوي علي من يشوف سارة باجر بالشركة
-وشنو سبب المشكله الي بين علي واخوه اكرم وليش
_و شنو السبب الي خله علي يكره البنات
كل هاي الاسئلة واكثر راح نعرفها في مرور الايام ...
