فتحت خط كتله شتريد كال اعصابج قابل شطالب منج كتله الطلب الردته واضح ومفهوم وعيب هيج تحجي ويه بت جيرانكم كال اسف واعتذر وراها بدا مكالمات بيناتنه بس جنت بعدني اخاف واتراسل وياه ع فايبر وامسح الرسائل كام يخابرني بلليل يحجي شويه ويروح ينام بدينا واحد يتعود ع ثاني بهاي الاثناء جنت فديوم كتله اني بعد ماكدر احجي وياك انت صرت صديق اخويه واهلي يعرفوك كال احنه ممسوين غلط وشجعني ورة يومين جنت ببت خالتي بايته خابرني بلليل اول شي سوالف طبيعي بعدين كال بعد لادكين عليه احنه غلط كاعد نحجي احنا جيران وظميري يأنبني كتله لعد موكتلك اني نفس الحجي وكتلي لا مموين غلط كلي اعتبريني اخ صدي وشتحتاجين مخليته يكمل كتله عادي وسديت تلفون بوجهة ورة كم يوم لكيت نفسي مشتاقتله سويتله مسكول خابرني جان طالع كلي منو كتله ها ماسح رقمي ؟؟ كال عرفتج ارجع للبيت واخابرج انتظرته جنت خاتله بلهول وحدي انتظرة يتصل اتصل بلوحدة بلليل سلمنا ومدري شنو كال موعيب سدين تلفون بوجهي كتله احترك كلبي منك متقبلت الحجايه من كتلك غلط بس ردت تطلع منك عود انت التفتهم ضلينا واحد يعتب ع ثاني كلي بس تدرين حسيت بنقص عبالك اتعودت عليج كتله اني هم كلي ديربالج خاف تحبيني كتله لا لا مستحيل لتخاف جنت شويه شايله خشمي احسسه هو مو من طبقه واني طبقه رجعنا نتخابر وينام الظهر يكولي كعديني اكعده يروح للشغل وهذا الحجي كله خلال اسبوعين مرات جنه نتخابر بلليل من احجي وياه واصيح اسمه مدري شيصير بي احس بصوت انفاسه احسه ايريد شي بس علاقتنه رسميه يعني صعب يتجرأ يغلط ويايه بلحجي فديوم جنه نحجي وكلي مدتحسين بيه جنت اغشم روحي كام يكولي عركت حيل وكوة يتنفس وكوة يحجي من يحجي ويايه بلليل اني اكوله روح نام ويروح اخر شي فديوم اتصل بي ميجاوب ادز رسايل ميجاوب يومين اتصل ماكو قلقت عليه كلش))
