بعد ماكلي حسابج بعدين رجعت امشي بشارع وخانكتني العبرة لان صراحه احبه خصوصا هاي الفترة حبيته حيل واتعلقت بي بس الكتلني حقارة عنده وغرور وحسيته خاين بس كلت هاهيه بعد راح البسه وبعد مالي علاقه بي رجعت للبيت اول يوم مقهورة من الصار ومن السوالف الطلعتلي مال دعمه السيارة والشرطه طبعا هو سيارته رانجر روفر بيضه يعني حديثه اتموت )) مخابرته ابد طول اليوم ولاثاني يوم ولا الثالث بس اني بيني وبين نفسي داموت مشتاقتله احبه مع العلم مجان يستاهل حبي بلبدايه المهم فديوم داطلع للجامعه الصبح وصلت للكيات صعدت بلكيه ال توصلني يم الكراج جنت دايرة وجهي ع جامه وباقي الناس ديصعدون جان اندار لكيته صعد نفس الكيه بس ميدري اني بيها غلست سويت بالي مويمه بس بداخلي من شفته كمت احترك حرك متعلقه بي حيل وصلت للجامعه اخذت كم محاظرة بس احس روحي مخنوكه وتعبانه سويتله مسكول خابرني ويه مبدات محاظرة جديدة ضربت المحاظرة وكفت برا القاعه احجي وياه بعدين بس كلت الو كلي انت وحدة ادبسزز وزعطوطه خليتينا نندعم من ورك تلفون وانتي منو انتي حتى اتلزمين تلفوني المهم خلة دعمت السيارة كلها براسي اني هم انهديت بي كتله انت ابو بنات ومصلحجي ومتهمني بعد كلي المفروض تعتذرين جاي تحجين هذا الحجي كتله انت مو شكول اعتذار سدينا التلفون راحت ايام جتي ايام بديت اتأذة اكثر واكثر طلعت احبه حب مصاير وعلة شنو !!!!!! بس حظي اتصلت بي كم مرة لو ميجاوب لو يحجي معلك نتلاكه الصبح او من نرجع من دوام واحد ايدير وجهة عن الثاني وندخل للبيت اني كمت اتاذة حيل اريده احبه انوب هو شكله ايموت من اشوفه مدري شيصير بية راحت ايام جتي ايام الولد اتمرض حيل كام ميطلع للشغل المحل معزل انقهرت عليه مر شهرين احنه متعاوفين وراها رجع للشغل بشهر الواحد بدايته شفته طلع الصبح كلت استغل الفرصه حتى يرجعلي لان احبه ومشتاقتله وماتخيل وحدة ثانيه تاخذه مني رحت للكليه داومت جنت عدي خمسسين الف رحت لابو الورد الطبيعي كتله سويلي باقه حلوة ابيش الوردة بخمسه كتله سويلي ع كد ٣٥ الف سوالي باقه اتجنن اخذتها ورجعت للبيت حتى ثاني يوم الصبح اوديها اله ع سلامته طبعا هاي الايام العافني بيها هواي اتاذيت مادري شنو سر هل تعلق بي اي شي يبجيني اكل كوة اكل بس قهر واسمع اغنيه محمد السالم نعم انت كاطع بية كول هم هذا خطيه هواي غيبتك طالت عليه )) وانقهر اكول ليش هذا الولد الحلو مو الي كلشي بي حلو ويجذب والناس تمدح بي وابن عشاير بس ويايه حقير واتخيل الراح يتزوجها رح تاخذ هيج واحد بكلشي حلو حتى بوساته وحضناته رومانسي هنيالها تزوجه وتخلف منه )) المهم ضميت الورد بلكنتور ونمت بس خايفه اروح خاف اول ما اوصل يطردني لان كلشي اتوقع منه لو يضربني كلت اروح العليه اسوي قبل قبل ماقبل اعوفه وانهزم وبعد ما اوصله ابد كعدت الصبح كشخت فول واخدت الباقه ورشيت عليها من عطري ال يحبه وطلعت من البيت متوجه للمحل ....
