Black Angel ( S - 1 )

Part 54

မှည့်ဝင်းနေသော နီညိုရောင် ချယ်ရီသီးများနှင့် ပြည့်နှက်နေသော စမ်းချောင်းငယ်ဘေးမှ ချယ်ရီပင်ကို မှီရပ်နေသော ဒန်နရယ်၏ မျက်နှာမှာ ပြုံးနေသည်။ သူ၏ မျက်လုံးညိုများမှာ တောင်ကုန်းအောက်မှ ပျော်ရွှင်စွာ ကစားနေသော ပီဆိုနှင့် မာတယ်ရိုကို လှမ်းကြည့်နေသည်။

ကလေးငယ်မှာ သိမ်းငှက်ကြီးပီဆိုကို အရဖမ်းရန် ခုန်ဆွခုန်ဆွနှင့် မြေပြင်ထက်မှ မြင့်နိုင်သမျှ မြင့်အောင် ခုန်နေပြီး ပီဆိုမှာ မာတယ်ရိုခေါင်းနားတွင် ပတ်ချာလည် ကွေ့ဝိုက်ပျံသန်းနေသည်။ ကလေးငယ်မာတယ်ရို၏ တစ်ကိုယ်လုံး ချွေးများဖြင့် စိုရွှဲနေသည်။

"မင်း စဉ်းစားနေတာ ငါ့အကြောင်းမှဟုတ်ရဲ့လား ဒန်နရယ်.."

နားထဲကပ်၍ တိုးတိုးပြောလာသော အသံကြောင့် ထခုန်မိမတတ် ဒန်နရယ် လန့်သွားမိသည်။ ဖြူ နုသာမျက်နှာမှာ ရဲရဲနီသွားသည်။ သူ့ဘေးမှ ဖရက်ဒီ့ကို လှည့်မကြည့်ဘဲ အမြင်ကပ်စွာ မျက်စိထောင့်ကပ်ကြည့်ဖြစ်သည်။

"ခင်ဗျားဆီမှာ ကိုယ့်ကိုကိုယ် အထင်ကြီးတဲ့စိတ်တွေ ပြန်ရောက်နေပြီပေါ့.. ဟုတ်လား.."

"စကားအဖြစ်ပြောတာပါကွာ.. တကယ်တမ်း မထင်ရဲပါဘူး..."

ဖရက်ဒီ တစ်ချက်ရယ်လိုက်ရင်း သူတို့နှင့်မလှမ်းမကမ်းတွင် ရှိနေသော မာတယ်ရိုနှင့် သိမ်းငှက်ကြီး ပီဆိုကို လှမ်းကြည့်လိုက်သည်။ ထို့နောက်မှာတော့ သူ့ လက်တစ်ဖက်ကို ခပ်ဖြည်းဖြည်း မတင်ကာ မာတယ်ရိုရှိရာသို့ လက်များ ဆန့်တန်းလိုက်သည်။

"ဟာ.. ဟာ..."

ကလေးငယ်ထံမှ အံ့သြ၀မ်းသာသံနှင့်အတူ မာတယ်ရို၏ ခြေနှစ်ဖက်မှာ မြေပြင်ထက်မှ မြင့်တက်လာနေသည်။ လက်နှစ်ဖက်ကို ကားထားရင်း ဒန်နရယ်တို့ ရှိရာသို့ ၀မ်းသာအားရ လှမ်းအော်လာသည်။

"အစ်ကို... ကျွန်တော် ပျံနေပြီ.. ပီဆိုလို ပျံလို့ရနေပြီ..."

ဒန်နရယ်နှင့်ဖရက်ဒီတို့ ပြိုင်တူလိုလို ရယ်မိကြသည်။ မာတယ်ရို၏ မျက်လုံးများမှာ စိတ်လှုပ်ရှားမှုများဖြင့် တဖျတ်ဖျတ် တောက်ပနေသည်။ ဖရက်ဒီ၏ လက်ရွေ့လျားရာအတိုင်း သိမ်းငှက်ကြီးပီဆိုဘေးမှ ပျံသန်းလာနေသော မာတယ်ရို၏ ရယ်သံများမှာ တောင်ကုန်းတစ်ခုလုံးကို ဖုံးလွှမ်းနေသည်။