Black Angel ( S - 1 )

Part 1 (Unicode)

စာအုပ်အဖြစ်ထွက်ရှိပြီးဖြစ်တဲ့

* စည်း__✏️

* ကြယ်တွေကြွေသောည 🌠

* ကြယ်တွေကြွေသောည Sequel 🌌

* ထာ၀ရပုံပေ 🌋

* တောင်တောရယ်သာ 🏞

* ဆူး ❤️‍🩹

စာအုပ်တွေအားလုံးကို we distribution online bookshop မှာ မှာယူနိုင်ပါတယ်။
ကျေးဇူးပါ ❤️💛💙

we distribution Facebook Page

📞09250091913
📞09972293371
⌚9:00 Am to 5:00 PM

💕💕💕💕💕💕💕💕💕💕💕💕

Pls check Part 1 (Zawgyi) for zawgyi font. Written by both zawgyi and unicode.
Thankyou.
Author
......

တောင်တန်းမြင့်များဝန်းရံထားသည့် ရွာငယ်လေးသည် နေဝင်ချိန်ညနေခင်း၏ နီရဲသော ရောင်ခြည်များအောက်တွင် ငြိမ်သက်စွာ တည်ရှိနေသည်။ အိမ်ခြေဆယ်လုံးခန့်သာရှိပြီး အိမ်များအားလုံးလိုလိုသည် ရွှံ့မာနှင့်တည်ဆောက်ထားသောကြောင့် ၀ါညစ်ညစ်အညိုရောင်ဖြစ်သည်။ စိမ်းလွင်သော မြက်ရိုင်းများက ရွာငယ်ပတ်ပတ်လည်တွင် ထိုးထိုးထောင်ထောင် သန်မာစွာ ပေါက်ရောက်နေသည်။ မြက်ရိုင်းများကြားမှ ပိုးကောင်ငယ်များ၏ အော်မြည်သံသည် ခပ်မှန်မှန်ထွက်ပေါ်နေသည်။

ရွာငယ်နှင့်မလှမ်းမကမ်းတွင် သစ်ပင်မြင့်များ ထူထပ်သိပ်သည်းစွာပေါက်ရောက်နေသော တောအုပ်တစ်ခု ရှိသည်။ ထိုတောအုပ်ကိုဖြတ်သန်းတိုက်ခတ်လာသော လေသည် မြင့်မားသောမြက်ရိုင်းများကို ကွေးညွှတ်သွားသည်အထိ အဆက်မပြတ် တိုက်ခတ်နေပေသည်။

ရုတ်တရက် ရွာစွန်ရှိအိမ်လေးမှ မွေးကင်းစ ကလေးငိုသံ စူးရှစွာ ထွက်ပေါ်လာသည်။ ထိုအိမ်ငယ်လေးထဲတွင် ဆီမီးခွက်မှ မီးတောက်ငယ်တစ်ခုသည် ဘယ်ညာယိမ်းထိုးနေသည်။ အိမ်ထောင့်တစ်နေရာရှိ ကောက်ရိုးခင်းထားသော အိပ်ရာထက်တွင် ဖျော့တော့သော မိန်းမငယ်တစ်ယောက်ရှိနေပြီး သူမရင်ခွင်ထဲတွင် မွေးကင်းစ နီနီရဲရဲကလေးငယ်ကို ပွေ့ဖက်ထားသည်။ မိန်းမငယ်နားရှိ သစ်သားရေပုံးထဲမှ ရေများမှာ သွေးရောင်လွှမ်းကာ ညစ်ညမ်းနေသည်။ ၎င်းဘေးနားတွင် နွမ်းနယ်သောချည်ထည်ဝတ်ရုံ အညိုရောင်ကို ဝတ်ဆင်ထားသော ယောက်ျားပျိုတစ်ယောက်ရှိသည်။