بعد ربع ساعة وقفت السيارة وسن قدام بيت متوسط بديكور كلاسيك وقطعت الصمت بصوتها يللا لتين
نزلت من السيارة بصمت
مسكت يد وسن وتوجهوا للباب الخارجي
انتظرت دقيقة بعد ما دقت وسن الجرس ولتين تفرك يدها بتوتر واضح
فتحت لهم خادمة الباب بريجو
وسن بطلاقة هل يمكننا لقاء السيد آدورد
الخادمة ببتسامة حيوية دقائق من فضلك
تركتهم ودخلت
وسن شدت على يدها ما بتخافي الله معك
لتين ابستمت بسخرية ليه انتي تعرفين الله
طلت الخادمة ووجهها ما يبشر يمكنك الدخول تفضلي من هنا
وأشرت على ممر ينتهي بصالة مفتوحة
دخلت ببطء
كانت وسن قدام وبعدها لتين
قدمتها عليها يللا تشجعي
لتين دخلت وحست بالقوة تتجمع فيها لازم تاخذ حقها
رجعت على ورى من الصدمة
وسن بعدت شوبكي
كان جالس آدوارد ومعه
.
.
.
العميه
وبيدها كاس منكر تشربه منه
آدوارد وما كان بوعيه آوووه سينيورا لتين
لتين وهي تهز راسها بصدمة مستحيل يعنـ..يعني هذي ما هي بعميه
وسن خافت عليها تكلمت مع ادوارد عساه يفهم عليها سيد آدوارد أنت تعلم لما هي هنا تريد أن تعرف من القاتل
وطبعا لأنه مو بوعيه فضح الدنيا كلها
شوي ما يشوفوا إلا العميه تطيح من جنبه ع الأرض مترنحه وبلبس يفضح أكثر من أنه يستر<< هالعجوز شبقت للصبايا
نزل لها وهو يكلمها بكلمات متقاطعه من عقله الباطني عاد من ضمنها إنه ما راح يخبر أحد إنها قتلت ماريو اللي هو الشاب الثلاثيني اللي اتهموا لتين بقتله
!!!!!!!!!؟؟؟؟؟؟؟؟؟؟
.
.
.
من ايطاليا.. المجانين يقيمون الأعياد والعاقلون يستمتعون بها
>> نهاية الجزء الثالث عشر
:
أتمنى لكم الإستمتاع
تحياتي..
بائعة الورد
بسم الله الرحمن الرحيم
>>الجزء الرابع عشر
النقاش منخل الحقيقة
..0..الحزن..0..
هو أن أكره تنفسنا نفس الهواء... وأتصورك موتي...لتأتي المصائب وتشبثني بلا قوة بك!!
الكل على طاولة الفطور
لين تاكل بهدوء
راكان يمضغ قطعة من خبز الفوكاشيا وهو مغمض عيونه
بسام ماسك كوب القهوة الحاره بانتظار
يلدا تأكل ميرا
وبدر ياكل بنشاط رفع راسه وينها تلو
لين بهدوء يمكن مع لتين
بسام بس الفطور ما في أحد بالبيت يتأخر عنه هذا اللي أعرفه والا لما رحت تغير الوضع
يلدا هزت راسها تنهي الموضوع لا ما تغير بس يمكن تكون عند لتين
لين بطلع أناديها
بسام جا بيقول ولتين لكنه سكت يشوف النهاية
دخلت غرفة لتين كانت فاضيه
راحت لغرفة تاله لقتها نايمه قربت منها
تلوو
تاله بذكاء كانت مغمضه عينها بس واضح إنها صاحيه من الخوف وحتبكي بأي لحظة
لين تلوو وينها لتين
تحركت تاله ما أدري
لين شلون ما تدري!!؟
تاله بعصبيه ما لها داعي ما ادري وبس شايفتني وصيفتها
تنهدت لين ونزلت
رفع عينه لها يدور تاله وراها ما لقاها
بدر ها وينها بنتي
لين ما أدري لتين مو موجودة بغرفتها وتاله صاحيه بس ما تبي تنزل
بدر عقد حواجبه ليه؟؟
لين جلست وهي تهز كتوفها ما أدري فيها شي البنت
وقف بدر بطلع أشوفها
وأخيرا نطق راكان أنا كأني لمحت لتين متحجبة ولابسة ترانج كوت كانت بالحديقة مع تاله ع الفجر "" سكت دهرا نطق كفرا ""
بسام طالع فيه بسرعة وش قلت بالحديقة وش يسوون ع الفجر ؟؟
راكان ببرود مدري عنهم يمكن يشمون هوا
بعد الكرسي بسام بقوة طيحته ع الأرض وأصدر صوت عالي شق الهدوء اللي كان ساكن الغرفة
طلع الدرج بسرعة لغرفة لتين
فتح الباب دور بالحمام والبلكونة مستحيل تكون سوتها
طلع منها على جناح تاله وبدا يفقد أعصابه
فتح باب الغرفة بقوة
كانت تاله جالسه عالسرير ويدها بيد أبوها
بسام بخوف تاله وينها لتيــــــــــن؟!
تاله برعب وهي تشد لا شعوريا على يد أبوها ممـ..ما دري أنـا عنها ما أدري
قرب منها بصراخ أقولك وينها راكان شافك معها بالحديقة
تاله نزلت دموعها ما أدرييي
بدر يضمها شوي شوي على أختك يا بسام
بسام بعصبيه يبه البنت راحت من يديني وأنت تحن عليها هي تدري وينها
وربي يا تاله لو ما تنطقين ما بيصير لك طيب
تاله انهارت تبكي دلوعة مو متعودة أحد يصرخ عليها بهالطريقة ما أدري هي راحت عند وسن عند مديرها حق المحل
بهاللحظة ما شاف قدامه
ترك البيت بكبره
ومن السرعة سحب المفتاح من السواق وركب سيارته وطار فيها...!
لين يدها على قلبها شصاير
يلدا ضمت ميرا وهي تفطرها الله يستر الظاهر لتين هربت وتاله تدري عنها
راكان قام وهو ياخذ شنطته يللا مع السلامة
: اقعد مكانك لا تروح اليوم
راكان تفتحت عيونه وطار النعس ليييه؟!
بدر وهو نازل من الدرج مع تاله اللي قاعده تبكي
مانت شايف الجو متوتر ما ندري أخوك كيف بيرجع
راكان رمى الشنطة وسحب الكرفته من ياقته رمى نفسه ع الكنبة اخخخ الحمد لله انك هربتي يا لتين
كلهم طالعوا فيه
استوعب اللي قاله ااا احممم إن شاء الله بترجع لا تخافون عليها
بدر انثبر وانت ساكت
راكان حاااااااااااااضر
أنت تقرأ
خنقت الورد يا يمه و بيدي انكسر ذبلان
Romansرواية [[ خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ]]..! للكاتبة بائــعة الورد
