Black Angel ( S - 1 )

Part 12

ဒန်နရယ်နှင့်ဖေဒေတို့၏ မြင်းနှစ်ကောင်မှာ လျှင်မြန်စွာဖြင့် ကျောက်ခဲလမ်းတစ်လျှောက် ပြေးလာနေကြသည်။ ဒန်နရယ်၏ စည်းနှောင်ထားသော ဆံပင်နက်များမှာ တလွင့်လွင့် ၀ဲပျံနေကြသည်။

မိမိ၏အာရုံကိုပျံ့မလွင့်အောင် သတိထားကာ ကောင်းကင်ထက်မှာ ပျံဝဲနေသော စွန်ငှက်ကြီးပီဆိုနှင့် ဖေဒေ အပြန်အလှန် ဆက်သွယ်နေမိသည်။

သူတို့နောက်မှ လူဖမ်းသမားတစ်ချို့ရှိနေသည်။

ယခုလို ခေတ်ပျက်ကြီးတွင် လူသားများသည် နတ်ဆိုးများကျေနပ်စေရန် လူသားယဇ်ပူဇော်ခြင်းများကို အပတ်စဉ်၊ လစဉ် ပြုလုပ်နေကြသည်။ ထို့အတွက် ပိုက်ဆံချမ်းသာသူများက မိမိတို့မိသားစုဝင်များ အသက်ဆက်ရန်အတွက် အခြားသူများ၏ အသက်များနှင့် အလဲအလှယ်လုပ်လာကြသည်။ ရှေ့ဆက်အသက်ရှင်ရန် ချမ်းသာကြွယ်ဝမှုကို သုံးလာကြ၍ အခုလို လူဖမ်းသမားများ၊ လူကုန်ကူးသူများ များပြားစွာရှိလာကြခြင်းဖြစ်သည်။

သူတို့နောက်မှ ဖုန်လုံးများမှာ တဖြည်းဖြည်း ပိုမို ကြီးမားလာနေကာ မြင်းခွာသံများကိုပင် ကြားနေရပြီဖြစ်သည်။ ဒန်နရယ်တို့၏ မြင်းများမှာ သန်မာလှသော်လည်း ရက်ပေါင်း ငါးရက်တိုင်အောင် ခရီးကြမ်းနှင်လာခဲ့သည်ဖြစ်၍ ပင်ပန်းနေကြပြီဖြစ်သည်။

မြင်းဆယ်ကောင်..

လူဆယ်ယောက်..

ပီဆို၏ အသိပေးပြောကြားမှုကြောင့် ဖေဒေ အနည်းငယ်စိတ်သက်သာရာရသွားသည်။

သူ ထင်သလောက် လူမများ။

ဒီလောက်အရေအတွက်ကို သူနှင့်ဒန်နရယ် နှစ်ယောက်တည်း ရင်ဆိုင်တိုက်ခိုက်နိုင်သည်။ ရှေ့ဆက်ပြေးဖြစ်လျှင် ပင်ပန်းနေပြီဖြစ်သော မြင်းနှစ်ကောင် အားကုန်သွားမည်ကို သူ စိုးရိမ်မိသည်။ သူတို့ ခရီးဆက်ဖို့က ကျန်သေးသည်။

စိမ်းညို့ညို့ တောတန်းတစ်ခုကို ခပ်လှမ်းလှမ်းမှာမြင်လိုက်ရသည်။ ဖေဒေ မြင်းကို အရှိန်လျှော့ကာ ဒန်နရယ်စီးနေသော မြင်းဖြူကိုလည်း ရပ်တန့်ရန် ပြောလိုက်သည်။