صوفيا 💮
كنت اشك بان سبب اختفاء علي هو فرات هل من الممكن أن يكن فرات خطف علي مرة ثانيه
اتصلت به ولكن لم يرد على اتصالاتي وانا اعتقد بان فرات خطف علي مرة اخرى لكي يقتله هذا المرة ونتخلص منه
كنان:بشنو صافنه
صوفيا:ها افكر وين ممكن يكون راح علي
كنان:والله ما ادري
صوفيا:شنو هاي العاده الي عنده كل ما صار شي يترك البيت ويختفي شنو هذا التصرف
اكرم:الي صار مو شوية ماما حقه يعني البنت الي يحبها تطلع اخته
كنان:سارة شلونه هسة محد يعرف
اكرم:سمر يمها تكول حالته النفسية مو زينه
كنان:يالله ليش هيج القدر جاي يلعب ويانه هيج لعبه
سمر🔶
كنت قلقة جدًا على علي واريد اعرف اي شيء عنه ولكن لا استطيع ترك سارة وهي في هذه الحالة وبعد لحظات خرجت من الحمام
سمر:حبيبتي شلون صرتي
سارة:تمام
سمر:تردين اسوي لج شي تاكلين
سارة:لا
سمر:سارة حبيبتي ما يصير هيج من البارحة وانتي ما حاطه شي اكلي عاد شوية
سارة:ما اشتهي شي
سمر:ما يصير سارة
سارة:ارجوج لا تضغطين عليه
سمر:ماشي
جلست على الاريكة وكانت صافنه جلست بجانبها
سمر:سارة
سارة:بحياتي ماجنت متخيلة راح اعيش هيج شي جنت على طول ادور على ابوية واتمنى يجي واشوفه بس هاي اول مرة بحياتي ما اريده يجي ولا اريد اشوفه ياريت ما عرفت منو هو ياريت ما اجيت على هاي البلد ياريت ما دورت على شغل ياريت ما شفت علي بهذاك اليوم ياريت ماحبيته ياريت ما اشتغلت بالشركة ياريت ياريت ياريت الف ياريت براسي
احتضنتها وصارت تبكي
سارة:ياربي اذا هو اخوية ليش خليتني احبه ليش شنو السبب
سمر:اهدي حبيبتي اهدي
اصبحت الساعة 2:00 ظهرا ولم يظهر علي لحد الان وسارة كانت نائمة لقد اعطيتها مهدئ لكي ترتاح قليلاً واريد الذهاب الى المنزل لانني قلقت كثيراً على علي ولا اريد بان تنتبه سارة باختفاء علي
سارة:شبيج
التفت كانت واقفه امام باب غرفتها
سارة:شبيج صافنه صاير شي
سمر:لا حبيبتي ما صاير شي
ابتسمت بخفة
سارة:انتي تعبتي ويايه روحي للبيت ارتاحي
سمر:لا حبيبتي شنو هذا الحجي
سارة:كافي صارلج من البارحة ما نايمة زين روحي ارتاحي اني صرت زينة
سمر:اني ما اطول بليل اجي
سارة:لا حبيبتي ماكو داعي اني صرت زينه
سمر:ماشي اذا صار شي خابريني وبسرعة اجي
سارة:اي
جمعت اغراضي وذهبت الى المنزل عندما وصلت كان الجميع قلق
سمر:شنو ماكو لحد هسة
اكرم:ماكو
كنان:وين راح بس اريد افتهم
سمر:بابا اني بديت اخاف يجوز هذا الي اسمه فرات سوى شي لعلي
كنان:ما ادري
اكرم:وينك علي
سارة 🔴
كنت نائمة في غرفتي وانظر الى السقف الغرفة وفجأة سمعت صوت الجرس يطرق نهضت وكنت اشعر بالدوار ولا استطيع الوقوف نهضت بصعوبة وفتحت الباب و تفاجئت برؤية علي امامي
سارة:علي
علي:غيري ملابسج وامشي ويايه
سارة:وياك وين
علي:نروح للمستشفى نسوي تحليل DNA
سارة:شو
علي:اي اريد اتأكد انتي فعلا اختي او لا
سارة:شنو
علي:مو وكت استغرابج امشي بسرعة
سارة:ماشي بس ابدل
ذهبت الى غرفتي غير ملابسي وذهبنا الى المستشفى وعندما وصلنا طلب علي من الممرضة ان تعمل لنا تحليل ال ANA واخذوا دم مني ومن علي سئل علي الممرضة
علي:متى تخرج النتيجة
الممرضة:3 ايام
علي:لا ارجوكي لا نستطيع الانتظار 3 ايام نريدها في وقت مبكر جداً
الممرضة:حسناً اذن تعال غداً واستلم النتيجة
علي:لا تستطيعين اليوم
الممرضة:اعتذر لك لا استطيع اليوم
علي:حسناً سوف انتظر
نظر لي
علي:امشي
خرجنا من المستشفى وكبنا بالسيارة
علي:لازم ننتظر لباجر
سارة:ممكن التحليل يفيد
علي:اي على الاقل اتأكد لان اني ما اثق بصوفيا هاي وحدة حقيرة وتسوي اي شي
سارة:بس شنو مصلحتها ليش حتى تجذب بهيج شي
علي:ما ادري بس لازم عدها مصلحة
سارة:واذا طلع كلامة صحيح
صمت لم يرد شيئا
سارة:هي تعرف كل شي عن حياة امي بالتفصيل مرة امي حجت لي انو جانت تحب احد وابو رفض زواجهم بس ما كالت هو منو سألتها هذا الشخص هو ابويه ما كالت شي فكرت قليلا
سارة:بس اكو شخص ممكن يساعدني شوية
علي:منو
سارة:خالتي لازم عدها معلومات عن الموضوع البارحة راحت بسرعة ما كالت شي
علي:يعني ممكن تساعدج
سارة:اكيد عدها معلومات عن ابوية لازم امي حجت وياهه
علي:،لعد امشي خل نروح عليها
شغل علي السيارة وذهبنا الى بيت خالتي وبعد ساعة وصلنا
سارة:انت خليك هنا اني راح احجي وياهه
علي:ماشي
خرجت من السيارة و طرقت الباب خرجت نوال ابنه خالتي
نوال:سارة هلو شلونج
سارة:بخير الحمدالله انتي شلونج
نوال:الحمدالله سمعت باللي صار وياج ما صدكت شلون صار هيج
سارة:اني اجيت حتى احجي وياه خالتي بسبب هذا الموضوع هي موحودة
نوال:اي موجودة اتفضلي
دخلت الى غرفة الجلوس وبعد ريع ساعة دخلت خالتي
خالتي:سارة هلو حبيبتي شلونج
سارة:الحمدالله
خالتي:شلونج اعذريني البارحة عفتج وطلعت بس ما كدرت ابقه
سارة:ليش ما كدرتي تبقين
خالتي:لان
سارة:لان شنو فهميني راح اتخبل من البارحة واني افكر شلون صار هيج احجي لي الله يخليج انتي لازم تعرفين شي
خالتي:ما ادري شنو اكول اصلا اني ما عندي جواب يفيدج
سارة:ليش ما عندج جواب معقول امي ما حجت وياج اترجاج خالة اذا تعرفين شي احجي لا تعذبيني
خالتي:اني راح احجي الج كل الي اعرفة يجوز يفيدج
سارة:احجي اسمعح
خالتي:قبل امج جانت تحب واحد بالجامعة وهو هم يحبها وجانت واثقه بي كولش هواي لدرجة انو سلمته نفسها بكل سهولة وبعد الي صار بينهم امج خافت لا جدج يدري فطلبت منه يزوجها وهو مجان عنده مانع بس خاف لا اهله ما يقبلون لان هو بعده يدرس ولازم يخلص دراسته يلا يزوج فطلب منه ينتظرون بس على ما يخلص كلية لان جانت هاي اخر سنة له وفعلا انتظروا شهر بس بهذا الشهر امج صارت حامل وطلبت منه يتزوجون بسرعة لان اخاف تكبر بطنها واهلهه يدرون عن الموضوع وافق الشاب وراح حتى يحجي وياه ابو بس ابو ما قبل وكال مستحيل تزوج هسة وبعدين اني اريدك تزوج بنت عمك شهد الي هي ام علي الشاب رفض وكال اني ما احب شهد اني احب بنيه ثانيةومستحيل ازوج وحدة غيرها وهو بقى مصر وابوه هم اصر على انو يزوج بنت عمه وبعدها فترة اجة هذاك الشاب وكال لامج اني ما اكدر ازوجج راح ازوج بنت عمي وبوكتها امج انصدمت صدمة العمر وتمرضة وبيت جدج عرفوا هي حامل جدج طردها من البيت وما جان عدها مكان تروح عليه وما تكدر تبقى هنا لان اخاف بطنها تكبر وشنو تكول لناس عليها اني جان عندي صديقة كولش عزيزة عليه عايشه بالسويد اتصلت عليها وطلبت منها تخلي امج يمها بس على ما تجيب وفعلا سافرت امج بقت هناك 7 سنوات عايش بالسويد استقرت هناك ونقطعت كل اخبارها طول المدة سبع سنوات وبعدين من مات جدج اتصلت عليه ودزت لي صورتج من جنتي صغيرة كالت هاي بنتي سارة
سارة:يعني اني ممكن اكو بنته للسيد كنان
خالتي:ما ادري والله
سارة:زين هذاك الشاب الي جانت تحبه امي انتي شفتيه يعني شفتي شكله
خالتي: بصراحة لا اني جنت صغيرة من صارت كل هاي المشاكل وما جنت اذكر بس هاي الي حجيت الج عنها
سارة:شنو يعني راح اتخبل زين صديقتج الي راحت يمها امي وين راحت ممكن تساعدني
خالتي:لا
سارة:ليش لا
خالتي:لان صديقتي اختفت من سافرت امج بفترة اتصلت على امج كالت راحت عافت البيت وراحت
سارة:ليش راحت وين
خالتي:ما ادري وين راحت
سارة :زين ما سألتي امي
خالتي:سألتها تكول ما ادري بيها طلعت وبعد ما رجعت
سارة:وين راحت هاي
خالتي:من اسألها جانت تتوتر وتصير عصبية
سارة:ليش شنو صار بوكتها
خالتي :والله ما ادري
سارة:جاي اكتشف اشياء غريبه عجيبة بأمي
يلا اني صار لازم اروح
خالتي:ماشي حبيبتي ديري بالج على نفسج
سارة:ان شاء الله يلا مع السلامة
خالتي:مع السلامة
خرجت من البيت وكان علي ينتظرني بالخارج فتحت الباب السيارة وركبت بجانبه
علي:ها شنو صار
سارة:امشي منا
شغل السيارة وذهبنا على البحر اوقف السيارة
علي:ولج احجي شلعتي كلبي
سارة:شنو احجي اني مصدومة من الي سمعته
علي:شنو سمعتي
سارة:مصايب خوفتني اكثر
علي:انتي الي خوفتيني احجي
نظرت إليه
سارة:يمكن حجي صوفيا يكن صحيح
علي:شو
سارة:اي تقريباً حجت الي نفس الكلام صوفيا امي جانت تحب واحد وتركها وهي حامل وبعدين سافرت بس اريد اسألك سؤال امك تصير بنت عمه لابوك
علي:اي
وضعت يدي على راسي
سارة:لعد صدك يمكن تطلع اخوية
علي:شنو
سارة:اي لان القصة نفسها
علي:باجر تطلع النتيجة ونشوف بس اني ما اصدك هذا الشي مستحيل انتي اختي
سارة:ليش
علي:يعني لو انتي فعلا اختي ما جنت حبيتج جان احساس الاخوه الي بينه منعني
سارة:يمكن يكون احنه افتهمنى غلط
علي:غلط ؟شنو غلط وصلت لزواج وتكولين غلط
سارة:لعد ما اعرف اني راح اتخبل من البارحة لليوم واني بس افكر بالموضوع ليش هيج صار وشنو هاي اللعبة الي جاي يلعبها القدر علينه
وفجأة رن هاتف علي نظر إلى الهاتف
علي:اوف والله هذول شلعو كلبي
سارة:منو
علي:اهلي يدكون عليه من البارحة
سارة:شنو انت من البارحة ما رجعت للبيت
علي:لا
سارة :اكول ليش سمر اليوم جانت متوترة يمكن على مودك
نظرت له
سارة:رد عليهم هسة اكيد خايفين
علي:ما الي واهس احجي وياه احد
سارة:لك اكيد هسة راح يموتون من الخوف عليك رد عليهم
علي:كلتلح ما ارد خلص
سحبت الهاتف منه ورفعت الهاتف
سمر:الو علي وينك صارلنا شكد ندك عليك
سارة:هلو سمر اني سارة
سمر:سارة؟ هذا منو تلفون علي
سارة:اي علي هذا موجود يمي
سمر:يمج شنو وينه هو
سارة:مايرد يحجي يكول تعبانة هسة
سمر:تعبان الافندي واحنه من البارحة راح اموت من الخوف عليه شنو هاي التصرفات
علي:كليلها لا تخاف هسة شوية واجي
سارة:سمعتي
سمر:اي سمعت خل يجي واني اعمله بسيطة
سارة:يلا مع السلامة
سمر:مع السلامة
اقفلت الخط وانظر له وقبل أن انطق بحرف رفع يده في وجهي
علي:لو سمحتي لا تحجين شي اني تعبات هسة خليها بعدين
سارة:تمام بس راح نبقى هنا امشي اخذني للبيت
شغل السيارة وذهبنا الى المنزلي وصلني وذهب الى بيته
علي 🔵
عندما دخلت بدأ الجميع بالصراخ عليه
سمر:شنو هاي التصرفات مالتك ليش ما تشيل التلفون من البارحة
علي:جنت تعبان وما كدرت احجي وياه احد
اكرم:لا والله احنه كاعدين هنا خايفين عليك وانت مالك واهس تحجي وياه احد على الاقل طمنا عليك وبعدين روح بكيفك
كنان:وين جنت من البارحة لليوم
علي:جنت كاعد افكر
صوفيا:وين وصلت بتفكيرك
علي:وصلت على انو ممكن يكون كلامج غلط
كنان:شنو يعني غلط
علي:يعني اني شاك بالموضوع
صوفيا:شاك شنو قصدك
علي:قصدي ما معقول البنت الي احبها تطلع اختي
صوفيا:بس اني البارحة وصلت الي معلومات صحيحة واحنه تأكدنا منها
علي:شلون تأكدتي منها
صوفيا:سارة ما جذبت الحجي فعلا هي طلعت بنت ملك صفوان اغلو وامها جانت حامل من ابوك يعني هي اختك
علي:بس اني شاك انو هي تطلع اختي
صوفيا:وشلون راح تثبت شكوكك
علي:سويت تحليل DNAالي والسارة وباجر راح تطلع النتيجة ونشوف
كنان:شو
علي:اي بابا اني اذا ما اعرف الحقيقة ما ارتاح
سمر:اي تمام هذا خوش حل
صوفيا:شنو قصدك ممكن يكون كلامي جذب ورحت سويت التحليل
علي:مو قصة جذب بس اني اريد اتأكد ما اريد اصدك بس بالحجي
صوفيا:تمام يجي باجر ونشوف
علي:يلا هسة اريد ارتاح فوك ان اذنكم
وفي اليوم التالي
اتصلت الممرضة على علي لكي يذهب ويجلب نتيجة التحليل غير ملابسه وذهب بسرعة الى المشفى وطلب كنان من سمر ان تحضر سارة الى منزلهم وذهبت سمر لكي تجلبها الى منزل
سارة 🔴
اليوم نتيجة التحليل وهذا اليوم اصعب يوم في حياتي كلها كنت خائفة جدا ومن النتيجة اتمنى ان لا اكون بنت السيد كنان هذه اول مرة لا اريد معرفته من يكون ابي اتصلت بي سمر وقالت لي بان الممرضة اتصلت بعلي لقد خرجت النتيجة وذهب لكي يحضر لها و والدها طلب بان اتي الى منزلهم جهزت نفسي للذهاب وصلت سمر وذهبنا الى المنزل دخلت إلى البيت وكنت خائف جدا جلست على الاريكة
كنان:السلام عليكم
لم انظر إليه
سارة:وعليكم السلام
صوفيا:مرحبا
سارة:اهلا
صوفيا:علي راح يجيب النتيجة التحليل
سارة:اي ادري
صوفيا:اي ان شاءالله خير هو ما مصدك انتي اخته عباله اجذب عليه
سارة في نفسها:واني هم مجاي اصدك بيج
سارة:هسة تطلع النتيجة ونشوف
صوفيا:اي
كنا ننتظر وفجأة سمعنا صوت سيارة علي اصبح قلبي يخفق بشدة وكنت متوترة جداً هذه اصعب لحظة تمر علي في حياتي كلها
دخل علي من الباب
كنان:ها بشر طلعت النتيجه
علي:اي
كنان:وشنو هي النتيجة
علي:ما ادري
كنان:شنو ما تدري
علي:ما كدرت افتح الظرف اجيت هنا
صوفيا:انطيني اني افتحه
علي:لا اني افتحه بنفسي
صوفيا:معقول هيج ما عندك ثقة بيه
علي:طبعا اني ما اثق بحد غير نفسي وسارة وابوية واختي واكرم بس هذول الاشخاص المهمين عندي
صوفيا:ليش اني مو مهمة عندك
كنان:هسة مو وكت العرك مالتكم افتح الظرف خل نشوف
افتح علي الظرف اغمضت عيني وكنت ادعي في قلبي
سارة في نفسها:ياربي دخيلك ساعدني واكف ويايه بهاي الحظة
فتحت عيني كان علي ينظر الى الظرف بصدمة صرت ارتجف من القلق
كنان:ها شكو
لم يرد
اكرم:لك احجي شبيك صافن
سارة بأرتباك:شنو طلعت النتيجه ؟
سقط الظرف من يده وكأنه سقط قلبي معا
سمر:لك شبيك احجي
نظر لي بنظرة غريبة وفجأة ترك البيت وخرج
كنان:علي وين رايح شكو
ركضت بسرعة اخذت الظرف وعندما قرأت الظرف انصدم كانت النتائج التحليل متطابقة بيني وبين علي وقتها انفطر قلبي كم تمنيت الموت في تلك اللحظة صرت ابكي بحرقه
سارة:لا مستحيل
سقطت على الارض وجاءت لي سمر
سمر:اهدي حبيبتي
سارة:ليش هيج جاي يصير بيه ليش
كنان:اهدي بنتي اهدي
رفعت راسي ورأيت السيد كنان يضع يده على راسي ابعدت يده عني وصرت اصرخ عليه
سارة:وخر يدك مني لا تكلي بنتي اني مو بنتك اني مو بنت احد
خرجت اركض من المنزل
اكرم 🔷
عندما خرجت سارة لحقت بها كانت تمشي في وهي منهارة من البكاء
اكرم:سارة اوكفي سارة
كانت تمش بسرعة
اكرم:سارة اوكفي خل احجي وياج
سارة:عوفني الوحدي
اكرم:سارة بس اسمعيني
اوقفت السيارة ونزلت امسكت بها دفعتني بقوة وصرخت صوت عالي
سارة:وخر مني عوفني
اكرم:سارة بس اسمعيني
سارة:ما ارد اسمع شي منكم عوفوني الوحدي لحد يجي عليه
اكرم:عاد بس خليني اوصلج للبيت
سارة:ما اريد اني اروح
اكرم:ما اكدر اخليج ترحين وانتي بهاي الحالة
وبعدها استسلمت وركبت بالسيارة وذهبنا كانت طول الطريق تبكي
اكرم:سارة ما يصير الي جاي تسوينه بنفسج اهدي شوية
سارة:اخر امل الي راح راح كلشي جنت اتمنى تطلع النتيجة غير متطابقة
اكرم:،هذا قدركم
سارة:ليش القدر سوى هيج ليش
اذا جان اخوية ليش خلاني احبه ليش شنو السبب
اكرم:راح تنسين
سارة:شلون اكدر انسى شلون اني احبه ومستحيل اكدر انسى حتى من بعد ما عرفت هو اخوية بعدني احبه هذا الاحساس ما جاي يطلع من كلبي مجاي احس بي اخوية ماعندي هيج شعور ناحيته شلون ياربي شلون
اكرم:مع الوكت راح يتغير احساسج ناحيته
سارة:ما ادري ياريت اكدر اطلعه من كلبي ياريت
وصلنا الى منزلها اردت ان تنزل ولكنني اوقفتها
اكرم:سارة
سارة:نعم
اكرم:تحبين اجيب سمر يمج
سارة:لا اريد ابقى الوحدي اليوم
اكرم:تمام
سارة 🔴
ذهب اكرم ودخلت إلى البيت اقفلت الباب وجلست خلف الباب ابكي وبعد لحظات سمعت صوت الباب يطرق نهضت لكي افتحه وعندما فتحت الباب وجدت علي يقف امامي وكانت عيونه حمرا حاولت أن امسك بنفسي ولا ابكي امامه ولكن سقطت دموعي غصبا عني رميت نفسي بين احضانه
سارة:علي ساعدني اترجاج اني جاي اتعذب اني ما جاي احسك اخوية ما عندي هيج شعور اتجاهك ساعدني شسوي اذا انت اخوية غير يكون شعور الاخوه عندي لك بس اني ما جاي احس بهذا الشي
علي:ولا اني
ابتعدت عنه
سارة:لعد مدام احنه اخوان ليش ما جاي نحس بهذا الشي اني ما جاي اشوفك اخوية ما اكدر علي
علي:بس انتي شفتي التحليل بنفسج
سارة:اي وهذا الي راح اتخبل بسبب مكتوب بيه احنه اخوان بس اني ما عندي شعور الاخوه اتجاهك حاولت بس ما كدرت ساعدني الله يخليك
علي:عندي حل حتى تنسين واني هم
سارة:كول شنو
علي:تزوجي اكرم
سارة بصدمة:شنو ؟
