WHILE ON THE FAR SIDE (WOTOS EPILOGUE)

PART 3

Mabilis akong bumaba ng hagdan dahil panay na ang paulan ni Riley ng busina. Naabutan ko ang paglabas ni yaya Prising galing sala at may dalang vacuum.

"Jax, iho, kumain ka muna bago ka umalis." Tumunog ang vacuum at nagsimula na siyang maglinis sa aming foyer.

"Si mommy?"

"Maagang umalis. Binilin niyang pag-almusalin ka muna."

Tumango ako at tinanggap ang pahayag niya. Sanay na rin yata si yaya na palaging wala si Mommy. Though I don't resent her constant absence. Hindi naman siya nagkulang sa oras at atensyon sa akin. I never find her lacking being a mother.

"Magkasama sila ng Dad mo."

Napahinto ako sa ilalim ng archway. Kailan pa siya umuwi? How come I didn't know about this? They didn't let me know.

Nagkibit nalang ako at tinungo ang dining. Hindi rin naman kami magkikita. I wonder what he's here for. 

Kinuha ko lang ang tumbler ko ng tubig sa ref at pumuslit ng isang pirasong bacon saka umalis. Bumusina ulit si Riley nang pumasok ako sa Hi-lux niya. Pinasibad niya agad ang sasakyan. 

"Anong oras kayong pupuntang Guadalupe?" tanong ko at naghuling subo sa bacon. Binuksan ko ang dash compartment at kumuha ng wetwipes upang ipunas sa kamay ko.

"Hapon . May exam pa kami. Ikaw, sure ka bang maghihintay ka sa 'kin hanggang hapon? What's that?" He momentarily eyed the pink paper bag in my lap.

"Regalo. Gwyn," simpleng sagot ko.

"Oh, kayo na?" Mukha siyang nasurpresa.

Umiling ako habang umiinom ng tubig. "Sorry gift. Hindi nag-reply, e."

It's actually been a week since that Evan's tattoo happened. Pagkauwi ko ng araw na iyon ay tinext ko agad si Gwyn at tinanong kung nakauwi na ba siya. I even called her. She didn't respond to both.

I called the third time at almost midnight at hindi pa rin siya sumagot. I resorted to calling their house instead. Iyong maid nila ang nakasagot at sinabing kanina pa raw nakauwi at tulog na.

Whew, women. Kaunting bagay, pinagtatampuhan.  Though I didn't really take it too badly. I'd been in two relationships before having eyes for Gwyn so this thing isn't new in my book.

"Anong niregalo mo noong nanligaw ka kay Amber?" I asked Riley. Sa aming apat siya lang yata ang hindi gaanong nahihirapan sa panliligaw. Depende lang din siguro sa nililigawan. Amber's a good girl. Denver likes her unlike his strange ill will  for Gwyneth.

"Regalo?" Arogante ngumisi si Rai. "My presence."

Naghiwalay na kami ng landas pagkapasok sa UC building. Dumagdag ako sa pila para sa elevator. Hindi ko na inalam kung saan si Riley dahil magkikita pa naman kami mamaya.

Hinila ko ang shirt sa chest part at pinaypayan ang sarili.  Doing that, I realized something. I could only smell my deodorant and not my perfume. Bahala na. Mabango pa rin naman ako.

Reaching fifth floor, I searched  for room 502. Sa ganitong araw at oras kapag walang duty ay ito ang room nila. Bahagya kong binuksan ang pinto at agad tumakas  ang lamig ng aircon mula sa loob.

Sumilip ako, sinusuyod ang paningin sa bleacher's style nilang classroom. Wala pang teacher kaya maingay ang kanilang klase. Nagtatalakan lang ang karamihan imbes na mag-review para sa exams.

I saw Gwyneth at the very back seat with her friends. Isa siya sa mga kakaunting nagre-review. Tutok na tutok siya sa makapal niyang libro. A smiled a bit. Of course. My future girlfriend is one of the Dean's listers kaya hindi niya pinapabayaan pag-aaral niya.