البارت الواحد ولعشرون
***************************
كانت لجين قاعده فبيت اهلها 000عزمها ابوها هي وخالد ع الغداء000تغدو وجلس خالد لين العصر بعدين خرج وقال يجيها اليل 000
(بعد العشاء )
جلست هي وامها واخوانها في الصاله يتفرجون على مسلسل متابعينه 000جا فاصل اعلاني وجلسو يتكلمون فيه
ام فيصل : ياحرام يالجين ويش مسويه فخالد 00غير يتشكى منك
لجين عقدت حواجبها واسغربت هالكلام : ليه ؟
ام فيصل : يقول كل مادخلت البيت لقيتها نايمه 00واطلع والقاها نايمه
لميس : شكلو وحامك جاي عالنوم
لجين : يمكن 000والله يا أمي اني متفشله منه 000يطلع ويرجع وانا نايمه 00كاسر خاطري ياقلبي 000حتى ماصرت اجلس معاه كثير 000المشكله احاول اقاوم بس ماقدر 000كل مكان في البيت نمت فيه
لميس : هههههههههههههههههههه يخرب عقلك
لجين تضحك : والله من جد اتكلم
امها تبغى تخوفها : لجين 000فتحي عينك لا تزهقين الرجال 00يقوم يتجوز عليك
لميس : احذري ترى غزل تنتظر اشاره
لجين قرصتها بفخدها : فال الله ولا فالك 000امي وش هالكلام خوفتيني ؟
ام فيصل تضحك من جوتها على لجين 00بس كملت : راعي زوجك وقابليه 00وفتحي عيونك 00توقعي من الرجال اي شي
لجين : لا والله ان شالله بحاول مانام كثير 000ياويلي لو خالد يتزوج غزل والله لااموت
لميس : بأي شهر انتي
000لجين التفتت عالشاشه وشدها الي شافته وصارت تطالع فيه وكأنها شايفه شي من السما 000لميس تكلمها وهي ماترد
كانت مفتحه عيونها على وسعها وماترد علي حولها 000التفتو عالشاشه بيشوفون الشي الي شدها واخرسها 000بس ماشافو شي مهم 000دعايه عن الصابون
خلصت وطالعتهم لجين وهي متلخبطه
لجين : ها نعم 00وش فيك
لميس : بالشهر الكم
لجين : انا 000 (تاهت شوي مع المنظر الي شافته 00كانت بنت ماسكه صابونه لونه اصفر وتشمها 000غمضت عينها وهي تتخيل نفسها مكانها 00ماتدري ليه جاتها رغبه قويه تسوي زيها )
ام فيصل : لجين وش فيكي ماتردين عالبنت
حركت راسها كأنها بتطرد هالفكره : نعم لميسوه رجيتيني ؟
لميس : بياخه من اليوم اتكلم ولا كأني اقول شي
لجين ابتسمت : معليش بس مادري فين سرحت
