يوميات هو و هى

الحلقه الثانيه عشر

#الحلقه_الثانيه_عشر_من_يوميات_هو_وهى <3

جنه مشيت ويوسف واقف فى ذهوووووول وبعد دقيقتين مجدى جه
مجدى / معلش وقفتك بس الحجه بقى
يوسف / ولا يهمك
مجدى / مالك ... فيه حاجه ولا ايه
يوسف / مفيش بس مصدع
مجدى / سلامتك .. طب اطلع انت وانا هشوف جنه فوق
يوسف بتوتر/ جنه شافت الشقه وبعد كدا
مشيت وهى ونغم وكان باين عليها تعبانه
مجدى / تعبانه !! مالها
يوسف / مش عارف بس هى بتقول ان ضغطها واطى 
مجدى / اهااا هى فعلا ضغطها بيوطى وخصوصا لما تنزل من غير ماتاكل
يوسف كان على لسانه يقول لمجدى اتصل بيها وطمنى
لكن سكت وعرف ان مش من حقه يطلب الطلب ده
يوسف / اها ربنا يعفو عنها
مجدى / طب هستأذن  انا وابقى اكلمك بعدين
يوسف / تمام
----------------------------------------------------------------
فى بيت جنه
هدى / ايه ي جنه مالك
نغم / مفيش ي طنط .. ضغطها واطى بس
هدى / مهى مبتاكلش ومبتسمعش الكلام
جنه بتنهيده / انا هدخل اريح جوه ي ماما
هدى / متناميش قبل ما اجبلك لقمه تسندى بيها نفسك
جنه بلامبالاه / طيب
دخلت جنه اوضتها ووراها نغم
نغم / مالك بقى ... مش اول مره ضغطك يوطى فيكى ايه
جنة /...................................
نغم / وايه طريقه كلامك اللى مع يوسف دى
جنه / فتحت فى العياط ... هحكيلك
نغم / قولى بقى وقعتى قلبى
جنه / كنت بتفرج على الشقه وكله تمام ولقيت لاب وفيه فلاشه ومكنش مقفول
كان معمول shut down  قولت افتحه العب دور كوتشينه مثلا عقبال م تنزلى
فتحته لقيت فديو مفتوح ادامى  زباااااااااااااااااااله يخدش حياء اى بنت
نغم / ي نهار ابيض o.O
جنه بعياط / قفلت بسرعه طبعا واتصدمت زى ما شوفتينى كدا
نغم / عشان كدا اتخضيتى ووشك كان مخطوف
جنه :( / ايييييييييوا
نغم / بس كنتى بتردى على يوسف بطريقه وحشه
جنه / ياسلام وارد بقى ازاى بعد اللى شوفته ده
مش دى برضو شقته
نغم باسف / اه بس يوسف مؤدب انا بشوفه وهو بيروح المسجد
جنه / واللى شوفته ده ايه بقى
نغم / يعنى انتى عايزة تقويلى ان يوسف هو اللى بتفرج على ...
جنه / اه عشان كدا كان مخضوض لما حس انه اتفضح
نغم / طب لو فعلا بيعمل كدا مخدش حرصه ليه قبل مايديكى المفتاح
جنه / ده بقى اللى مستغرباه !!
نغم / طب وانتى هتعملى ايه
جنه / هفكر واشوف بس الاكيد انى هتمسك بالشقه عن الاول
نغم / اشمعنا
جنه / اقدار ربنا خير وبتكون سبب لحكمه معينه
يمكن فكره الدوره اللى هعملها دى مفتاح لحاجه اكبر ربنا هيكشها
نغم / عند حق ... انتى بقيتى كويسه دلوقتى صح
جنه / الحمد الله
نغم / عموما هسيبك انا بقى واروح لو احتاجتى حاجه كلمينى
جنه / ماشي
هدى / رايحه فين ي بنتى ..خليكى قاعده واتغدى معانا
نغم / ربنا يخليكى ي طنط يدوب اروح عشان ماما لوحدها
هدى / ماشى يا حبيبتى سلميلى عليها
نغم / الله يسلمك :)
مجدى بيفتح الباب بالمفتاح ولاقى نغم فى وشه
مجدى / سلام عليكم ... ازيك ي انسه نغم
نغم  متنحه /..............................................
مجدى / معلش جنه تعبتك بس صاحبتك واستحملى بقى :D
نغم / هااا اه صاحبتى
مجدى مستغرب / ............
نغم / عن اذنكم
هدى / فى رعايه الله ي حبيبتى
اول ما نغم نزلت على السلم  حطيت اديها على قلبها واخدت نفسها وقالت /
ببتلخم لما بشوفك ي مجدى مش عارفه ليه وكملت ببتسامه شكلى معجبه ;) ولا ايه
مجدى / جنه مالك
جنه / مفيش بس ماكلتش بس
مجدى / مش قولتلك كذا مره اهتمى باكلك شويه
جنه / م انت عارف انى مش اكيله :D
مجدى / بلا نيله عليكى موكوسه خليكى كدا خلت سنان
جنه / بقى كدا .......... اطلع بره ي رخم ...
مجدى / ههههه بهزر ... خدى الشكولاته دى
جنه / حبيبى ي مجدى ي مدلعنى هاااات
مجدى / ناس تخاف :D قوليلى عملتى ايه فى الشقه هتنفع معاكى
جنه جسمها قشعر وجه فى بالها للى شافته فى الفديو  :( وسكتت
بس عينها اتملت دموووع
مجدى / انتى سرحت ولا ايه
جنه / ها لا مفيش اه حلوه ويلا امشى عايزه انام
مجدى / ماشى ريحى وانا قاعد مع الحجه شويه
_______________________________________
فى بيت يوسف
كريمه / حمد الله ع سلامتك .. اديت لصاحبك المفتاح
يوسف / اه وعجبته
كريمه / مالك ... انت عبان
يوسف/ لا انا كويس
كريمه / اتخنقت مع هيام
يوسف بضيق  / لا بس هصدع وادخل انام شويه
كريمه / ماشى ولما الاكل يجهز هصحيك
_________________________________
دخل يوسف اوضته ورمى نفسه على السرير
ايه حكايتك ي جنه معايا
كلامك ليا مش مريحنى بس انا معلمتش حاجه
وياترى لو انتى  بتتاعملى ناشف كدا ... ليه  ابتسامتى لما شوفتك ع السلم
طب انا ليه اساسا مضايق دلوقتى من اللى حصل >_<
واثناء شرود يوسف هيام اتصلت
هيام / الو ازيك ي يوسف
يوسف / الحمد الله .. عامله ايه
هيام / كويسه انت وحشتنى
يوسف / .....................................
هيام / رحت فين ؟
يوسف / معاكى ... اخبارك بابكى ومامتك ايه
هيام باستفزاز / الحمد الله كويسين
يوسف / دايما يارب ... خارجه فى حته النهارده
هيام / اه خارجه مع اصحابى نتمشى شويه ونجيب حاجات
يوسف / امته
هيام / على 7 كدا
يوسف / طب يبقى خلى بالك من نفسك ومتاخريش
هيام / حاضر
يوسف/ انا اسف مضطر اقفل عشان مصدع شويه وعايز انام
هيام / ولا يهمك الف سلامه عليك ^_^
يوسف / الله يسلمك <3
____________________________________
جنه فى وضتها
استغفر الله العظيم يارب
يارب انسى اللى شوفته
لانه تاعبنى نفسيا اووووى والشيطان كل شويه بيجبه فى دماغى
يارب اصرف عنى وساوس الشيطان وثبتنى على طاعتك
يارب ارشدنى للصواب ونجنى من كل شر وفتنه
--------------------------------
خالد  فى كافيه مع شخصا ما
خالد / حبيب قلبى واحشنى
الشخص / وانت كمان ... عايزين نذاكر سوا
خالد / ههههههه وانا برضو... تنور ي معلم
الشخص / طب اجيلك بالليل
خالد / اشطه بس السجاير عليك
الشخص / ماشى انت تامر
خالد / عامل ايه فى شغل المحاسه
الشخص / حاجه تقرف ي عم ومخنوق منه مش عارف ليه
خالد / ي سيدى استحمل هو جد لاقى
الشخص / وده اللى مصبرنى
خالد / طب اسيبك انا بقى عشان اخرت على البيت وعلى اتصال بقى
الشخص / فى انتظارك ي برنس
--------------------
ياترى مين الشخص المجهول ده ؟  بكره هتعرفوا :)