سمر 🔶
دخلت إلى الشركة وسمعت احدى الفتيات يتحدثن عن زواج سارة وعلي انصدمت وذهبت بسرعة الى مكتب سارة لكي اتأكد من الامر عندما دخلت كانت عمل صرخت صوت عالي
سمر:ولج هاي شنو
رفعت راسها مفزوعة
سارة:شكو
سمر :صدك انتي وعلي راح تزوجون
سارة:هاي شبيج خوفتيني عبالي صار شي
سمر:لا والله ليش هذا خبر عاد احجي ولج صدك
سارة:اي ويوم الخميس الخطبة
فتحت عيني بصدمة
سمر:جذب
سارة:لا صدك ابوج اجة وحدد الموعد
سمر :لك هاي شنو
ركضت عليها واحتضنتها
سمر:اخيرا مبروك حياتي
سارة:الله يبارك بيج حبي
ابتعدت عنها
سمر :واو يعني راح تصيرين مرت اخوية واو
وصرنا خطط للخطبة وفجأة خرج على من مكتبه
علي:ولجن شكو شلعتن كلبي اريد اشتغل شوية
نهضت واحتضنته
سمر :مبروك يا احله عريس
علي:حبيبتي
ابتعدت عنه
سمر:اخيرا راح يجي اليوم الي اشوف بي عريس ما مصدكة
علي:يوم الج ان شاءالله
شعرت بالحزن لانني تذكر وسام لقد اشتقت إليه كثيراً نظر لي علي
علي:شبيج حبيبتي
سمر:ما بيه شي اني بخير
اردت التهرب من الحديث
سمر:يلا احنه جاي نخطط للخطبة مالتك شنو نشتري
سارة:اكلج اريدج تجين ويايه باجر لان اريد اشتري فستان للخطبة
علي:اني اجي وياج
سمر:وانت شكو رايح وياهه اني اروح احنه بنات ونعرف نختار
علي:لا والله ليش اني ذوقي من حلو
سمر:انت شاب من وين تعرف بملابس النسائية علي:طبج مرض روحي وانتي الثانية كومي
سارة:وين
علي:خلص الشغل امشي نطلع للبيت
سمر:انت راح تاخذها
علي:اي
سمر:ياعيني على الحب ياعيني
سارة 🔴
نهضت وامسك علي بيدي وخرجنا من الشركة وكانوا الجميع ينظرون إلينا بصدمة وكانوا يتهامسون مع بعضهم البعض وانا كنت اشعر بالخجل وفجأة توقف علي ونظر إليهم
علي:مرحبا اريد أن ابلغكم بان خطبتي يوم الخميس وانا والانسة سارة وسوف نقوم بحفلة كبيرة في هذه المناسبة وطبعا الجميع مدعو للحفل
فرح الجميع وباركو لنا وبعد خرجنا من الشركة ركبت بجانبه
سارة:حبيبي اي حفلة هاي راح نسوية
علي:حفلة تكريم ....شنو هذا السؤال الغبي غير حفلة خطوبتنا
سارة:بس احنه ما اتفقنا على حفلة
علي:بس اني اريد اسوي حفلة شنو ما تردين
سارة:لا حياتي بس
علي:بس شنو ليش مترددة
سارة:اني ماعندي احد واخاف احد يسألني وين عائلتج وما اعرف شنو اكول
علي:انتي منو تكولين خالتج موجودو بعد شكو
سارة:اخاف ما تقبل تجي
علي:ليش
سارة:لان صارلي فترة ما سئلت عليه هسة تكول بس من ان خطبتي سألتي عليه واخاف ما تجي
علي:لازم تجي لان من وين راح نطلب يدج لازم هي تكون موجودة
سارة:اروح باجر واحجي وياهه
علي:تمام
سارة:بس الحفلة وين راح تصير
علي:بالبيت مالته راح نسوية بالحديقة جبيرة
سارة:تمام
وصار ينظر لي
سارة:شبيك تباوع عليه
علي:ما مصدك كلشي جاي يمشي تمام
سارة:ولا اني
وصلنا الى البيت
علي:شكد اضوج
سارة:من شنو
علي:من اوصلج للبيت
ضحكت
سارة:ليش ما تريدني اروح للبيت
علي:لا اريدج تبقين يمي على طول ما تعوفيني ولا دقيقة
سارة:واني هم
علي:وراه الخطبة بشهر واحد نزوج
سارة:لا
علي:اي طبعا ما اكدر استحمل بعد اريدج يمي على طول من اكعد ومن انام
سارة:احبك
اقتربت منه وقبلته من شفناه
تركته ونزلت دخلت إلى البيت
في اليوم التالي لم اذهب الى العمل اتصلت على سمر لكي نذهب الى الاسواق لكي نشتري فستان للخطبة سارة:الو
سمر:الو هلو حبي
سارة:لج وينج صارلي شكد منتظرة يلا تعالي
سمر:انتظري غير علي يجهز نفسه
سارة:ليش علي شعليه
سمر:مو هو راح ياخذنه
سارة:ها
سمر:اي يريد يشوف الحب مالته ما يكدر يستحمل بعد
سمعت صوته يتشاجر مع سمر
سارة:ولكم كافي بطلوا عرك وتعالوا بسرعة
افقلت الخط وبعد نصف ساعة سمعت صوت سيارة نظرت من النافذة كانت سيارة علي اخذت حقيبتي وخرجت اردت أن اركب في المقعد الخلفي
علي:تعالي وين رايحة
نظر إلى سمر التي كانت تجلس بجانبه
علي:انزلي انتي اكعدي وراء وخلي سارة تكعد يمي
سمر:لا والله بعتني بثانية على مود حبيبتك
علي:وابيع اهلج كلهم
فتحت فمها ونظرت له بغضب
سمر:هتلر
علي:ها
نزلت سمر من السيارة ركبت جلست بجانبه وانا اضحك
علي:اي انتي اضحكي كله بسببج خليتي الكل يكول عليه هتلر
سمر:شبيك اسم هتلر حلو
علي:اي حلو انجبي احسلج
شغل السيارة وذهبنا الى المول وبعد ساعة وصلنا
سمر:يلا اني راح انزل
نزلت سمر وبقينا انا وعلي
علي:من تخلصني خابريني حتى اجي اخذكم
سارة:ماشي
اردت النزول ولكنه امسك بي
علي:تعالي ولج وين رايحة
سارة:شكو
اقترب مني
علي:وين بوسة مال الوداع ترة اني كل يوم اريد بوسة مال الوداع
سارة:بس انت وين ما اروح تجي ويايه توصلني يعني راح تحصل بوس هواي بحياتك
علي:طبيعي ابو التاكسي من تركبين ويايه وتدفعين افلوس اني ما اريد فلوس اني اريد بوسة بس
سارة:لا
علي:اي والله ما اخسرج فلوس
اقتربت منه واردت تقبيلة ولكن سمعت صوت سمر
سمر:ولكم جاي شتسوون احنا بالشارع عيب عليكم
نظرت لي
سمر:انزلي ولج
ابتعدت عنه وخرجت من السيارة
علي:الله ياخذج سمر وانتي الثانية اطلبج كروه صاروا اثنين
شغل السيارة وذهب وانا صرت اضحك
سمر:ما افتهمت شنو يعني صاروا اثنين وكروه شنو هاي
سارة:امشي بعدين افهمج
ذهبت الى المول لكي نشتري فستان وبعد ساعة من التعب والإرهاق اخيرا وجدا فستان مناسب للحفلة وبعدها اتصلت بعلي لكي ياخذنا وصل علي وعدنا الى البيت.... ومرات الايام بهدوء وكان علي وسارة يجهزوا انفسهم ويشتروا الاغراض للحفلة الخطوبة كان الجميع يساعدهم و اتصلت سارة بخالتها و وافقت بان تأتي الى حفلة الخطوبة سارة وعلي
.....و صوفيا كانت تنتظر برهان لكي يجلب لها المعلومات عن حياة سارة...... واكرم لا يزال يبتعد عن سارة وعلي برغم من مشاعرة تزداد يوم بعد يوم لسارة.... وفرات كان كل يوم يتصل بصوفيا ويطلب منها بأن تأتي لزيارته في منزله ولكنها تمانع في الذهاب الى منزله برغم من رغبتها به كبيرة ....وسمر تساعد علي وسارة في شراء الاغراض
يوم الخطوبة اليوم الذي ينتظر الجميع وكانت سارة تجهز نفسها وكانت سمر تساعدها في تجهيز نفسها
سمر:واو ولج سارة طلعتي تخبلين
سارة:شكرا حياتي
وكانت سارة متوترة جدا
سمر:شبيج حبيبتي
سارة:متوترة وخايفة
سمر:من شنو
سارة:اخاف من الفرحة اخاف يصير شي
سمر:مثل شنو يصير انت شبيج
سارة:ما ادري بس خايفة
سمر:اهدي شوية و ارتاحي
وفجأة انطرق الباب ودخلت خالة سارة
نهال:اللهم صلي على محمد وآل محمد هاي شنو تخبلين سارة
ابتسمت بخجل
سارة:شكرا خالة عيونج الحلوات
مريم:يلا وينكم الضيوف وصلوا ...هاي شنو والله اليوم الاستاذ علي راح تصير بي سكته قلبية من وراء هذا الجمال
سارة:يمة
مريم:شوفو شنو خايفة عليه
سمر:طبعا هذا حبيب الروح
سارة:اي كافي
سمر:يالله خجلت البومة
سارة:بومة بعينج صارلج ساعة تكولين تخبلين وهسة
سمر:اسفة خلاص ببغاء شكد تحجين
مريم:تصدكين نسيت ما كلت لهم يكتبون على الكيكة بدل خطوبة علي وسارة يكتبون خطوبة هتلر وببغاء
وصاروا يضحكون
سارة:هاهاها
علي:حم حم
التفت سمر
سمر:هاي اجة هتلر
علي:انجبي لج
سمر:يلا امشي خل نطلع
مريم:مبروك استاذ
علي:شكرا
علي 🔵
خرحت عمة سارة واختي سمر ومريم من الغرفة واقتربت من سارة وامسكت بيدها كانت في غاية الروعة
علي:شنو هاي الجمال تخبلين طالعة
ابتسمت بخجل
علي:شكد احبج من تخجلين يصير وجهي احمر
اخيرا اجة هذا اليوم يعني اليوم راح تصيرين خطيبتي ملكي لوحدي
كانت تنظر إلى الاسفل
علي:شبيج تباعين على الكاع
رفعت راسها بيدي
علي:باعي عليه اريد اشوفج
كانت خجلة جدا
علي:تدرين هاي اول مرة اشوف ببغاء حلو هيج
ضربتني بخفه على صدري
سارة:اسكت احسن
ابتسمت
علي:احبج سارة
سارة:احبك
امسكت بوجنتيها وقبلتها بشغف كبير وبعد لحظات دفعتني
سارة:كافي وخر خربت الحمرا
علي:لا والله
سارة:اي يلا امشي ننزل
علي:يلا
سارة 🔴
ترجلنا من السلم ونحن نمسك ببعضنا البعض وعندما خلنا الى الحديقة شغلوا الموسيقى وذهبا لكي نرقص امسكني من خصري ووضعت يدي على رقبته وصرنا نرقص على اغنية سمعني نبضك انا طلبت من سمر بان تفتح لنا هذا الاغنية لكي نرقص عليها
علي:حلو هاي الاغنية
سارة:عجبتك
علي:كولش
سارة:خليها تكون أغنيتنا اني وياك
علي:تمام
وفجأة ضحك
سارة:ليش تضحك
علي:اليوم ما دستي على رجلي
سارة:ما ادري
علي:ماتدرين بس اني ادري
سارة:تدري شنو ادري ليش ما دستي عليه اليوم
سارة:ليش
علي:جنتي تدوسين عليه لان تتوتري من اتقرب منج
سارة:ولحد هسة اتوتر وكلبي يصير يدك سرعة فضيعة لدرجة احسن انو راح يوكف
علي:تصدكين مثل شعوري من اول يوم من اول عركة بيني وبينج
تذكرت الموقف وضحك
علي:ليش تضحكين
سارة:اذكرت اول عركة بينه من خربت ملابسي علي:واني شعليه خربت ملابسج انتي ما تعرفين تمشين
سارة:لا والله
علي:يعني لو تعرفين تمشين ما جان صار هيج
صوفيا 💮
عندما كان الجميع يرقص رن هاتفي ونظرت كان رقم برهان ذهبت الى مكان بعيد وتحدث معه
صوفيا:الو
برهان:مرحبا مدام صوفيا
صوفيا:اهلا برهان بشر بجت لي معلومات عن هاي البنت
برهان:جبت الج معلومات كولش مهمة
صوفيا:احجي شنو منتظر
برهان:لازم اشوفج ما يصير على التلفون
صوفيا:ماشي هسة انت وين
برهان:اني بالطريقة جاي لكم
صوفيا:ماشي بعد شكد وتوصل
برهان:بعد خمس دقائق
صوفيا:انتظرك بس بسرعة
برهان:اوكي يلا مع السلامة
صوفيا:مع السلامة
اقفل الخط وعدت إلى مكاني
كنان:وين جنتي راح اعلن خطوبة سارة وعلي
صوفيا:ها
كنان:اي وحتى نلبسهم الخواتم
صوفيا:ليش مستعجل انتظر شوية
كنان:ليش ننظر خل نلبسهم الخواتم هسة احسن
صوفيا:انتظر شوية انت ليش مستعجل هيح
كنان:ماشي
وبعد خمس دقائق رن هاتفي ذهبت بسرعة الى خارج البيت وكان تنتظرني
برهان:السلام عليكم
صوفيا:وعليكم للسلام ها بشر شنو عرفت عنها
برهان:اسمها سارة وعايشه الوحدها من 3 سنوات ماعدها احد بس خالتها ابوها ما معروف منو محد يدري بيه عايش او لا وامها متوفيه من 3سنوات اسمها ملك صفوان اغلو اصلا تركيا والبنت مسجله بالهوية على اسم ابو امها
صوفيا:لحضة شوية انت شنو كلت اسم امها
برهان:ملك صفوان اغلو
صوفيا:شو ؟
برهان:شكو
صوفيا:هاي بنت ملك
برهان:انتي تعرفيها
صوفيا:عزة مصيبة
برهان:خير مدام شكو
صوفيا:ها لا ماكو شي روح انت اني باجر ادزلك لفلوس
برهان:ماشي يلا مع السلامة
ذهبت برهان وبقيت مصدومة من الذي سمعته
صوفيا:عزة شنو هاي المصيبة
وفجأة سمعت صوت
كنان:سيداتي وسادتي اشكركم لانكم أتيتم اليوم لكي تشاركونا سعادتنا بهذا اليوم اليوم اسوف اعلان خطوبة ابني علي ومن الانسة سارة
صوفيا:عزة لازم اوكف الخطبة بسرعة
ذهبت اركض إليهم كان علي يريد ان يضع الخاتم في يد سارة صرخت بأعلى صوتي
صوفيا:اوكف
التفت الجميع لي وكان علامة استفهام على وجههم
كنان:شبيج ليش وكفتي الخطبة
صوفيا:هاي الخطبة مستحيل تتم
علي:نعم
صوفيا:اي انت مستحيل تزوج سارة
كنان:انتي جاي شتحجين ليش
صوفيا:لان علي ما يكدر يزوج سارة
علي:ما اكدر ازوجها ليش ما اكدر
صوفيا:لان سارة احتمال تكون اختك
انصدم الجميع من الذي قلته وعلي وسارة اصبحوا ينظرون الى بعضهم وعلامة الصدمة على وجوههم وصارت ضجة كبيرة بين الحضور
الناس:ماذا حصل.... ماذا تقول لم افهم شيئا...
مريم:ولج سمعتي.....
نور:مجاي اصدك
كنان:شنو
صوفيا:اي سارة بنت ملك صفوان اغلو تذكرها
انصدم كنان ونظر الى سارة
كنان:انتي بنت ملك
لم ترد عليه كانت في حالة صدمة
صوفيا:اي بنت ملك حبيتك القديمة الي ابوك ما قبل تزوجها و عافتك وسافرت وجانت بوكتها حامل تذكر
نظر كنان الى سارة
كنان:جاوبيني انتي بنت ملك ردي عليه ليش ساكته
كانت سارة مصدمة ولا تستطيع ان تنطق بحرف واحد كانت تنظر الى الاسفل وهي تمسك بفستانها بقوة
كنان:جاوبيني انتي بنت ملك يعني انتي بنتي رفعت راسها ونظرت إليه
سارة:بنتك ؟
كانت تتحدث من دون وعي
سارة:اني بنتك انت؟
ونظرت الى علي الذي كان مثل حالتها او اسوء منها
سارة:انت اخوية ؟
سقط الخاتم من يده من دون وعي عندما نطقت بكلمة اخي
كانت تنظر الى الخاتم وهو يتدحرج على الارض
سارة:يعني اني اليوم جنت راح انخطب لاخوية
واصبحت تضحك بهستريا
سارة:بكل شباب العالم ما لكيت واحد احبه غير اخوية لا واريد ازوجة
وصارت تضحك بصوت عالي
سارة:تخيلوا لو تزوجته شنو راح يصير
نظرت الى علي الذي لا يزال مصدوم وينظر الى الارض
سارة:اتخيل لو تزوجنا اني وياك وبعدين عرفت اني اختك شنو راح يكون موقفنا ها ؟
وفجأة نزلت دموعها
سارة:اني جنت طول عمري ادور على ابوية جنت اريد اعرف اني منو بنت منو ابوية وين عايش لو لا واذا عايش وينه وليش ما سئل عني وليش تركنه اني وامي جانت كل هاي الاسئلة براسي وجنت اريد اعرف الها جواب بس ماجنت اتخيل راح اعرف الاجابة على هاي الاسئلة اليوم بيوم خطوبتي على خوية
تركت الحفلة وخرجت وهي تبكي ركضت عليها سمر
سارة:سارة انتظري
اما علي فكان لا يزال مصدوم اتى إليه اكرم
اكرم:علي انت بخير
لم يرد عليه
اكرم:علي جاوبني
ترك علي الحفلة وخرج من البيت انتهت الحفلة وعاد الجميع الى بيوتهم وصلت سارة الى بيتها وجلست على الاريكة تبكي جلست سمر بجانبها
سمر:اهدي حبيبتي راح يصير بيج شي
سارة:شلون تردين اهدى واني بهذا الوضع اني اليوم جنت راح انخطب لاخوية تعرفين شنو معنى هذا الحجي يعني مصيبة ليش من دون الشباب كلها ما حبيته الا اخوية ليش هو بل ذات شنو السبب
سمر 🔶
كانت تبكي وتسئل اسئلة لا اعلم بماذا اجيب عليها لان لا اعرف اجابتها
سارة:اني شلون ما حسيت بيه شلون حبيته شلون
وفجأة رن هاتفي نظرت الى الهاتف كان اكرم ذهبت بعيداً عنها
سمر:الو
اكرم:الو سمر شلونها سارة
سمر :شلونها يعني حالتها كولش صعبة بس تبجي وعلي وبابا شلونهم
اكرم:ابوية بالمكتب هو وامي وعلي طلع قبل ساعتين ولحد هسة ماكو
سمر:شنو ماكو وين راح
اكرم:ما ادري ادك عليه ما يشيل الموبايل
سمر:ارجع دك عليه شوفة وين
اكرم:ماشي يلا اني اروح هسة
اقفلت الخط وذهبت الى سارة كانت نائمه على الاريكة احضرت غطاء ووضعته عليها وجلست بجانها ابكي
صوفيا 💮
كنان:اني مجاي اصدك الي صار يعني سارة بنت ملك سارة بنتي بس انتي شلون عرفتي
صوفيا:اني جنت شاكه بيها واكول شكلها مو غريب عليه طلعت تشبه امها
كنان:صح تشبه ملك بس اني ما جنت منتبه بس انتي شلون عرفتي
صوفيا:دزيت برهان يجب معلومات عنها واليوم بالخطوبة انطاني المعلومات
كنان:الحمدالله عرفنا بالوكت المناسب
صوفيا:اي صحيح
كنان:علي وين علي؟
صوفيا:ما ادري من راحت سارة شفته ترك الحفلة وطلع وبعد ما ادري وين راح
كنان:وين راح الولد
صوفيا:ما ادري اتصل عليه وشوف
اخذ هاتفه واتصل على علي ولكنه لا يرد
صوفيا:ها
كنان:ما يرد وين راح
صوفيا:يجوز طلع يغير جو عوفه يرتاح
كنان:ولج يا راحه هاي انتي مو تدرين اليوم شنو صار بيه
صوفيا في نفسها:على اساس اني مهتمة اذا مات او عاش
كنان:وين اكرم
صوفيا:اكرم نايم
كنان:روحي كعدي خل يروح يشوف اخوه وين
صوفيا:ماشي
خرجت من الغرفة
صوفيا:والله دمر حياتي هذا الزفت علي ان شاءالله يطلع منتحر لو ميت واخلص منه من غير ما اتعب نفسي
دخلت إلى غرفة اكرم لم اجده
صوفيا:وين راح هذا الثاني
اتصلت على اكرم
صوفيا:الو
اكرم:الو
صوفيا:اكرم وينك انت اشو ماكو بالغرقة
اكرم:طلعت ادور على علي ماكو مختفي
صوفيا:شبي هذا صغير شنو هاي التصرفات كله على مود هاي التافهه
اكرم:امي شبيج انتي شنو هذا الحجي
صوفيا:شبيك
اكرم:اني مشغول هسة بعدين نحجي
اقفل الخط
صوفيا:اني جاي احاول اخلص من علي انوب تطلعي اخته اني ناقصني هسة ياخذون كلشي مني ومن هذول الاغبياء اكرم وسمر
وفي اليوم التالي
لم يعد علي الى البيت من ليلة البارحة وقد قلق الجميع عليه
كنان:وين راح من البارحة لحد هسة ماكو اخاف صار بي شي
اكرم:دورت عليه بكل معارفنا محد يدري عنه شي
كنان:شنو يعني وين اختفاء
اكرم:وتلفونه جان ما يرد وبعدين انقفل
كنان:اخاف هذا الكلب فرات سوى شي بعلي
اكرم:لا ما اعتقد بعد ترك هذا الموضوع
كنان:وانت شمدريك يجوز لعبة علينه
سمر 🔶
استيقظت الساعة التاسعة على صوت هاتف كان اكرم يتصل بي نهضت بسرعة واخذت الهاتف بعيدا عن سارة لكي لا تستيقظ
سمر:الو
اكرم:الو اكلج سمر ما خابرج علي
سمر:لا ما اتصل شنو لحد هسة ماكو
اكرم:اي ماكو
سمر:خابرت عليه
اكرم:مغلق تلفونه
سمر:شنو مغلق وين راح
اكرم:ما ادري
سمر:اكلك اخاف هذا الكلب رجع وخطف علي مرة ثانية
اكرم:ما ادري والله بس لا ما اعتقد انتهت شغلته بس اني اخاف سوى شي بنفسه
سمر:انت جاي شنو تحجي خوفتني
اكرم:ما ادري لعد وين راح يلا اني اروح
سمر:ماشي اذا عرفت شي خابرني
اكرم:تمام
اقفلت الخط والتفت كانت سارة تقف امام وتنظر لي
سمر في نفسها:عزة بس لا سمعت كلامي
سمر:سارة انتي بخير
سارة:اي اريد اروح للحمام
سمر:ماشي تردين اساعدج
سارة:لا اني اروح
سمر:همزين ما سمعت شي
كانت متعبه جدا وعينة حمرا بسبب البكاء كنت قلقة عليها وعلى علي الذي لم يعرف اين هو الان اتمنى ان يكون بخير ولا يحدث مع شيء سيء
