البارت الثامن والعشرون ~~
ّّّّّّّّّّّّّّّّّ
رائد كان جالس على درج المدخل حق القصر ينتظر الخدامه تجيب القهوه
لميس نزلت من غرفتها وعرفت انه فيصل جاه 000فتحت باب القصر 000وشافت الي كان
جالس 000تقدمت منه وهي مو متوقعه ابد انه يكون احد غيره 00حطت يدها على رقبته
وطبعت بوسه ناعمه على خده وهي تقول بفرح : كل عام وانت بخير ياحلو
هو انصدم وانخرس 000عرفها من صوتها وعرف انها غلطانه 000حط يده على خده المشتعل
ومارفع راسه من الارض 000لميس مالاحظت انه رائد 00تقدمت وجلست عالعتبه الي تحته وحطت
يدينها على ركبتها وهي تتكلم بفرح : متى خرجت ماقال0000
تجمد الكلام على شفايفها لما رفعت عينها وطالعت فيه التقت عينها بعينه الي منزلها للارض
000شهقت بقوه وهي تشوف وجهه الي تحب 00وغطت فمها بيدها تمنع صرختها 00نطقت :آآآآآآه
طلعتها بنغمه حزينه وهي شوي وتبكي00وعاضه على شفايفها 00ويدها مازلت على فمها
قامت من مكانها بسرعه وربكه فضيعه 00ودخلت جري عالقصر وهي ودها الارض تنشق وتبلعها
من الفشله 00ياربي وش اسوي 00يافضيحتي آههههه 000صدمت بالخدامه وهي معاها ثلاجات القهوه
ودخلت المطبخ لانه اقرب لها 00وجلست تدور فيه ودقات قلبها في سباق فضيع 00ياربي 00يافشلتي
وشلون اناظر فوجهه مره ثانيه 000آهههههه 00عقدت حواجبها وهي شوي تبكي 00تلف في المطبخ
وتكلم نفسها وتعض على شفايفها الي باسته 000جلست عالكرسي وهي تصقع نفسها كفوف 00وموب قادره
تجلس بأستقرار 0مو مصدقه 00ياويليييييي كيف بست الرجال يافضيحتي وش يقول عني 00يافضيحتك
يالميس 00والله اني ماستحي آههههههه 000حطت يدينها عالطاوله وحطت راسها فوقها ونزلت دموعها
جات جوري تتمخطر بتنورتها الجينز الفاتحه القصيره مره وتحتها بنطلون ليموني ماسك 00ولابسه من فوق
بدي علاقي بنفس الون ليموني : لميييييييييييييس 00عجزنا واحنا ندورك وانتي هينا
لميس قامت من كرسيها بخوف 000وهي تحمد ربها ان الي جات جوري مو اي احد ثاني
شافتها جوري وصرخت : تبكيييييييييي
مسكت لميس بكتوفها وهي تصقع كعبها في الارض : الحقيني ياجوري 000بست الرجال00آهههه
جوري خرجت عينها لبره : اي رجال الله يفضحك
لميس سحبتها عالكرسي 00وجوري جلست بصدمه : بست رائد تخيلي 00حسبته فيصل كله من رؤيه المرجوجه
