Black Angel ( S - 1 )

Part 9

ပွက်ပွက်ဆူနေသော မီးတောင်ချော်ရည်များက အရာရာကို သွေးရောင်များဖြင့် ဖုံးလွှမ်းထားစေသကဲ့သို့ နီရဲနေစေသည်။

နီရဲသောမျက်လုံးများနှင့် မြေကြွက်ကြီးများကလည်း နေရာအနှံ့ ပြေးလွှားနေကြသည်။ လူ့အရိုးခေါင်းများနှင့် လူရိုးများမှာလည်း ကြမ်းပြင်တစ်လျှောက် မြင်မကောင်းအောင် တောင်ပုံရာပုံဖြစ်နေကြသည်။ ညှီဟောင်သောအပုပ်နံ့နှင့် နီရဲခြောက်ကပ်နေပြီဖြစ်သော သွေးများက ခန်းမတစ်ခုလုံးကို ဖုံးလွှမ်းလို့ထားသည်။

စေတန်နတ်ဆိုးသည် အသက်နှစ်ဆယ်အရွယ် ချောမောသောယောက်ျားပျိုတစ်ယောက်၏မျက်နှာကို ပိုင်ဆိုင်ထားသော်လည်း ကြောက်မက်ဖွယ်ရာ နီရဲနေသော မျက်လုံးများအတွင်းမှ ရက်စက်ကြမ်းကြုတ်မှုများကြောင့် ပွက်ပွက်ဆူနေသော မီးတောင်ချော်ရည်များထက်ပင် ပို၍ထိန့်လန့်စရာကောင်းနေသည်။

ကြောက်မက်ဖွယ်ကောင်းသော ရုပ်ပျက်ဆင်းပျက် နတ်ဆိုးပေါင်းများစွာသည် စေတန်နတ်မင်းရှေ့ ဒူးထောက်ကာအရိုအသေပြုနေကြသည်။ အချို့မှာ ဂျိုကျိုးနားရွက်ပဲ့များဖြစ်ကာ မီးလောင်ခံထားရသော သစ်ကိုင်းခြောက်များလို မည်းတူးရှုံ့တွနေသော ကိုယ်ခန္ဓာများနှင့်ဖြစ်သည်။ ရှည်လျားသောလက်သည်းများမှာ ညိုညစ်နေပြီး ပြူးကျယ်နီရဲသော မျက်လုံးများသည် ဂနာမငြိမ်ဖြစ်နေကြသည်။

သူတို့အားလုံး တစ်စုံတစ်ရာကို စောင့်ဆိုင်းနေသလို ငြိမ်သက်စွာ နေရာယူထားကြသည်။

သိပ်မကြာခင်မှာပင် အစဉ်သဖြင့် မည်းမှောင်နေတတ်သော မီးတောင်ပတ်ဝန်းကျင်တွင် ထွန်းလင်းသော ရောင်ခြည်တစ်ခု ပေါ်ထွန်းလာခဲ့သည်။

ထို့နောက် မီးတောင်ဝမှ လေညှင်းသံတစ်ခုလို သာယာသော လေတိုက်သံတစ်ခုနှင့်အတူ ငွေရောင်တောက်နေသော နတ်ဘုရားတစ်ပါး ဆင်းသက်လာခဲ့သည်။

ထိုနတ်ဘုရား၏ မျက်နှာမှာ ချောမောလှပလှပြီး ငွေရောင်တောင်ပံနှစ်စုံက ခန္ဓာကိုယ်ထက် နှစ်ဆမျှ ကြီးမားကာ တောင်ပံခတ်လိုက်တိုင်း သာယာသော ဆည်းလည်းမြည်သံကဲ့သို့ ငြိမ်းချမ်းသာယာသောအသံကို ကြားနေရသည်။ ရှည်လျားသော ငွေရောင်ဆံပင်များက လေဆင်နှာမောင်းတစ်ခုလို နတ်ဘုရားခေါင်းထက်မှ ဝေ့၀ိုက်လွင့်ပျံနေကြသည်။