سمر 🔶
وصلت الى الشركة و دخلت إلى مكتبي وفجأة رن الهاتف نظرت الى الهاتف كان وسام
بقيت انظر الى رقم مطولاً الى أن انقطع الاتصال وجلست على المكتب ابكي لا استطيع ارد عليه ان علمت امي لن يكون الامر جيد بالنسبة له او لي وثم عاد يتصل من جديد لا استطيع الرد و كان يتصل بي 4 مرات الى ان اقطع الهاتف ولم يرن بعد
علي:صباح الخير
رفعت راسي وكان اخي علي يقف امام الباب المكتب
علي:شبيج
سمر:مابيه شي
علي:شنو ما بيج شي شكلج ضايجة شكو
سمر:ماكو شي بس تعبانه شوية
علي:زين اذا تعبانه روحي للبيت واني اكمل الشغل مالتج
سمر:لا لا ماكو داعي
علي:تمام على العموم اني بالمكتب اذا حتاجيتي شي
سمر :اوكي
خرج وثم عاد
علي:نسيت اكلج اخذت الموبايل لسارة تكدرين تخابريها
سمر:ماعندي رقم
علي:هسة ادزه الج
سمر:اوكي
سارة 🔴
كنت اجلس على الاريكة وافكر في التخيلات التي تحصل لي
سارة:يجوز اني مريضة و جاي اتخيل شكله بس ليش الا شكل هتلر مو اكو ناس هواي بحياتي
وفجأة رن الهاتف نظرت الى الرقم كانت رقم سمر
سارة :الو
سمر:الو هلو سارة
سارة:شبيج
سمر:تعبانة
سارة:خير شبيج
وفجأة سمعت صوت بكائها
سارة:سمر انتي جاي تبجين
ازداد بكائها
سارة:ولج شكو خوفتيني
سمر:انتي بالبيت ارد اجي اشوفج
سارة:اي تعالي
سمر:بس ما اعرف وين العنوان
سارة:اخذيه من الاستاذ علي
سمر:ماشي
سارة:اوكي انتظرج يلا باي
سمر :باي
اقفلت الخط واستغربت كثيراً ماذا يحدث لها وبقيت انتظر ها نصف ساعة وبعدها انطرق الباب ذهبت لكي افتح الباب وفتحت الباب وكانت سمر و وجهه احمر بسبب البكاء
سارة:لج هاي شنو شبيج
سمر:تعبانة حيل تعبانة
احتضنتني واصبحت تبكي وصرت اهدي بها
سارة:بس حبيبتي بس اهدي شوية وتعالي نكعد واحجي شنو صاير
جلسنا على الاريكة
سارة:شنو تردين تشربين
سمر:لا شكرا حبيبتي ما اريد شي
سارة:تمام لعد احجي شبيج
وسارت لي كل ما حدث معها ومع امها
سارة:عزة وشلون هسة
سمر:والله ما ادري اني كولش تعبانة
سارة:زين احجي وياه الاستاذ علي بلكت يكدر يساعدج
سمر:لا ما اكدر اخلي علي يتدخل بالموضوع همه من غير شي وعلاقته وياه امي زفت يلا قصتي
سارة:زين راح شتسوين تعوفينه
سمر:ما اكدر اعوفه اني احبه بس بنفس الوكت ما اكدر اكسر كلام امي لان اعرفها زين شنو ممكن تسوي بي مثل ما سوت بعلي وب.... اي ما اكدر اني ما اكدر
سارة:لعد شلون
سمر:ما ادري يلا عوفج من موضوعي واحجيلي انتي شلونج
سارة:الحمدلله
سمر:مرتاحة الوحدج
سارة:يعني جاي ادبر اموري بس اكلج
سمر:نعم
سارة:اريد اسألج شي بس لا تضحكين عليه
سمر:كولي شنو
سارة:شنو معنى من تتخيلين واحد وين ما ترحين
سمر:ما افهمت ؟
سارة:يعني اني جاي اتخيل شكل واحد وين ما اروح واحس بي يحجي ويايه
سمر:منو هذا جني
سارة:اهووو جاي احجي وياج صدك
سمر:تمام تمام يعني تتخيلين شكل واحد وين ما ترحين منو هو هذا
سارة:شخص
سمر :اي منو هذا الشخص
سارة:انتي شعليج منو بس كولي شنو جاي يصير ويايه
سمر:يعني ما تردين تحجي لي منو هو
سارة:بعدين
سمر:شوكت بعدين
سارة:يمعودة جاي اكلج بعدين ليش مصرة
سمر:اوكي لعد اني اعرف شنو السبب هاي التخيلات وهم مراح اكلج شي لحد ما تحجين انتي وتكولين منو
سارة:يالله منج ليش هيج تسوين
سمر:والله مثل ما تردين تكولين منو هو اني هم ما احجي
سارة:اوكي لا تحجي ما اريد
سمر:بكيفك بس الموضوع خطير
سارة:شنو يعني خطير
سمر:يعني مرض خطير بس ما اكلج شنو لحد ما تحجين
سارة:يمة يعني اني راح اموت
سمر:والله يجوز حسب المرض
سارة :احجي حبابة شنو
سمر :ما اكول لحد ما تكولين انتي من هذا الي جاي تتخيلينه وبعدين اني مو صديقتج وكولشي اكلج ليش انتي ما تقبلين
سارة:ماشي راح اكلج بس لا تضحكين عليه
سمر :ماشي
سارة:لا تكولين لاحد
سمر :اكول المن
سارة:الشخص الي راح اكلج اسمة
سمر :ليش اني اعرفه
سارة:اي
سمر في نفسها :اكيد قصدها على اكرم عرفت
سمر :يلا احجي ما اكول
سارة بتردد:الاستاذ علي
سمر باستغراب :علي منو
سارة:شبيج علي اخوج
سمر بصدمة :ع ع عليييييي
سارة:شبيج صرختي
سمر :يعني انتي معجبة بعلي
سارة :ليش هو هذا معناها اعجاب
سمر :اي وعلي اخر شخص ممكن تنعجبين بيه
سارة:ليش
سمر :مستحيل علي انسي سارة
سارة:ما افهمت ليش
سمر :ما اعرف شلون افهمج اخر واحد ممكن تحبينه هو علي
سارة :لان يكره البنات قصدج
سمر :مو بس هذا اسمعي سارة علي تعذب بحياته هواي وعاش قصة حب فاشلة وطلع منه مقهور وبسببها كره الحب والبنات كلها وبحبج لعلي مراح تحصلين على شي بس راح تتعذبين على الفاضي اني احبج ما اريدج تتعذبين وتعيشين على امل مراح يتحقق
سارة:ليش صار هيج يعني ليش يكره الحب والبنات
سمر :راح احجيلج اسمعي علي قبل فترة طويلة جان علي يحب بنية اسمها مايا وهي هم تحبه وجانوا مقررين يتزوجون واكرم جان شاب صايع مثل هسة اي بنت يشوفها يريدها بيوم جان اكرم طالع للكلية مالته وشافها وكام على طول يلحكها ويدز لها هدايا وهاي من غير ما يعرف هاي البنيه حبيبت علي جانت تحاول تبتعد عنه بكل الطرق بس هو جان مصر عليها لان ماكو بنت ترفضه من ما قبلت بي تخبل صار وين ما تروح يروح وراها وجانت خايفة تحجي لعلي لا تصير بينهم مشاكل لحد ما بيوم قررت تشوفه حتى تخلص منه وراحت وياه للمطعم فخم وجاب لها هدايا ويحجي وياهه من هذا الكلام الي يوكع البنات لحد ما خلها تنعجب بيه وتحبه وبيوم علي قرر يزوج وراح حتى يعرض عليها الزواج جان تكله اني ما اكدر ازوج وكامت تطلع حجج واهية حتى تعوفه هو جان شاك بحياتها واحد ثاني لان تصرفاتها ومعاملتها لعلي تغيرت مو مثل قبل بيوم صارحه انتي بحياتج واحد ثاني وشوفي بكل وقاحة كلتله اي اني احب واحد ثاني وما اكدر اعيش وياه واحد غيرة انصدم علي مع انو جان متوقع هذا جوابها بس مع هذا انقهر بس ما انقهر كولش هواي لدرجة يكره البنات جان يكول هي الخسرانه مو اني اكو بنات احسن منها هواي والدنيا ما توكف على وحدة خاينة لحد ما بيوم نشروا الجرائد والمجلات والتلفزيون صور مايا واكرم وهم واحد جاي يبوس الثاني هذا الشي اللي صدم علي مثل الصاعقة اجتي عليه كال البنت الي حبيتها عافتني على مود اخوية وكره كل البنات صار عنده كل البنات غدارات وما يهمهن شي بس الفلوس وبس
سارة:بس علي غني يعني ليش عافته
سمر:مو قصة فلوس بس علي مجان يهتم بيها هواي لان جان عنده شغل ومشغول على طول
سارة :حتى لو ما مهتم بيها بس هاي لو تحبه صدك مجانت تروح على واحد غيرة
سمر :اي هذا نفس كلامة
سارة :زين واكرم شلون سامحه بعد كل شي
سمر:سامحه لان اكرم مجان يدري هاي حبيبت اخوه
سارة :هاا وبعدين شنو صار
سمر:علي ترك البلد وراح سافر لمدة سنتين ورجع مثل ما انتي شايفته هسة يكره البنات وعصبي على كولشي
سارة:بس مو كل البنات نفس الشي واني مو مثلها
سمر:اني ادري بيج انتي مو مثلها ماكو داعي تحجين بس جيبي الي يقنع علي بكلامج هذا بعدين اني اريد اكلج شي انتي تحبين علي واكرم يحب يعني الماضي راح يرجع نفسه اذا علي حبج
سارة:مستحيل يتكرر الماضي لان اني ما احب اكرم
سمر:بس اكرم يحبج وهو ياخذ كولشي يريده
سارة:بس مو اني اسمعيني سمر اخاف اني جنت معجبة بعلي بعد كلامج هذا حبيته اكثر
سمر:هي هم جانت تحبه بس مع هذا عافته وراحت الاكرم
سارة:هي ما حبيته لعلي لو جانت تحبه صدك ما عرفته على مود اي شي حتى لو ما مهتم بيها ماجانت راح تعوفه بس هي ما حبيته اساسا واني راح احاول اطلعه من هذا الجو الي حابس نفسه بيه وراح احاول اخليه ينسى الماضي ويحبني
سمر:والله ياريت
سارة:هسة تشوفين
سمر:سارة اني ما اريد علي ينكسر كلبه مرة ثانية
سارة:ولا اني اريد
بعد مرور اسبوع رجعت سارة الى العمل وكان هذا اليوم اول يوم لها بعد فترة الغياب عن الشركة ارتدت بنطال جينز مع تيشيرت اسود و جاكيت طويل وفتحت شعرها وكانت في منتهى الشياكة وصلت الى الشركة والجميع رحبوا بعودتها رحبت بجميع وذهبت الى مكتبها دخلت إلى مكتب علي لم يكن موجوداً
سارة:يمكن بعده ما جاي
نظرت الى المكتب ورات صورته على المكتب حملتها بيدها واصبحت تنظر إليه
سارة:يالله شكد مشتاقتلك هتلر صارلي شكد مامتعاركة وياك مشتاقة لغرورك والكبريائك
وفجأة انفتح الباب ودخل علي الى المكتب
و تفاجئ برؤيتها امامه
علي:سارة
ابتسمت عندما رأت
سارة:صباح الخير استاذ
علي:صباح النور شوكت اجيتي
سارة:قبل شوية
علي:مو على اساس بعد يومين وترجعين
سارة:لا استاذ صرت زينة بعد ما اكدر ابقة بالبيت مليت
علي:تمام
سارة :يلا اني راح ارجع للمكتب
علي:اتفصلي
وقبل أن تخرج نادى عليها
علي:سارة
التفت إليه
سارة :نعم استاذ
علي:وين ما خذتني وياج
سارة:ما خذتك؟
علي:اي ماخذتني
واشار لها الى صورته الذي مازالت تحملها بيدها ارتبكت
سارة:اسفة استاذ اني بس جنت ااا
ابتسم وقال
علي:جنتي شنو
سارة:جنت امسحها لان جان عليها تراب وو
علي:خلص خليها بمكانها واطلعي
وضعتها على المكتب وخرجت لقد اصبح وجهها احمر من شدت الخجل
سارة:خرب حضي شلون موقف زفت
وسام ♻
مر اسبوع كامل وانا لم ارى سمر ولا حتى ترد على اتصالات ولذلك قررت الذهاب الى الشركة يجب أن اتكلم معها واعرف ماذا بها وصلت الى الشركة سألت السكرتيرة نور
وسام :صباح الخير
نور:صباح النور سيد وسام كيف حالك
وسام :بخير هل الانسة سمر هنا
نور:كلا لم تأتي بعد
وسام:ومتى سوف تأتي
نور:لا اعلم سيدي
وسام :حسنا شكراً لكي
ذهبت الى مكتب علي وعندما دخلت رأيت سارة
وسام :صباح الخير سارة
سارة:اهلا وسام صباح النور شلونك
وسام :بخير انتي شلونج
سارة:تمام الحمدلله
وسام :شلون صارت رجلج
سارة:لا الحمدالله صارت زينة
وسام :اي الحمدالله اكلج وين سمر
سارة :ما ادري غير بالمكتب مالتها
وسام:لا رحت عليها كالو بعدها ما جاية
سارة :،لعد هسة شوية وتجي
وسام:اكلج انتي هم تحجين وياهه
سارة:لا والله صارلي اسبوع ما حجيت وياهه
وسام:حتى اني اخابر عليها وما ترد على اتصالاتي صاير بيها شي
سارة:ما ادري هسة تجي وشوفها
وسام:ماشي اني راح اشوف علي
سارة:اي اتفضل
سارة 🔴
دخل وسام الى الاستاذ علي وانا اكملت عملي وفجأة سمعت صوت شخص
اكرم :هلا نورتي
رفعت راسي ورأيت الاستاذ اكرم تكلم معه بجدية
سارة:صباح الخير استاذ اكرم
سارة:ما كافي من استاذ اكرم شلعتي كلبي بيها
سارة:لعد شتريدني ناديك
اكرم :،اكرم بس
سارة:ليش حتى ناديك باسمك هيج
اكرم:مثل ما اني اسميج سارة انتي هم ناديني اكرم
سارة:انتي المدير وطبعا تكدر تناديني بكيفك بس اني لا
اكرم:انتي ليش صعبه هيج فكي القعده شوية
سارة:ما افتهمت شنو قصدك
اكرم:قصدي انو.....
وفجأة رن التلفون مكتب الاستاذ علي
سارة:نعم استاذ
علي:اجة وليد
سارة:لا استاذ
علي:من يجي خليه يدخل عليه
سارة:حاضر استاذ
وضعت التلفون في مكانه
اكرم:شنو اكمل كلامي
سارة:شنو استاذ اكرم اني ادري شنو قصدك بس اني مو من هل نوع من البنات
اكرم:اي بنات قصدج انتي شنو افتهمتي
سارة:حضرتك تدري كل الزين شنو قصدي
اكرم:اني كل الشي الي اريده نصير اصدقاء وتناديني اكرم عادي مثل سمر
سارة:الانسة سمر صديقتي بس حضرتك مديري
اكرم:وشكو بيها اذا صرت صديقج مثل سمر
سارة:ما يصير حضرتك شنو جاي تحجين
اكرم:شوفي سارة من غير لف ودوران راح احجيلج بكل صراحة اني معجب بيج من اول يوم شفتج بيه
سارة:نعم
اكرم:اي واني كولش معجب بأخلاقج وانتي خوش بنية واني اريد اتعرف عليج اكثر واكثر حتى ارتبط بيح
سارة:بس اني ما افكر بهذا الموضوع استاذ
اكرم:ليش ما تفكرين انتي بنية حلوة
سارة:واني ما افكر بالارتباط او الزواج هسة وبعد انت مجرد مدير وبس ماكو شي ثاني
اكرم:اتمنى ترجعين تفكرين واني ما اريد جوابج هسة خليح على راحتج يلا اني استأذن هسة كملي شغلج
خرج من المكتب
سارة:يالله هذا شلون ورطة
وفجأة رأيت هاتف مكتب الاستاذ علي ما زال مفتوح الخط اقفلت الخط بسرعة
سارة:عزة التليفون مال مكتب الاستاذ علي جان مفتوح بس لا سمع كلامي وياه الاستاذ اكرم يالله
علي 🔵
عندما تحدث مع سارة تركت الهاتف مفتوحاً وسمعت حديثها عن اكرم يبدوا أن اكرم يحاول التقرب منها
وسام:شنو رأيك بالموضوع ....علي..... علي تسمعني
علي:هاا
وسام:شنو هاا صارلي ساعه احجي وياك وين صافن
علي:ولا شي شنو جنت تحجي
وسام:،لا انت فعلا مو يايه
وفجأة انطرق الباب ودخلت سارة
سارة:اسفة على الازعاج بس الاستاذ وليد وصل ويدير يشوف حضرتك
علي:ماشي خليه يدخل
وسام:يلا اني راح اطلع شوية اجي
علي:تمام
وسام ♻
خرجت من مكتب علي وذهبت الى مكتب نور
وسام:هل وصلت الانسه سمر
نور:اجل انها في مكتبها ولديها عميل
وسام:حسناً سوف انتظرها
انتظرت نصف ساعة الى أن خرج العميل ودخلت إلى المكتب وعندما رأتني تفاجئت برؤيتي
سمر:وسام خير
وسام:خير؟ هو هذا استقبالج لي صارلي يومين مشغول بالي عليج وانتي ولا مهتمه
سمر :اسفة بس جان عندي شغل هل فترة
وسام:شغل شنو هذا الي خليج ما تردين على اتصالاتي
سمر:شغل وجنت مشغولة خير ليش اجيت
وسام:ليش اجيت شنو ما ترديني اجي
سمر:لا مو هيج بس
وسام :بس شنو صاير شي
سمر:لا ليش
وسام:ما ادري بس طريقة كلامج مختلفة مو مثل قبل
سمر:مختلفة شلون يعني
وسام:،ما ادري اسألي نفسج
صمتت لم ترد
وسام:سمر انتي تردين تكولين شي
سمر:اي اريد احجي وياك بالموضوع
وسام:ماشي واني هم اريدج بالموضوع
سمر:،خير
وسام:،مو هنا امشي خل نطلع
سمر:وين
وسام:امشي ومعليج
اخذتها وخرجنا ذهبنا الى البحر
سمر:خير شنو تريد تحجي
وسام:سمر طبعا انتي تدرين بعلاقتنا صارلها 4 سنين وبهاي السنين اكتشفت ما اكدر اعيش من غيرج وعرفت شكد احبج من تركتيني اسبوع كامل وجنت اريد اكلج هذا الموضوع من قبل اسبوع بس انتي ما اجيتي على الموعد يجوز صار عندج شي مو مهم المهم انو انتي هسة يمي واكدر احجي وياج
نظرت الى عينها وقلت بجدية
وسام:سمر تقبلين تكملين حياتج الباقية ويايه ها تقبلين تزوجيني سمر
وفجأة نزلت دموعها وصارت تبكي ضحكت
وسام:جاي تبجين طبعا مثل ما تخيلت تماماً انتي على كل شي تبجين يعني بقت على هاي
واصبحت تبكي كثيراً
وسام:يلا خلص حبيبتي كافي بجي كولي موافقة وخل احضنج وكملي بجي بحضني
سمر:ما مواقفة
انصدمت لم استوعب ما قالته لي سمر توقعتها تمزح معي ابتسمت
وسام:هاا عرفت ليش ما موافقة تردين اطلب يدج بجو رومانسي اكثر بصراحة حياتي قبل اسبوع جنت محضر الج جو رومانسي يخبل بس انتي خربتي الجو من ما اجيتي وهسة مشي نفسج بهذا
سمر:لا على مود الجو ولا على اي شي كلتلك اني ما موافقة اتزوجك
وسام:شنو ؟ ليش؟
سمر:من غير ما تسأل وتعب نفسك اني ما اريد اتزوجك خلاص وهسة عن اذنك اتأخرت عندي شغل
تركتني وذهبت وانا بقيت مثل المصدوم لا اعلم ماذا حدث لها هل هي تتكلم جد لماذا يحصل لها
سمر 🔶
تركته مثل الميت وذهبت وانا الذي قتلته بيدي ركبت في سيارتي وصرت اقود بسرعة وابكي بصوت عالي
سمر:اني اسفة مجان عندي حل ثاني ليش هيج ماما ليش انتي دمرتيني دمرتي حياتي
عدت الى المنزل وعندما دخلت رأيت امي تنتظرني في غرفة الجلوس
صوفيا:واخيرا اجيتي
سمر:اي
صوفيا:ها حجيتي وياه
سمر :اي ونهيت الموضوع ارتاحي
صوفيا:طبعا هسة ارتاحيت و لازم تعرفين الي صار لمصلحتج
سمر:لمصلحتي
صوفيا:طبعا خلصتج من واحد جان يريد يضحك عليج وياخذ فلوسج باسم الحب
سمر :وسام يحبني ما يضحك عليه
صوفيا:هاي انتي مفكرة هيج بس هو بالاساس ما يحبح يضحك عليج
سمر:لا يحبني انتي الي خليتيني ادمره
صوفيا :صدكيني الي صار بمصلحتج وبعدين راح تعرفين
سمر:اني تعبانة واريد اروح ارتاح
صوفيا :روحي
تركتها وذهبت الى غرفتي
علي 🔵
اصبحت الساعة الثالثة ظهراً وخرجت من المكتب ذهبت مع عميل في موعد وفجأة انتبهت بانني نسيت هاتفي في المكتب ولا استطيع العودة بقيت في الاجتماع الى أن اصبحت الساعة التاسعة مساء انتهى الاجتماع وعدت الشركة
سارة 🔴
اصبحت الساعة التاسعة مساء ولم يعد الاستاذ علي ولقد ذهب جميع الموظفين ولم يبقى احد غيري لا استطيع العودة لان هاتف الاستاذ علي معي ولقد ذهب السيد كنان الاستاذ اكرم ولم اعطيهم الهاتف وبقيت انتظر قدومه شعرت بالنعاس ذهبت الى الحمام الشركة لكي اغتسل وجهي لكي لا انام فتحت المياه لكي اغتسل وجهي وفجأة انكسرت الحنفية المياه و تبللت ملابسي جميعها ذهبت بسرعة الى مكتب الاستاذ علي لكي انشف ملابسي خلعت ملابسي وجلست انشفها
علي 🔵
وعندما وصلت الى الشركة لم اجد احد ذهبت بسرعة الى مكتبي لكي اجلب هاتفي وعندما دخلت انصدمت بالمنظر الذي رأيته
سارة:اااااااه
التفت بسرعة و وضعت يدي على عيني ركضت اختبئت خلف المكتب
علي:هاي شنو
سارة:اسفة استاذ ملابسي تبللت بالماي واجيت نشفها هنا
علي:غير تقفلين الباب
لم تقل شيئاً يبدوا انها خجلت من الموقف خلعت سترتي
علي:هاج اخذي هاي لبسيها
من غير أن انظر إليها رميت سترتي على الارض وخرجت وبعد ربع ساعة خرجت وهي تنظر الى الاسفل من شدت خجلها وكان وجهها احمرا كانت تبدوا مثل الطفلة وهي خجلة من الموقف
علي:يلا خلصتي امشي خل اوصلج للبيت ما يصير ترحين هيج
لم تقول شيئاً وخرجنا من الشركة وذهبت الى بيتها وعندما وصلنا ونزلت من السيارة
سارة:شكرا
قالتها وهي لا تنظر لي من شدت الخجل ذهبت الى بيتها بسرعة واقفلت الباب ذهبت الى البيت وكنت طول الطريق اتذكر شكلها وابتسم وصلت الى البيت عندما دخلت وجدت اكرم
اكرم :مساء الخير
علي:مساء النور
اكرم:شبيك تبتسم
علي:اني لا
اكرم:شنو لا وجهك كله جاي يبتسم
علي:على شنو ابتسم
اكرم:شمدريني اسئل نفسك
علي:لا حبيبي لا ابتسم ولا شي يلا اريد اروح انام
اكرم:ماشي روحي بابا روح
ذهبت الى غرفتي استحممت وغيرت ملابسي وتمددت على السرير اغمضت عيني وتخيلت شكلها وهذا للمرة السابعة اتخيلها في كل مرة عندما أتي لكي انام اتخيل شكلها امامي وماذا يحصل لي لماذا لا استطيع النوم من غير رأيت وجهها اغمضت عيني ونمت
سارة 🔴
وصلت الى البيت غيرت ملابسي بسرعة ورميت بنفسي على السرير واحتضنت سترته واغمضت عيني ونمت
وفي اليوم التالي استيقظت باكرًا غيرت ملابس واخذت الجاكيت الاستاذ علي وخرجت وصلت الى الشركة عندما دخلت رأيت الاستاذ اكرم
اكرم:صباح الخير سارة
سارة:صباح النور استاذ
اكرم:اشو اليوم جاية من وكت
سارة:اي استاذ مو عندي شغل واجيت
اكرم:هذا مو جاكيت علي
سارة:اااي البارحة تركة بالمكتب فأخذته للبيت وكلت اليوم انطيه الجاكيت
اكرم:هاا
سارة:يلا مع اذنك
اكرم :اتفضلي
تركته وذهبت الى المكتب ولقد كان الاستاذ علي في مكتبه دخلت الى المكتب بسرعة
سارة:صباح الخير استاذ
علي:صباح النور ليش متأخرة اليوم
سارة:اسفة استاذ
اعطيته الجاكيت
سارة:اتفضل هذا الجاكيت مالتك
لم ينظر لي
علي:حطي يمج على مكتب
وضعته على المكتب وقلت
سارة:اسفة استاذ على الي صار البارحة
علي: احم ما صار شي بس المرة الثانية انتبهي
سارة:حاضر عن اذنك هسة
علي:اتفضلي
وقبل ان اخرج نادى علي
علي:سارة
سارة:نعم استاذ
علي:جهزي نفسج اليوم نطلع برا اسطنبول
سارة:وين
علي:عدنا اجتماع بازمير تره باجر نرجع حضري نفسج على هذا الاساس
سارة:تمام
علي:روحي هسة كملي شغلج
سمر 🔶
كنت اعمل وفجأة رن هاتفي وكان وسام ترددت كثيرا في الرد عليه وبعد لحظات رفعت الهاتف
سمر:نعم
وسام :اريد اشوفج
سمر:وسام اني حجيت كلشي عندي
وسام ؛اخر مرة
سمر:ماشي وين انتي
وسام:اني على البحر
سمر:اوكي جايه
خرجت من المكتب وذهبت إليه عندما وصلت وجدة ينتظرني
سمر:نعم
وسام:شبيج سمر ليش صاير بارده ويايه سمر اني مجاي اصدك الي سمعته منج معقول انتي تعوفيني ليش فهميني شنو السبب
سمر:تريد تعرف شنو السبب
وسام:اي كولي من البارحة واني افكر بالسبب
سمر:لان احنه مو مناسبين لبعضنا حياتك غير حياتي اني فكرت بعلاقتنا هواي اكتشفت انو انت تختلف عني بهواي اشياء اني ما اكدر اعيش الحياة الي انت عايشها انت متعود بس اني لا ما اكدر اعيش مثل عيشتك
وسام:يعني لان فقري
سمر:اي
وسام:انتي جنت تدرين بحياتي هاي من البداية ومع هذا حبيتيني
سمر:ما جنت مفكرة بهاي الامر بس بعدين من كعدت وياه نفسي وفكرت زين اكتشفت انو احنه ما نصلح لبعض
وسام:وهسة يلا عرفتي احنه ما نصلح لبعض
لم ارد عليه
وسام:يعني عفتيني على مود اني فقير وما اكدر اعيشج مثل عيشتج هسة
سمر:انت ليش تفكر بهاي الطريقة
وسام:لان هذا الشي صحيح انتي عفتيني على مود اني فقير بس بسيطة سمر وحياتج وحيات حبي الج الا يجي يوم وتندمين على كل كلمة كلتيها لي بس بهذاك الوكت اني راح اكون يمج هاي اخر مرة تشوفيني اني طالع من حياتج وراح انساج واطلعج من كلبي مثل ما انتي طلعتيني روحي يابنت الناس الله يوفقج بحياتج عن اذنج
تركني وذهب بقيت لوحدي على الشط ابكي
سمر :سامحني وسام سامحني
سارة 🔴
اكنت اعمل في مكتبي وفجأة خرج الاستاذ علي وقال لي
علي:يلا سارة امشي راح نطلع هسة
سارة:ماشي بس
علي :بس شلون
سارة:اني اريد اروح للبيت اخذ ملابس اني ماجنت ادري راح انسافر
علي:ماشي اني راح اوصلج للبيت تجيبين ملابسج
سارة :تمام
خرجنا من الشركة وذهبنا الى منزلي وقف السيارة امام المنزل
سارة:شوية وارجع ما اتأخر
علي:يلا بسرعة
خرجت من السيارة دخلت إلى البيت جمعت ملابسي في الحقيبة وخرجت فتح لي الصندوق وضعت حقيبتي به وذهب جلست في سيارته شغل السيارة وذهبنا في الطريق
سارة:استاذ
علي:نعم
سارة:احنه راح نروح بالسيارة
علي:اي
سارة:شكد ونوصل
علي:5 ساعات
سارة:حيل يعني خمس ساعات نبقه بالسيارة
علي:اي
سارة:خوش لعد همزين جبت المكسرات مالتي اكلهن بالطريق
مديت يد له
سارة:تاكل
علي:لا ما تشوفين جاي اسوق
بقينا في الطريق حوالي ثلاثة ساعات كان هو صامت وانا كل دقيقة انظر له من غير أن ينتبه لي وفجأة قال
علي:انتي شبيج بس تباعين عليه
سارة:هااا؟
.
.
.
.
.
شنو رايكم بالاحداث ان شاءالله عجبتكم ولا تنسون التصويت
