كعدت من نوم بلليل جنه معزومين ع عشى رجعت لبيتنا اتصلت بي حتى اكوله شكرا ع الف مارد وراها اتصل بيه مالحكت اجاوب نمت كعدت ثاني يوم رحت للجامعه ورجعت للبيت ومشة اليوم اتصلت بي المغرب كتله شكرا ع الف كال ميحتاج اتشكريني مامسوي شي بس اني صراحه اتصلت مو ع مود الالف اتصلت لان احس نفسي متعلقه بي افكر بي هواي كتله اني اعتذر ع رسائل كلي ميفيد الاعتذار اني جرحتيني واني من قريتهن احتركت حرك اتمنيتج ولد حتى اكتلج خلاص ع عموم لاشكريني ع الف واعتذارج ما اقبله كتله زين الالف دين ورح ارجعها كال عدي شغل بعدين نتخابر ثاني يوم من رجعت من جامعه مريت ع محل دارجع الالف جان مموجود ابدال الالف انطيت للعامل الفين كتله هاي مال صاحب المحل يطلبني طلعت من المحل رجعت للبيت المغرب اتصل كال عود شنو معنى رجعتي الالف وشنو معناه رجعتيها الفين ؟؟ كتله صدك الفين ؟؟ سويت نفسي مادري بس اني متقصدة حتى ايخابرني كتله لعد اطلبك الف كال يلا باي كتله اوكف كال نعم كتله لازم تقبل اعتذاري كال موبهلسهوله كتله اسفه كال ماقبل كتله لعد شنو اليرضيك كال افكر احتمال اتعزميني ع كهوة كتله اوكي موافقه كال لو اقبل لو ما اقبل اعتذارج )) اسبوع كامل يوميه اخابره ويأجلني الحجي كمت اتعلق اكثر واشتاقله بس هو حاقد عليه هوة شخصيته قويه ومحد يجرأ يتجاوز عليه خابرني مرة بلليل كتله شوكت رح تقبل اعتذاري واعزمك ع كهوة كال اوكي باجر كتله باجر معقوله مداصدك واخيرا كال اي بس عدي الج مفاجأة كتله اوكي كال انتظري مني اتصال الصبح ااكد الموعد اوك اوك الليل صار شطوله عليه فرحانه وميت خوف احس غلط الداسىوي ورح اخون اهلي وافكار تاخذني وتجيبني لحد ما اجه الصبح كعدت ع هزت التلفون يرج جوة المخدة جاوبته كال كومي بدلي اليوم اشوفج......
