မနက်ခင်းသည် စိမ်းပြာရောင်ပင်လယ်ပြင်ကြီးကြောင့် ပိုပြီး လှပနေသယောင်။ အားလုံးထက်…JongIn နှင့်အတူရှိနေရခြင်းက အရာရာကိုပြည့်စုံစေသည်။
"JongIn…JongIn ထတော့လေ! ပင်လယ်ထဲဆင်းမယ်"
စောင်တွေနဲ့အလုံးလိုက် အထွေးလိုက်ကြီး အိပ်ပျော်နေတဲ့ ဝက်ဝံလေးကို လက်မောင်းကနေဆွဲထူရင်း နှိုးလိုက်သည်။ အိပ်ချင်မူးတူး ထထိုင်လာတယ်ဆိုပေမဲ့ မျက်လုံးကခုထိမပွင့်သေး။ မျက်စိပိတ်လျှက်သားကပင် စူပုပ်ပုပ်နှုတ်ခမ်းကို အလိုမကျသလို တွန့်ချိုးရင်း အသစ်စက်စက်ဆိုးလာခဲ့တဲ့ သူ့ရဲ့အညိုရင့်ရင့်ဆံပင်တွေကို လက်နဲ့ပွတ်ဆွဲဖွနေလေသည်။ ရှုပ်ပွနေတဲ့အချိန်မှာတောင် သူ့ဆံပင်လေးတွေဟာ တစ်မျိုးချစ်ဖို့ကောင်းနေတယ်။
"ထတော့ဆို~နေဖင်ထိုးတော့မယ်"
"အိပ်ချင်သေးတယ်"
နှုတ်ခမ်းကို မလှုပ်တလှုပ်နဲ့ ပြောလိုက်တာများ တရုတ်ကားထဲက ပါးစပ်မလှုပ်ပဲစကားပြောတဲ့ သိုင်းသမားအဖိုးကြီးကျလို့။
"ရေဆော့မယ်ဆို အခုထနော်…မဟုတ်ရင် နေပူလာပြီး ဆော့လို့မကောင်းတော့ဘူး"
"အင်း…အင်း"
စောင်ပုံကြီးထဲက အတင်းတိုးထွက်ပြီး ရေချိုးခန်းဆီ လျှောက်သွားတဲ့အထိ မျက်လုံးကိုကောင်းကောင်းမဖွင့်သေး။
#ဒုန်း!
"အ!!"
သူ့ခေါင်းနဲ့ ရေချိုးခန်းတံခါးဘောင် မေတ္တာမျှတော့မှပဲ မျက်လုံးပွင့်လာပြီး ရှုံ့မဲ့ကာ နာသွားတဲ့နေရာကို လက်နဲ့ပွတ်နေသည်။
"အဟီးဟီး"
ထိန်းထားတဲ့ကြားက အနည်းငယ်တိုးထွက်တဲ့ ကျမရဲ့ရယ်သံကြောင့် Kim JongIn ရဲ့ မကျေနပ်တဲ့မျက်စောင်းက ဒိုင်းခနဲ။ ကျမ ကိုယ့်ပါးစပ်ကိုယ် ဖိပိတ်ရင်း မျက်နှာကိုပြန်တည်ဖို့ ကြိုးစားလိုက်သည်။
"မရယ်နဲ့"
ရုပ်တည်နဲ့ လှည့်ဟောက်ပြီးနောက် ရေချိုးခန်းထဲဝင်ကာ တံခါးကိုဒုန်းခနဲစောင့်ပိတ်သွားလေတော့သည်။
------------------
"Bikini မဝတ်နဲ့နော်! T-shirt နဲ့ Jean အတိုလောက်ပဲဝတ်!"